بوابة الثانوية العامة المصرية - معهد الصفوة العالى للهندسة والتكنولوجيا بالقليوبية

بوابة الثانوية العامة المصرية (https://www.thanwya.com/vb/index.php)

- الجامعات الخاصة والمعاهد (https://www.thanwya.com/vb/forumdisplay.php?f=167)

يا جماعة انا عايز اعرف حاجة .. ياتري ايه مواصلات المعهد من الزقازيق عشان اعرف اوصله وانا رايح اقدم .. وياتري هوا قدام مدينة الشروق بالظبط .. طيب يا تري المصاريف بتتدفع وانا بقدم ولا بعد ما اخش .. وياتري لو عايز اقدم فى المدينة الجامعية بتعته .. لسه مفتوحة لدلوقتي ولا اعمل ايه . والى معايا فى المعهد او داخل جديد يضيف ايميلى لو سمحتم عشان عايز استفسر منه على حاجات تانية real_love_legend***********

اقتباس:

المشاركة الأصلية كتبت بواسطة midoadel2010 (المشاركة 4788948)

بداية انا اخترت المعهد ده لابني وفعلا جاله ورشح ليه لكن فضلت اني اقدم له في المعهد الهندسي اللي في الزقازيق لتفادي متاعب السفر والوقت اللي هيضيع فيه وبكرة معهد الزقازيق هيكون له اعتماد ومعادلة واهو يروحه بالسرفيس بدلا من بهدلة المواصلات......................
بالنسبة للصفوة :-
- وانت بتقدم هتروح مواصلات عادية وقدامك لحد بداية العام الدراسي هتركب من موقف العاشر بالزقازيق التالتة وتنزل قبل كوبري كليوباترا وتاخد من على الطريق ميكروباص بجنيه لحد المعهد قوله نزلني المعهد بس والوصفة دي اخدتها من الباشمهندس اسلام ابو الفتوح تانية مدني ورايح تالته ان شاء الله موجود معانا في الموضوع ممكن تتحدث معاه هيفيدك جدا لانه انسان متعاون وخدوم
- فيه باص بيطلع من الزقازيق تقريبا الساعة السابعة والنصف صباحا من المحطة وتكلفته 2050 في السنة
- بالنسبة للمصاريف هي 7500 مش 6500 زي ماهو مكتوب بالتنسيق بتدفع مع بداية الدراسة 75% من المصاريف بالاضافة الى 450 جنيه بيقولوا للكارنيه ودي بتندفع مرة واحدة في اعدادي فقط والباقي في شهر فبراير عشان النتيجة تظهر لك مش تتحجب لعدم استكمال المصاريف والكتب في حدود 600 لكل ترم يعني 1200 في السنة ......... لكن انت بتدفع حاليا وانت بتقدم 150 جنيه رسوم تقديم الملف وتاخد معاك استمارة النجاح وبطاقة الترشيح و6 صور 4*6 وشهادة الميلاد واستمارة 2 جند
- المدينة لسه ممكن تسال عنها وانت بتقدم
- ولان صعب تحول بعد اعدادي من الصفوة لاي معهد هندسي اخر لان نتيجة الصفوة الى الان لم تظهر واعتقد ان دي استراتيجية بيعملوها لحد ما باب التحويل يقفل (4/9) وميقدرشي الطالب يحول من الصفوة لاي معهد اخر رايي انك تجازف وتقدم الزقازيق (ويفوز باللذات كل مجازف) هو فاتح باب التقديم للي حاصل على 88% وممكن ينزل بالمجموع اليومين دول والدفعة 200 واحد ثانوية عامة فقط لم يفتح الباب للصنايع والازهر لو كل واحد خاف وقال دا لسه فاتح الدنيا هتقف عند معهد واحد اعطي الفرصة لمعهد زي الزقازيق ينتشر عشان اخوك وقرايبك من بعدك وخلي مدينتك تستفيد منك بدال ما تنفق فلوسك وجهد بره مدينتك ومع الايام اتوقع له مكانة كويسه ولو دخل تنسيق العام المقبل افكرك انه هياخد فوق 92% فكر وربنا يعمل اللي فيه الخير للعلم مصاريفه بالكتب وكل حاجة 9000 في السنة بتندفع على قسطين والادارة ناس محترمة جدا

ياجماعة انا خلاص قدمت فى الصفوة وربنا يكرمني .. وياريت الى قدم ولسه داخل او مقيد بالمعهد يكملنى ونتعرف على بعض عشان نبقة نعرف نساعد بعض وقت الشدة .. وايميلى real_love_legend*yahoo وعلى الفيس ..

حد يعرف الدراسه يوم 15 ولا لا

انا من سمنود ورحت قدمت في معهد الصفوه من يومين وهي دي المعلومات اللي عارفها||||

الكيلو 39 طريق مصر الإسماعيلية الصحراوي – أمام مدينة الشروق

مدة الدراسة: 5 سنوات دراسية.

المؤهلات التي يقبلها:

1-
الثانوية العامة الشعبة الهندسية وما يعادلها من الشهادات العربية والأجنبية
2-
الثانوية الصناعية نظام 3 سنوات بحد ادنى 75 % من مجموع المواد النظرية
3-
دبلوم المدارس الصناعية نظام الخمس سنوات
بحد ادنى 70% من المجموع الكلي للدرجات
4-
المعاهد الفنية الصناعية

التخصصات:

1- قسم الهندسة المعمارية
2- قسم الهندسة المدنية .
3- قسم هندسة الالكترونيات والاتصالات والحاسبات : -
- شعبة الالكترونيات والاتصالات .

- شعبة هندسة الحاسبات

التخصصات (الأقسام)
المصروفات:
الفرقة الإعدادي

التخصص
مصروفات دراسية
إضافية
جملة
1 - قسم الهندسة المعمارية
2- قسم الهندسة المدنية

3- قسم هندسة الالكترونات والاتصالات والحاسبات
- شعبة الالكترونات والاتصالات
– شعبـة هندسة الحاسبات.
6969
502
7471

الدرجة العلمية التى يمنحها :

درجة بكالوريوس الهندسة فى أحدى التخصصات .