انا بحب بورسعيد جدا وزعلان عليها
لها وشين وش جميل وهو منطقة الافرنج وطرح البحر والوجهة الجميل اللي كلنا عرفينه ا
ووجه اخر بكرهه وبكره كل اللى ساعد فيه اذا كان محافظ ولارئيس حي ولا مواطنين جهله مش عارفين حاجة اسمها نظافة مناطق مليئة بالزبالة ومياه الصرف الصحي مناور سكنتها الفئران اسواق الناس ملياها بالنهار والفئران تانسها طول الليل ياريت بورسعيد وشها يبقي زي قفاهانفسي بجد اشفها جميله نفسي مشفش شنطة زبالة بتترمي من بالكونه مشفش عربيات الكارو اللي بترمي الرتش بين المدارس مشفش الغرز اللي مالية البلد مشفش البنجو اللي بيتباع عز الظهر مشفش عيال ملهاش شغلة الا معكسة البنات جيل طالع مالوش هدف ...... مفيش فائده

انا من بورسعيد واعمل بمدرسة بورسعيد العسكرية اشكرهم على هذا المجهود

انا رحت بورسعيد بجد جميلة جدا جدا واهله يبين بطريقة فظيعة والله انا بحييى اهلها تحية خاصة بس لما انا رحت لقيت المية مقطوعة بس مش مشكلة هى بجد جميلة جدا:av4056bb7jp3:

حقا يعجز القلم والوصف عن وصف هذة المدينة انها حقا
جوهرة مصر
ياسر نجيب مؤلف سلسلة trois m في اللغة الفرنسية

بورسعيد أجل بلد في الدنيا بأهلها وزوارها
ولكن ياخسارة الحلو ما يكملش :
لو كنت من أهل بورسعيد
وعاوز بجد تكون أجمل بلد في الدنيا
اكتب سلبة شفتها وياريت لوعارف حل لها تكتبة
ونشارك بعضنا في حل المشكلة
ممدوح راشد

بورسعيد أجمل بلد في الدنيا بأهلها وزوارها
ولكن ياخسارة الحلو ما يكملش :
لو كنت من أهل بورسعيد
وعاوز بجد تكون أجمل بلد في الدنيا
اكتب سلبة شفتها وياريت لوعارف حل لها تكتبه
ونشارك بعضنا في حل المشكلة
ممدوح راشد

ايه الصور الجميلة دى؟؟؟

انا داخلة وناوية اجيب كام صورة كدا اجنن الناس بجمال بورسعيد لاقيتكم عاملين الواجب وزيادة بارك الله فيكم

وطبعا الغالبية العظمى زعلت من البنت اللى بتتكلم عن الزبالة وكأنها ساكنة ف مزبلة مسكينة عاوزة اقولك لو خرجتى برة بورسعيد هتعرفى يعنى زبالة وقذارة وهتعرفى انك ف اجمل وارقى بلد فيكى يا مصر بس اللى ما يعرفش دايما يقول كده فمعلش بكرة تخرجى وتعرفى

والاستاذ اللى بيشم ريحة هوى بورسعيد والله كلامك صح الصح وانا داخلاها باشم هواها يدينى نشاط وسعادة غير عادى يمكن اللى بييجى علينا وماعاش فيها ما يحسش باللى احنا بنحس بيه لكن دى حقيقة والله العظيم .... واللى ييجى بورسعيد ويروح وييجى عليها وتنبهه لهواها يحس بيها دى شهادة صديقة قولتلها وانا داخلة معاها بورسعيد بعد ان اخذت نفس عميق من هواها عند مدخلها : " الله " شامة هواها ؟؟؟ فضحكت قالت : هوى ايه؟؟ مش شامة حاجة!! طبعا انا استغربت اوى مش شامة هواها ازاى دى؟؟؟؟
المهم
تعددت زياراتها لى ف بورسعيد فإذا بها تشهد فى احدى المرات تعبيرا عن حبها لبورسعيد :" والله يا هدى انا شميت هواها اللى كنتى بتحكى عنه هى فعلا هواها له ريحة جميلة تفرح "

اللهم بارك لنا فى بورسعيد ولا تحرمنا منها ابدا اللهم امين ...

