بوابة الثانوية العامة المصرية - اين نتيجة الشهادات المعادلع

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - اين نتيجة الشهادات المعادلع (https://www.thanwya.com/vb/showthread.php?t=26373)

اقتباس:

المشاركة الأصلية كتبت بواسطة redeye007 (المشاركة 297244)

طيب يا جماعة لما تطلع الشهادة على النت إزاي هنعرف رقم الجلوس يعني إيه إلهنكتبه في خانة رقم الجلوس
هنكتب الأرقام إلفي الوصل إلإإحنا أخدناه ولا هنكتب إيه بالظبط

ايوة تكتب رقم الوصل

بالنسبة للي بيسأل هتظهر ازاي

السنة اللي فاتت اسماء المعادلة كلهم كانت في ملف ادوبي بصيغة Pdf متصور من جريدة الوطن الكويتية ..
يعني مجموعة جداول مترتبة تحت بعضها فيها اسماء المعادلة كلهم
والبحث فيها بيكون برقم الإيصال

الإيصال هو الورقة اللي انتم بتسلموها لـمكتب التنسيق !!

وربنا يوفقكم ..

يا جماعه انا رحت مكتب التنسيق بتاعي النهارده وقالولي بكره بالليل ان شاء الله

بس انا ما اوعدكمش انهم هيصدقوا معانا لانه كل واحد في المكتب بيفتي من دماغه

انا عارفه بعاملونا زي اليهود ليه دا حتى اليهود احسن منا

آخر الأخبار مع إن و الله سألت في مكتب التنسيق قالوا مش هتطلع على النت

اقتباس:

مصر: إعلان نتائج تنسيق الشهادات العربية المعادلة

16/09/2007 اعلن رئيس قطاع التعليم في وزارة التعليم العالي المصري عن اعلان نتائج الشهادات المعادلة العربية والاجنبية الكترونيا.
واضاف ان المكتب يواصل الليل بالنهار من اجل اعداد نتائج الطلبة من دون اخطاء وفي احسن صورة وان ساعات العمل تستمر حتى منتصف الليل.
ورفض عليوه تقديم اي مؤشرات للقبول سواء بالنسبة للشهادات الاجنبية او العربية السعودية، الكويتية، الاماراتية، موضحا ان لكل دولة حدا ادنى خاصا بطلبتها ونحن الان في مرحلة اعداد النتيجة وبالتالي يصعب التكهن باي مؤشرات حاليا.
وصرح مصدر مسؤول في مكتب تنسيق الجامعات ان عملية تغيير طريقة اعداد نتائج المعادلة من يدوي الى الكتروني كانت وراء تأخر اعلان النتائج، والتي كان مقررا لها ان تعلن منتصف الاثنين الماضي.
وقال المصدر ان مشكلات التحويلات الخاصة بطلبة الثانوية العامة والتي لم يعلن المكتب نتائجها القت بأعباء اضافية ثقيلة اخرت ايضا انجاز باقي النتائج خصوصا ان نتائج الدبلومات الفنية لم تعلن ايضا حتى الان رغم ان الدراسة ستبدأ السبت المقبل.
ونفى المصدر ان يكون لهذا التأخير اي تأثير على انتظام الدراسة بالنسبة لحملة الشهادات المعادلة، موضحا ان الدراسة لا تنتظم بشكل عام في الاسبوع الاول خصوصا بالنسبة للطلبة المستجدين، مشيرا الى ان الجامعات وضعت برنامجا شاملا لقيد طلبة الشهادات المعادلة في مختلف الكليات وانهاء اجراءات الكشف الطبي عليهم وتوزيعهم على الاقسام المختلفة وصرف استمارات الاقامة في المدن الجامعية لمن يقيمون خارج نطاق الجامعة.
الى ذلك يستقبل المكتب الثقافي الكويتي الدارسين لارشادهم

http://www.alqabas.com.kw/Final/News...ticleID=314383

أنا قريت الخبر ده من شويه .. ولسا أن شاء الله اول ما تنزل أخبار الخليج في الامارات ..
هقولكم كمان أخر خبر لو في أساسا ..

