بوابة الثانوية العامة المصرية - >< شبـاب وبنـــات كله يتجمـع هنـــا ><

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - >< شبـاب وبنـــات كله يتجمـع هنـــا >< (https://www.thanwya.com/vb/showthread.php?t=238903)

1: عاوزين نعرف منك هل مريت بتجربة حب قبل

كده ولا لا ؟؟

اه مريت بتجارب كتيير كمان بس مفيش واحده نجحت بجد كله ياما واحده معجبه بيا وانا لا او العكس
2: هل انت اتبعت اسلوب عشان ابقى راجل اشرب سجاير ولا انت عمرك ما شربتها؟؟
الحمد لله عمري ولا بطيق ريحتها

3: بتهتم بالموضه واللبس عشان ايه ؟
عشان ترضى نفسك ولا ترضى غيرك ولا عشان تعجب البنات؟؟

مش بهتم اوي يعني مجرد ان لبسي كويس وعاجبني الاستايل قشطه
4: لو اتيجت لك فرصة الجواز تتجوز ؟ ولا ليك سن
معين تحب تتجوز فيه ؟؟

لا لسه عال25 او 30 ان شاء الله في الفتره ديه
5: بتصلى ؟ طب لو بتصلى بتصلى وانتا عندك كام سنه؟
وهل بتحافظ على فروضك في المسجد؟؟

الحمد لله بصلي لكن للاسف مش منتظم اوي ومفتكرش الحقيقه من امتي
6: اذكر لينا موقف مضحك او محزن مر عليك فى حياتك؟؟

مواقف غير معدوده
7: هل تحكم على اي بنت بمجرد النظر الي لبسها
وماهو حد الحشمة عندك؟؟

لما بشوف لبس البنت وطريقه كلامها مع الناس بعرف لكن مش من اللبس بس وبالنسبه للحشمه صفات الثوب الاسلامي ميشفش ولا يجسم
8: عندما تقف امام بنت محتشمة الملابس هل تحس
انها فرضت احترامها عليك ؟؟

اه طبعا وياريت كل البنات تكون كده

9: هل ترى ان هناك بنت للزواج وبنت للمشي والصحوبيه ؟

اه في بنت للجواز وبنت للصحوبيه وبنت للمشي وكل واحده بتختلف عن التانيه

:022yb4::022yb4:وشكراااااا علي التوبيك الجامد :022yb4::022yb4:

اقتباس:

1: عاوزين نعرف منك هل مريت بتجربة حب قبل

كده ولا لا ؟؟
الحقيقة .... لأ ..:blush:

2: هل انت اتبعت اسلوب عشان ابقى راجل اشرب سجاير ولا انت عمرك ما شربتها؟؟

ههههههههههههه... لا طبعا .. سجاير ايه بس .. ولا عمرى شربتها ولا هشربها ..
بعدين اللى يبقى مذلول لسيجارة ميبقاش راجل .. ولا ايه .؟.؟

3: بتهتم بالموضه واللبس عشان ايه ؟
عشان ترضى نفسك ولا ترضى غيرك ولا عشان تعجب البنات؟؟
طبعا علشان يبقى منظرى كويس قدام أى حد .. سواء لنفسى أو لغيرى ..
و لاهو الواحد لازم ينضف علشان يعجب الناس ..ههههه:d:d

4: لو اتيجت لك فرصة الجواز تتجوز ؟ ولا ليك سن
معين تحب تتجوز فيه ؟؟
لا طبعا مقدرش أتجوز دلوقتى .. حتى ولو فيه أمكانيات مادية ..
لان الواحد لسه عقله طايش (( شباب بقى :d )) وميقدرش يتحمل مسئولية جواز و زوجة و أولاد (( ده الواحد مش متحمل مسئولية نفسه أساسا :d:d ))

5: بتصلى ؟ طب لو بتصلى بتصلى وانتا عندك كام سنه؟
وهل بتحافظ على فروضك في المسجد؟؟
الحمد لله .. بصلى من و أنا صغير أوى بس مش فاكر كام سنة ..
مش دايما ...بس الى حد ما بصلى فى المسجد اللى بقدر عليه ..:blush:

6: اذكر لينا موقف مضحك او محزن مر عليك فى حياتك؟؟
فى كتير مضحك وفى كتير محزن ..بس مش فاكر حاجة معينة ..

7: هل تحكم على اي بنت بمجرد النظر الي لبسها
وماهو حد الحشمة عندك؟؟
لا طبعا ... بس أكيد الملابس جزء من الحكم ده .. بس مش دايما ..
لان ممكن ناس بتلبس نقاب و بتبقى أخلاقها مش كويسة ..

8: عندما تقف امام بنت محتشمة الملابس هل تحس
انها فرضت احترامها عليك ؟؟

مش دايما زى ما قولت ... بس أنا موقفتش قدام حد غريب قبل كده ..ههههه:d:d

9: هل ترى ان هناك بنت للزواج وبنت للمشي والصحوبيه ؟

أنا يوم مافكر أتجوز واحدة لازم تكون محترمة وملهاش فى كده ..

