علاء عبد الفتاح
Alaa Abd El Fattah
الأخوان فرحانين انهم علموا علينا، اقف في الطابور، مبارك و داخليته و بلطجيته، و طنطاوي و جيشه و مواطنينه الشرفاء، و مرسي و مرشده و خرفانه، كلهم علموا علينا بالمدرعات و الهراوات و الجمال و الرصاص و الخرطوش و في سلخانات في الأقسام و السجون و المتحف و القصر.
انت اللي علمت على نفسك لما اخترت تقف في طابور الطغاة و تتشفى بدل ما تقف معانا في صفوف غير منظمة تبكي على شهيد و لا جريح ولا معتقل.
انت اللي علمت على نفسك لما اخترت تحتفل بفحولة السلطة المدعمة بالغاز و الرصاص و الخرسانة بدل ما تقف معانا تحتفي بضعف اجسادنا المدعمة بقناع او كوفية.
علمت على نفسك لما اخترت صف يزيد و تركت صف الحسين، خليك فاكر ان في كربلاء كما في محمد محمود انتصر الدم على السيف
|
