خدنا مي زيادة و الديوان و التعليق في حصة بس حسيت انه كروت اخر 10 ابيات

العربى كتاب الوسام حلو وشرحه جميل فى كل الفروع
بس القصة الرسالة احلى

محمد ، عامل ايه في الرياضة واصلين لحد فين ؟
احنا خلصنا الجبر و فاضلنا اخر وحدة في التفاضل و باقي حصة او حصتين تقريبا و نخلص الفراغية كمان
الميكانيكا الحمد لله مانعرفش فيها حاجة

بس عايز اراجع علي الحاجات اللي خلصت دي عشان الجبر بالذات بيتنسي بسرعة ، و التفاضل عشان خلصناه من بدري و المستر بقاله كتير جدا ماعملش امتحانات فللأسف ركنته

كلمه ضعه مصدر ثلاثي؟؟؟
بمعني زله وهوان

الجبر لسه مدخلناش فيه اصلا و خدنا باب فراغية وباب تفاضل ومدخلناش في الديناميكا و 4 ابواب استاتيكا
بص بتحل منين ؟ غالبا من مذكرة مدرسك والمعاصر صح ؟ هات لامي والفرع اللي تخلصه حله من لامي مش هيتنسي ان شاء الله ومش هيتركن
ايه اخبار الجبر والتفاضل ؟ الاستاتيكا حلوة مع اني مبحبهاش بس لطيفة :d

حاليا في الرياضة بحل الواجب من ملزمة المدرس و خلاص ، المعاصر مابحلش فيه كتير كتير بالذات التفاضل للأسف
بس من كام يوم حليت منه شوية في الجبر علي مبدأ العد لقيت افكار اول مرة اشوفها و عرفت انه مهم و لازم الواحد يحل منه لدرجة في سؤال علي مبدأ العد خد مني حوالي نص ساعة عشان افهمه و احله

التفاضل حلو و سهل جدا و احلي حاجة فيه انت كله مرتبط ببعضه و فهمه سهل و افكاره بتتكرر
الجبر مشكلته انه كل وحدة مالهاش علاق بالتانية ، يعني عندك تباديل و توافيق ، و ذات الحدين ، و الاعداد التخيلية ، و المصفوفات و المحددات
مفيش حاجة شبه التانية فعشان كدا بيتنسي بسراعة و من رأيي ده اللي محتاج مراجعة اكتر من التفاضل

المستر بيجري معانا جامد لدرجة ان الفراغية خلصنا اول وحدة فيها امبارح و كانت الحصة الرابعة .. متخيل خلص وحدة كاملة في 4 حصص !!

ضعة .سمة. عظة الوزن دا بيبقى اسم مرة
هى ضعة جاية من وضع فالمصدر هيبقى وضاعة

متخيل اه واحدة عشان خدناها في 4 حصص برضو و كده خلصت نص الفراغية على فكرة :d
لا بص المعاصر حاول على قد ما تقدر مهما كانت المذكرة كويسة ولامة افكار بس حاول المعاصر و كتاب المدرسة او لامي و كتاب المدرسة وفي نفس الوقت لو حسيت ان في مسائل اتقل من الطبيعي تجنبها
اه المعاصر مسائله كتيير بس حاول تحل المعظم عشان اما اتزنق في حاجة مليش غيرك هنا :d

ازاي اسم مره؟
بيبقى ع وزن فعله

ايوة . فعله (وضعة) الواو اتحذفت ضعة دا الى كان فى دماغى ملكيش دعوة بيه :p

انا سالت مدرسة لغة عربية عشان اتاكد
قالتلى فعلا مصدر صريح (ثلاثى) شكل اما قولتى . وكل الى على وزنها كدة ( ثقة - هبه - سمة -عظه ....)

التفسير هطبق على عظة عشان مصدرها هيبان اكتر

عظة مصدرها الصريح (وَعْظ) هتتحذف الواو وبدل الحرف الى اتحذف دا هيتعوض بالتاء فهتبقى عظة وكدة الحروف مفيش حاجة نقصت منها عشان التعويض بالتاء
وهكذا فى ضعة
وضع - ضعة بعد التعويض

شكرا فهمت
هي اسم مره الإجابه

اسم مرة بجد؟؟ يعنى انت لاقيتى الاجابة فى الكتاب ولا المستر بتاعكو ال جاوبها كدة . جاوبها اعتمد على ايه؟

بس ما اظنش هتبقى اسم مرة . هى مصدر صريح ثلاثى اقتنعت بالاجابة
عشان الواو الى اتحذفت من الفعل عوض عنها بتاء تانيث وضع ضع ضعة