توبيك ممتاااااااز :av4056bb7jp3::av4056bb7jp3:

اقتباس:

المشاركة الأصلية كتبت بواسطة the coder (المشاركة 2577209)

1: عاوزين نعرف منك هل مريت بتجربة حب قبل

كده ولا لا ؟؟
لا طبعاً انا لسه عاقل و مخرفتش

2: هل انت اتبعت اسلوب عشان ابقى راجل اشرب سجاير ولا انت عمرك ما شربتها؟؟

السجاير ضد الرجولة
اللي فاكر شربه للسجاير دليل للرجولة هاتخليه بعد كده مش راجل
و انا بكره السجاير و عمري ماشربتها
بس و انا صغير خالص كنت بعمل حركة كوميدية كده
كنت بجيب مسدس من ابو طلق اللي بيفرقع و احط فيه طلقة و افرقعها و اسحب دخانها بمناخيري و اطلعا من بقي
ده و انا صغير خالص يعني بس الحمد لله عقلنا :p
3: بتهتم بالموضه واللبس عشان ايه ؟
انا من النوع اللي بينزل الشارع بلبس البيت في اوقات كتير
عمري ما اهتميت بشعري ولا بحلاقته ولا بهدومي
حتي بعض صحابي شبهوني بأينشتاين في الشكل
ساعات بنسي شكلي لاني مش بقف قدام المراية كتير
ولما اهتم بهدومي بيكون مثلاً لاني رايح فرح او او حاجة زي كده
و لبسي بسيط جداً و غالباً مش بيكون فيه لعب كتير
عشان ترضى نفسك ولا ترضى غيرك ولا عشان تعجب البنات؟؟
ارضي نفسي طبعاً
انا مش بهتم بشكلي اساساً لاني طالما لابس هدوم محدش ليه عندي حاجة :d

4: لو اتيجت لك فرصة الجواز تتجوز ؟ ولا ليك سن
معين تحب تتجوز فيه ؟؟
بعد التلاتين ان شاء الله
اكون خلصت دراستي خالص و ابقي اشوف الحاجات دي

5: بتصلى ؟ طب لو بتصلى بتصلى وانتا عندك كام سنه؟
وهل بتحافظ على فروضك في المسجد؟؟
بصلي تقريباً من سنتين او 3 سنين
لكن من سنة واحدة بقيت بصلي كله في الجامع
و من نص سنة بدأت اصلي السنن برضه في الجامع بحمد الله
6: اذكر لينا موقف مضحك او محزن مر عليك فى حياتك؟؟
المواقف المضحكة كتير لان كل حياتي كوميديا
في الفصل كنت ساعات باجي لابس لبس اسود في اسود
كنت بسأل استاذ الانجليزي سؤال كده
هو بيحبني جداً و بيحب يهزر معايا
قالي "اقعد يا حرامي"
و ساعات و انا مروح من التمرين اشتري ازازة شويبس و انا مروح
و بملاها مية و برميها في وسط الشارع
رميتها مرة لقيت عربية داست عليها و رفعتها و دخلت جوا العربية من تحت
و سمعت صوت حاجات بتتفرم جوة و حاجات بتتفشفش
طلعت اجري
بس ضحكت ضحك ساعتها
يلا الحمد لله علي كل شيء

7: هل تحكم على اي بنت بمجرد النظر الي لبسها
وماهو حد الحشمة عندك؟؟
اللبس ضروري طبعاً لموضوع الحشمة
و اهم من كده هو احترامها في الشارع لو انت ماشية مع صحباتها
يعني الصوت ميعلاش
الضحكة كذلك و ميبقاش الصوت عالي ولا لابسة كعب عالي لان صوته بيعفرتني
و برضه الاتزان في المشي (قصدي عدم الحركة كتير) مهم برضه للاحترام
8: عندما تقف امام بنت محتشمة الملابس هل تحس
انها فرضت احترامها عليك ؟؟
او غير محتشمة طالما معملتش حاجة تضايق او فتحت اي حوار او اي اتهام
انا الحمد لله ماشي في حالي ماليش دعوة بالبنات خالص ولا بحب اتعامل معاهم

9: هل ترى ان هناك بنت للزواج وبنت للمشي والصحوبيه ؟
كله واحد
ممكن الصحوبية تؤدي لزواج
و ممكن لا طبعاً
علي حسب البني ادم ده
لان بتبقي في حالات ناس ولاد محترمين يحصل موقع مع بنات محترمين يكونوا اصدقاء
و اعرف ناس حصل معاهم كده كتير يعني
فكله هايتجوز في الاخر
مش هاتعنسوا يعني:d:d

ايه رأيك في كده؟؟

تسلم ع الرد اجاباتك جميله جداااااااااااااااا

اقتباس:

المشاركة الأصلية كتبت بواسطة bosha66 (المشاركة 2582686)

الله الله كلامك حلو اوى

ميرسى ع مرورك

ميرسى ياحلمى ع ردك اجاباتك حلوه اوى

نورتنى

ها محدش هيرد تانى ولا ايه

..................................

بين مفيش

اعيط يرضيكوا يعنى