|
اقتباس:
بس المشكلة ان كل الطلبة عارفين ان الدروس تضييع للوقت مش عارفة بقى ايه اللي بيرمينا عليها:excl: اقتباس:
يبقى انت كدة هتستغنى عن سنة من عمرك............(و هو العمر في كم سنة)هو ده الرد اللي هتسمعه:d على فكرة المشكلة مش في انك تسافر و يكون عندك شجاعة انك تشارك في اولومبيات ...المشكلة ان كل الطلبة متمسكين بالمنهج ميقدروش يبصوا في منهج تاني و لو عرضت على اي حد انه فعلا يسافر هيقوللك(احنا في ثانوية عامة يابا):d اقتباس:
انت ممكن تقبل؟؟؟؟؟؟؟؟؟ على فكرة السفر و الاوليمبيات مش هي الطريقة الوحيدة اللي تقدر تفيد بيها نفسك و مش هي الطريقة الوحيدة اللي هتخليك تخرج من العلبة(علبة المنهج اللي انت بتقول عليها) اقتباس:
اصعب حاجة انك تبقى عايز حاجة مش قادر تعملها انا نفسي اطلع و اطلع برة المنهج بتاعي بس للاسف مش قادرة(ما انا قولتلك قبل كدة......الوقت ضيق قوي)و متقنعنيش ان انت تقدر تطلع برة المنهج او تغامر في الظروف دي:bosyht9: اقتباس:
ده اللي مفروض يحصل بس انت تقدر تعمل كدة؟؟ممكن اعرف ازاي طالب في ثانوية عامة(و انت طبعا عارف المناهج عاملة ايه و حجمها عامل ايه)يقدر فعلا يفكر في حاجة و يسيب مستقبله:confused: على فكرة انا مش ضد كلامك بس اقنعني ازاي تقدر تعمل كدة من غير ماتضيع مستقبلك :excl: و تبقى فعلا نجحت في تحقيق اول خطوة........المشكلة ان الفكرة موجودة بس للي يصدقها و يعرف يطبقها:blush: اقتباس:
اقتباس:
اقتباس:
|
اقتباس:
هناك الثانوية شىء عادي مرحلة دراسية اما عندك في مصر ببساطة الثانوية العامة " ياقاتل يامقتول " فكـر كويس يااحمد وماتقارناش ببره لانهم بيلاقوا مساعدات من دولهم انما احنا بناخد علي قفانا من دولتنا |
اقتباس:
لا مش مبالغة بس دي ازمة ثقة سواء في الاولاد او اولياء الامور انا عن نفسي معرفش تتحل ازاي ولا هاتتحل امتي ربنا يهدينا كلنا اقتباس:
ماهي الاوليمبياد معمولة في الدراسة علشان النهائيات في الاجازة في الدراسة بتكون في مصر لكن مستحيل تكون النهائيات في الدراسة علي فكرة كل المسابقات اللي كتبتها بتكون في الدراسة و نهائياتها العالمية في الاجازة بس و بتكون قشطة بلوز!! اقتباس:
بس دي طريقة و طريقة فعالة في كتير من الاحيان اقتباس:
و دلوقت ظهر اثر كده اني بقيت مثال للطالب المثقف وسط زمايلي و انا حالياً في نظامي في اليوم اني بخلص مذاكرتي في كل يوم لغاية عشرة او حداشر و بعد كده بخرج برة العلبة براحتي سواء فيزياء او كمبيوتر..... عقبال الجميع يارب اقتباس:
و نجحت كطالب ثانوية عامة اني اجمع بين الاتنين درجاتي في الامتحانات مبشرة كطالب ثانوي و في نفس الوقت بطلع افكار جديدة و بقدر اقري و اتزود بالعلم في المجالات اللي بحبها و مستقبلي مضعش ولا حاجة بس المهم تنظيم الوقت لانه هو السبيل لكده و وضع العلم في خططي يعني مثلاً اخلي عندي ساعة او اكتر كل يوم بعد المذاكرة في القراية في الاول اقري عن حاجات عندي في المنهج بتوسع علشان اقدر استفاد بعد كده الامور هاتجر بعضها و هاتوسع اكتر يعني اقتباس:
