|
طيب اذا كان حضرتك
فتيات من المتبرجات دول تابو ايه رايك هو بيخاطب المتبرجات وبيقربهم منه بيحث يخلي الكلام اللي يقولوه يدخل لقلبهم ثم ان حضرتك اشمعنا عمر خالد هو عشان الناجح دائما بيبقي ليه اعداء وان كنت فعلا بتقول انه غلط يبقي مفيش حد معصوم من الغلط ======== وانا مقتنعه جدااااااااااااا ياااستاذ انا كنت واحده من المتبرجات اللي بتتكلم عنهم ودلوقت انا واحده من البنات والحمد لله بتحاول تكون ليه ايد في نهض الامه الاسلاميه وده بكلام عمر خالد هو اللي خالني ابقي في نظر نفسي بلبس الاسلام سعيده وانا الان خطيت خطوات مهمه وبحاول ========== دي صوره من البنات اللي بتتكلم عنه اقولك احساسي لما كنت بشوف الناس بتتغمز عليا والشيوخ بتنظر نظره استحقار =============== ولما لقيت عمر خالد بيعاملني كابندمه حبيته جداااا واي كلمه بيقولها حسيت انه صح يمكن كنت بتذي من كلام الناس كتير بسبب لبسي الخليع ولكن عمر خالد كان ايجابي وخلاني وخلي بنات كتير يلبسو الحجاب هو بشر مش ملاك ...... عشان بتحاسبوه كانه ملك ولا ينبغي يخطي ======== بس انا شايفه انه صح لانه بيحسسنا اننا ممكن نتوب بنظره لينا ولو الرسول كان فظا لاكنا محبنهوش ليه متتكلمش عن الايجابيات اللي فيه اذا بتنظر عن اللي بيعمله اهو صح جاب نتيجه معايا وانا الحمد لله الان من اجناد القراءن بحفظ القراءن ومش هقولك بعمل ايه يكفني ربي عارف اللي بعمله ولا ازكي نفسي علي احد والسلام عليكم |
اقتباس:
فى ايه يا استاذنا احنا مش فى حرب دى فى الاول والاخر وجهات نظر وانا رديت على رد حضرتك وده كان التعليق عليه ان حضرتك مش هتدخل المنتدى تانى على العموم نورتنا:) ــــ ــــ ـــــ ــــ ـــــ مى يا حبيبتى عجبنى ردك جدا وبالمناسبه المدمنين اللى اتعالجوا عددهم دلوقتى وصل 3861 ولما استضافوه فى 90 دقيقه اتصل بيه تاجر مخدرات واعلن توبته على الهوا عايزين ايه تانى وبجد ربنا يجازيه ويجازيكى كل خير |
لما نحب ننتقد بنى ادم لازم يكون عندنا حاجتين و شرطين مهمين :
اول حاجة نكون على دراية تامة بالمجال اللى بننتقد فيه أى شخص تانى حاجة نكون أعلى علميا فى المجال اللى احنا بننتقد فيه الشخص من الشخص نفسه فاللى شايف نفسه عالم فى الدين أو شايف أنه أعلم و أصلح و أفيد للأمة من عمرو خالد يبقى ينتقده |
انتوا مش عاوزين تفهمونى ابداااااااااااااااااااااااااا
|
حضرتك انت اللى مش عايز تفهمنا طيب بعيدا عن ان البنات دى محتاجه ان حد يرشدها للطريق الصح والكلام ده عمرو خالد فى المرتبه الاولى بيوجه كلامه لاى طبقه؟؟؟ الطبقه الراقيه فى المجتمع اللى هما مش بيسمعوا اصلا للشيوخ ولا اى كلام يقربهم من ربنا طبعا الا من رحم ربى كام شيخ بقى حاول يتقرب من الناس دى ويساعدهم وياخد بايديهم وحتى لو كان الشيوخ عملوا كده كان هيبقى ايه رد فعلهم لما يلاقوا بنت قاعده ادامهم كده ولعلمك استاذ عمرو لما بيلاقى بنات كده بيوجه رساله للمتبرجات من غير ما يجرح حد اى كان موضوع الحلقه والحمد لله فتيات كتيييييييير ربنا هداهم على ايديه لان النوعيه دى بتبقى عايزه اللين عايزه واحد متفاهم يا ريت تكون الفكره وصلت لحضرتك:) |
