|
السلام عليكم ورحمة الله وبركاته اولا يا اخوان جزاكم الله كل خير واحب اوضح شئ بس احنا يا اخوه مش بنتعارك واعتقد ان كلمنا مفهوش شئ علشان كل اخ او اخت تدخل وتقول كفايه اولا احب اقول للاخ سعيد اشهد الله انى احبك فى الله ثانيا اخى الكريم لابى اسحاق كل التقدير ولكن اعذرنى انا لا اثق به وده رائى الشخصى ولا اتحدث عن لقبه الذى يوجد به الكثير والكثير من التجاوزات الشرعيه نحن فى غنى عن ذكرها ثانيا اخواتى الكرام انا كما سبق وقولت انى لا احلها وفى نفس الوقت لا احرمها لانى لا اجد ما يدل على تحريمها سواء من كتاب او سنه وكل ما اتى بيه اخى سعيد ليس الا مجرد اجتهاد من الصحابه فى شئنها ولكن اقولها صرحة الغنى عها اولى واحب اقولك اخى الكريم ان الدكتور يوسف القرضاوى لم ولن يضعف احاديث الامام البخارى راجع انت بس صحيح البخارى ولو لقيت فيها الاحاديث الى حضرتك ذكرتها فى بابا الغناء ابقى تعالى قولى ثالثا احب انقل لكم كامات الدكتور محمد سيد الطنطاوى شيخ الازهر انى لا اعترف بها ولكن يجب عليه ذكرها انه قال ان الاغانى اذا لم تلهينا عن ذكر الله وعن الصلاه وعن الواجبات اى بمعنى اخر اذا اتينا سماعها فى اوقات فراغنا فلا شئ فيها وده كلام شيخ الازهر فما بالك بكلام شيخ الازهر امام ابى اسحاق الحوينى اعتقد اننا نضرب براى ابى اسحاق عرض الحائط وكذالك بكلام الشيخ الدكتور القرضاوى رابعا اخى الكريم نعم ان العلم درجات وانا معك فى هذا ولكن علم الدكتور القرضاوى اكثر واعمق من علم ابى اسحاق وغيره من الذين يتواجدون على الساحه الدعوه الان ولس هذا كلامى بل كلام الالاف من البشر والعلماء ليس على مستوى الوطن العربى فقط ولكن على مستوى العالم كله والعلم درجات فلماذا قيمت انت ابن تيميه انه اعلم من الفكهانى وغيره فى عصره اه كنت حنسى اولا انا مشفتش كلام الاخت على الشيخ يعقوب فا انا رديت ردى على كلام حضرتك مشفتهاش وهى بتقول انه متشدد ولله لو كنت رائيتها لقولت ما قالت مائة مره وهذا رائى الشخصى من رجل يعلم امور دينه ولى الفخر بهذا |
اقتباس:
مثلا ازاى شىء ايا كان يكون حرام فى جميع الاوقات وحلال فى العيد ؟ ..هل الحرام والحلال له مواسم ؟ واكيد طبعا الافضل ان احنا نسمع القرآن ونفهمه ونتدبره ولو عملنا حتى بربعه هنكون افضل بكتير بس برده انا شايف ان ده مالوش علاقة ...بالظبط كأنى بقول لحضرتك السباحة رياضة ممتعة وترد عليا تقولى بس الصلاة احسن وافضل !!! وبالتالى بلاش نلعب سباحة لانها هتلهينا عن الصلاة !!!!!!!! لازم طرفى المقارنة يكونوا متكافئين معناً وشكلاً ومضموناً مع احترامى للجميع الموضوع فيه خلاف ولو مفيهوش خلاف ماكناش لسه بنسأل السؤال ده لحد دلوقتى. عمرنا سمعنا انه حصل خلاف فى تحريم الخمر ؟ حصل خلاف فى فرضية الحجاب ؟ دمتم بود وجزاك الله خيرا يا دكتور سعيد |
اقتباس:
بصوا يا جماعة خلاصةً كدا انا غلطانة إني فتحت مناقشة دينية والمفروض فعلا زي ما انتوا قلتوا ما كنتش عملت كدا لأننا أقل من إننا نتكلم في الدين خصوصا في موضوع زي ده مهما كانت معانا الادلة سواء ضد الغناء أو معاه ممكن بعقلنا احنا يبقا تفسيرها غير التفسير .. أو لها أكثر من تفسير .. وإلا مكانتش يبقا العلماء مختلفين عليها لأن من خلال الردود اللي شفتها والحاجات اللي أنا قريتها وسمعتها من شيوخ موثوق فيهم وعلماء أفاضل .. لقيت إن : * منهم من يقول أن الغناء حرام إذا اقترن بالموسيقى حتى لو كان ديني * ومنهم من يقول إن الغناء حلال إذا كان كلام ديني أو وطني حتى لو اقترن بالموسيقى وحرموا بذلك الأغاني الرومانسية * ومنهم من قال أن الغناء حلال بكل أنواعه طالما كلماته لا تثير الشهوة أو كلمات غير أخلاقية (حسنه حسن وقبيحه قبيح ) فهو حلال طالما لا يلهي عن ذكر الله وهكذا وعموماً أنا زي ماقولتلكم هاعمل استخارة كتير بإذن الله وربنا إن شاء الله هيهديني للطريق الصح .. بس على فكرة أنا مش زي ما انتوا فاكرين يعني بنت السماعة في ودنها طول الوقت بتسمع أغاني بقا وكدا الحمد لله لأ ... أنا قليل لما بسمعها لما أحب يعني أفرفش أو كدا .. وبكون الحمد لله عاملة اللي عليا من ناحية ربنا .. يعني مش بتلهيني مثلاً عن القرآن أبداً .. انا الحمد لله حافظة كتير من القرآن وبالترتيل وأحكام التجويد ومازلت بحفظ و ربنا معايا ومعاكوا وأنا شاكرة جدا لكل اللي حاولوا يفيدوني بجد ربنا يكرمكوا واسفة جدا اني مردتش على كل واحد لكن جزاكم الله كل الخير من كل قلبي السلام عليكم |
| جميع الأوقات بتوقيت GMT +2. الساعة الآن 07:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.