مش هايكون من الجميل اني احس اني بدرس علم حقيقي غيري بيدرسه هو هو في الجامعات ؟؟ احس اني بدرس علم علماء كبار تناقشوا فيه و يا سلام انا اقدر اناقش حد فيه ابقي وصلت لاشباع غريزة حب الستطلاع مش اقرالي كلمتين ارجعهم علي الورقة بتاعت الامتحان و اتفهم من دماغي بعد كده... اقتباس:
نظمي وقتك هاتعرفي تعملي كل اللي عايزاه و اطلبي مساعدة من القوات العليا (الاهل يعني :d ) و ربنا هينولك مرادك إن شاء اقتباس:
تقبلته و بكل فرح :d |
اقتباس:
بكلامك ده احنا نستحق و باستحقاق لقب دول العالم التالت ده ان متطورتش دول جنوب افريقيا و بقينا احنا العالم الرابع الطالب المصري جثة هامدة اذكي طلاب العالم جثة هامدة انا مستحيل اقبل الوضع ده و ضد كده لغاية اخر ثانية و علي فكرة السعودية السنة اللي فاتت جابت المركز التاني مع ان مناهجهم زي مناهجنا يبقي فعلاً العيب فينا احنا مش في غيرنا دي خلاصة كلامي |
السلام عليكم ورحمة الله وبركاته
وبجد يا احمد انا بحترمك و بحييك على الموضوع رائع ده وان شاء الله يكون ليك مركز متميز فى مجال انت بتحبه ويكون مفيد لامتنا العربيه اللى مش حتنهض غير بيتهالى بينا يعنى بس لما تلاقى يا احمد يقولك ايه احنا جيل فاشل والجيل اللى قبلنا بقولوا عليه جيل كويس واللى بعدينا برده يقولوا عليه جيل كويس واحنا الللى فشلين وملناش فى حاجة طب بعد كده الواحد اللى بيفكر وزكى ده يعمل ايه واحد يقوله انت فاشل كلمه فاشل ديه مش صغيره ابدا ديه كلمه مدمره لكل حاجة انت بتتمناها حتى لو عندك طموح جامد بردوا وانا متاكد ان فى مصر شبابا عندهم عبقريه فوق الوصف والله بس حتعمل ايه انت بعبقريه بعد كلمه فاشل معندهاش طموح معندهاش تمويل لاى حاجة معندهاش غير وزير يقولك اللى حيغيب مش حيخش امتحان الثانويه وطبعا يا باشا انت لو مدخلتش امتحان الثانويه شوف بقى التريقة من اهلك ومن جيرانك ومن مصر كلها اكيد العيب فينا وفيهم يعنى مش فينا بس مفيش جو كويس اكيد بيساعد على الفساد وبما اننا عندنا فساد فى كل حاجة يبقى الجو كويس منين بقى والناس اللى بتقول عليهم فى سننا دول يعنى بالله عليك دول عندهم ضغط زى عندنا ولا حتى اصلا عندهم ضغط لا دول عندهم مساعده والسعوديه بردوا عندهم مساعده مش واحد ييقولك يا فاشل احنا بقى اللى عندنا نظام فاشل بجد ولازم نعدله يبقى بقى طالما انت عايزنا احنا اللى نعدله يبقى لازم الجيل اللى قبلينا اللى بيقول على نفسه كويس يقولنا نبدا منين علشن نخلى النظام ده كويس والله يا ابنى انا معاك فى كل كلمه قولتها وانا بجد كنت نفسى اتعرف عليك من 3 السنين اللى انت بدات فيه انك تطلع بره المنهج لكن انا جيت اطلع فى اخر الاجازه اللى فاتت لقيت الدروس والمذاكره والثانويه المقرفة مش عطيانى وقت خالص خالص انا بجد نفسى قراء فى حاجات كتر وحاليا انا ممكن اقراء فى حاجات انا بحب الفيزياء جدا جدا والرياضة بردوا والكيمياء لو انت بقى يا احمد عايز اننا نطلع بره بجد قولنا نبدا منين يعنى اكيد اى حد فينا عنده ولو ساعة يقرا فيها وبما انك طلعت بقلك 3 سنين يا احمد وربنا بدات بايه اول ما طلعت وبجد انا معاك قولى ابدا منين وانا ححاول اخلى وقت للقراءة علشان بجد نبدا حياه احسن من اللى عايشنها |
