|
اية دة
معقول ..اغيب يومين ارجع الاقيكى هتسيبى المنتدى لية كدة ... :mad::mad: انتى مش هتسيبى المنتدى ومش هنودعك لانى هتفضلى فية حاااااضر اما اشوفك على الميل :D وبالنسبة للخناقات والمشاكل من الحكمة اننا نحلها حتى لو حل بسيط انما مش نسيب محور المشكلة وصدقين المشاكل دى هتزول ولو لاحظتى انها كلها خلافات عادية بتزول تانى يوم انا عارفة وحاسة بيكى بس معلش استحملى خير المؤمنون الصابرون :) احنا ممكن نخليكى تاخدى اجازة راحة نفسية كدة انما مش هتسيبى المنتدى وبجد انتى عزيزة علينا كلنا واخت لينا كلنا وانا بحبك كتيييير ...علشان كدة مش هسمح لك انك تسيبى المنتدى كملى مشوارك وحققى باقى اهدافك ومستنينك على الميل ان شاء الله |
اقتباس:
انا قولت كلمتى هتروحى تريحى اعصابك يومين تلاتة وهستناكى ترجعيلى تانى شط اب:mad: مش نقصاكى |
ليه يا شموخ ده احنا كنا بنعترف ان المنتدى قائم بيكى و باللى زيك على العموم مش هننساكى اخت فاضلة و محترمة
|
اقتباس:
خير ايه اللي حصل لده كله يا شموخ |
السلام عليكم ورحمة الله وبركاته انا يمكن مااعرفكيش كويس بس الى انا متاكدة منه ان فيه هنا ناس بتحبك وهتستفيد منك ومن مواضيعك وحكاية الخناقات دى وغيرها مجرد ايام وهتعدى ومش لازم تستسلمى كده بسهولة وده رجاء مش منى لواحدى لأ ده من كل الى بيحبوكى هنا فكرى تانى وبجد مش هتلاقى حد يحبك اكتر من اخواتك هنا ياريت تفكرى تانى وهنستنى انك تقولى انك رجعتى فى قرارك |
ربنا يوفقك حبيبة قلبى
شموخ شوفى حبيبتى انا وصلت فى يوم للدرجة دى وكنت فعلا عايزة اترك المنتدى نهائيا لانى من اول مدخلته كان ليا هدف واحد بعد افادة الطلاب وهو ان نكون يد واحده واسرة واحده فى كل الاقسام حتى نكون قدوة لطلابنا ومع النزاعات والخلافات وجدت نفسى متاثرة جدا حتى وجودى فى القسم بقى قليل لكن بعد الكلام مع استاذ عصام والاستاذة رانيا والكثير من الاخوة والاخوات وطبعا الطلاب الذين احبهم كثيرا وفقت تانى وقلت لازم احاول تانى ونرجع احسن من الاول ايد واحده وقلب واحد نخاف على بعض نفرح لبعض انا بشوف فيكم حبيبتى انتى واصدقائك الروح دى ليه يا شموخ عايزة تتنازلى عنها كده حبيبتى من اختك الكبيرة رجاء صلى استخارة وحاولى تعودى لمرحلة اتزانك الانفعالى استجمى شوية وان شاء الله هترجعى لنا بموضوعات وافكار اجمل واجمل ربنا يوفقك حبيبة قلبى لما فيه الخير فى الدنيا والاخرة |
انا بجد مش عارفه ايه اللى حصل لكل ده وبعدين انا والله معرفكيش اوى ياشموخ بس من خلال مواضيعك متتخيليش انا بكن لك اد ايه من الحب وبعدين بصراحه انا حاسه فيكى روح عدم الاستسلام بس مش عارفه فجاه اختفت بالله عليكى فكرى تانى
لو مش علشانك ياستى فيبقى علشان الناس اللى حبوكى دول واتعلقوا بيكى واللى انا كنت من اولهم سلام ياقمر |
السلام عليكم هى مين دى اللى عاوزة تسيب المنتدى شموخ مسلمة؟؟؟؟؟!!!!!!!! لالالالالالالالالالالالالالا ياروحى فكرى فى كلامك تانى وفكرى كمان فى كل الاعضاء اللى عاوزينك ومدير الموقع اللى رفض استقالتك كل دول يخلوكى ترجعى معانا هنا ع المنتدى شموخ ياقلبى انتى أخت لكل واحد وواحدة فينا وهنزعل أوووووووووووى لو سيبتينا أو حتى لو أقتصر التعامل بينا ع الميل معلش بقى أحنا ناس طماعة عاوزينك معانا ع الميل وع المنتدى كمان وخدى أجازة من المنتدى عشان تهدى شوية بس ياريت ترجعيلنا بسرعة عشان هتوحشينــــــــــــــــــا أووووووووووووووى ياحبيبة قلبى أنا عارفة يا حبيبتى أنك مجروحة ومتضايقة بس والله مش دة الحل خالص فكرى تانى ياروحى ثم بقى أنتى عارفة لو مشيتى انا هعمل هنا ع المنتدى حملة (بس مش الحملة اللى فى بالك) حملة هدعو فيها بنات المنتدى الأعتصام والأضراب لحد ماترجعيلنا ياقلبـــــــــــــــــــى وطبعا انتى عارفة أخرة الأضرابات اليومين دول فبلاش تسيبينا أحسن أوكى وبعدين بقى كلمة لأعضاء المنتدى احنا اخوات فى الله و لازم نخاف ع بعضنا.