بوابة الثانوية العامة المصرية - جدو عبده المتسابق الثالث بمسابقة غريب فى غريب افادة وثقافة وتواصل بمنتديات بوابة الثانوية العامة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

اقتباس:

المشاركة الأصلية كتبت بواسطة ميس هدى خليفة (المشاركة 6376723)

ماشاء الله على الحضور والتواجد والاجابات الرائعة

نعود لك بالاسئلة فى المساء ومتابعين لك فى الموضوعات

http://www.up.7cc.com/uploads/1455115669221.gif

ماشاء الله ميس هدى

احنا هنروح فين من ابداعكم

شكرا جزيلا على كرمكم المتواصل

ماشاء الله عليك أ/ رضا أجوبة اكثر من رائعة

واسفه لو تعبت حضرتك بالاسئله

هددتني ميس هدى تخاصمني لو ان لم اشترك بالمسابقة ههههههه

وانا متأكدة انك ستتميز بالرد عليها

بس حاجه وحدة كنت اتمنى القبول بمنصب رئاسة اي دولة كي نطلب اللجوء فيها بدلا من الاغراب

ميول حضرتك مشابهه لحضرتي حول الشخصيات

جزاك الله خيرا وبارك الله فيك

ومبروك عليك النجاح بمرتبه الامتيار والشرف من الدرجه الاولى

تحياتي وتقديري

والله شرف ليا مشاركتى عندك وحضرتك عارف كده كويس
بس للاسف باقتى تعجزنى
وبالعافية باكتب حروفى
بس طبعا البركة ف الشباب فقلت اكون ضيف خفيف عليك مع انى متابعة عن كثب الحوار
احييك عالمصداقية فى الردود

http://www.samysoft.net/fmm/fimnew/f...1/82307130.gif

تمام يا جدوا باقي الاربعة ردود
اسمح لك اساعد اخواني شوية واستلم الدفة يا صديقي
ندخل علي شوية اسألة بسيطة
عضو تحس انه خليفة جدوا وتري فية شبابك؟مين؟
عضو تحس ان عندة كتير بس متملكة الخمول والكسل؟
عضــو يجذبـك بأسلوبه وطريقـة ردوده
عضــو يناسبه لـقب المحبوب ...
عضو تقوله (( ماينساك أبد قلبي )) ...
عضو توقيعه روعه..
صف في كلمة كلا من
مستر ايمن- مستر صوت الحق- ميس هدي - الاستاذة ام فيصل - جدوا عبدة هههه - الفيلسوف- الاستاذ محمد حسن - الاستاذ محمد محمود بدر - دقة قلب - عادل
اخيرا متي تضحك وانت تبكي؟

http://www.samysoft.net/fmm/fimnew/f...1/82307130.gif

اقتباس:

المشاركة الأصلية كتبت بواسطة الأستاذة ام فيصل (المشاركة 6377222)

ماشاء الله عليك أ/ رضا أجوبة اكثر من رائعة

واسفه لو تعبت حضرتك بالاسئله

تعبكم راحة ياأستاذه

هددتني ميس هدى تخاصمني لو ان لم اشترك بالمسابقة ههههههه

ههههههه- تهديد --- معلشى بنتنا وشكلها ماتعرفشى تهديدات جدو بتبقى زيها إيه :d

وانا متأكدة انك ستتميز بالرد عليها

بس حاجه وحدة كنت اتمنى القبول بمنصب رئاسة اي دولة كي نطلب اللجوء فيها بدلا من الاغراب

ما أنا اخترت البلد اللى المسئول المكروه أوالفاسد فيها لاينتظر خرو ج الناس عليه حتى يطلب اللجوء لبلد أخر لأن بلد اللجوء عندهم واحدة--- طُخ بنفسه لنفسه والعزاء مقتصر على الأسرة فقط منعا للإحراج ---اللى عندهم دم بزياده مش محتاج للهروب أو اللجوء - يواااااااااااجه ---هو فيه حاجة ضيعت بلادنا إلا المعارضة من خارج الحدود---والمثل بيقول (البعيد عن العين بعيد عن القلب)--- طبعا ماعدا من يضطر بسبب اضطهاد فعلى مشهود ---وربنا يصلح الحال