بالنسبة لاسم المرة ليه اتحذفت الواو والمفروض الوزن يبقى فعلة ليه بقى علة هو اعتمد على ايه عشان يحذف فاء الفعل
والمفروض اسم المرة منها وضعة على وزن فعلة

لا انا بسأل هتبقى الاجابه اسم مره ولا لا
هل المستر وأقول ك

لأ مش الاجابة . اجابتك صحيحة مصدر لفعل ثلاثى

ماشي يا حبيبتي شكراا

سؤال في الفيزياء علي اجهزة القياس

متي تكون القيم الاتية تساوي صفر :

1-قراءة الفولتميتر في دائرة مغلقة بها مصدر كهربي و متصل بين نقطتين
2-قراءة الاميتر في دائرة مغلقة بها مصدر كهربي و متصل بين نقطتين

مش متأكد بس ممكن
اصلا الجلفانو يعتمد ع عزم الازدواج وعزم الاذدواج بينعدم أما تكون مستوي الملف عمودي علي خطوط الفيض يعني ف مستوي رأسي
والاميتر بردو أصله جلفانو يبقي نفس الاجابه

مصدر السؤال؟!
الاجابة من وجهة نظري المتواضعة
1-عندما يتصل الفولتميتر على التوازي بسلك توصيل عديم المقاومة فالتيار لن يمر فالفولتميتر وبالتالي هيدي قراءة صفر او بتفسير اخر ان الجهد هيكون متساوي عند هاتين النقطتين.
2-عندما يتصل الاميتر او مجزئ التيار على التوازي بسلك توصيل عديم المقاومة فالتيار هيمر في السلك ويسيب الاميتر فمش هينحرف المؤشر
معرفش بقى يمحمد غير كده اننا نوصل النقطتين دول بسلك توصيل مهمل المقاومة وفي كلتا الحالتين هيدي قراءة صفر

مينفعش تقولي اما الملف يكون عمودي علي خطوط الفيض لأن مابتحصلش
ناسية قطبي المغناطيس اللي في الجلفانومتر شكلهم مقعر او علي شكل حدوة فرس ليه ؟
عشان يخلي شكل خطوط الفيض علي هيئة انصاف اقطار ، فالملف دايما في اي وضع بيبقي موازي لخطوط الفيض

انا رأيي من رأيك برضه بس اشك ان فيه حل تاني
السؤال من كتاب المستر بتاعي ، و بصيت في كتاب الامتحان مالقتش زيه

بتكلم ع عزم الأزواج بينعدم أمتي
لو انعدم مش هيبقي ف تيار اصلا

بسيطة ........
متسال المستر بتاعك وترد علي 👌😃

ي جماعه مش الجلفانو بيعتمد ع عزم الاذدواج المؤثر ع ملف حر الحركه موضوع ف مجال مغناطيسي
والعزم يساوي $bian sin
يعني لو العزم أعدم التيار هبنعدم

مالعزم عمره مهينعدم اصلا
امال هم عاملين قطبي المغناطيس في الجلفانو مقعرين ليه
عشان يكون مستوى الملف موازي في اي وضع للفيض

الحصة الجايا ان شاء الله ، يارب مانساش بس :rolleyes:

ان شاء الله مش هتنسى اكتبها على ايدك 😂 او اظبط المنبه
او اكتب الاسئلة في ورقة وحطها فالدرس الجديد اللي هتاخدوه وهتفتكر وابقى قولنا وصلت لايه

اختلط عليا الأمر
صحيح والعزم مش بينشا
غير ف ملف حر الحركه يمر فيه تيار موضوع ف مجال

يا جماعة شوفو الاسئلة دي كدا

ماذا يحدث مع ذكر السبب

1-قراءة الفولتميتر بطرفي البطارية عند نقص المقاومة الخارجية في الدائرة المغلقة؟

2-سلك مستقيم يمر به تيار كهربي موضوع موازيا لمحور ملف لولبي يمر به تيار كهربي

صنف الشيخ العلم الي علم الازهريين وعلم القراء وعلم اللدني
ما اوج الشبه والاختلاف بين اللعلوم التلاته
كتاب المدرسه الفصل الثامن بالتحديد

يا جــماعه لو سمحتم لو في حد (علمي رياضه) ممكن يقولي علي مذكره جميله في شرح الاستاتيكا ويكون فيها تمارين محلوله

الافضل المعاصر او لامي المذكرة مبتبقاش وافية ولامة الافكار زي الكتاب الخارجي

انتو فين يا جماعه

انتو فين وعاملين أي؟ ؟

المدرسين بدأوا يسحبوا ويجروا بقى والناس وراها حاجات متكومة متراكمة
تقريبا حاسس إن الجد بدأ خلاص

