استاذه منار كلامك بخصوص الأسماء دى غير صحيح بالمره دى أسماء خليجيه خاصه بهذه الدول ياريت ماتعمليش حاله من الارتباك للناس طالما مش عندك معلومات صحيحه وشوفى مكان غير هذا المنتدى ضيعي فيه وقت فراغك

أستاذ عبد الرحمن هل هناك إعارات أخري لدول غير عمان قريبا لو عندك معلومات ياريت تفيدنا

الاعارات مقتصره فقط على سلطنة عمان ومملكة البحرين

[SIZE="5"]
أنا دورت على النت ولقيت الخبر وسورى يعنى مركزتش فيه بس انا مقصدتش حاجه واصلا حتى لو فاتت الاعاره السلطنه بتنزل مسابقه بعد عشر أيام او اسبوعين بعد مقابلات الاعارات ومفيش امتيازات ولا فرق بين الاعاره والتعاقد يعنى لسه فيه فرصة وانا كان هدفى أساعد مش أكتر وعموما شكرا لطريقه وأسلوب حضرتك معايا وعلى فكره انا مش بدخل هنا عشان اقضى وقت فراغى ولاحاجه لانى أصلا معنديش وقت فراغ أنا بدخل لما اكون بدور على حاجه مهمه فى شغلى أو بدور على حاجه وعادى يعنى كل انسان قابل انه يغلط مش جريمة يعنى كمان على فكره الخبر يمكن مش صحيح بالأسماء بس صحيح ان فعلا نزلت أسماء واتصلوا عليهم زى ماحد من الأعضاء قال سابقا وأنا نزلت أسماء نزلت فى دمياط فعلا واتصلوا بيهم لأنى بتابع موضوع السفر من زمان سواء اعارات أو تعاقدات وفى كل الدول

شكرا للاستاذ عبد الرحمن اللورد على صدق معلوماته

استاذ عبد الرحمن الدول غير الناطقة بتظهر متى

الدول غير الناطقه دى باب واقفل عليه تماما

سؤال للإخوة الأعضاء
 

هل يشترط للتقدم للتعاقد فى سلطنة عمان او إلى اى دولة عربية او اى مدرسة خاصة شهادة خبرة يعنى لازم يكون اشتغل بالتدريس فمثلا شاب خريج اداب واشتغل بالدروس ولم يتم تعيينه هل له فرصة للسفر والعمل بالتدريس افيدونا جزاكم الله خيرا

للأسف بيبقى شرط فى اغلب الاوقات بس ممكن تمشى معاك موضوع حظوظ يعنى وممكن الموضوع يمشى لو مثلا سافرت عن طريق مكتب سفريات لمدرسة خاصة غير كده ممكن تشوف واسطه او تدفع لاى مدرسة خاصه هنا وتطلع خبرة 3 سنين بس على فكره السلطنه بتنزل اللى معاه خبره من الخاص هنا درجه يعنى بيعين على الدرجة السابعه واللى معاه خبره حكومى بيتعين هناك على الدرجة السادسة

استاذ عبد الرحمن متى ستظهر حركة اعارات البحرين وهل قى حركة 2 لعمان


الرجاء الرد من خلال خبرتكم

مش فاهم الجملة طيب هم طلبوا حركة تكملية قىشهر 5 و 6 ليه



متى ستظهر حركة البحرين وهل فة حركة عمان 2

انا كتبت رقم الملحقيه اتصل واعرف يا استاذ احمد