ميول حضرتك مشابهه لحضرتي حول الشخصيات

جزاك الله خيرا وبارك الله فيك

ومبروك عليك النجاح بمرتبه الامتيار والشرف من الدرجه الاولى

مبروك علينا عودة الروح للمنتدى هو دا الامتياز وهو دا الشرف بجد

تحياتي وتقديري

دائما التقدير والاحترام لحضرتك موصول

أدام الله لنا قلوب تمتلأ بالمودة والطيبة للجميع كبيرا وصغيرا

شكرا جزيلا

اقتباس:

المشاركة الأصلية كتبت بواسطة لوجين20 (المشاركة 6377279)

كفاية نورك عليا

ياأستاذه أجمل هديه

وأهل الكرم مايعرفوا بخل

والضيف صاحب بيت

يبقى ليه الخفيه

نورتينا يا أستاذه لوجين وشكرا جزيلا لكى وللباقة اللى رحمتنى من صفحة الأسئله :078111rg3::d

اقتباس:

المشاركة الأصلية كتبت بواسطة عادل عدلي سلامه (المشاركة 6377470)

http://www.samysoft.net/fmm/fimnew/f...1/82307130.gif

تمام يا جدوا باقي الاربعة ردود
اسمح لك اساعد اخواني شوية واستلم الدفة يا صديقي
ندخل علي شوية اسألة بسيطة

دى أسئلة بسيطة ؟ داشكله كمين مش أسئلة يا أستاذ عادل هههههههههههه

عضو تحس انه خليفة جدوا وتري فية شبابك؟مين؟

دا على أساس أننى وصلت لمرتبة محمد على كلاى فى المنتدى ولا إيه؟

ياعزيزى أنا رديت رد قاسى على عضو فى يوم ما - فرد عليا رد مهذب واقعى موثق --فذهبت لصفحته فوجدته طالب بالصف الثانى الثانوى ---- من يومها قلت اللى مش هيعترف إن احنا نتعلم من أولادنا يبقى هيتوه فى الدنيا ---واللى بيزعل لما شاب متفتح يرد على مسئول كبير رد فيه جديه موثقة يبقى مايزعلشى لما المجتمع يتملى باشوات وتسمع كل يوم احنا أسيادكم ---- المهارة أن تعلم أبنائك وطلابك الحوار الجيد لا أن تمنعهم الحوار وتضع العراقيل المبرمجة أمامه هذا مسئول كبير وهذا مرموق وهذا ابن ناس وتشعر أبنك أوتلميذك بأنه ابن حاجة تانية---يعنى أنا بتعلم منكم يامعلم ههههه

عضو تحس ان عندة كتير بس متملكة الخمول والكسل؟

لوحذفنا نهاية السؤال واستبدلناها بالظروف يبقى (الفيلسوف - العشرى - مستر حاتم - مستر إبراهيم أبوليفه)

عضــو يجذبـك بأسلوبه وطريقـة ردوده

(أبو إسراء )

عضــو يناسبه لـقب المحبوب ...

أبوإسراء a

عضو تقوله (( ماينساك أبد قلبي )) ...

بلاش قلبى - خليها فكرى (أيه كمال) أول من علمتنى أشارك بجد وأنزل موضوعات وتسابيح النجوم فى زمن (رضا عطية )place-place بلاك بلاك سابقا -

والأستاذ عبد الله الرفاعى فى زمن (رضا الجوهرى ) بركان الغضب 2 سابقا

والأستاذ عادل عدلى سلامه - تعرفه - فى زمن جدو عبده - اللى لا له سابقا ويارب يكون لاحقا ههههه

نحن ننفرد عن الجميع --- لنا أزمنه والأنامل لازالت صامده والحمد لله

عضو توقيعه روعه..

