بوابة الثانوية العامة المصرية - انجح هات مجموع عالي .. ازاي

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - انجح هات مجموع عالي .. ازاي (https://www.thanwya.com/vb/showthread.php?t=564204)

انا بصراحة كنت رافض فكرة إن حد يكتب خطة مذاكرة لحد تاني بس امبارح واحد صاحبي كان كاتب خطة حلوة وعجبتني جدا وشكلي هبدأ أغير رأيي في النقطة دي المهم أنا نفسي حضرتك تكتبلي خطة بحيث أخلص المنهج واراجع عليه حلو وانا مبروحش مدرسة وبروح درسين بس واحد من(١١ونص ل ١ ونص) الظهر والتاني (٦ل ٧) بالليل والدرسين سبت واتنين واربع بس ياريت تكتبها علي الورد مش بي دي إف عشان انا بفتح من محمول مش كمبيوتر أو ممكن تكتبها علي ‏document

ايه يا دوك فينك؟

اقتباس:

المشاركة الأصلية كتبت بواسطة not masked (المشاركة 5635297)

انا بصراحة كنت رافض فكرة إن حد يكتب خطة مذاكرة لحد تاني بس امبارح واحد صاحبي كان كاتب خطة حلوة وعجبتني جدا وشكلي هبدأ أغير رأيي في النقطة دي المهم أنا نفسي حضرتك تكتبلي خطة بحيث أخلص المنهج واراجع عليه حلو وانا مبروحش مدرسة وبروح درسين بس واحد من(11ونص ل 1 ونص) الظهر والتاني (6ل 7) بالليل والدرسين سبت واتنين واربع بس ياريت تكتبها علي الورد مش بي دي إف عشان انا بفتح من محمول مش كمبيوتر أو ممكن تكتبها علي ‏document

الجدول اهو .. واي مشاكل بلغني .. بس قوم الفجر صلي ونام وبعد كده ابدا من 6

السلام عليكم .. بجد الموضوع جميل وجبار فعلاً ربنا يجزيك كل خير ويوفقك

بالنسبة لي أنا 3ث بس نظام قديييم .. وبصراحه يعني إلى حد ما ف حالة أحباط شديد

أنا مأجله فيزيا ورياضه بس وامتحنت الباقي طبعا كان فيه ظروف ....... الحمد لله ع كل شئ

أنا دلوقت حماسي قليل جدا جدا وبصراحه خايفه من فكره اني أكون ضيعت السنه ع الفاضي وبحاول أقاومها بس مفيش فايده تذكر

أنا مشكلتي في الجداول بصراحه وتنظيم الوقت النوم والمذاكره مش عارفه أصحى إزاي مش بصحى لوحدي

عايزه بس حضرتك تقوللي ع مخطط للفيزيا مثلا وإني أخلصها وأحلها ... وبعدين أراجع ..أنا عايزه حاجة اتشجع بيها

ملاحظه يعني أنا إمتحاني على المنهج كله يعني ال15 فصل ياريت حضرتك تساعدني فعلا بأي مقترح لآي حاجه

لان خلاص الوقت مفيييييييييش .. والمادتين اللي معايا بمثابة 4 مواد نظام جديد

ربنااااااااااااا يسهل والله ويجزيك كل خييييييييييييييييييييييييييييييييييييييييييييييييي يييييييييييير

اقتباس:

المشاركة الأصلية كتبت بواسطة ayat ali (المشاركة 5636569)

هيا مش صعبة ولا حاجة .. انا الفيزيا بدأت أزاكرها من شهر 1 .. وجبت فيها 49.5

هيا مادة ممتعة جداا .. لانها فهم بجزء بسيط حفظ ..

تقريبا احنا دلوقت في نص شهر 12 باقي على الامتحان 7 شهور ونص على اساس انو في سبعة ..

يعني معاكي سبع شهور ونص ..
انتي لو خلصتي الفيزيا في 3 شهور ونص بمعدل اربع ابواب في الشهر ..

يبقى ممتاز .. ويكون معاكي تلت شهور تراجعي فيهم ..

ولاحظي انك بتزاكري فيزيا ورياضة بس ..

يعني هتزاكر اليوم كله في مادتين .. يعني ان شاء الله تقفيلهم ...

اما الرياضة فدي حلها بسيط جدا ..

الميكانيكا :
فهم القوانين وحفظها بعدين التطبيق والحل ..
الجبر والفراغية :
اهم حاجةفي الفراغية حفظ القوانين عربي كويس ..
والجبر اجاباته منطقية ..
التفاضل والتكامل :
وده فرع مضمون وتافه بس لازم الحل ..