اولا شكرا لصاحب الموضوع دا بجد موضوع كويس
ثانيا هو احنا ليه فى مصر بالذات لما بنيجى نتناقش فى اى مشكلة بنقول العيوب واسباب المشكلة وبنعترف ان دا غلط طب ليه مش بنحاول نتعلم من الغلط دا ونحاول نصلحه نحاول نحل مشاكلنا ليه دا مش بيحصل !!! ليه احنا شاطرين فى الكلام بس !!! ليه مفيش تنفيذ !!! هل هنفضل طول عمرنا نكرر نفس الاخطاء !!! هل هنفضل طول عمرنا نتناقش فى نفس المشاكل !!! انا اسف لو كنت خرجت عن الموضوع بس بجد هو دا الواقع |
السلام عليكم يا أحلى جروب عاملين ايه بالنسبة للموضوع فهوا موضوع جميل جدا جدا ولكن لازم نفكر ليه احنا مش مشاركين فى كل المسابقات دى!! انا على فكرة السنة الى فاتت اشتركت فى مسابقة اسمها ( معرض العلوم والهندسة) وبصراحة كانت مسابقة جميلة قوى وانا استفدت منها كتير واتقبلت مع طلبة بسم الله ماشاء الله ومازال بينا كلام وبنتصل ببعض ودى عبارة عن انك بتقدم اختراع ولازم يكون فيه فكرة جديدة مش تروح تجيب حاجة معمولة من زمان او بتقدم بحث عن مشاكل البيئة!!! وانا السنة دى ان شاء الله هشترك فيها برده بس هقدم اختراع جباااار (( ادعووولى)) وان شاء الله انا السنة دى برده هشترك فى مسابقة اولمبياد الكيمياء ودا بقى بيبقى امتحان صعب قوووى ولسا بدرب عليها وعلى فكرة دى كلها مسابقات دولية بس ليه احنا مش بنشترك فى المسابقات الى ليها مستقبل !! الى تفيدنا بعد اما نطلع من الجامعة!! والسبب من مجتمعنا على العلم ان فيه طلبة مخها ذرى بسم الله ماشاء الله وارجو ابداء رأيكم فى كلامى |
اولا ربنا يوفق حضرتك وتشرف مصر
انا بصراحة مش عارفه فعلا ليه احنا مش بنشترك فى المسابقات دى بس يمكن لان الطلبة عندنا بيهتموا بس بدراستهم وبالمنهج يمكن لان احنا محدش شجعنا او عندنا فى مصر نظام التعليم لا يتيح لنا الفرصة علشان نشغل دمغنا |
اقتباس:
ثانياً انا رأيي الشخصي في الوزير ان اللي بيعمله صح و مية مية لكن احنا مش مقتنعين بكده لاننا رافضين اننا نكون صح الراجل شايف ان المدرسة اهم من اي شيء في التعليم و ان المدرسة لو ازداد الاهتمام بيها هتبقي احسن من الدروس ميت مرة و ده فعلاً صح و انا مقتنع بيه جداً لكن الموضوع مش هايجي من يوم و ليلة لسه شوية عقبال مانحس باللي عمله الوزير ثالثاً: احنا مش جيل فاشل احنا جيل متميز و لو سمعت عن الولد المصري اللي في اولي ثانوي اللي عمل اربعين اختراع يخليك تقول احنا افضل جيل عدي علي مصر لكن يمكن ظروف حياتك محسساك انك فاشل لو عايز تعرف انتا فاشل ولا لا قارن نفسك مع حد تاني واحد زميلي حكالي علي مدرس قريبه كان شغال في السعودية رجعوه مترحل علي مصر لانه طحن عيل هناك لانه مستحملش نوبة غباوة من عنده و كتير قالوا ان الذكي في فصل في دولة عربية بيكون في الغالب مصري يبقي لسه انتا فاشل؟؟ مستحيل تكون فاشل و نعرف ان بلدنا محورين شعب و حكومة لو الشعب عمل اللي عليه مية مية هنعيش افضل و لو الحكومة عملت اللي عليه مية مية هانعيش برضه افضل لكن لو واحد فيهم تقاعس بتكون الازمة دلوقت احنا دورنا اننا نعمل دورنا مية مية و هو انك تفكر و تشغل دماغك و تدور علي الفايدة لبلدك بإذن الله نكون احسن تفتكر في الـ3 سنين دول عملت ايه؟؟ تقريباً و الحمد لله اتعلمت حاجات كتير جداً جداً في الكمبيوتر و بإذن الله مشارك في 3 مسابقات من اللي قلت عليهم دول انتا في سنة واحدة ممكن تدخل مسابقة من دول يعني ممكن تعمل كتير اوي في سنة واحدة قراءة انا هحاول اني اقدملكم الافادة اللي اقدر عليها بس لما احس ان الجروب بتاعكوا ده علي استعداد انه يتقبل الافادة دي مش افضل اكلم نفسي بتقولوا نكت؟؟؟ انا مش فاكر امتي اخر مرة قلت نكتة اساساً دي بتقل من قيمة صاحبها و عمري ما افكر اعملها بإذن الله ارجو اني مكنش طولت عليك و تقبل ردي الطويل |
اقتباس:
احنا فعلاً في مصر لما نشوف حاجة غلط بنقول ده غلط من غير ما نقول المفروض ان الصح كذا لكن انا مقتنع ان المشكلة هنا مش سهلة لانها مشكلة نفسية اكتر من كونها حاجة تانية مشكلة ازمة ثقة انعدام طموح حاجة زي كده و دي ملهاش علاج غير الاقناع يعني ملهاش غير الكلام التشجيع الافكار و الحلول المبتكرة انا مش هاقدر اقول لواحد فكر و انا هديك فلوس او هنجحك في الثانوية لازم الدافع يكون من داخل الشخص ده علشان كده بحاول اوصل لحل بالطريقة دي و انا مقداميش غير الكلام طالما محدش في بلدي بيساعدني بغير كده نساعد بعض بقي و شكراً علي مرورك و التمس منك التعقيب |
اقتباس:
اسمحلي اني ابدي اعجابي بحضرتك مسابقة معرض العلوم و الهندسة دي سمعت عنها قبل كده و الاستاذ طلب مني اني اعملها مشروع لاني فعلاً كنت مجهز فكرة لابتكار طريقة جديدة لتوليد الكهرباء بطاقات مهولة لكن انا سعيد جداً اني لقيت حد تاني مشترك فيها ياريت يكون في بيننا تواصل و إنا بإذن الله مشارك في اوليمبياد الفيزياء السنة دي و بحاول استعد لها ياريت تبقي تديني فكرة عن ماهية اختراعك يمكن اقدر اساعدك في تنفيذه و ارجو انك متخيبش رجائي في حضرتك و شكراً علي مرورك الكريم علي الموضوع المتواضع ده و ربنا يوفقك في مشروعك |
اقتباس:
لكن لو انتظرنا التشجيع مش هانوصل لاي جديد لازم كل واحد يبدأ من نفسه مينتظرش التشجيع و طبعاً اللي ربنا بيوفقه بيحبب فيه خلقه و بإذن الله اللي بيتعب ربنا مش بيضيع اجره ابداً و دي غايتنا في الدنيا اننا نعمر الارض بعملنا و جهدنا و ربنا يوفقنا علي كده شكراً لمرورك الكريم علي الموضوع و جزاك الله كل خير |
اولا الموضوع اكثر من رائع..
