|
حلو اوى بجد الجروب ده انا حاسس انى فى وسط اصحابى ربنا يوفقنا وينجحنا يارب :) انا كنت عايز اسأل سؤال بس اجيب كتاب ايه فى العربى يكون شرحه حلو وتدريبات وكدة انا سألت صحابى على كتاب الامتحان قالولى متجيبوش دلوقتى هات كتاب الوسام فأنا كنت عايز اعرف لو حد اشترى كتاب الوسام ياريت يقولى حلو ولا لأ والسعر وكدة ولو فى كتاب احسن ياريت يقولى والنبى عشان لحد دلوقتى معرفش ولا كلمة فى العربى وعايز اذاكره شكرا :) |
اقتباس:
مش هو عدد المولات موجود اصلا فى المعادلة؟ قصدى ان 2nh3 معناه ان عدد مولاته 2 مول ولاايه؟؟؟ |
اقتباس:
اها ان شاء الله الحل صح بس ليه حط الكتل دى -_- بص اكن هو مدكش ال 20 لتر بتاعت النشادر اعتبرها مجهولة كدة يبقى nh3 ال h2 وال n2 44.8 لتر 4 فى 22.4 س لتر 40 لتر هتطلع 20 لتر |
اقتباس:
ال40 دى جات منين؟:) |
اقتباس:
وبعدين انتو لسة فى اول السنة ومع كثرة الحل مع المدرس هيبقا عندكو خبرة حتى لو مش عارفة الاجابة وخمنتيها هتلاقيها صح الخبرة بقا بتيجي بس اودام شوية ;) انتو داخلين حاميين اوى بلاش الحماس اللى فى البداية ده لأنكو هتيجلكو فترة وتكرهو فيها ام الكتب ومش هطيقو تقعدو عالكتاب نص ساعة واه لو الفترة دى فى اخر شهرين :blush: ربنا يستر بقا بس اهدو كده شوية :bosyht9: السنة طويييييييلة والله ياولاد اخر شهرين هتجمعوا فيهم كل حاجة فى المراجعة ان شاء الله يعنى متخافوش :bosyht9: |
يا شباب دلوقتى انا سألت دنيا عن موضوع الجيولوجيا و انكو عايزين تبدأوها ف شهر 12 ..
قالتلى ان الافضل انكو تبدأوها ف الاول مع باقى المواد كدة .. لان بالطريقة دى هتخلصوها بدرى و يمكن تخلصوها هى اول مادة .. و دة هيديكو فرصة و وقت كبيير للحل عليها .. لان الجيولوجيا محتاجة حل كتيييير .. هى بتقول انهم بدأوها ف اواخر شهر 8 و خلصو المنهج كله قبل اجازة نص السنة بالظبط .. و الترم التانى بدأوا مراجعات .. و خلصو مراجعه المنهج قبل الامتحانات بشهر و نص و قعدو ف البيت و مكنوش بيروحو الدرس عشان المستر بتاعهم قالهم انه عايز يهتم ببتوع الاحياء ( مدرس الاحياء هو هو مدرس الجيولوجيا ) .. و بتقول ان الشهر و نص اللى قعدتهم دول هم اللى نجدوها لانها مكنتش عارفة تذاكر كويس و تلم الدنيا ايام المذاكرة و ايام المراجعه هى بتنبه على نقطة الحل الكتير دى لان الجيولوجيا مش بتثبت الا بكتر الحل و التكرار الكتير .. لكن لو بدأتوها متأخر يمكن تكروتوها ف المذاكرة او ماتذاكروهاش بضمير يعنى لانكو هتبقو قلقانين .. بتقول ان الجيولوجيا محتاجة من 5 ل 7 حصص .. و علوم البيئة محتاج حوالى 4 حصص ربنا يوفقكو و يا رب يكون كلامها فادكو .. اى حاجة تانى قولولى و انا ابلغكو :) |
اقتباس:
انا كنت عايز اسالك الامتحان الصعب بيكون شكله ايه اصلى مقتنع انك على قد ما هتذاكر على قد ما هتلاقى الامتحان سهل وبالرغم من كده بلاقى ناس متفوقه و بتقول على امتحانات معينة صعبه |
اقتباس:
|
حد جاب حاجة للجولوجيا دى يا جماعة انا باخد مع مدرس وطاير فيها وده كله بيتراكم عليا ومش لاقى ولا كتاب اذاكر منه باخد ورق مختصر جدا جدا جدا
