|
الأستاذ سعيد المنفي يقول الي هو عاوزه
انتهي عصر ( هو كده ) يروح الأستاذ سعيد لرئيس جهاز التنظيم والادارة ويقوله القوانين والقرارات الي بتصدرها خطأ احنا معانا القوانين والقرارات الي هتاخدلنا حقنا واحنا بلغنا مدير الادارة النهارده ان هناك كتاب دوري صادر من جهاز التنظيم والادارة بيدينا حقنا في سنوات الخبر قالي طالما في قوانين وقرارات بكده يبقي الموضوع منتهي ، وقالنا د انتوا دارسين القوانين قلناله آه |
استاذوائل مع احتارمى لحضرتك انا كنت فى الادارة النهارد 2/5 الاثنين ومدير الادارة كان فى كفر الشيخ مش فى الادارة وبعدين احنا بنتكلم مع بعض ومش بنتخذ اى خطوات المهم نتحرك لان وقت الجد مش بنلاقى حد وهم فى الادارة ابرد من البرود لانهم عارفين اننا جبناء ومش هنتحرك الرجاء الاتحاد الرجاء الاتحاد وبلاش التواكل ايها المعلمون
|
اهلا بكم من جديد
قابلت اليوم الاستاذ سعيد وقرأت الاعلان بتاع الفروقات قال لى سعيد يخرب بيت النت على الى بدعه وصال وجال فى الفاضى قال ضم السنين السابقة مرهون بالدرجة هاتو الدرجة وضمو حد اقصى 5 سنوات زى الكتاب الدورى ما بيقول الفروق هتصرف دفعة واحدة اما موضوع ال91 ج انا عندى مستندات بتقول ان الكادر يحسب على اساسى العام الماضى دا على لسانه بس القانون بيقول انه بيحسب على الاساسى ولم يذكر سيرة العام الماضى دا على لسانى واحد الزملاء اعطى له كشف مرتبات محافظة البحيرة واستشهد هو بيه وقال هو فيه اكتر من البحيرة وهو قرف مننا خالص وقال انتو مصحصحيين قوى وعارفين القانون وبتدوروا على المليم كانت الاجابة ان احنا بنبحث على حقوقنا والفروقات كبيرة وبعشرات الجنيهات ودخلت لمدير الادارة وقاللى حاضر حاضر حاضر ونده لطلعت وبلغه وقال هاشوف واللى تامرو بيه اى احنا الى هنامر الى لقاء وفى انتظار دعمكم |
نسيت اقول لكم
ان اليوم تم توزيع المعلمين التعاقد الحديث على المدارس واستلام العمل باقدمية امس اقدمية واحد يوم وكمان الكوسة اشتغلت فى التوزيع كالمعتاد وكلهم تبع فلان وفلان وفلان والله الموفق |
الله يفتح عليك كده صح طول ماحنا وراهم هناخد حقنا بس المفروض نتحد مش كل واحد يروح لوحده الاتحاد قوه وهيبة
وبعدين ياسيدى المحافظات التانية بيعملوا العلاوات الاكثر فائدة لابنائها واللى هيمشى عليهم يمشى علينا ياسيدى مش ادرتنا اللى عباقرة يعنى وهما ................. ولا انا غلطان |
يا جماعة ها هو فاكس بمدة الخبرة بخمس سنوات كحد أقصى ضمها للخدمة وهو معى ومن يريده يتصل بى 0162035847 من إدارة مطوبس لكل معلمى مطوبس أحمد سعيد أحمد وعيوع
|
اقتباس:
ودا من اول اكتشفنا لجميع الاخطاء الموجودة فى الادارة اهم حاجة اننا نتفق على يوم ونروح كلنا فيه واليوم هيتحدد من خلال الموضوع ده ارجو التواصل |
ياريت نسرع قبل امتانات الثانوية علشان نحدد مطالبنا ونحذر من الان حتى امتحانات الثانوية واذا لم تلبى مطالبنا نتخذ خطوات حاسمة وبلاش خوف وجبن ولو اتحنا لن يستطيع مخلوق ان يمسنا بسؤ لان اذا مس احدنا سؤ سوف نعتصم جميعا فكلنا واحد وياريت بلاش الجبن اللى اصبح سمة معظم المدرسين اما شوية دبلومات فى الادارات هى اللى معطله الدنيا مع شديدي احتارمى لاصحاب الدبلوم ولكن للاسف هما اللى معطلين الدنيا مش عارفين جهل منهم بالقوانين ولا حقد واحساس ونقص من البعض وليس الكل
|
فكروا فى طريقة للتجمع ومكان التجمع وكلنا نروح بلا استثناء
|
ياريت نخليه فى امتحانات الصف السادس لان احنا طبعا ملناش مراقبة
|
يا أستاذ محمود عيد
يوم الاثنين 2/5 أنا لما كلمت الأستاذ مدير الادارة كلمته في مركز التطوير التكنولوجي بكفر الشيخ لان هو كان عنده اجتماع مع مدير المديرية وباقي مديري الادارات ، وأنا عندي دورة في المركز ده لمدة 3 أسابيع وكلمته أنا و2 من زملائي الأسلوب الي انت كتبت بيه ردك فيه تكذيب ليه وده أسلوب ماينفعش |
والله ابدا يا ستاذ وائل انا باحترم الجميع ولا اجرؤ على تكذيب احد بس استغرا ب ليس الا المهم انتم شايفين ايه من كلام الاستاذ عبد المجيد شكر وفرصة تتابعوا وانتم فى كفر الشيخ لان البهوات فى الادارة لايفقهوا اى شئ وكل واحد بيفتى بكيفه ولا اى حاجة اتنفذت فياريت نروح الادارة ونرسى على قرار منهم وبعدين انتم تروحوا المديرية وانتم هناك واكرر اسفى استاذ وائل
|
اقتباس:
دوركم انتوا تروحوا الادارة وتبلغونا بالتفاصيل واحنا نروح المديرية واحنا فى كفر الشيخ روحوا بكرة وبلغونا حصل ايه واحنا هنروح المديرية فى اى وقت والله الموفق |
الأستاذ طلعت الشيخ علي والأستاذ سعيد المنفي عملوا اشارة للمدارس بفرق علاوة 2008
ولكن قسم الحسابات رفضها واخرج مكاتبات من المديرية فيها علاوة 2008 تكون 14.40 الاستاذ سعيد قاله في قسم الحسابات الصح 43.20 وهو ده الي هيمشي الأستاذ طلعت قال لبعض الزملاء تعالوا يوم الأحد ونقدم مذكرة في رئيس الحسابات للشئون القانونية ياريت حد يروح بكره ويخلي الاستاذ طلعت يكتب المذكرة دي بكرة ويقدمها لمدير الادارة الشئون القانونية ويبلغنا بلي حصل عشان احنا آخرنا في الدورة يوم الثلاث ولازم نتحرك بسرعة ومنستناش ليوم الأحد |
ما فيش اخبار عن العاملين بالاجر يا جماعة فى ادارة مطوبس
|
| جميع الأوقات بتوقيت GMT +2. الساعة الآن 05:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.