بوابة الثانوية العامة المصرية - ذاكر بذكاء ~~ متجدد ~~

الموضوع اللي بيهم كل طالب في هذه الفترة
.
إزاي تحل مشكلة المناهج اللي اتراكمت عليك؟
==========================
1. واجه المشكلة بشجاعة
--------------------------------
لازم تعرف أن الهروب من المشكلة مش هيحلها بالعكس ، لو لقيت نفسك أول ما تفكر في المذاكرة تجري على النت أو الفيس أو النوم ركز لأنك كدة بتضر نفسك، واجه الموقف وهيتحل بإذن الله
.
2. خد فكرة عن المقرر وقسمه
------------------------------------
بشكل عام شوف عندك كام مادة وف كل مادة عندك المقرر قد ايه ؟
ناس بتقسم المقرر بالصفحات وتشوف العدد الإجمالي للصفحات قد ايه وتقسمه على الأيام ، يعني مثلا لو كتاب 200 صفحة وهذاكرة على 10 أيام يبقى اليوم 20 صفحة ، ميزة الطريقة دي أنها بسيطة وسهلة جدا في التخطيط.
الطريقة التانية أنك تقسم المقرر على حسب الفصول أو الوحدات أو الدروس ميزة الطريقة دي أنها بتراعي السهولة والصعوبة ، يعني ممكن عدد صفحات كثير يكون سهل ، وعدد صفحات قليل يكون عايز مجهود مضاعف
الخطوة دي مهمة عشان هتساعدك تحصر تفكيرك في المطلوب منك خلال اليوم بس ، ونصيحة لما تذاكر حاجة من المنهج بلاش تفكر في أي حاجة تانية ركز في اللي بين إيديك فقط
.
3. خد خطوة إيجابية حالا
-----------------------------
جايز تكون في الأيام اللي فاتت واقف مكانك مش عارف تعمل إيه ، خد خطوة حالا دلوقتي عشان تكسر حالة الجمود اللي أنت فيها واشتغل كل يوم حتى لو تعبان او ملكش نفس اشتغل ، حتى لو كمية قليلة بس المهم استمر
.
4. أهم حاجة لازم تعرف أن الفرصة لسة موجودة
------------------------------------------------------
الفرصة لسة بين ايديك إياك تضيعها عشان ساعتها مش هيكون لك عذر ، واحذر من الندم وقت لا ينفع الندم
.
نصيحة شوف الفيديوهات دي ضروري
كيف تعمل جدول مراجعة في 3 دقائق https://goo.gl/DcYjfz
المفاتيح الخمسة للتفوق الدراسي https://goo.gl/UQrGnW
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓

مع حبي #مرزوق_الغنامي
مدرب #مهارات_التعلم
مؤسس نظام #smart_learning_system

منقوول