بس اللي يغيظ أكتر إن ده جرنان كويتي و مهتم بالموضوع طيب فين جرايد مصر

و لا كإننا يهود فعلا

يا جماعة اناكنت اليوم في مكتب التنسيق وقالوا انها هتظهر يوم الثلاثاء على موقع التنسيق
بعد ذلك يتم طباعة جواب الترسيح من على هذا الموقع ونروح به الكلية

والله كل مكتب بيألف من دماغه

بيلعبوا باعصابنا وبـــس

hal bardo nateeeget tansee2 el IGCSE bardo hatetla3 bokra m3 el american diploma walla la2

يا رب الموقع يصدق وتطلع بكرة بالليل عشان الواحد خلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااص

يا جدعان انا مش عارف الناس مستغربة أوي كدا ليه على التأخير دا ..... يا حبيبي انت في مصر يعني انت في التوكيل الرسمي لسياسة التنطيش و التأجيل ...
انا عن نفسي رحت مكتب التنسيق يمكن 10 مرات اللي في المدينة الجامعية جامعة القاهرة ...
رحت يوم الجمعة قالي كارنيه الترشيح يوم 20 و النتيجة هتظهر السبت على النت ...
قلت طيب كويس أوي و قلبي انشرح و قلت هنعرف آخيرا هندخل ايه

قعدت يوم السبت كله في البيت على النت لا في نتيجة و لا أي حاجة .. ولا حتى أخبار عن النتيجة !!!
المشكلة اني كنت قرأت في جريدة أخبار اليوم بتاعت السبت اللي فات بتاريخ 8 سبتمبر ان نتيجة الشهادات المعادلة يوم الخميس الموافق 13 سبتمبر !!!

المهم بعد ما يوم السبت خلص جالي بجد إحباااااااااااااط قلنا يمكن الويندوز و قع ولا حاجة في الوزارة اهو اي عذر نهدي بيه نفسنا ...
رحت يوم الأحد مكتب التنيسق تاني لقيت بيقولي يوم الإتنين على النت و بطاقات الترشيح من 20ّ لحد 25 في الحدود دي !!!

اللي مش فاهمه حاجة واحدة بس .... هو فاكرينا مختومين على قفانا يعني ... ما يقولو النتيجة هتظهر أمتى و يريحوا قلوبنا .... !!!

آخر ما زهقت طلعت على الإدارة سمعوني أحلى نكتة .,... مع انها بتكرر كل سنة
اسمع بقى يا باشا قلي ايه ...

سيادة المدير بيقولي ان مكتب التنسيق وزع الطلاب جغرافيا من زمان بس فاتهم ان في حاجة إسمها مستوى رفيع فلسه هيوزعوا كل الطلاب من اول و جديد !!! بالذمة دا كلام ...
دا انا لو قلته لعيل صغير هيضحك على كلامي !!

يعني ايه بالظب نسيوا دي!!! قال حكومة إلكترونية قال !! دي حكومة ألكتروإستهبالية !!!

ولا عزاء و يحميكي الله يا مصر و دمتي لنا دائما

كلمة أخيرة بس تلخيصا ً لكل اللي فات دا " يبقى انت أكيــــــــــــــــــــد أكيـــــــــــــــــــد في مصر !!! "

اقتباس:

المشاركة الأصلية كتبت بواسطة little reto (المشاركة 297500)

معلش يا باشا ... انت تبع آني مكتب تنسيق بس اللي قالك ان احنا نبطع بطاقة الترشيح !! امال احنا حاطين العنوان ليه في بطاقة الإختيار .... !!!

والله انا ما بقيت فاهم اي حاجة ... انا داخل أنام بلا وجع دماغ

اقتباس:

المشاركة الأصلية كتبت بواسطة redeye007 (المشاركة 297244)

يا باشا اللي عرفته انه مش برقم الجلوس برقم الوصل ... وصل المعادلة اللي مكتوب فيه المجموع الإعتباري ... دا اللي عرفته لما سالت ....

تنسيق مين ياعم الحج انت عايش في الاحلام
ولا لسه هتحلم
انا عايز اعرف

على العموم انا مقبول طب بيطري بره مصر منحة من الدولة
و
على العموم الموقع بيقول بالليل
وادينا هنشوف
اتمنى ليكم المستقبل الباهر وحتى لو ماكنتش الكلية اللي هي بس برضه نبقى حاجة فيها
والشعار بتاعي لا حياة مع اليأس ولا يأس مع الحياة

تحياتي ياحبايبي

stnn_stnn_stnn@hotmail.com

شوفوا طالما جرنان كويتي كتب الكلام ده يبقى هتظهر النهاردة خدوا الكلام ده ثقة و زى ما بيقول
أهل مكة أدرى بشعابها

وأنا أثق فى كلام جرايد الكويت صراحةً