اقتباس:
|
اقتباس:
كله صح و الحمد لله بس انتى برده مش قادره تفهمى النقد اللى على الاستاذ عمرو خالد موجه ليه على انهى اساس بالظبط عمرو خالد رجل نهضه و بيعمل اشياء ايجابيه كتير زى موضوع المخدرات ما شاء الله بس عنده اخطاء فى العقيده و اللى بينتقده فى اخطاؤه دى مأنكرش البرامج اللى بيعملها ابدا بس انتو اللى مش فاهمين |
اوكي هيكون اول رد عليا
اعتذار لاسيتاذه وحببتي قلبي رانيا لان كان ردي عليها صعب شويه ================ بالنسبه لاايمن صدقني اذا بتعتبر انه ليه اخطاء في العقيده بس عنده اخطاء فى العقيده لا ياريت حضرتك تعرض الاخطاء وهتناقش معاك فيها |
أنا ركب دقن والبس العما طبعا الكل داخل يفتى مهو مولد وصحبه غايب علشان نريح دماغنا من انفلونزا الطيور والعك اللى ملوش لزمة اللى درس حاجة مفيدة يحتفظ بيها لنفسه أو ويحاول يفيد غيره فى حدود معرفته مش كل واحد حفظ جزء عم او قعد فى الجامع سمع خطبة جمعه بئا واعظ وشيخ فوق كل زى علم عليم وياريت نبعد عن الدين فى كلامنا وخصوصا اننا جميعا بلا استثناء نجهل ابسط اموره اللهم الفاتحة والتشهد وياريت مدام مفيش حد وصل لدرجة فى العلم تبيح ليه انه يتكلم عن اى من المشايخ اللى بنتجادل فيهم دول يخليه فى دراسته افيد احسن كده كل واحد بداء يفتى فيها ويجيب كلمتين من الشرق واتنين من الغرب كوبى وباست وهو مش فاهم حاجة ومش عارف حكم الكلام ده ولا يتقال فى اى موقف وعمال يدش على الفاضى روحوا زكرو ا افيد |
اقتباس:
والله يا استاذ اسلام ماحدش افتى ولا قلنا حلال وحرام احنا بندافع عن داعيه احنا مقتنعين بيه فى حدود معرفتنا ومعظمها حاجات حصلت فى الواقع مش بنألف |
اقتباس:
لا بتالفه وكلمكم حمضان بس لما توصله لدرجة علمهم ابئوا اتكلمه مش كل واحد جايب كلمتين من الشرق وكلمتين من الغرب وحاطط موضوع تعبير ويقول الشيخ قال كذا والمفتى قال كذا والكل بيتكلم والسلام ومفيش حد سامع غير صوته حديث الصم والبكم استمروا بس للعلم كل واحد قال كلمة هيتحاسب عليها لان فى احاجة اسمها علم القراءن والحديث وكل أيه فى القراءن ليها سبب فى نزلها وبتطبق فى الحدود لخاصة بيها والحديث كذلك مش نلف وندور ونيجب رأىمن الشرق ورأى من الغرب وحديث من هنا وأية من هناك ونقول هو ده الصح |
اقتباس:
