|
ما شاء الله الموضوع فعلا جامد
ومش هعلق على حلقة حلقة لانهم احلى من بعض خصوصا اخر مشاركتين بواسطة محمد ناصر ونجم المشاعر استمر في رعاية الله |
متابعة جدا
جزاك الله خيرا |
بسم الله الرحمن الرحيم
اسعد الله صباحكم اعضاء منتدانا الكرام طبعا مشرفتنا الاداريه همس امبارح اعلنت اننا فتحنا خدمة البريد وهي بصراحه اعلنتها بعد ما قولتلها بساعتين وشكلها هتروح من النشره بدري بدري :stickjo4: طبعا العضو sai لما صدق اننا فتحنا خدمة البريد وراح ملبسنا في اربع اسئله انما ايه (عجبي) وده بيدل علي كبته الفضولي وشغفه لفك شفرة ( اسباب اداريه ) ومع اني محذر همس انها متستقبلش او ترد علي اي اسئله من غير فلوس :stickjo4: وده سبب تاني تخليها تروح برضه بدري بدري:) هتوحشينا يا همس :) تحذير بسيط كده ممنوع تلقي اي رساله بريد من قبل المشرفه الاداريه همس بدون دفع الرسوم التاليه 0.1 ضريبه ملاهي 0.4 رسوم تنميه وخمسه جنيه تمن الرساله عشاان انا بجري ورا كوم مراسلين في المحطه وممكن يروحوني بدل همس لو الفلوس مندفعتش :d وكان اول بريد معانا بيسال فيه العضو sai هو : هو اول سوال ابتداه برخامه بس عادي :) 1-هو ليه الأسطورة رجع عضو تاني"المشكلة يعني " 2-نفس السؤال عن أحمد رضا بص انا هقولك حاجه (طبعا انا حذفة كلمة حضرتك الي كانت همس كاتباها عشان للاسف مدفعش الفلوس):) نفسي كل الاعضاء تعرفها استاذ اشرف في حاجات مش بيقولنا عليها .. يمكن ماشي بمبدأ المساواة ... عشان كدا تلاقي في اسئلة احنا مش قادرين نجاوب عليها ومش عارفين نقولكم ايه فيها .. بالتالي الاعضاء او بعض الاعضاء متهمة الادارة انها مش كويسة وفي بالهم اننا عاملين زي اشرف ومش عاوزين نقول وخلاص .. ومش قادرة اعرف مين وصلهم الاحساس دا لحد دلوقتي .. للأسف هقولك مش عارفة ولا حد فينا يعرف و"من قال لا اعلم فقد افتى " انا اذود حته بقي من نفسي واظن انا رئيس القناه : طبعا انا مسبتش الموضوع يعدي بالساهل رحت عامل حوار مع الاسطوره وكان كلاتي ( طبعا الاسطوره بعد ما ساب الاشراف الاداري راح اشتغل تبع جيش الرومان والمعروف ان الاسطوره مبيبقاش ليها زمن معين والله يسامح الي خلاني ارجع بالعصر لورا ( او المغرب مش فاكر) :) عشان بصراحه انا اخدته من وسط الحرب ) المذيع : السلام عليكم .....ازيك يا اسطوره الاسطوره : انا تمام والحمد لله بس انا كمان خمس دقايق هسئلك انت كويس ولا لا عشان لو خسرنا هخلي رجالتي ططحنك المذيع : احم ..احم هحاول بس اوعي تعمل فيا كده:giljotiiniug3: المهم انت تعرف ايه هيا الاسباب الي خلتك تترفع من الاشراف الاداري في عصر الالفيه الثاله عشان متلخبطش الاسطوره : للاسف والله العظيم معرفش لغاية دلوقتي ايه هيا الاسباب المذيع : متحلفش يا راجل مصدقينك هو انت شويه بصراحه معنديش اسئله تاني تحب تقول ايه للاداره الاسطوره : عاوز بس اسلم علي حبيبي اشرف المذيع :اوعدك انه هيوصل بس متسالنيش انت كويس ولا لا عشان مش عاوز اموت . طبعا مردش عليا ومشي بالموكب وكالعاده سابوني برضه لايص وسط المعركه وشكلها هتبقي ظاهره وده ميلقش برئيس قناه زي لازم نعين حد يختص بالحكايه دي وكده يا اعضاء منتدانا العزيز جبنالكوا الاجابه من فم الاسد لتبقي الاجابه مدفونه مع لغز غرق عبارة السلام السؤال الثاني 3-بالنسبة للمجموعات الإجتماعية أنا عارف إن أشرف قال أسباب إدارية بس إيه الأسباب دي أنتوا قلتوا إن مفيش أسباب إدارية بعد كدة مين قال مش في اسباب ادارية .. تقدر تقول اسباب اشرفية والله اعلم بس انا كل الي اقدر اقوله المجموعات دي عاملة انقسام في المنتدى بالتالي عدمها كان احسن وانا شايفة اننا نتجاوز الحتة دي .. طالما كلنا مع بعض هنا وهو دا الشئ الي احنا عاوزين