الكلام دا صحيح و100%

كان فى زمايل ليا من اللى مش امتحنوا الكادر وبقالهم اكتر من خمس سنين شغالين
كانوا عند المحافظ امبارح وقال لهم القرار دا ووراه لهم كمان وجابوا صوره منه
بس للاسف الصوره مش معايا عشان ارفعها
بس دا الكلام صحيح 100%
واللى مش مصدق يروح الاداره بتاعته فى الدقهليه ويسال وهيقولوا له
واللى دخل الامتحان ومخلص كل حاجه هيثبت على درجه معلم
انما اللى مش دخلو الامتحان هيتثبتوا على درجه معلم مساعد

يعنى كل اللى عدى ال 3 سنين هيثبت

الاسماء وصلت ادارة تمى الأمديد التعليمية الدقهلية فعلااااااااااا ومبرووك وللأسف زحمة جداااا جدااا على الكشوف وشئون العاملين فى المدرسة مقدرتشي تجيب اسم اى حد من الموجودين فى المدرسة لكنها قالت التعيينات اللى جاية للى استوفوا الشروط
وشكرا على الخبر يا ياستاذ محمد وياريت يكون صحيح لو حتى فى ادارة وادارة لا انا اتمنى الخير للجميع وبعدين يا جماعه دى ناس فيهم شغالين من زمان وبسبب الظروف مقدروش يدخلوا امتحان المهزلة ودا مينكرشى حقهم فى التعيين خصوصا انهم متعيين من زمان
بالتوفيق للجميع ان شاء الله

كلام الاستاذ محمد بيولوجي 5 صحيح إلي حد ما حيث عرفت من السيد مدير التعليم العام بالمديرية ( وهذا ليس بموظف غير مسؤل ) بل بالعكس هو راجل محترم و شخص جاد فهو قال لى ان الانتقال من معلم مساعد إلي معلم خلال الأيام القليلة القادمة طبقا للقرار الوزارى و أن محافظ الإقليم هو الذي يصدر القرار النهائي بالتعين ولكن أكد على ان الفترة الزمنية ( 3 سنوات ) فقط هى الأهم يليها إختبار الكادر فقط . وبالتالي شرط icdl قد لا يؤخذ به .... الموضوع الان في الادارات التعليمية لجمع البيانات حول سنوات الخبرة فقط .

لابد من توافر الشروط وهى اجتياز الاختبار والحصول على icdl وهذه المعلومات من موظفين لا يعرفون شئ وبيخبطو ولا تصدقهم

ايه يا جماعة بالراحة شوية على الراجل هو ده اللى حصل فعلا فى إدارة بلقاس وانا لسى جاى ولم يطلب الا اول عقد فقط وأسمائنا موجودة ومكتوب هذه الأسماء تم تعينها


أما الموظف فاهم مش فاهم ده موضوع تانى مع العلم الموظف عمره ما هيحمل نفسه هذه المسؤليه

بلاش ضحك على الدقون . الكلام دية كلام فاضى ... يا اخوانى يا معلمين مصر .. اللى بيحكمنا قانون الكادر مش 3 سنوات
افهموها بقى .. الموظفين بتوع الإدارات بيفكم الخط بالعافية والله العظيم ما يعرف يعنى ايه قانون كادر .. عيب عليكم انتم ناس بتفهموا .. دا فيه نشرة وصلت جميع المحافظات .. بنعيين من استوفوا الشروط وهى
1- النجاح فى الكادر
2- الحصول على الرخصة الدولية لقادة الحاسب ( المرحلة الأولى فقط ) لــ 43 ألف على مستوى الجمهورية
وتباعاً باقى المراحل

شكرا جزيلا

شكرا للاستاذ محمد على الخبر واضح ان كل محافظه بقى لها نظام خاص بها واضح ان قانون الكادر اللى بننتظر تنفيذه منذ اكتر من سنه اصبح لا قيمه له
لكن اجمل حاجه قلتها انهم يضموا الفتره السابقه ربنا يوفق الجميع وعقبال الازهر

شكرا على الرد بس على فكره مدير شئون العاملين عندنا فى الاداره راجل محترم جدا
منذ متى والقانون يطبق ويحترم فى مصر وبعدين تمنىالخير للجميع

أنا معك يا أخ محمد الواحد ما صدق ان الناس كلها هتتعين رغم انى مخلص كل حاجة بس الظاهر فيه ناس صعبان عليها ان الخير يعم على الجميع

وبعدين فيه نقطة منطقية ألا وهى ان شرط الثلاث سنوات سيطبق وهم يطلبون اول عقد لكى يتاكدو من الناس اللى مر عليها ثلاث سنوات وربنا يهدى الجميع

اهم حاجة فى التعيين فعلا :
هو ضم فترة الخدمة العامة للبنات واللى بتدى اقدمية سنة

كلام خطأ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

يا جماعة انا لسه جاية من المدرسة ولقيت المدير جيله نشره بإرسال اسماء المتعاقدين كلهم بدون استسناء ولما سألته قال :
والله اعلم طلبنها علشان تعيين المستوفي للشروط والاخرين لكتابة عقد معلم مساعد يعني هياخدوا درجة معلم مساعد بدلا من اللي اخد درجة معلم والله اعلي واعلم

كلام حضرتك كده عين العقل وشكراً ليكي

وانا متفق معاك فى كل اللى بتقوله ومتنساش ان امتحان الكادر اختيارى