موضوع أكثر من رائع ماشاء الله وأنا معاكم ان شاء الله وبجد انا خايفة اوى من تانية وتالتة ثانوى ربنا يوفقنا جميعا يارب وعايزة ان شاء الله ازود مذاكرتى انا داخلة اولى ثانوى ان شاء الله وجايبة 295 من 300 هل ده مجموع وحش ؟
وحلمى انى اطلع من اوائل الجمهورية او المحافظة واجيب الدرجات النهائية وادخل صيدلة أو طب مش عارفة حسب ساعتها بس المجموع يجى الاول انتى كنتى جايبة كام فى تالتة اعدادى يا راية الاسلام ؟ وكنتى الكام على مدرستك؟
تقبلى مرورى ياقمر وربنا يوفقك يارب وتجيبى 205 من 205 واشوفك فى اوائل الجمهورية السنة ايلى بعد الجاية ان شاء الله وادعيلى انا بقى فى اولى ثانوى خايفة من مواد الحفظ التاريخ والجغرافيا والفلسفة اسفة على الاطالة :)

ان شاء الله ربنا يوفقك وتحققى حلمك وتطلعى من الاوائل ان شاء الله انا كنت جايبة زيك ف تالتة اعدادى وكنت الاولى على مدلاستى بس سلعتها اتظلمت ف الكمبيوتر والفنية بس طبعا الاعداى مش مهم بالنسبة لثانوية عامة وطبعا مجموعك كويس اوى وبالنسبة لمواد الحفظ فمتخافيش نها خالص فى اولى ثانوى زودى مجهودك بس شويه واتكلى على الله وسعيدة بمشاركتك معايا

ادينى عملت حملة علشان كلنا نساعد بعض ونشجع بعض وان شاء الله تحقق حلمك وتدخل هندسة وسعيدة بمشاركتك معايا

بس أنا كان عندى مشكلة عايزاكاوا تحلوهالى أنا مدمنة نت لما بقعد نت مبقدرش اقوم بقعد كتير اوىىىى وده هيتعبنى رأيكم اعمل يه اخصص يوم ولا كل يوم مدة صغيرة ؟

[quote=اسلامى عزتى;3728400]بس أنا كان عندى مشكلة عايزاكاوا تحلوهالى أنا مدمنة نت لما بقعد نت مبقدرش اقوم بقعد كتير اوىىىى وده هيتعبنى رأيكم اعمل يه اخصص يوم ولا كل يوم مدة صغيرة ؟[/quote

انا زيك كده بس لما اكون مصممة انى اذاكر ويكون قدامى هدف ميقدرش النت يمنعنى حاولى اكتر تبعدى عنه ووخصصى يوم تقعدى فيه ساعة بس وركزى اكتر على المذاكرة وابقى اقعدى ف الاجازة

مييرسى اوى وان شاء الله تحققى هدفك فى الثانوى وهو ده الاهم

لا يا منى مينفعش كده خالص اننا نخاف مش معنى انك متعرفيش حد ف المدرسة انك هتبقى وحيدة لا طبعا ده انتى بشطارتك وتفوقك تلفتى انتباه الناس كلها وتكونى اكبر شلة اصحاب ومش كده وبس ده هما شجعوكى كمان على المذاكرة اهم حاجة مستواكى مينزلش خالص وتركزى على هدفك ومفيش حاجة تقدر تعوقك عن تحقيقه اللى بيخوفك هو الشيطان استعيذى بالله منه واعتبرى نفسك ف مدرستك القديمة وكملى طريقك وربنا معاكى بالتوفبق يا قمر واى حاجة تعوزيها قوليلى بس

أنا كمان كنت الاولى على مدرستى كل سنة ماعدا تالتة اعدادى بس طلعت التانية بس والله كنت مظلومة فى التصحيح يلا ربنا يكرمنا جميعا يارب ونعوض فى الثانوى ونبقى مش الاوائل على المدرسة بس لا على الجمهورية ان شاء الله :d

يا جماعة هل ينفع ان الواحد يأخذ درسين فى مادة ولا ايه رأيكوا عايزين نتناقش فى الموضوع ده

اوك بس حتى لو فى الانجلش انتى جربتيها فى مادة