|
رحمها الله واسكنها فسيح جناته
ارجو ان تتقبل مني هذه القصيده المنقوله وحشتينى قـوى يا امى وحشنى حضنك الدافى وبوسة كنـتى ليا زمان بترميها على كتافى وكنت كبير وبرضوا عليا بتخافى وكنـتى شراعى ونجومى ومقدافى وحشتينى قوى يا امى ودعوة كنتى ليا زمان بتدعيها ف فجرك كنتى تتوضى تقوليها الهى يارب تكون عالى ونجمك فى السما يعلا ونجمك فى السما يلالى بقيت عالى وكل الناس بتتعالى لكنى الحزن جوايا وبفتكرك ما ينقصنيش فى دى الدنيا وانا بكرك كبير يا أمى وصغير ومحتاجلك وزى ما أكون انا طفلك بيتهدهد ويسمعلك ولو جابوا نساء الدنيا ما فى وحده هتشبهلك ولا فيش طفل فى حرمانى يشبهلى وحشتينى قوى يا امى ف كل جدار وفيه برواز وفيه صورتك وبروزاك على قلبى وقلبى يدعى وف غيبتك وكل مشوفك افتكرك واجيب سيرتك وتفتكرى ف عيد الام يوم عيدك ااقرب ليكى ابوس ايدك ولما يجى صبح جديد ينادينى بقول فينك يارت ف الحلم هتجينى وفاكر لما تنادينى تقوليلى؟الهى يحرسك يبنى ولما انام ف عز الليل تغطينى وبتسمى على جبينى واسم الله على نضرى ونور عينى وأحط أيدى على عينى وأحلم بيكى من تانى تقوم الصورة قيلالى قوم يا ابنى لتـتأخر على شغلك وكنتى تضبطى الساعه لاتاخر وترقينى واتبخر ف ضوء الفجر واروح يا غالية على قبرك أبوس القبر وادعي لك يمكن بوستى تـوصلك أحط الورد وأحكيلك وأشكيلك وزى ما كنتى مهمومة بحزنى زمان يزيد همك عشان ببكى ونفسى مره انا اضمك وادووق حضنك وحشتينى اوى يمه ولما يسألونى الناس عن اللى كنت بعشقها وتعشقنى عن اللى كنت اشتقها وتشتقنى ومن خيرها تغرقنى عن اللى كنت أمدلها إيديا بحب ألاقى إيديها قبل إيديا تسبقنى أخاف يا اما أقول أمى وأحط الصمت فوق فمى أخاف لدموعى وانا راجل تغرقنى اخاف م الاخره تحرقنى اخاف لدنيا تسرقنى رضاكى عنى يكفينى يبرئنى وحشتينى قوى يا أمى تملى الطهر ف ايدك ادعيلى دعوه ف صمتك او ف تنهيدك ادعيلى دعوه رضا منك-- ابوس ايدك قوليلى روح بالسلامه وقلبى رضى عنك وادعى لامك دا بعد الام مين سيدك امك وامك وامك قالها سيدى و سيدك صلى الله عليه وسلم |
اقتباس:
|
سلمت اناملك
احساسها عالي دمت مميزا |
|
اقتباس:
اقتباس:
اقتباس:
اقتباس:
اقتباس:
مرورك هو الغاية في الروعة شكراً لكِ |
رحم الله الوالدة واسكنها فسيح جناته لانها انجبت شاعرا رائعا زي حضرتك تحياتي |
القصيدة جميلة بس ازي ان الواحد حتي يفكر انه ينسي امه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ازاي؟؟؟ |
البقاء لله وحده
ربنا يرحم والدتك ويتقبله برحمته والقصيده رائعه جدا وربنا يعينك من فقد امه فقد فقد الحياه |
حلوة قوى حسيت إن أنا اللى بتكلم مشاعرك صادقة مست أوتار القلوب سلمت وسلم قلبك من الأحزان
تقبل مرورى |
الله ... فعلا الام دي حاجه عظيمه ...جوهره كدا ربنا يحفظ امهاتنا
بجد توبيك فكره تحفه |
| جميع الأوقات بتوقيت GMT +2. الساعة الآن 04:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.