بوابة الثانوية العامة المصرية - مبروك الانتصار يارجالة ... الكورة وحدة كل المصريين والفرحة علي الوجه!

اقتباس:

المشاركة الأصلية كتبت بواسطة redagoh (المشاركة 1984898)

ياساده بالبلدى كدا أنا قلتها فى أكتر من منتدى وهقولها وهكررها دون ملل حتى لو ملت الناس إسمعوها من إنسان غلبان-- حبوا البلد دى لذاتها لخيرها ونعيمها لفضلها علينا وعلى كل إخواتها - حبوا البلد لأرضها ونيلها وكل ناسها وحرام تربطوا ترابها بشخص تحبه أوتكرهه أو مجموعه زادت بلاويها-- حرام بلد عمرها أكتر من سبعة ألاف عام حضاره ومناره -- نتخلى عنها علشان عقدين تلاته اربعه .....وممكن نكون فى الحسبه غلطانين- واللى تكسره النهارده صدقنى ممكن بكره تكون مسئول عن إصلاحه وممكن يكون صعب إصلاحه -- وتبقى زى اللى خطط فى ساعة غضب لهدم بيت أهله وبعد الرحيل ماعاد له غير احتقار فكره وعقله --وسؤال كل الناس أعطوك أومنعوك
حبوها علشان تخلوها ضليله تحمينا من شر الغير--- حتى لو من أقرب الناس --- وإحنا شفنا بعنينا معاملة الغير لينا وبلاش نكدب على بعضينا- وأخوك منع عنك حاجتك فى وقت عصيب لأ وبيفكروا إزاى يحولوه لأداة ضغط على قرارك السياسى والسيادى -لو ضليله تحت شجره والقرار قرارك أفضل مليون مره من قصر ع النيل وبتنام وتصحى بأوامر الغيروتعيش ذليل-ويارب تكونوا فهمتونى---------------- وشكرا للجميع وبالتوفيق والسلام عليكم

عندك حق والله يا استاذنا في كل كلمه قولتها .. كلام خرج من القلب وصدقني دخل القلب علطول
كلام عاقل وموزون ..

وبنتعلم منك ..

وحشتني والله ..

تقبل تحياتي

والتحيه بالطبع لصاحبة الموضوع ..