الرياضة قسميها على تلت شهور ونص برضه زي ما تحبي .. وراجعي وحلي امتحانات الباقي ..

دعواتك

حضرتك بتقول ع التفاضل تافه ؟!
و حضرتك بتتكلم عن الرياضه ازاى و انت علمى علوم ؟

اقتباس:

المشاركة الأصلية كتبت بواسطة هتـــلر (المشاركة 5636838)

حضرتك بتقول ع التفاضل تافه ؟!
و حضرتك بتتكلم عن الرياضه ازاى و انت علمى علوم ؟

أنا بتكلم على اساس اصحابي اللي كانوا معايا في رياضة ..

لما تجرب انت غير لما تسمع

اقتباس:

المشاركة الأصلية كتبت بواسطة ahmedelfangary (المشاركة 5636741)

شهر 1!! ماشاء الله

بجد والله ؟؟!!! ..

يعني لسه فيه أمل

. ربنا يعين

الامتحانات 7/6/2014 ع فكره ف شهر 6 مش 7 سبعه

طيب وحضرتك كنت بتحل منين ؟؟!!

وربنا يسهل إن شاء الله

ربنا يبارك في حضرتك

وبالتوفيق

دعواتكم

اقتباس:

المشاركة الأصلية كتبت بواسطة ayat ali (المشاركة 5637781)

بالنسبة في الفيزياء .. كنت بزاكر من المزكرة واحل من الامتحان والوسام .. بس الوسام عايز تفكير شوية
بس نتيجته ان شاء الله مضمونة ..

اما الرياضة .. فعن خبرة اصحابي في هندسة لامي والمعاصر ..

وانتي بما ان معاكي مادتين بس ..

مفروض تحملي كل مزكرات النت وتحليها وكل الكتب والملخصات ..

والقي نظرة على كتاب المدرسة ..

انا عايزة اسأل سؤال

هوا النصوص في العربى لازم تتحفظ كل مظاهر الجمال

اصل انا بفضل احفظ طول اليوم في النص ومظاهر الجمال كتير

بس ماما قلتلى انتى بتعملى في نفسك كدا ليه انتى مش فاهمة بلاغة خلاص

وانا شوفت هنا في المنتدى ان بنت كانت بتحفظ من كتاب المدرسة في التعليق المظاهر وتحفظ المعانى بس من الاضواء

فانا قررت اعمل كدا

صح كدا ولا ايه

وغير كدا انا ينفع اسيب درس العربى ولا انا هتجن زى مبيقولى اصحابى

اقتباس:

وخدي النصايح دي للعربي ..

1

:022yb4:شكرا جدا ع النصايح

اقتباس:

- اقري القصة كتير ..

انا بحفظ القصة حفظ
بس هقراها في المواصلات من باب التثبيت

اقتباس:

2- حلي كتير على البلاغة ..

البلاغة بتاعة تالتة مش عارفة احل عليها ولا فاهماها
وحافظة الجمل لكن مش فاهمة اعمل ايه فيها
انا هروح لمدرس في المدرسة يشرحها ليا وهوا ممتاز

اقتباس:

3- احفظي الننصوص ومفرداتها ضروري جدا ..

4-

انا بحفظ النصوص ومفرداتها وكمان مظاهر الجمال والايحاءات واقعة منى خالص مش عارفة اعمل ايه

اقتباس:

الأدب شوية حفظ بس مراجعة أول بأول ..

5-

الادب بحفظه من كتاب المدرسة بس يعنى بكون حاظة الاسئلة فيه بس حكاية المراجعة اول باول دى منسية

مش لاقية حق المذاكرة الجديدة

اقتباس:

التعبير حلي موضعات على قد ماتقدري ..

6-

انا ممكن مثلا اكتب تعبير كل اسبوعين اوديه لمستر في المدرسة

اقتباس:

حلي اكتر كم من الامتحانات ..

الحكاية دى سيباها في شهور المراجعة لان انا مش عارفة دلوقتى حتى اذاكر الجديد العربى بياخد وقت جامد

ولا ايه

اقتباس:

بالنسبة للانجليزي .. بما ان حصيلتك اللغوية قلية لازم تحفظي كلمات كتييييييييييييييييييييير ..

