هو انا سألت فقالولى ان التحويل الورقى ممكن فيه اننا نحوللاى كليه طالما جايب الحد الادنى بتاع الكليه بس برضوا انا عاوزة اتأكد يااااااااريت يا جماعه لو حد يسأل انه عادى فى التحويل الورقى اننا نحول لغيرمناظر طالما جايبين المجموع بتاع الكليه ولا لأ ؟؟

طب انا بطاقتي عنوان القاهرة ووالدي مش القاهرة وهو دلوقتي مش في مصر أحول إزاي أنا دلوقتي للقاهرة ؟؟ وكمان هما مالهم ببطاقة الوالد هوه مش المهم أنا ولا إيه و وهو مين فينا اللي هيدرس أصلاً!!!
ممكن حد يفيدني ؟؟

والله انا مش عارفة السبب بصراحة
لان كل محافظة و ليها شروطها
بس هى البطاقة عشان تثبت ان عنوانك فى القاهرة وانك مقيم فى القاهرة
فالعنوان اللى فى وصل النور يكون هو هو اللى فى البطاقة
فا حضرتك روح اسال وان شاء الله هتلاقى الحل

طب دلقوتى احنا عندنا شقه فى اليكس وعندنا وصل الميه والنور با سمنا بس فى البطاقه اقامتى كفر الشيخ لو انا حولت تحويل ورقى اه اللى هيحصل

حضرتك عايز تحول لاسكندرية؟؟

ياجماعه فى اخبار ان الطلبات اللى بعد العيد أترفضت هل الكلام ده صح ولا ايه

جديــــــــد ده :o

يا جماعه دلوقتى انا داخل السنه ديه تالته ثانوى ومجموعى 98 و شويه كده انا عايز اخوش هندسه بس التوزيع الجغرافى هيودينى كفر الشيخ فانا عندنا شقه فى اليكس ووصل الميه والنور باسمنا هل ينفع احول وهل التحويل ليه علاقه بالاقامه اللى موجوده فى بطاقتى وبطاقه الولد

ايوووووووووووووووة
لازم تثبت من بطاقة باباك وبطاقة انك من اسكندرية
يعنى العنوان اللى فى بطاقة و بطاقة والدك ووصل النور كلهم يكون فيهم عنوان وااااااااحد
عنوانك فى اسكندرية
واى حاجة انا فى الخدمة

عايزين حد يقولنا أخر الاخبار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني ل والواحد مرحلة تالته وجاتله حقوق بنها مفتوح واصلا كنت كاتبه رغبه اولى حقوق عين شمس وفرقت معايا ع 3% يا ترى لو عملت تحويل نت ان شاء الله ممكن يتقبل ولالا ؟؟ ولو متقبلش وعملت ورقى مطلوب منى ادفعلهم مبلغ اد ايه ؟؟ ولو التحويل متقبلش اقدر استرد المبلغ تاني ولالا ؟؟ ولو اتقبل هياخدوا فلوس اد ايه ؟؟

هو بالنسبة للتحويل الالكترونى و انت بتقول الفرق 3%
هو فرق كبير ولما عملت تحويل الكترونى كنت بحول من كلية لنفس الكلية بس لمحافظة تانية
كان الفرق 2.5 درجة بس مش فى المية ومتقبلش ودلوقتى بعمل بالورقى
بس حضرتك لازم تعمل الالكترونى يمكن تيجى معاك الله اعلم ولو مجتش تخش على الورقى
الورقى بقى بتشترى استمارة ب 150 او 200 تقدمها فى مكتب التنسيق و معاها الطلبات اللى قلناها فى الاول طبعا
بس انت مش هتسترد ال 150 او 200 لان دول تمن الاستمارة
ولما يقبلوك هتدقع التبرع اللى هو 1000 او 2000 او 3000 او ممكن ميكونش فى اساسا
بس التبرع ده بعد لما تتقبل بتروح تدفعه مش قبليها
بس واى حاجة انا فى الخدمة

ميرسي يا جميل انا اتلغبطت بس هو الفرق 3 درجات مش 3 % وانا كنت عايزة احول من حقوق بنها لحقوق عين شمس عشان انا من شبرا اصلا وعين شمس اقرب ي وكمان ايه التبرعات دي طب ولو مدفعتهاش يعني مش هيقبلونى فيها اصلها غاليه اوي وظروفى متسمحش بكدا ؟

انا رديت على حضرتك فى موضوع تانى :(

يا جماعة انا جالي اداب مفتوح جنوب الوادي وعايز احول لمعهد فني صحي في امبابة فهل هيقبلني ولا لأ علي حسب التوزيع الجغرافي ولوكان هينفع التحويل الالكتروني افضل ولا الورقي ولا اشوف الالكتروني الاول ولو منفعش اعمل ورقي ارجو افادتي