الواسطة فى التنسيق ؟؟؟حسبى الله ونعم الوكيل انا بنتى جايبة 96% وملحقتش مرحلة تانية وجايبة الدرجات النهائية فى الكيمياء والاحياء والجيولوجيا والفرنساوى والانجليزى وظلموها فى العربى والفيزياء وليس لنا الا الله فهو حسبنا ونعم الوكيل

ازاي ملحقتش مرحلة تانية ؟

لا لا مفيش الكلام ده اى كان الخطأ فى التظلم مش بيظهر دلوقتى
ليه معاد محدد انا مش عارفة التاريخ بالظبط بس مش دلوقتى
بس الكل بيقول ان السبب فى الحافز الرياضى
ومش عارفة الكلام ده فعلا ولا ايه

الحافز الرياضى ده بيبقى للطلبة اللى واخدة بطولة الجمهورية فى السباحة او التنس او اى رياضة يعنى
طيب ما انا واخدة المركز التالت فى الشعر على الادارة بتاعتى ازاى مش اخد حافز ؟؟

يا جماعة
انا قرات علي اليوم السابع ان الوزير امر بالتحقيق مع 30 طالب
لانهم اخذوا درجات مش من حقهم بحجة الحافز الرياضى وانهم اساسا مش مارسوا رياضة و لا غيره
دول زوروا وضربوا ورق بيثبت انهم اخدوا بطولات علي الجمهورية

ممكن تكون البت دى منهم

يا جماعة انا عارفة واحد كده
هوا جايب 90 ودخل هندسة
ولما سالناه قال انه كلم حد وسطة وعمله حافز رياضى بالتزوير
واداله 8 درجات زيادة
ودخلوه هندسة عادى
مش عارفة ازاى برده
وبيقولوا ان فى حافز ثقافى كمان

طييب مش المفروض لو فى حافز رياضى يكتنبوا المجموع بعد الحافز ولا ايه طييب خلينى معاكوا الحافز الرياضى خليه 5%بالنسبه اللى داخل هند سه ب 87.32 خطى 5% يبقى ايه حصل بردو هندسه

مش حضرتك قلت ان طب قنا وطب اسوان اقربلك
طيب لو عملت تحويل لطب قنا هتروح هناك حتى لو مجموعك مشش جايبها

عادى من كام سنة اختى جالها طب القاهرة وحولت طب اسيوط وكانت اعلى منها بكتير اسيوط

هناك عدة احتمالات لكن أنا أؤيد الحافز الرياضى لأنى أعرف أن فى ناس أخدت 15 درجة حافز رياضى
ويمكن أكثر بس لازم تكون جايب الأول فى رياضة معينة والله أعلم

انا شفت واحد 94 دخل بترول ونعدين السويس

بس مش الحافز ده مش بيتعدى الــ 5 درجات ؟؟ طب لو واخد حافز رياضى طب يكتب حتى فى النتيجه ولا ايه ؟؟ او يزود النتيجه مثلا من غير ما يكتب الحاافز ده ؟؟ طب ازاى 94 ومرحله اوووووووووووووووووولى يا ناس ؟

أحيييييه وكمان بيزوروا الحافز الرياضى
أنا لست ضد الحافز الرياضى لكن أن ضد التزويير

انا شوفت واحد جاب 90.4 ودخل هندسة القاهرة والوزير قال انه واخد 28 درجة محفز رياضي

بالنسبة للتظلم
ممكن الواحد يشوف له أحد فى الكنترول يقدملك موعد التظلم بتاعك
وأعرف ناس عملوا كده ورحت معاهم كمان

احمد الديب

نفى الدكتور أحمد فرحات، رئيس قطاع التعليم بوزارة التعليم العالى، ما تردد عن وقف درجات الحافز الرياضي، مشيرا إلى أنه سيتم الاستمرار في منح الحافز وفقا للمعمول به في الأعوام السابقة.

وأضاف فرحات أن الوزارات المختصة ستقوم بإرسال كشوف بأسماء الطلاب المستحقين قبل إعلان نتيجة الثانوية العامة، ولا يجوز إضافة درجات الحافز الرياضي في حال إرسال هذه الكشوف بعد الموعد المحدد إلا بموجب خطاب من الوزير المختص