زمااااااان - اقترحت قبل رمضان 2008 توقيع موحد لكل الأعضاء -----والفكرة رحب بها الاغلبية لكن المعارضة جاءت من البعض المتملكين للقرار حينها -- ومع ذلك نحن الأعضاء قررنا تنفيذ الفكرة -- ووزعنا نفسنا مجموعات كل مجموعة تشارك فى موضوع تحتفل مع الناس فى رمضان ---- وفى جولاتى فى ثلاث منتديات وجدت كلامنا ومشاركتنا وأعمالنا تعرض فى هذه المنتديات بالنص --فانفعلت فاتوقفت -- فلما رجعت بوجه جديد دائما ينكشف بعد أول مشاركة راسلنى إدارى وقال لى إنت زعلان ليه ؟ لوقريت اسم المشرف فى القسم الذى ينشر أعمالكم فى المنتديات الثلاثة هتعرف إنت اتوقفت ليه
فكرتنى بسؤالك ففضفت من غير ماأدرى - سامحنى - ولو فيه اعتراض ممكن أحذفه

لدينا نجوم الإبداع والتصميمات المحليه الرائعة والتى تفوق المستورد (صنع إيديه وحياة عنيه)--- طبعا توقيع ميس هدى --ألا ماتعرفشى مين اللى صممه؟

صف في كلمة كلا من
مستر ايمن-

مكانه الخارجية مش بوابة الثانوية ولا التربية والتعليم-- ماشاء الله - لديه ملكة اسكات الغاضب بطريقة فائقة وإرضائه بطريقة رائعة -جزاه الله خيرا

مستر صوت الحق-

ليَّا عنده عضويتين خطفهم بقراره وهو رئيس مجلس الإدارة ---ياريت حد يقولوا يرجعهم من سكات هههههه---الإنسان المحترم يجبرك على احترامه --وأنا عشان بحترمه متنازل عن حقى ههههههه

ميس هدي -
س :سؤال : هى شجرة الإبداع كان أول نبتها على أرض اسكندريه ؟
احيانا تشعر بأن شكرا جزيلا لاتفى بالوفاء للمبدع ---فتطالبهم بالمزيد --لأن المبدع لايكل ولايمل لأنه يعشق نايصنع

الاستاذة ام فيصل -

ماشاء الله --- محبوبة من أبنائها -- مكرمه بين زملائها ---لاتمنح التقدير لأنها أهل له -- تشعرك بأن قيم العروبة فى الشرق لاتختلف عن قيم العروبة فى الغرب أو الجنوب --- جزاها الله خيرا

جدوا عبدة هههه -

رجل بيحب المكان ده - ومع كل دا لوعايزين ترحلوه رحلوه ههههههههههههه-اللى يزهقكم الكارت الأحمر على طول مفيش هزار ---هو مين جدو عبده ده ؟

الفيلسوف-

منذ الطلعة الأولى -أعترف إنى اختبارته --فغلبنى بنبل أخلاقه وطيبته التى تعلو حروفه -- فاحترمته وقدرته
وياريت مايزعل من اختبارته دى ويعذرنى فقد مر علينا ناس مايعلم بيهم إلا ربنا

الاستاذ محمد حسن -
العطاااااء فى هدوووء ---وإذا منحك الشرف ورد على موضوعك -- فاعلم بأنك متمكن - والدليل أنك تمكنت من جذب اهتمام ا/ محمد حسن ضبعون وأقنعته بالرد

الاستاذ محمد محمود بدر -

لن نعود للماضى ولو كان امبارح (أمس) فمن وسط كل هذا النشاط المشهود لك فى كل أقسام البوابة ويدفعك للإبتعاد لفتره أظن تحديه هو الأن الذى يدفعك لمضاعفة النشاط والعطاء --يلا يابطل --جدد كل ماتم وقفه من أنشطة --ابتكر كل جديد

دقة قلب -
تشعر وكأنها نسمة -ربنا يوفقها ويعينها وييسر لها لتحقق كل أحلامها وطموحتها المستقبلية

عادل

أجمل مافى الموضوع إنك جبت نفسك فى الأخر ---يعنى ساعتين إجابه --وضيعت عليا الغدا - وتقوللى أسئلة بسيطة -- طب خد عندك (الشعب يريد عادل عدلى يكون الضيف القادم أو بعد القادم بالكتير )

لو ماكنتش دخلت الموضوع انهارده --- كان ياويلك من غضبة جدو

شكرا ياصديقى وصدقنى المتعة الحقيقة أن تُسأل وتَجيب وانا تثق فى أن هناك من ينتظر إجابتك حتى لوفرد واحد