الحمد لله الذي لا يحمد على مكروه سواه

طبعاً طبعاً
أخبار الدراسه أي وانت و فين

الحمد لله ربنا يسهل الامور

http://www.thanwya.com/vb/showthread...=1#post6542532
ابقوا شوفوا دي حلوة جدا

رجالة علمي رياضة بعد إذنكم
اللي معاه المعاصر جبر وتفاضل ؟ الكتاب أسئلته كتيرة كده زي الميكانيكا ولا مش أوي؟
احنا بنشتغل من ١٠٠٪ مع الأستاذ بس خلصنا استاتبكا فجبت المعاصر مبكانيكا عجبني أوي كمية الأسئلة فيه
دلوقتي احنا في التفاضل ف١٠٠٪ تقريبا بيحط تمارين كتاب المدرسة وكام تمرين جنبها 'تأدية واجب' مش أكتر
فبفكر أجيب المعاصر كمان بحتة بحيث أشتغل كتير يعني ؟؟

بحس ان 100 % الاسئلة مش كتير يعني المختصر المفيد فغالبا بحتاجله اما اجي اراجع اللي هو مثلا حاسس اني نسيت العزوم فارجع احل كده يعني لكن المعاصر او لامي اشمل بكتير وفيه افكار اكتر + ان 100 % الاخطاء في كتاب الاجابات كتير ومش متراجع كويس وبصراحة برضو مبقدرش اخلص كل افكار المعاصر بحاول اخلص اللي اقدر عليه

ربنا يوفقنا جمييعا السنه دي يارب
انا عندي مشكلة اني محتارة جدا اذاكر الفيزيا من انهي مصدر
ادامي كتاب الامتحان وادامي مذكرة لمستر ومذكرة لمستر تاني وكشكول للمستر بيشرحلي فيها وكل مصدر من دول فيه حاجات مختلفه عن التاني
حد يفيدني

وحدي مصدرك إلى بترتاحيله واقراي من الباقي أن في جديد زويد ف مصدرك

حد سمع عن ااقرار اللي نزل ان معدش فيه اسئلة اختياري
لازم هنحل الاربع اسئلة

انا هذاكرمن كتاب الامتحان ولو فيه زيادات في اي كتاب ابقا اضيفها في كشكول
شكرا علي الرد يا نور

علمي رياضة
تفاضل
كتاب المدرسة ص٦٨ آخر سطر خالص
بند تفكير ناقد
المشتقة الأولى =٣س٢+٣
لما نيجي نجيب النقط الحرجة نحط المشتقة الأولى بصفر
٣س٢+٣=٣(س٢+١)=٠ ما تتحلش في ح
لما جيت ارسم الدالة بأبلكيشن ع الموبايل اسمه graphing calculator
طلعلي كده
http://www.mrkzgulf.com/do.php?img=495550

آسف يا جماعة كنت راسمها غلط
الرسم الصح
http://www.mrkzgulf.com/do.php?img=495673

التعريف بالشاعر تقرأه بس وتكون عارف الشاعر بتاع كل نص
اما المناسبة بتتحفظ طبعا

بتهيألي التعريف يتحفظ برده
لأن في مايو ٢٠١٢ سأل في نص المساء : لقب خليل مطران بشاعر (النيل-القطرين-الأطلال-الشباب)

والإجابة موطودة في الكتاب عندنا في ص٥٣ السطر التالت والتاني من تحت

الشاهد : تقريبا مفروض علينا نبقى حافظين أي حاجة بين جلدتين كتاب المدرسة
باستثناء المعاني من جوه ومن بره

فيه نماذج على موقع الوزارة دلوقتي
كيمياء - فيزياء أحياء - جيو

ياريت حد يساعدنى يا جدعان انا ضايع خالص 😭
الفيزيا مش عارف اذاكر النظرى منين يعتبر مش بذاكره انا بحل المسائل و كويس فيها لكن النظرى ضايع
و الانجليزى ال skills ضايع مبعرفش اكتب برجراف كمان لان المدرس عندنا مهتم بال choose و ال find the mistake
ياريت حد يقولى اذاكرهم و احلهم منين
و العربى مش عارف احنا كدا متاخرين ولا ماشيين عادى المدرس خلص القراءة و القصة بس ماخدناش غير غربة و حنين و الادب بتاعه و للاسف انا نص فالحاجات دى مكنتش بديها وقت للمذاكرة و بداكر مواد تانية على حسابها مش عارف اعمل ايه 😕