|
اقتباس:
ال30 لتر بتاعت الهيدروجين وال10 لتر بتوع النيتروجين جوم منين؟ معلش اصل اخوك دماغه على قده :d |
اقتباس:
احنا اول حاجة مش عملنا المعادلة وطلعنا الهيدروجين لوحده والنيتروجين لوحده غير انت شكل المسأله اكنك مش عارف ال 20 لتر بتاعت النشادر وعارف ان حجم الهيدروجين 30 و عارف حجم النيتروجين 10 اللى احنا حسبناهم اول حاجة يعنى اعملها كدة واتأكد من الناتج بنفسك نشادر هيدروجين + نيتروجين 44.8 لتر 22.4 فى 3 + 22.4 اللى هى يعنى 4 فى 22.4 س لتر 30 لتر + 10 لتر اللى حسبناهم قبل كدة اول حاجة هتطلع النشادر 20 زى ما مكتوب فى المسألة فى المعطيات ده كله للتأكد من الحل مش اكتر |
اقتباس:
تعبتك معايا :) |
اقتباس:
لا تعب ولا حاجة والله ولو مفهمتش بردو معاك كلنا نساعد بعض مفيش مشكلة |
دى جملة اختيار من متعدد ارجو الاجابة عنها:) الفلزات فائقة التوصيل تمتاز بـ: (زيادة مقاومتها لسريان الكهرباء--زيادة المقاومة النوعية--نقص مقاومتها لسريان الكهرباء---انعدام مقاومتها لسريان الكهرباء) |
اقتباس:
بص الامتحان الصعب ده شكله ازاى .. انا مثلا ف امتحان زى الاحياء اللى الناس اشتكت من طوله .. او العربي او كدة ... او طبعاا بعبع الثانوية العامة اللى هو الفيزيا .. انت بتبقى قاعد ف اللجنه ف حالة عصف ذهنى بتسترجع كل المعلوماات اللى انت عمال تحشر فيها من اول السنة .. بمجرد ما يواجهك سؤال تستصعب استرجاع معلوماتك عنه بتقول السؤال ده صعب .. لان معلوماته مش حاضرة ف ذهنك .. طب ليه معلوماته بقى مش حاضرة ف ذهنك .. ممكن يكون عيب مذاكرة .. او عيب مراجعه .. او يكون السؤال مصاغ بطريقة مختلفة تخليك محتار هو بيتكلم عن انى جزئية بالظبط ف المنهج مثلا .. ف بالتالى مابتبقاش عارف تحاول تركز على انى جزء من المنهج بالظبط عشان تسترجع معلوماته .. هى دى الاسئلة اللى بتبقى صعبه .. وهى دى الامتحانات اللى بتبقى صعبة .. هى الامتحانات اللى طريقة صياغه الاسئلة فيها مختلفة عن المعتاد او اللى انتو متعودين عليه يعنى .. ف بيبقى فى صعوبة ف استرجاع المعلومة .. و كل ما عدد الاسئلة الغريبة دى زاد ف الامتحان كل ما كان الامتحان دة تصنيفه انه امتحان صعب و الشكاوى زايده منه و كدة .. عايزة اقلك على حاجة .. فى ناس متفوقين اه .. بس معتمدين جدااا ع الحفظ مثلا .. دول بيطلعو يشتكو من الامتحان اللى الاسئلة المختلفة اللى بقولك عليها دى لو جات فيه على اجزاء من الفهم الكويس .. فى كمان طلبة مابيروحوش لمدرس كويس يشغلهم منكتاب المدرسة .. ف يذاكر و يموت نفسه مذاكرة بس من الملخصات و الملازم و كدة .. دول بيطلعو يشتكو من الاسئلة اللى بين السطور .. انا شخصيا كنت طالعه من امتحان الانجلش ف تانية ثانوى بعيط و منهارة و فضلت يومين بعدها عمااااالة اعيط بانهيار .. و مع ذلك جبت 25 فيه الحمد لله .. ف برضه ماتاخدش اوى على رأى الطالب اللى لسه خارج من اللجنة طازة .. انا طولت عليك معلش :) .. بس انتو عارفين بقى ان انا رغاية :) |
| جميع الأوقات بتوقيت GMT +2. الساعة الآن 02:07 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.