بس انا مش هقول ان المشكله مشكله ثانوية عامه او مفيش وقت او غيره المشكلة هي لو بصيت حواليك : هتلاقي انك عايش في بلد بجد متخلفة اخلاقيا واجتماعيا وحضاريا ودينيا وثقافيا........الخ الناس خلاص دماغها وقفت ..محدش لا بيفكر في العلم ولا الدين ..كله بيفكر انه عاوز يعيش وخلاص لو سالت اي شاب او اي بنت عن هدفها؟ صدقني 90% هيقولك ادخل كليه كويسه واتخرج واشتغل واجيب فلووووس كتيييير واعيش غني واتجوز واعيش مبسوط وخلاص كل واحد مش بيبص غير لمصلحته الشخصيه فقط يبقي عمرنا ما هنتقدم تشوف الطلبه مع بعضهم :والله العظيم ما في حد بيحب الخير لغيره غير نادراااااا هنبقي ازاي كويسيين وازاي هنتقدم واحنا مبنحبش الخير لبعض بص حتي للاعلام ..وسائل الاعلام بقت في انحدار تام.. وطبعا وسائل الاعلام من اكبر الاشياء اللي بتأثر في الناس خلاص بيقنا في مجتمع عجيب..المتدين فيه منبوذ..المؤدب فيه الناس كلها كرهاه اما بقي الانسان المحبوب :هو انسان كل اللي بيعمله انه بيهزر ويقول نكت ويتكلم عن الافلام والمسلسلات...الخ لما ببقي قاعده وسط ناس مثا بيتكلموا في حاجه هايفه"كلهم مبسوطين ومندمجين"لو غيرت مسار الكلام مثلا حرام يا جماعه الغيبه دا الرسول قال... هتلاقي الناس كلها قرفت وقامت لما بلاقي كده بحس اه مجتمع ميؤوس منه لما اكلم اصحابي او قرايبي واقولهم مثلا في الاجازه :يا جماعه بلاش نضيع الاجازه ماتيجي نعمل برنامج ثقافي لينا في الاجازه تلاقي الناس كلها بتقول :ثقافة ايه ونيلة ايه احنا في الاجازه انا عارفة ان المفروض ان الواحد ميتأثرش باللي حواليه..بس لو معاك ناس تانيه بيفكروا زيك وبيشجعوك بيجتهدوا وبيساعدوك وتساعدهم هيبقي في فرق كبير "يد الله مع الجماعه" بجد ديننا وبلدنا محتاجينا .. بس احنا فين ..والناس فين كلوا نايم ومحدش بيفكر لا في الدين ولا في البلد كله بيفكر في نفسه وبس |
اقتباس:
|
علي فكره موضوع رائع المسابقات ديه اول مره اسمعها :o هي المسابقه اللي عرفتها معرض العلوم والهندسه وعرفت قبل معاد المسابقه بيومين بس احنا مدرستنا منفصله عن العالم كله في ناس مش بتشترك عشان هما مش عارفين المسابقات ديه او خايفين يدخلوها عشان كل واحد بيقول انا ازاي هنجح وسط المتسابقين دول انت بتقول انك خرجت من صندوق المنهج ماتقولنا ازاي عملت كده يا كودر :blush:اصل انا مش بعرف اظبط بين اني اقرا والمذاكره بتاعه المدرسه ومبعرفش كمان ااختار كتب حلوه اقراها بحس اني متلخبطه ديما |
| جميع الأوقات بتوقيت GMT +2. الساعة الآن 02:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.