نوصل ليه .. اننا نكون كلنا مع بعض .. خلاص يبقى مش في داعي نزعل عشان المجموعات الاجتماعية .. ونتجاوز الموضوع دا .. وفي حاجات كنت عايز أسئلها لأشرف أو مشرفة الأقسام الإسلامية مش بردو المواضيع تبع السنة لو الموضوع فيه موسيقي يبقي مخالف ولا لأ واخر سؤال برضه ختمه برخامه لا ده انت قاصد بقي :d طبعا انا مش فاهم سؤالك ولا انا ولا همس ياريت توضيح وانا شكلي هستعين بصديق ليا رئيس قناه برضه عقبال متفهمنا سؤالك شكر خاص جدا للعضو sai علش مشاركته معانا وشكر خاص جدا جدا بجد للعضوه همس علي الاجابه للاسئله وانتظرونا مع الفقرهالجايه وبعنوان يحكي ان : وده نص للتعريف بيها اقتباس:
كان معكم محمد ناصر من من داخل معركة الرومان وللاسف مش عارف اطلع ادعوليييي (((( بث تجريبي )))) |
حلوة والله النشرة دية بس متجبوش سيرتى فيها
ومتباعة ان شاء الله |
هههههههههههههه
ااااااااااه انا فعلا تأخرت لان جالي استدعاء عاجل جدا من ماما ربنا يديها الصحة وطولة العمر لان كنا رايحين مشوار ولو كنت رفضت مش كنت هعرف انزل الخبر العاجل دا لا بعد ساعتين ولا بعد 5 ساعات حتى :d استمر يا محمد :) بجد موضوع تحفة وتقديمك رائع:) |
جميله اوى والله النشره دى
وعاوزين خبطات صحفيه جامده كده وبجد التقديم اكتر من رائع متااااااااااااااابعه |
حلوة اوي فكرة النشرة
متابع معاكم يا محمد |
1- اقتباس:
اقتباس:
اقتباس:
مش عايز أقولك أنا إستفدت قد إيه :040vk0::040vk0: بس حلوة المحاولة ولا لأ :p:p:p اقتباس:
اقتباس:
أنا لو مكانك مش كنت أجاوبه من الأساس :d:d اقتباس:
so thank you for warning me to not to do that again :d:d:d:d |
اقتباس:
إن هي تبعا للشريعة يبقي المواضيع اللي فيها موسيقي تبقي مخالفة ولا لأ و بعدين توضيح إيه يابني أومال لو شوفت أسئلت إمتحان الفيزياء اللي جاتلي السنة دي :d:d:d:d:d |
اقتباس:
اقول لا دى حرام لان الموسيقى حرام وبعدين ارجع اقول لو حذفت النوع من الاناشيد دى مش هايفضل ف القسم اناشيد خالص وانا كمان فعلا عاوزة اجابة على الاستفسار ده احذف ولا وجزاكم الله خيرا |
اقتباس:
اممممممم انا فهمت قصدكم دلوقتي هشوف الموضوع دا وارد عليكم انا عارفة ومقتنعة ان الموسيقى حرام بس في ناس هنا هتقول لأ مش حرام وهيحصل اختلاف في الآراء ودا شئ اكيد انتوا عارفينه عموما هرد عليكم بخصوص الموضوع دا ان شاء الله :) منورة الموضوع يا آية والله :) اسعدنا مرورك :) |
بجد أحب أهنى المنتدى بالموضوع الأكثر من رائع تسلم إديكى يا جماعه بجد يا محمد الموضوع جميل جدااااً أنا بعتبره من أفضل المواضيع اللى اتكتبت فى المنتدى من فتره طويله |
نشرة اخبار الخامسة والعشرون :p لا جامدة بجد الفوكيرة دى متابعة :078111rg3: |
طبعاً أنا متابع النشرة باهتمام بالغ واعتقد موضوع الموسيقى حلال ولا حرام مش مكانه هنا يا جماعة .. فيه علماء تحدثوا عن الموضوع دا ولا أعتقد أن فيه بيننا مفتي يقدر يتحمل مسئولية الفتوى .. لكن فيه مواقع كتير اتكلمت في الموضوع دا وفي كمان دار للإفتاء .. ومرة تانية بشكر كل القائمين على هذا العمل وعاوزين شكل أكبر للنشرة وتكون متنوعة يعني حد عيد ميلاده النهاردة حد عنده ظروف معينة .. كده يعني وإن شاء الله هجهز شوية أفكار كده ع الماشي وابعتها ليكم .. يلا سلاااااام
|
اقتباس:
انا مش كان قصدي افتي انا قلت اني مقتنعة بكذا فقط وعارفة ان في خلاف المهم هو فعلا مش مكانه بس انا كان قصدي ارد عليها اني هبقى اقولهم يتحذف او لا يعني مش كان قصدي اناقش بجد واسفة لو كنت خرجت عن الموضوع ومنتظرين افكار حضرتك يا استاذ احمد :) |
| جميع الأوقات بتوقيت GMT +2. الساعة الآن 04:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.