|
أنا رحت أول و تاني يوم وحدث الآتي .....
أول يوم ... بالنسبة لمحاضرة الحاسب المفروض انها ساعة ما خدناهاش و ناس دخلوا كلمونا ع الجامعة ونظام الدراسة فيها وكده وبعدين.... محاضرة فسيولوجي ادتها دكتورة اسمها سلمى نصار و خدنا مقدمة كده عن الrespiration و الشرح ع فكرة كان كويس و بعدين .... محاضرة هيستولوجي ما خدناش حاجة في المنهج ... بس دكتور عزت الدريني رئيس قسم الهيستولوجي كلمنا برضه عن النظام بتاع الامتحانات والاسئلة وكده ودكاترة من الاستاف اتكلموا في نفس الكلام و بس |
وتاني يوم اللي هو انهارده
خدنا محاضرة أناتومي ساعتين اداها دكتور ممدوح عبد العزيز محمد رئيس قسم الأناتومي كان في الجينيرال أناتومي و الجهاز العضلي والكلام كان سهل لو حد كان بياخد الكورسات التأهيلية هو نفس الكلام و بعدين محاضرة الهيستولوجي اداها برضه د عزت الدريني و ملحوظة بالنسبة للبنات .... في جماعة بنات عساسيل كده في سنة رابعة و اسمهم بنات شكل تاني بيعيدوا المحاضرات بطريقة مبسطة ومفيدة جدا ... والله استفدت منهم كل يوم بيعيدوا محاضرات اليوم اللي قبليه من غير مقابل لوجه الله يعني و بيقعدوا في الجامع اللي في الكلية كل يوم بعد المحاضرات بتاعتنا و اعتقد ان في جماعة شكلها للأولاد بس مش عارفة عنها حاجة |
فين جماعة الاولاد دى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
والله أنا مش متأكده أوي أن في جماعة للأولاد بس بقول احتمال كبير
لأن دكتور اسمه دكتور إيهاب (في سنة رابعة باين ) اللي خد المحاضرات التأهيلية بتاعت سنتر السعدني أكيد يعرفة و دخل لنا في أول يوم قال لنا على أسرة الرأي و اللي عايز ينضم لها و كده المهم اني بشوف الدكتور ده بيحضر معانا المحاضرات زي البنات بتوع جماعة بنات شكل تاني اللي بيحضروا المحاضرات علشان يكتبوها فاحتمال كبير يكون في جماعة شكلها للأولاد و ممكن تسأل الدكتور إيهاب عنها و الله أعلم |
هو النهاردة كان في هستولوجي :confused::confused:؟ مش كان بيو؟
|
اقتباس:
أنا كاتبة المشاركة دي امبارح اللي هو يوم الاثنين أما انهارده اللي هو الثلاثاء كان في بيو و أناتومي |
ايوا انا عارف ايهاب ده بتاع الراى وكان بيدينا فى السعدنى فسيولوجى ..........طيب لما تعرف حاجة برده يبقى اكتبيها عشان انا اصلا ناوى مرحش غير بعد العيد وشكرااااااا لمجهودك يا دكتوره
|
ايوا انا عارف ايهاب ده بتاع الراى وكان بيدينا فى السعدنى هستلوجى ..........طيب لما تعرف حاجة برده يبقى اكتبيها عشان انا اصلا ناوى مرحش غير بعد العيد وشكرااااااا لمجهودك يا دكتوره
|
اكيد ان شاء الله أول ما أعرف حاجة عن الموضوع ده هكتبها
بس أعتقد ان بعد العيد هيكون بتوع سنة رابعة خلاص بقوا مشغولين لأن رونداتهم هتكون أكيد ابتدت لأنهم بييدونا دلوقتي لأن الروندات بتاعتهم لسه ما بدأتش ولما تبدأ مش هيبقوا فاضيين و الشكر لله مافيش مجهود ولا حاجة |
اقتباس:
|
ها يا جماعة عاملين ايه ..
ان شاء الله تكونوا تمام على فكرة قسم الفسيولوجي بدأ يوزع الكتب وأنا إستلمت امبارح كتب سنة تانية .. بـ 150 جنيـه .. وكمان قسم الهستولوجي فتح الحجز للكتب .. وباقي الأقسام تقريبـا ً بعد العيــد ولو عاوزين تاخدوا كورسات وتسألوا على الدكاترة الكويسين انا برضه تحت امركم :) |
اقتباس:
|
كل سنه وانتم طيبين
انا جالي طب عين شمس وحولت طب شبين بس انا مكنتش عاوزه احول واستخرت ربنا وحولت ويارب تكون كليه كويسه بس انا عوزه اعرف سنه اولى بدأت المحاضرات عشان انا مش موجوده في مصر وهروح الكليه يوم الثلاثاء بعد العيد انشاء الله .......... وخايفه حاجات كتير تفوتني ومعرفش احصلها وخصوصا انها اول سنه يعني الاساس ........ ياريت تردوا عليا سنه اولى او اي حد في طب شبين............ وكل سنه وانتم طيبين |
نداء عاجل لجميع طلبة طب شبين
كل سنه وانتم طيبين
انا جالي طب عين شمس وحولت طب شبين ومكنتش عوزه احول بس استخرت ربنا وحولت ويارب تكون كليه كويسه عوزه اعرف سنه اولى بدأت محاضرات عشان انا مش موجوده في مصر وهروح الكليه يوم الثلاثاء بعد العيد انشاء الله ..وخايفه حاجات كتير تفوتني خصوصا انها اول سنه يعني الاساس ......وهل انا هعرف احصل الى فاتني ........ياريت تردوا عليا سنه اولى او اي حد من طب شبين ......... وكل سنه وانتم طيبين |
أيوة يا دكتورة
كله بدأ بس معرفشي تفاصيل عن سنة اولى ممنوع وضع لينكات لمواقع اخرى |
| جميع الأوقات بتوقيت GMT +2. الساعة الآن 06:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.