مذكرة اللي هي ملزمة زي كل اللي على البوابة هنا :d
دي كل المدرسين عاملين وفي الصيف انا بكتب للمدرسين الملازم دي وبناخد حاجات كتير من البوابة هنا وبتبقى قريبة من الكتب الخارجية فعلا بس بص بنسبالي ملازم المدرسين دي تقضية واجب يعني كده نعمل منها الواجب لكن الاعتماد الاكبر على الكتب الخارجية .
بص العربي في مذكرة اسمها اللواء بتاعت مستر اسمه رضا الفاروق دور عليها كده وقولي رايك

دي هنا المذكرة ع بالبوابة

لا برة البوابة بس عظيمة ذاكري منها وطبقى في الرسالة مراجعة نهائية

بس عاوزه أسأل سؤال
الذي ينسب الي قبيله 'بني عذره'
ازاي بني عذره من ملحقات جمع المذكر ممكن يكون سؤال سهل بس معلش عاوزه أفهم
مش ملحقات جمع المذكر اهلون وعالمون وارضون سنون و ذوو و الفاظالعقوظ من 20لحد90
ازاي دي ملحقه

اتلئيك اهتميتى باسم القبيلة على بعضها ومهتمتش ببنى
هى مش بنى عذرة على بعضها الى ملحقة هنا بنى بس من الملحقات واصلها بنين وحذفت النون للاضافة

فى الفصل التالت قصة
?Does michael realise that Rassendyll is not the real king in the coronation ? how do you know
انا اجاوب على السؤال دا ب ايه بالظبط؟

بصي هو السؤال ده غريب وهو عندي في مذكرة المستر ومتجاوبة كان عارف لانه بعت كيكة مسممة والملك اكيد كلها فاكيد مش هو ده الملك
بس هو فالحقيقة ممكن يكون الملك ماكلهاش او احتمال تاني
بس متنسيش ان القصة مش موضحه حاجات كتير في فجوات في بعض الاحداث لانهم مش هيقدرم يلمم الاحداث من النص الاصلي للرواية
ولكن اجابة السؤال كان عارف طبعا لانه كان متيقن ان الملكك مسمم الان

بس هو لو شاف الملك بلحمه وشحمه فى الحفل معنى كدة ان هو هيعتقد ان خطة الكيكة فشلت واحتمال الملك ما اكلهاش واكيد الى قدامة ده الملك الحقيقى ويبقى الحل مش صح . بس اكيد هو عارف ان اخوه بيحب الاكل ومستحيل يكون ماكلهاش عشان كدة ممكن يكون شاكك . انا مش مقتنعة اوى بالاجابة بس ممكن
بس مش ممكن اكتب فى الاجابة حتة الرسالة الى جات لمايكل من كوخ الصيد
ان فعلا الملك اتسمم وتم نقله للقلعة وخلت مايكل شاكك ممكن اكتبها ولا لا؟ هو جيم مجاوبها ان الملك اتسمم فى الكوخ بس
بس لو الرسالة اتبعتت بعد الحفل مايكل اكيد هيقتنع الى قدامه الملك الحقيقى والاجابة هتبقى غلط فلازم الرسالة تكون اتبعتت قبل التتويج

بنون من الملحقات
لا انا فهمه أن بني العذره كاملة

رسالة ايه
دي في انهي فصل ؟

تغرفشي اجيبها منين يا محمد
انا شفتها وعحبتني

المذكرة ؟ لا اطبعها شوف اي سنتر طباعة او كده يكون بيطبع جملة بسعر التصوير و اطبعها
هي مذكرة مدرس و هو من القاهرة تقريبا فهتجيبها منين

اتا هطبع منها النصوص والادب ومعنتش باصص فالاضواء تاني بلا ارف عاكك فالنصوص وحاجة تقرف بس المشكلة ان انا نش لاقي غير الجزء الاول 5 نصوص بس فين الباقي ؟!

ليه كده بس انا بذاكر منه
طب انت شفت المذكره فين؟؟

اكتبي في جوجل مذكرة رضا الفاروق هتلاقيها
مش هينفع بقا اكتب روابط لمواقع تانية هنا

انصحك بالقراءة والقصة كمان

بصوا كده على مذكرة زندا بتاعت مستر حسن الجبالي

معاك الجزء التاني منها ولا لسه منزلش ؟

اه مفوم يا دكتور

أزيكم يا شباب ايه اخبار المذاكرة معاكم :d :d
والله الواحد بعد الي شافه ف الكلية بيقول نفسه يرجع تاني ثانوي

لا انا متابع الموقع اللي بينزلها لسه منزلتش

تمام يا باش مهندس شكراا عالافادة

مش عارفه أنزلها
ممكن الطريقه

الأستاذ خوفنا من الامتحانات

اذيك يا باش مهندس الكلية سهلة ولا ايه :022yb4: :022yb4:

دوسي هنا
https://s14.postimg.org/yri0trrc1/Untitled_1.jpgimage hosting

دلوقتي عندي امتحان ع 11 فصل
مش مزاكره غير 3 اعمل ايه ؟؟؟؟

قصة الأيام ؟

لو علي القصة يبقي افضل طريقة لمذاكرتها هي من كتاب الوزارة تقرأي الفصل و تجمعي الاحداث كلها في دماغك و طبعا المعاني
و تقريبا اغلب اسئلة القصة بتعتمد علي فهم الاحداث مش الحفظ

يا جماعة في نص في رثاء مي
في البيت "سائلوا النخبة من رهط الندي"
مكتوب استخدام حرف الجر 'من' للتبعيض

يعني ايه ؟!

