حد من الاساتذة الافاضل يحل لى التمرينين بتوع البرمجة الخطية

جتا^2 س = 3/ 4 بأخذ الجذر التربيعي للطرفين
بإيجاد جتا س = + _ جذر 3 علي 2 ( لأنه جذر تربيعي )
فتكون س = 30 درجه
وحيث جتا ناتجها موجب او سالب فهناك احتماليين

اولا عند جتا = جذر 3 / 2 حيث جتا موجبه في الربعين
الاول فتكون س = 30
والرابع فتكون س = 360-30 =330

ثانيا عند جتا = - جذر 3 / 2 حيث جتا سالبه في الربعين
الثاني فتكون س = 180 - 30 = 150
الثالث فتكون س = 180 + 30 = 210
فتكون مجموعة الحل = { 30 , 330 , 150 , 210 } وطبعا علامة الدرجه علي كل زاوية

وكل عام والجميع بخير

لو سمحت يا استاذ انا كنت بحب الرياضيات جدا وانا فى اعدادى ولما دخلت اولى ثانوى خدت حساب مثلثات وهندسة وجبر وحبيت الهندسة والجبر لكن حساب المثلثات مش مستوعبها خالص وشكلها هتقضيلى على حلمى انى اخش كلية الهندسة فمثلا فى حساب المثلثات مش الدوال المثلثية دى عبارة عن نسب بين اضلاع مثلث طب انا عايز اعرف ازاى فى نسب مثلثية لزاوية قياسها اكبر من 180 اذا كان اصلا المثلث كله 180 وليه لازم النسب المثلثية تكون فى المثلث القائم الزاوية فقط وجزاك الله خير

بص ياسيدي
اولا ما تزهقش هي اولي ثانوي كده ضغط كبير عليك وعلي الجميع واسئل زميلك الي قبلك والي معاك وبتتعود علي نظام جديد من المسائل زيك زي طالب اولي اعدادي كأنك بتتعلم من جديد ( أ . ب ) وكذالك في الكليه اول سنه بتبقه غريبه
بالنسبه للنسب المثلثية
اولا سؤالك عن ليه المثلث لازم يكون قائم فدي حاله خاصه بتدرسها السنه دي و احب ابشرك السنه الجيه هيبقه عندك حل المثلث وهتتعامل مع اي مثلث حاد او منفرج واي زاوية ياسيدي فأبشر بما انك مضايق انه في المثلث القائم بس وما تخفش مش صعبه زي ما هتتخيل وانت بتقرء
ثانيا الزوايا طبعا المثلث مافهوش زاوية اكبر من 180 بس لو كنت خدت حساب المثلثات كله وخلصته هتعرف ان لو الزاوية اكبر بيترسم ليها مثلث قائم في الربع بتعها احد اضلاع الزاوية القائمة له منطبق علي محور السينات يعني في كل ربع فيه مثلث قائم خاص بالربع ده فملهوش دعوة المثلث بالاربع السابقه فالزاوية مثلا 210 مش بتترسم داخل اي مثلث خلقه ربنا انت بتشوفها=180+ 30هي هياها الزاوية 30في المثلث الخاص بها في الربع الثالث مع اختلافات فقط في اشارة الدوال ومن الاخر ما هي الا علاقات بين الزوايا وبعضها وبترسم مثلث جديد ملهوش دعوة بقيمة الزاوية الاصلية

ممكن توضيح اكتر لمسئلة الزاوية بين عقربي الساعة عندما تكون الساعة الخامسة والنصف
عايزة افهم 11 ليه وممكن مثال تانى للتوضيح

شكرا جدا جدا

اولا جزاك الله خير ..... ويتضح من كلام حضترتك يا استاذ ان انا اخد المادة على ما هى عليها وكل تسائلاتى تجاوب عليها الدروس القادمة فى حساب المثلثات فى السنين القادمة وعلى ما فهمته من حضرتك ان ازاوية مثلا 150 تقع فى الربع الثانى ويرسم لها مثلث قائم قيمة الزاوية المعنية فيه تساوى 30 درجة وهى تختلف عن الزاوية 30 فى الربع الاول فى اشارات الدوال فقط ... صحيح كده انا فهمت ولا ايه يا استاذ وفى سؤال اخير .. هو يا استاذ الدوال المثلثية لزاوية ما تساوى الدوال المثلثية للزاوية المكملة لها .... ومرة ثانية جزاك الله خير

ارجو حل هذه المسائل بسرعة دلوقتى

معلشي ما كنتش موجود
النوع ده للأمانه بيحتاج حل مباشر بين الطالب والمدرس وهتلاقي كتير من المسائل والمذكرات فيها مسائل محلوله عليها فالافضل الحل المباشر مع المدرس او زميل وصدقني والله ما كسل بس سبق ووضحت الكلام ده علي مسائل البرمجه بالذات وكل ما بتاخد مسائل كل ما تفهم وهتيجي في اخر الوحده هتكون فهمت اكتر
وعلي كل حال فالفكرة هي تكوين معادلة لكل متابينه مع ملاحظة ان لو علامة التباين فيها يساوي يبقه الخط متصل (معاك ) اما لو بدون علامة التساوي يبقه متقطع ( مش معاك وعي الرسم يرسم منقط او شورط ) ثم رسم كل خط او ممكن تستنه بعد التحقق بالنحقيق بنقطة وليكن نقطة الاصل عشان تعرف اتجاه التظليل اليها ام الي الجهه الاخري ولو كانت نقطة الاصل علي الخط نفسه اختر نقطه اخره وشوف مكانها بالنسبه للخط المرسوم ثم رسم كل خط بمفرده وتظليل منطقة حله بمفرده وتكون مجموعه الحل هي المنطقه المظلله من كل الخطوط معا
وممكن ما تظللشي كل خط لوحده ممكن تظلل منطقة الحل بس المشتركة بينهم
ملحوظه س=0 هي معادلة محور الصادات فمش هترسم حاجه جديده وعلامة الاكبر يبقه اتجاه التظليل يمين وعلامة التساوي الي تحت اكبر من معناها ان الخط معاك

باذن الله سيكون اليوم الاحد الامتحان الاول للأمتحنات الاسبوعية للراغبين في الامتحان والمتابعه علي الرابط http://www.thanwya.com/vb/showthread.php?t=266774

هندسة تحليلية
 

اوجد معادلة المستقيمين اللذين يمران بالنقطة (3و سالب 3)وطول العمود الساقط من نقطة الاصل على كل منهما يساوى 3 وحدة طول
</b></i>

حد يرد عليا لو سمحتم

اريد فكرة للتمرين لو سمحتم