هو فعلا حديث صم وبكم واكبر دليل على كده ان حضرتك بتقول الكلام ده يا استاذنا احنا بندافع عن داعيه كتير اوى غلطوا فى حقه مش بنهاجمه عشان تقول توصل لدرجة علمهم " انا برد على حسب الكلام اللى انا كتباه" وبعدين لو حضرتك زى ما بتقول ان كل ليها سبب فى نزلها يبقى المفروض احنا ما نستشهدش بالقرآن فى كلامنا ولو عملنا كده هتقولوا فين فى القرآن والسنه اللى بيأكد كلامكوا بجد انا ابتديت اشك ان فعلا نقد حضرتك لمجرد النقد |
اقتباس:
انا مش بدافع عن عمرو خالد او عن اى رأى الناس دى علماء أجلاء لزم يختلفوا ويتفقوا فى نقط انا بتكلم عن طريقة كلمكم عليهم وكلمكم بصفة عامة واللى هو مش هيقدم ولا هياخر فى شى بل بالعكس هيزيد عندكم الشك فى ناس موصلناش لربع علمهم وموضوع انى بنتقد لمجرد النقد ده لا تعليق عليه ومدام حضرتك شايفه كده انا منسحب من النقاش افضل ما اشك فى علماء اجلاء ويشرفنى انى اكون جاهل بأمور دينى ده افضل من ما اكون مدعى بالعلم بالتوفيق للجميع فى محاولتكم الجادة للوصول للحقيقة المنشودة |
اقتباس:
ده لما احنا نكون مدعيين العلم وبيتهيألى احنا ما انتقدناش حد من الشيوخ بالعكس اقل ما يقال ان حذائهم على رأسى وانا مهما عملت مش هوصل لربعهم وكل الحكايه انى مقتنعه بفكره وبحاول اوصلها من غير ما ادخل فى حوارات لا يحمد عقباها وبالنسبه لحكاية النقد فدى وجهة نظر وممكن جدا ما تكونش صح حضرتك ادرى بحاجه زى كده:) ومافتكرش ان ده يستدعى ان حضرتك تنسحب ... على كلا سورى اسلام مهما كان انت اخويا الكبير ولا انت رجعت فى كلامك:D |
مقدرش اعترض على كلامك يا مى
كله صح و الحمد لله بس انتى برده مش قادره تفهمى النقد اللى على الاستاذ عمرو خالد موجه ليه على انهى اساس بالظبط عمرو خالد رجل نهضه و بيعمل اشياء ايجابيه كتير زى موضوع المخدرات ما شاء الله بس عنده اخطاء فى العقيده و اللى بينتقده فى اخطاؤه دى مأنكرش البرامج اللى بيعملها ابدا بس انتو اللى مش فاهمين هو دة الى انا اقصدة من سنة؟؟؟؟؟؟؟؟؟؟؟ ياريت تفهمونا يا جماعة وانا كتبت كل ادلتى مش من رايى من راى الشيخ وجدى غنيم ولعجز البعض عن الرد عن هذة الادلة تغاضى عنها وكانى ماكتبتهاش انتوا كل كلامكم صح مافيش فيه غلط بس بقول ودى الرسالة الى عاوز اوصلهالكم الحذر عند سماع عمرو خالد للاخطاء المكتوبة فى نص الشيخ وجدى غنيم وانا ما اساتش ليه عشاااااااان تدافعوا عنه انا بوضح شىء كل علمائنا اتكلموا فيه وعندكوا محمود المصرى عمل حملة لرد المظالم وجابت النتيجة فى الافات بدون مايغلط فى حد وبدون مايقعد ادام متبرجات وبدون اى اخطاء بس فيه حاجة بتقول اننا لو اتعرض علينا ذنبين لابد من الوقوع فيهم(مثلا فى حالات الحرب) بنختار الاقل ذنبا ارجوا فهم ردى كويس وتانى انا مش بهاجمه هو كويس فى حاجات كتير ومحاسنة اكتر كتير من عيوبه بس علمه مش واسع زى العلماء فبيقول حاجات غلط كتير |
| جميع الأوقات بتوقيت GMT +2. الساعة الآن 10:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.