اخيرا متي تضحك وانت تبكي؟

لما ألاقى مسئول بيقول لى الصبر علينا شويه لمانرتب الدواليب وننظم المكاتب ونعيد دهان المقر كله وإذا اتبقى حاجة نبقى نفكر إزاى نوصلها لك

وأكتر لما تلاقى المعارض الفاشل حتى فى حزبة بيوعدك بحياة كريمة وهو أصلا فى خناقة متواصلة مع الست كريمة ع الفضائيات

وأكثر وأكثر لما تلاقى معارض بالكلام ينتقد الدولة بحرية تامه ولما حد من النظام أو الناس العادية تنتقد كلامه تلاقيه شغال نهنهه -إيه الاضطهاد ده -إنتم عايزين تكمموا أصواتنا ---دعاة الحريات عايزين يتكلمو ا براحتهم ولاحد ينتقدهم كما ينتقدوا

الأمر الأخير -حين ترى فى أعين أولادك مطالب كزملائهموأصدقائهم -- ولايطالبوك بها لأنهم هما اللى ماسكين الميزانية وعارفين حدود صرفها

الحمد لله رب العالمين

http://www.samysoft.net/fmm/fimnew/f...1/82307130.gif

شكرا جزيلا استاذ عادل على الأسئلة البسيطة جدا

وشكرا على مشاركتك فى الموضوع ومش عارف للمرة الخامسة باين ولا كام ؟

كمان شكرا على الكمين والمقلب الصناعى اللى عملته فى مواجهة العمالقة بالمنتدى

جزاكم الله خيرا

لو أكتب إحساسي بالأشعار وأبديه
فيك المشاعر كيف بس اختصرها
قدرك كبير، ويعجز الشّعر يوفيه
كلّ القصايد فيك ينضب بحرها
أرفع يدّيني واسأل الله وأرجيه
ينجيك من شرّ الحياة وكدرها.

الاستاذة ام فيصل -

ماشاء الله --- محبوبة من أبنائها -- مكرمه بين زملائها ---لاتمنح التقدير لأنها أهل له -- تشعرك بأن قيم العروبة فى الشرق لاتختلف عن قيم العروبة فى الغرب أو الجنوب --- جزاها الله خيرا

بارك الله بحضرتك اخي الفاضل جدو مقاما ورفعة

اقولها صراحة لم اشعر وانا بينكم الا واحدة من هذا الشعب الطيب

الذي أحببته من الضغر واحدى امنياتي والتي تحققت زيارة مصر الحبيبة

وان شاء الله اعاود الزيارة متى سمحت لي الظروف

دمتم اخوة واخوات لي واحبة لله وللله

تقبل شكري وامتتاني

تحياتي

رساله إلى الأبناء

بقلمى - رضا الجوهرى

أه يامن استمد منك كيانى
وأرى فيك كل الرجاء
وكل الأمانى
يارسالة الطيبة من السماء
ياشجرة النجدة من لهيب الصحراء
منك ولك أعانى
تمهل وارفق بمن تحبهم
تمهل وأفق للنداء وانعم بالدعاء
فأنا الوطن
فأى حياة تحلو لك خارج حدودى
أنا الأصل
وإن كنت لاأملك سروجودى
فلا تسخر من حنينى الفياض
ولاتهزأ من صمودى
أنا من مُنحت الحياة لأمدها لك بأمر الملك
وأنا من يغضب ربى لغضبى
فمن استعر الغضب هلك
أنا الأب
وأنت الإبن كل طموحى وأمالى
فاجعلها لغد يمتلك الأعالى
أنا الأب وأنت الحبيب
وإن كنت لاتبالى
فاحذر حفيدى سيعيد حقى فلا تغالى

هههههههههههه حلوة بتكتب وترد ههههههههههه ماشي يا جدوا

الله عليكي وعلي شعرك يا جدوا

اقتباس:

المشاركة الأصلية كتبت بواسطة عادل عدلي سلامه (المشاركة 6377656)

هههههههههههه حلوة بتكتب وترد ههههههههههه ماشي يا جدوا

يعنى إيه --- مش فاهم ؟