|
التقسيمات دية مش داخلة دماغي مفرقين نفسهم و فاصلين نفسهم و بيتكلموا باسم الدين ليه مش زي باقي المسلمين و ليه التجمعات و هل التطاول علي الاخوان هو تطاول علي الدين و هل لازم أعرف تاريخ الجماعات دية عشان أبقي مثقف و مسلم أنا معرفش إلا اللي اتعلمناه في الأزهر ما اعرفش الا القرآن و سنة الرسول صلي الله عليه و سلم ما اعرفش الا الصحابة و التابعين ما اعرفش الا فقه مذاهب الأئمة الأربعة ما اعرفش إلا ان فيه مفتي نأخذ فتاويه منه و ليس من الاخوان
|
ممكن اسألك سؤال
هل انتى بتقبل حكم الله عزوجل وشريعته أم لا ؟ لو كنت تقبله فالمروض بيك ان تقبل من يدعو بيه بلاش هذا الهجوم الذى لا طائل من واءه الا تشويه الصورة شوف الاسلام قادم والقرأن حاكم لن تقوم الساعة حتى يدخل الاسلام كل بيت على وجه الارض من وبر او مضر بعز عزيز او بذل ذليل عز يعز الله به الاسلام أو ذل يذل الله به الكفر اللهم أرنا فى أعداء دينك يوما اسودا مش انت يا استاذ فرماوى الا لو كنت ترفض تطبيق شرع الله ؟؟؟؟؟؟؟؟؟؟؟؟ اختار استاذى الفاضل |
اقتباس:
اللي ميعرفش حد ميشتمهوش لما تعرفهم اتكلم براحتك ولو هي مش داخلة دماغ حضرتك احنا ذنبنا ايه وكمان عاوزة اقول لحضرتك انك مفروض تعرف من هم الاخوان ومن هم السلف وكل فئة على الاقل في بلدك لان من لم يهتم بأمر المسلمين فليس منهم انا معرفش كل حاجة بس بحاول اعرف على قد ما اقدر وعاوزة اقول لحضرت ان جائز الانفصال لكن الهدف واحد وكل واحد مختلف في وجهة نظره عن الوسيلة |
سلمت يداك
يا ليت قومى يعلمون يا ليت قومى يعلمون من قال قد عرفت فقد جهل |
نعم أقبل حكم الله و شريعته أمال المفتي و مشايخ الأزهر الغير منتمين للاخوان دول ايه
و هل نحن غير مسلمين ما معني الاسلام قادم |
اقتباس:
ومقلناش ان اللي برة الاخوان دول مش مسلمين بس الاخوان دول جزء من الاسلاميين وليس كلهم احنا كلنا في البيت وجراننا اسلاميين بس مش اخوانيين ومينفعش اننا نشتم فئة بتدعوا للاسلام بدون وجه حق لازم نبقى عارفين احنا بنقول ايه وربنا يهدينا جميعا ويوفقنا جميعا وباذن الله الاسلام قادم لينا كلنا |
اقتباس:
انا ربنا يعلم لما بشوف ناس زي حضرتك بطمن على مصر وعلى ان فيه ناس بتدافع عن الدين عن علم جزاك الله خيرا |
اقتباس:
اى ان شريعته تطبق ولا ات مش عايز الشريعة ؟ بلاش كده النبي قال ثم تكون خلافة على منهاج النبوه مش ده معناه ان الاخوان هتقوم على ايديهم الخلافة واإن كنا نتمنى لكن الشرع قادم الناس عايزة الشرع ده يزعلكم فى ايه ممكن اعرف هل شفيق سوف يطبق الشريعه ؟ يبقى امامى اختيارين واحد بيقول هيطبق الشريعة وواحد بيقول لالالا اختر اخى الفاضل |
اقتباس:
يا دكتورة يا اختى الفاضلة ده حق لازم نوضحه احنا مش بنتهم حد بلا دليل بس ده دين دين دين مينفعش فيه المهادنة ومش عيب يا دكتورة انا لو مش عارف حاجة اسأل زى ما حضرتك رديتى على استاذ فرماوى وكفاية ان حضرت كسمحتيلى ارد كل ده معاكى جزاكى الله خيرا وجعله فى ميزان حسانتك ودمتى يا دكتورة فى معية الرحمن |
للأسف مافهمتيش كلامي يالولو ماعرفش يعني لا أعترف إلا بما يقوله المفتي مش الاخوان
و لو عازة أي أي حاجة عن الاخوان سهلة ادخلي علي المنتدي هتلاقي بعض الملاء قايمين بالواجب و زيادة |
لا أريد الدخول في هذه الحوارات و لكني أردت أن أذكر أن جماعة الاخوان تختلف عن جماعة الجهاد فاغتيال السادات رحمه الله ينسب الي جماعة الجهاد و ليس الاخوان و كانوا يخططون للانقلاب علي نظام السادات رحمه الله تعالي من خلال أفراد من الجيش المصري و أفراد شبه عسكرية يعني ايه شبه عسكرية يعني مدنيين ينتمون لتنظيم الجماعة و أشهر تنظيم الجماعة من الجيش هما عبود الزمر و خالد الإسلامبولى |
يارب ولي الأصلح علينا يا رب
|
هل تطبيق الشريعة يعني أن يتسلموا مقاليد الحكم دون أي برنامج سياسي ودون أي ضمانات لما ينوون فعله ودون ضمانات لرحيلهم إذا أراد الشعب ذلك ؟ لقد انتخبت في الجولة الأولي شفيق ليس كما يقولون بأن من انتخب شفيق عندا في الاخوان و لكني انتخبته اعتراضا علي ما آلت اليه سلوكيات الشباب بل الأطفال بعد الثورة كل ما يحدث من جرائم بعيدة عني سأقول ربما مفتعله و لكني لاحظت بنفسي سلوكيات الشباب من حولي و أنهم أصبحوا لا يستمعون لأحد و أصابتهم الغرور و أصبحت مشكلة جيل كنا نطالب بالحرية و القانون فلما جائتنا الحرية تفرقنا و أصبح البعض يعتدون علي الشرطة و لا يحترمون القانون و خلاص وكأننا أصبحنا في غابة القوي يأكل الضعيف فأخترت ذلك و تمنيت أن يكون شفيق في الاعادة لكي يكون انذار للشباب و أشبه ذلك بما حدث في غزوة أحد حينما خالف المسلمون أوامر الرسول صلي الله عليه و سلم و تركوا مواقعهم لحصد الغنائم فهزموا و مع ذلك فهو انتصار لأنهم أدركوا أن انهزامهم بسبب مخالفتهم أوامر الرسول صلي الله عليه و سلم و لكني في الاعادة مازلت باحثة و لم أتخذ قرارا بعد |
اقتباس:
لا حول ولا قوة الا بالله وكانت فين دماء الناس اللى ماتت وحضرتك بتنتخبيه |
موضوع انقسام المسلمون الي اخوان و الي سلفيين و شيوعيين وو أنا ضده و أخشي أن يكون هذا الانقسام من أجل السياسة و الله تعالي في كتابه العزيز يقول بِسْمِ اللهِ الرَّحْمنِ الرَّحِيمِ {فَتَقَطَّعُوا أَمْرَهُم بَيْنَهُمْ زُبُراً كُلُّ حِزْبٍ بِمَا لَدَيْهِمْ فَرِحُونَ }المؤمنون53 صدق الله العظيم |
| جميع الأوقات بتوقيت GMT +2. الساعة الآن 02:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.