انا بحفظ كنت في الاول 10 كلمات بس مش منتظمة

دلوقتى 30 كلمة

المستر ادانى ملزمة ترجمة وقطع فهم محلولة بحيث احل واقدر اشوف اجابتى صح ولا غلط

حاسة نفسى في الترجمة ضايعة وقطع الفهم يعنى حلوة

بس بفكر اعيد السنة عشان الانجليزى ازاى هخش انا امتحان وانا بالطريقة دى

انا باخد عند مدرس ممتاز في المحافظة

اقتباس:

القصة لازم تذاكريها كتييييييييييير ..
احفظ القواعد وافهميها وحلي عليها كتير ..

القصة مفتحتهاش بس هوا المستر هيعمل امتحان ولازم افصفصها بس هوا انا لازم احفظ الشبتركله عشان عليه سؤال الكوتيشن ولا ايه

القواعد المدرس مخلينا ممتازين فيها ومعايا 3 ملخصات :028ja7:

اقتباس:

اما البراجراف .. الفي مقدمة ونهاية ليكي واحفظيهم .. او اسالي احد المدرسين عليها ..

البراجراف مستر الدرس بيخلينا نكتب كل اسبوع برجراف وورانا ازاى نكتبه ومن كتر الكاتبة الواحد اتعود يكتب مقدمة ونهاية بس خايفة من حكاية تناسق الكلام في الموضوع نفسه

اقتباس:

حلي امتحانات كتييييييييييييييييييييييير ..

برضه مخلياها للمراجعة

وشكلى كدا ايام المراجعة هكون بذاكر عارفة نفسى لازم اتزنق زى اى طالب مصرى :slap1qk6:

اقتباس:

متنسيش الانتظام في العربي .. واذا انتي مرتاحة مع المدرسين استمري معاهم ..

مدرسين عربى دنا مش عايزة اصلا اروح درس عربى واللى واقف معايا اوديه لمدرس في المدرسة ممتاز بصراحة مش عارفة اعمل ايه

اصل المدرس الاول هوا بيخلينا نخلص مالنهج بدرى

ببس هوا كله اللى بيعمله بيحفظنا المادة وشايفة ان الناس اللى دخلت طب واعرفهم بياخدو عنده ان ممكن احفظ في البيت مع نفسى ومفيش اى ميزة

غير طبعا انه هيشد لو رخيت بس

بس يعنى اديله فلوس عشان يسمعلى:(

وجزاك الله خيرا ع النصائح والردود

مش بدخل عشان الحالة اللى انا فيها

وخداها منازل ومش بذاكر

انا مش بسمع التى في ولا بدخل نت بس بنام

بس يعنىيوم اقعد ع المزاكرة طول اليوم واليوم التانى اعرفه انه هيبقى نوم طول اليوم

انا ضايعة

اقتباس:

سؤال لـحضرتك

انت حاسس ان عادى متروحش دروس في باقى المواد ؟؟ وبتاخد دروس في ايه ؟؟

معلش اصل بفكر الغى دروس وخايفة

اقتباس:

أكيد مش اخر السنة دي في كل وقت .. اخر اليوم ونهاية الاسبوع ونهاية الشهر ونهاية الترم واخر السنة .. يعني لازم تراجع من فترة لفترة ..
يعني حط ساعة او نص ساعة في اليوم .. تراجع فيها ..
ويوم في الاسبوع تراجع فيه .. وهكذا ..

هوا فيه وقت بصراحة للحكاية دى بس للى منظم وقته على جدول فعلا

هل حضرتك كنت ماشى بجدول في مذكرتك للثانوى ؟؟

اصل انا بعمل جدول حلوة مش بمشى عليها غير يومين وبعدها بتروح واعمل جدول جديد :mad:

وحكاية المراجعة انا نفسى ابدأ المراجعة من شهر 2 وكون مش باخد دروس احلى حاجة

ومقررة كدا وعايزة اخلص الحاجات اللى مش مذاكراها في باقى 12 و 1 وابدا مراجعة مع نفسى ومش هروح لمدرسين واى حاجة تقف هروح المدرسة اكون لميت حاجات كتير واروح يوم بس كدا

بس نفسى امشى على جدول بجد عشان اوصل للمرحلة دى

اقتباس:

المشاركة الأصلية كتبت بواسطة yasmeena.r (المشاركة 5639919)

بالنسبة انك متخديش درس فس المادة ده بيتوقف على عاملين ..
1- حبك للمادة
2- تمكنك منها

فمثلا انا الاحياء مكنتش باخد درس فيها وجبت فيها 49 لاني كنت بحبها جدا ومتمكن منها في نفس الوقت