بورسعيد من اجمل المدن الى شفتها

شكرا أخوتى على الكلام الجميل ده عن بورسعيد والله بورسعيد فعلا وليس كلام جميلة وليس تحيزا لاننى من بورسعيد ولكن سافرنا باالخارج وشوفنا كثير هى لست اقل من اى مصيف عالمى ولكن الفرق فى الاهتمام بها من حيث النظافة والتجميل وايضا سلوك المواطنين وشكرا للصور الجميلة الاستاذ بلال وان شاء الله هوفيقم بصور جميلة جدا عن بورسعيد

كل عين بشوف إللى حاسة بيه وكما قال الشاعر
كن جميلاً تر الوجود جميلاً
يا إخواني بورسعيد مش وطن بنشجعه بورسعيد دى وطن بنعشقه

اعتقد ممكن نتقدم بشكاوى للمحافظ من سوء الاداء خاصة فى النظافة دى اهم حاجة واكتر حاجة كانت بتميزها ولابد من التمسك بها
ايه رأيكم؟؟؟؟؟؟

بورسعيد بلد جميلة جدا وهادئة جدا عن باقي المحافظات التي ذهبت إلى زيارتها مثل الاسكندرية ومصر المحافظات دي جميلة وحلوة ولكن مفيش أحسن من بورسعيد بلدى
كفاية المواصلات سهلة ورخيصة عن مصر واسكندرية مثلا المشوار بالتاكسي فيها يوم ما يغلى يبقى ب3جنيه وليس بها زحمة مقارنة بباقي المحافظات الكبرى الأخرى
لأنها مدينة صغيرة بالنسبة لمصر واسكندرية أكبرمشوارفيها يأخذ ثلث ساعة أو نصف ساعة
وأهلها طيببين جدا
ومدرستي تقع في موقع متميز على البحر بنشوف البحر منها والسفن كل يوم منظر في غاية الروعة
وتقع كثير من القرى السياحية على شواطئها في شارع يسمى طرح البحر
مثل قرية الكروان- قرية النورس- قرية الكناري – نادي للقوات المسلحة – وقرية الفردوس – وقرية أخرى في مدخل البلد ..... غير كورنيش بورسعيد على طول ساحلها ويعتبر الناس البسطاء وغير البسطاء ده مكان فسحتهم
والمدارس كلها جديدة وأسوارها جديدة
والأماكن السياحية فيها جميلة مثل المتحف الفرعوني – المتحف الحربي – ومشرو ع سياحي ثاني على البحر لسه في الطريق للظهور –
وأرجع وأقول بورسعيد فيها حي الشرق وهو حي نظيف جدا ليس به زبالة لأنه في مدخل البلد
وحي العرب وحي الضواحي وحي الزهور وحي المناخ ولا أعتقد إن فيه زبالة زي ما الأخت العزيزة صورتها
أنا مريت على معظم الأحياء وإن وجد مكان به قمامة فليس بالكثير لأن فيه بيوت بتتبنى جديدة للشباب ومشاريع بتستخدم الأماكن البعية وتعمرها في بورسعيد فلازم في الأول يحصل كده والموضوع يأخذ وقته والشوارع بتترصف دائما ومنظر الخضرة جميل في الشوارع
وإن وجد مكان به زبالة فالعيب من اللي ساكنين به لأنهم هم الي بيلقوا الزبالة فيه ويكثروها وبيرموا مخلفات الدهانات والبلاط لما بيوضبوا بيوتهم وبوفروا فلوس لغاية لما الحي يأخذ خبر ويزيلها يبقي العيب مننين
بورسعيد بلد نظيفة جدا وجميلة جدا

والمدارس متوسط عدد التلاميذ بكل فصل يصل إلى 45 وساعات في بعض المدارس يصل إلى 35 أحسن من غيرنا بكثير

وأقول إيه كمان الكلا م كثير بس لسه مش حاضر وأخيرا بورسعيد بلدى الجميلة لو زرتها مرة أكيد حترجع ثاني

زورو هذا الموقع للفنان وليد منتصر ها تشوفوا بورسعيد بعين جديدة
http://www.waleedmontasser.com/index...said&Itemid=74

:p