و نحب بعض. ونسامح بعض.و نفوت لبعض ومش نقف لبعض ع الواحدة و لو أى عضو اتضايق من التانى عندة حلين 1. يسامح العضو التانى و يستنى اجرة من ربنا 2. يقول للعضو التانى انه زعلان منه عشان كذاو كذا و يتقبل منه كلامه و يلتمسلة العذر ع أى حاجة(بس الكلام دة يكون ع الخاص أو الميل مش ع المنتدى) لأن فى ناس كتييييييييييييير بتضايقها المواضيع دى وبعدين أحنا دلوقتى فى أجازة فياريت بدل ما نملى المنتدى بمواضيع تصفية الحسابات بين الأعضاء نملى المنتدى بمواضيع هادفة تفيد الكل وياريت نفتكر (أنت حر مالم تضر) فالخلافات الشخصية اللى بتتنشر هنا ع المنتدى بتضر ناس كتير فكل عضو قبل مايعمل أى موضوع من النوع دة يفكر ألـــــــــــــــــــــــــــــف مرة ويخلية كريم ويسامح.................أوكى وياشموخ فكرى تانى ومستنينك قريب معانا أن شاء الله ربنا يوفقك ياروحى ويعينك ع اللى فية الخير آآآآآآآآآآآآآآآميـــــــــــــــــــــــــــــــــ ــــــــن |
انا مش عارف اقول ايه دايما الاعضاء الكويسين اللى بيفيدونا هما اللى بيسيبو المنتدى ويسيبو بعض الاعضاء تدهور المنتدى ليه بس عايزة تسيبينا علشان المشاكل طب ماهو كل يوم فيه مشاكل بعضها بيعدى والبعض الاخر ( يبقى الحال على ماهو عليه لحين تدخل الادارة والادارة مبتدخلش ) ياريت تخليكى معانا اكيد هنستفيد من حضرتك كتير عموما وفقكى الله فى رعاية الله استودعكى الله الذى لا تضيع ودائعه ودمتم |
لا حول ولا قوة الا بالله
لو انتي مضايقة من كتر الخلافات بين الأعضاء فكفاية ان هما اتفقوا دلوقتي على ان انتي ماينفعش تسيبي المنتدى بعد ما سبتي بصمة فيه وكنتي أخت محترمة ومن الأعضاء المميزة اللي باستنى ردودهم على اي موضوع .. هاقولك يا ريت تفكري تاني :) بس لو انتي شايفة انك ممكن تستغني عن اخواتك يبقى خلاص براحتك ( ايوه ده احراج :d ) |
--------------------------
|
ربنا يخليكم يا اخواتى بجد انا مش عارفة اقولكم ايه :(
بس و الله انا مش كنت اعرف ان فى حد بيحبنى كده او انى باثر فى حد اوى والله يا جماعة انا اصلا كنت مترددة جدااااااااا انى اعمل الموضوع بس لما عملته بجد كنت محتارة جدا لانى مش بحب ارجع فى كلمتى خالص بس اعمل ايه بجد مش هقدر مش ارجع فيها المرة دى:) أنا معاكم يا أخواتى و استحالة اسيبكم بس ياريت بجد نتصرف سوا اننا اخوات و بلاش بجرح بعض و بجد بشكركم كلكم و خاصة استاذ اشرف ومتاسفة ليكم كلكم و بقول لترافل بالذات انتى اللى قلتهولى انبارح عندى احسن من اى حاجة فى الدنيا |
ايوة هو ده الكلام المظبوط يارب ما ترجعى فى الكلام تانى
الحمد لله اللى هداكى لنا وانك مش هاتسبينا يللا غيرى التوقيع ده دلوقتى حالا |
ايوة كدا
الف مبروك العودة الحميدة انا بصراحة مكنتش متخيلة المنتدى من غير شموخ |
انتى اختى يا شمووخ
واستحالة انى كنت هدخل المنتدى وافتقد اختى وهى متكنش معايا اكييد هيكون صعب اوى الاحساس ده بس صدقينى انتى جواكى كويس وربنا هيكرمك فى حياتك باذن الله انا مبسوووووووووطة جدا والله انى عرفت اخليكى ترجعى تانى لبيتك(المنتدى) ولاخواتك بجد انا مبسوطة اوى خليتى اكتئابى من النتيجة يتحول الى فرحة جامدة بجد والله |
| جميع الأوقات بتوقيت GMT +2. الساعة الآن 04:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.