|
لا مسألتش فى الجامعه بس سألت فى موقع دفعتنا وقالولى واتصلت بيهم الصبح
حد رد عليا وقالى ان بتوع شئون الطلبه مشيوا واتصلى بكرة بالنسبه للكتب والاطلس فى موضوع اسمه ((لو رايح اولى طب )) دا اللى احنا خدنا منه كله المعلومات ..بس هو 30 صفحه عشان كدة ثوانى وانا هاقولك الملخص بتاعه اوك |
مادة الاناتومى احسن دكاترة هما : د/ مدحت د/ ايهاب د/سامح مطلوب فيها : جوانتيات اله الفورسبس ((تشبه الملقاط على ما اعتقد )) كتاب اطلس تشريح ل د / فوزى جاب الله ((فى كتاب تشريح انا حملته من نفسه الموضوع وعجبنى )) العظم ((ممكن من الاسر اللى فى الجامعه او بلاستيك فى مكتبات قدام الجامعه )) فى مكتبه اسمها العالميه قال عليها |
الفسيولوجى اهم الدكاترة :د/هدى ((للمقدمه والجهاز العصبى اللارادى )) د/منى عبد العزيز ((للدم )) وفى محاضرات بتتحمل ل د/ ناجى ود/البرت بيوكمسترى د/ رشيد ..ودى مادة محتاجه مراجعه مستمرة اة وفى حاجه لازم نسال عليها اسمه office hour فى بنقدر نسال الدكاترة زى ما احنا عايزين |
الكلية ممتعة جدا في دراستها
بس في نفس الوقت عاوزة مذاكرة كتيييييييير نظام الدراسة في سنة اولي عندك 4 مواد اناتومي ( التشريح) - فسيولوجي - هستولوجي -بيوكيميستري المواد جميلة جدا الفسيولوجي تعتبر اصعبهم في اولي معتمدة بشكل كبير علي الفهم هي الامتداد الطبيعي للاحياء^__^ طبعا من غير نقااااااش هتسمع محاضرات ناجي والبرت مهمة طول السنة وتجيب الورق بتاعهم طبعا علي فكرة في حاجه ممكن تستغربلها كليتنا تقريبا مبنحضرش فيها محاضرات خااااااالص معتمدين علي حاجات ياما بتاخد دروس ياما بتسمع تسجيلات الدروس الحاجه الوحيده اللي بننزل الكلية عشانها هي السكاشن عشان الغياب نرجع تاني للمواد الفسيو مادة ممتعة جدا وهتحس فيها انك دكتور هي تقيلة شوية بس ممتعة ودي عليها 250 درجة - تاني مادة الاناتومي التشريح طبعا كله دلوقتي بيقول يا ساتر يارب تشريح ......مشرحة ...رعععععب ^__^ الاناتومي مادة جميلة جدا فيها احسن دكتور هتحبه في الكلية دي دكتور مدحت لو نازل محاضرات تنزل تحضرله او تاخد درس وده الاحتمال الاكبر سكاشن الاناتومي هو ده اللي بيرعب الناس ^_^ المشرحة :d بس مش هتصدقني لو قولتلك من اجمل الاماكن اللي فالكلية المشرحة^__^ وعلي فكرة جثث حقيقية وبني ادميين مش بلاستيك :d :d بس الاناتومي مادة لذيذة بتتناول وصف الانسان بالتفصيل الممل بتتذاكر من كتاب القسم ومش ضروري ليها اطلس ممكن تتفرج علي فيدوهات اكلايند او صور نيتتر علي النت وعليها بردو 250 درجة - تالت مادة البيو دي كيمياء حيوية في سنة اولي تعتبر اسهل مادة في ال4 وفي تانية اصعب مادة في ال4 في اولي المنهج صغير ولذيذ ومادة صغيره العملي بتاعه ممتع جدا هتلبس البالطو وتقعد تعمل تجارب في المعمل وانبايب اختبار وكده ^__^ تتذاكر من كتب القسم فقط ومش محتاجه لا دروس ولا سمعمحاضرات ممكنلو دكتور الخشاب نازل تنزل تحضرله عليها 150 درجة - اخر مادة الهستولوجي مادة الحفظ الصرررررررف مادة صغيرة وسهلة بس كلها حفظ بتتذاكر من ورق دكتور جيهان هيريحك جدا جدا عن كتاب القسم السكاشن بتاعتها في الميكروسكوب وليها كراسة رسم بترسم فيها السرمات المطلوبة منك عليها 150 درجة رئيسة القسم بتاعتها طيبة جدا وهتظبطتكوا فيامتحانات ^__^ اي استفسار انا معاكوا؟ |
اقتباس:
|
كليتنا معتمدة بشكل كلي علي المذاكرة في البيت
المحاضرات تقريبا ملهاش لازمة الا بعض الدكاترة وعلي فكرة ابداوا انسوا العربي بقي عشان من هنا ورايح خلاااااااااااااص مفيش ولا حرف عربي :d |
موضوع اللغه مخوفنى اوى ....
|
الف مبروك يا شباب انا الحمد لله جالى طب الزقازيق لانى من الشرقية كنت احب اكون معكم
|
فى واحد جاله طب الزقازيق وعاوز يحول القاهرة ماذا يفعل ؟
|
ممكن حد يرد عليا علشان الموضوع مهم
|
مبرووووووك ليكم كلكم ........ طب جميلة وربنا يبارك فيكم ..... بس بكره هاتعيطوا ..لان نظامها وحش أوى فى مصر
وبكره هاتعدو تتدرسوا كتير وفى الأخر تروحو تشحتو فلوس من زمايلكم بتوع هندسة ... وأنا فى نظرى طبعا ان هندسة أحسن وعلى العموم ماحدش عارف الرزق فين ربنا يوفقكم يارب ونشوفقكم رافعين مصر فوق العالم وأنا أحوكم فى 2 ثانوى وجبت 97% بس رياضه |
اقتباس:
بس هو يعنى إيه أطلس...؟؟ اقتباس:
كويس أوى...أنا كنت عايز أعرف فى إمكانية لكده ولا لأ... |
ردى باللون الأحمر
:romarioxp6: اقتباس:
|
اقتباس:
لا لا لا الناس كلها بتقول لك أول سنة بس اللى بتبقى صعبة بعد كده ودنك بتاخد على الكلام الإنجليزى |
انا اتقبلت فى طب القاهرة لكن عايزة احول اسيوط لانها اقرب ليا ولو بقيت فى طب القاهرة هتبقى فرصة سعيدة انى اتعرف عليكم
|
| جميع الأوقات بتوقيت GMT +2. الساعة الآن 09:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.