انا هحفظ الاسئله بحيث اخد فكره عن كل قصه
بعدين هذاكرها بالنص بعد الامتحان عشان الحق:(:(

ازااي بقي مش راضي

هو بيقول اسالوا النخبة وخصهم بالذكر شكل اما يقول (اسالو اعظم الادباء عنها عشان هما الى هيقدروا قيمتها بينهم )
طيب النخبة دولا الاقيهم فين طبعا فى المجلس الى هى عملاه (الندى) وطبعا المجلس فيه ادباء وشعراء كتيييير جاين عشان يتناقشوا وكدة
هو لم يقل اسالوا ادباء المجلس كلهم عنها بل النخبة من الشوية الى فى المجلس بتاعها

معنى كدة ان النخبة دولا بعض او جزء من الادباء الكتير مش بيمثلوا المجلس كلو بس هم من 3 الى 10 وهما شوية بالنسبة للمجلس كامل بعض منو .فجات تبعيض من كدة

بالظبط كده اتفق
ولاحظوا ان حجى مكتوبة غلط فالاضواء هو كاتبها حجا
و ويك اسم فعل مضارع مش امر خطا مطبعي فكتاب الوزارة واتعدلت من الوزارة
ثالثا محدش يذاكر النص ده من الاضواء عشان عاكك فيه

اذاكره منين طيب

متاكد ان ويك اتعدلت ؟
المفروض نذاكر الكتاب بغلطه

ويك تعدلت اه شفت تعديلات كتاب المدرسة وموجودة هنا على البوابة

يعتي ينفع لو الكتاب كتب فاعل منصوب احفظها منصوب 😭
هي اسم فعل مضارع وممكن كمان تشوفي النشرة اللي اتوزعت عالمدرسين بالتعديلات واسالي مدرسك

المستر برضه قالنا علي موضوع ويك دي و عدلناها

حد معاه كتاب الرسالة شرح واللي عنده معلومة عنه يقول وحش او حلو كده
لان الاضواء مش عاجبني ناقص كتير في معانيه وحاجة اخر لغبطة

معايا اه بس مش حلو وفيه اخطاء كتير اللي حلو جدا في التطبيق الرسالة مراجعة مش شرح

هى مش حكاية حفظ . متنساش ان التصحيح بيكون تبع الكتاب المدرسى . الكتاب عاملها اسم فعل امر يبقى لازم اسم فعل امر هم المدرسين الى علمونا كدة ده احنا بنشوف بلاوى فى التصحيح مدرسين مغيبين مش عارفين حاجة . حاجة غير النموذج بيحسبهالك غلط حتى لو كانت صح ,بس كويس ان هما لحقوا نفسهم (غلطة كبيرة)

انا ما بخدتش درس عشان اعرف ان فى حاجة اتعدلت . ماشى هشوف النشرة

انا معايا كتاب الرسالة . هى مساوءه اكتر من مميزاته دنا كنت بدور على الاضواء بس الحمدلله ملقتهوش بس بعد الكلام الى قلته مش عايزاه خلاص

الرساله عيوبه النص فى معانى ناقصة كتير والجماليات الاساسية مش كاملة وفيه ملاحظات على النص مبتكنش كاملة بردو ولو اعتمتد عليه كمصدر اساسى هروح فى داهيه انا معايا الاضواء بتاع السنة الى فاتت كنت بزود على الرسالة منه بالهبل حاجات مش موجودة اصلا فى الرسالة
وتعتبر مميزاته فى الادب وممكن شويه فى القصة
فانا بحمل مذكرات من على المنتدى على كل نص عشان تساعد مع الكتاب

موضوع التزويد ده انا جربته بياكل وقت جامد
انا شكلي كده هطبع اي مذكرة واذاكر منها وخلاص
انا كده كده فالقصة والقراءة بحفظهم من نص الكتاب
النصوص بس اللي ممثلة مشكلة
وحتى المعاني بردك فالقصة والقراءة مش كاملة فالملخص
تقريبا ملازم المدرسين افضل معرفش ليه
صحيح انتي مبتخديش درس عربي ؟!

هو اه بياكل وقت بس مينفعش اعتمد على الرسالة لوحده
القصة والقراءة ميمثلوش مشكلة فى الاسئلة المقالية اعتماد كلى على الحفظ بس احنا بنشوف حاجات غريبة وعجيبة فى الاختيارات بتاعهم . انا مابخفش غير من المعانى بتاعهم

انا اخدت اول شهرين والمستر عقدتى فى عشتى من كتر البساطة الى فيه فقلت مستحيل انى مكملة

بصراحة أنا مش شايفه الأضواء وحش خالص ف النصوص
جايب معاني كل الكلمات
عببه بس ف التعليق

Hay lam...!

لما تدخل هتعرف وتقول الثانوية ارحم بكتيييييييير
بس شد حيلك ف الثانوي اعم

اها فعلا
ربنا يستر بقا

اها بس اعتقد ممكن تدوري عمدرس تاني اصل العربي مادة عايزة مدرس متمكن من كل حاجة

وانا الاقى المدرس المتمكن من كل حاجة دا فين . ماشاء الله عندنا المدرسين لازم يكونوا مسقطين فرع منهم
فانا ريحت نفسى من وجع الراس وماخدتش اصحابى بيقولولى مينفعش كدة هضيعى نفسك لو دا مش عاجبك روحى لواد تانى. بس مش مستاحلة اصلا

احياء
لماذا يفضل العلماء التلقيح الخلطى عن التلقيح الذاتى ؟