ممكن اقول راى بصراحة
بجد الكلام جميل جدا ومعبر بالتاكيد
بس مقراتش كتير اصل بدخل المنتدى فى حاجات معينة بس
عجبتنى اوى الالفاظ وطريقة السرد:لان حضرتك بتكتبها زى ما جت على بالك وبتكون بجد مؤثرة يعنى بتعبر عن الشعور نفسه
لكن فى حاجات تكاد تكون الوزن والقافية محتاجين يتظبتوا بس

سمراء .. أرجوك .. تابعي الموضوع لنهايته .. وأنا متقبل منك نقدك البناء وياريت تقتبسي أي مشاركة فيها كسر وتلوني مكان الكسر وسوف أقوم بتعديله إن شاء الله .. بس يا ريت تقريها م البداية للنهاية

بجد جميله جدااااااااااااااااا
هو انا كنت فين وحضرتك نزلتهلناا ؟؟؟
بجد جميله جدااااا
وثرد القصه لنا نثريا جميله جداااااا
والاشعار اللى بتبقى فيها بتبقى جميله
بجد ربنا يكرمك وتصبح من شعراء مصر المرموقين
لانك فعلا منهم
لكن للاسف لم تشهر لكل الناس
بجد كتاباتك كلها جميله جدااااااااا وبجد بتمتعنى

انا منتظره البقيه ياريت تنزلنا الباقى فى اسرع وقت ممكن

حلقة جديدة من (أنا وحياتي)
 

التقى صاحبنا بتلك الفتاة التي تصغره بعشرة أعوام فكان يعاملها معاملة الأخ الأكبر ولكنها لم تكن تعامله كذلك .. كانت تلك الفتاة بحاجة إلى أب شأنها شأن كثير من الفتيات اللاتي تعانين من عقدة نفسية تسمى (الكترا) ..



ولكن صاحبنا (الحنين) لم يكن يعرف أنه بحنانه الزائد وإحاطته بمن حوله يمكن أن يتلاعب – دون قصد منه – بقلب مثل قلب تلك الفتاة ، كانت تعطي لى (رنة) على هاتفه بعد منتصف اليوم .. ترسل له (sms)

• - ايه بتعمل ايه دلوقتي يا أستاذ ؟

كان يرد عليها بكل براءة غير مصطنعة ..

• - مفيش بحاول أنام .. يلا نامي اللي ادك دلوقتي في سابع نومة .

فترد عليه ..

• - ليه هو أنا (عيّلة) ماشي .. تصبح على خير .

ومرت الأيام .. وجمعتهما رحلة إلى بعض الأماكن السياحية .. وجلست بجواره في الأوتوبيس وهي مستندة إلى النافذة وتطيل النظر في (سي الأستاذ) وهو يرنو إليها من تحت نظارته الشمسية السوداء ، وكلما رنا إليها وجدها تحملق فيه (بتسبله) .. كان صاحبنا لا يراها إلا كما يرى الأخ أخته .. ولكنه كثيراً ما حدثته نفسه ..

• - ايه يا عم الأستاذ مالك انت بترتاح ليه لما تشوفها .. اختك برضه .. عليا الكلام دا ؟

وكان لصاحبنا صديق مقرب يصغره من العمر كثيراً لكنه كان يمتلك عقلاً كبيراً وثقافة واسعة .. ووجهة نظر في الحياة .. كان صاحبنا (بيفضفض) لذلك الصديق الذي يدعى (مهند) ودار بينهما الحوار التالي ..

• - انت متأكد يا أستاذ (أحمد) ان شعورك تجاه البنت دي لم يتعدَ شعور الأخ بأخته ؟
• - (مهند) انت اكتر واحد فاهمني في الدنيا دي تصدق يا وله كان نفسي تبقى مراتي زيك .. انت يا بني بتفهمني وانا ساكت ..
• - عشان حاسس بيك جداً وحاسس انك مش مرتاح في حياتك بس صدقني مفيش رومانسي مرتاح في الحياة اللي احنا عيشينها دي خد بالك عشان البنت دي اهتمامها زاد بيك .. بلاش تلعب بعواطفها من غير قصد عشان متتعذبش بدون فايدة .. ولو حبتها انت هتبقى مشكلة .. إيه اللي شدك ليها ؟
• - اللي شدني ليها ؟ عمري يا (مهند) اللي بيتسرسب مني من غير ما احس .. مخزون المشاعر اللي فاض ومش لاقي مصب .. قلمي اللي قرب ينقصف عشان مفيش حد يكتبله او يلهمه بأي كتابه .. اللي شدني ليها .. احساس الإنسان الفطري ورغبته انه يكون مرغوب فيه .. اهتمامها البالغ بيا .. فاهمني .

بالتأكيد كان (مهند) يدرك ما يقصده .. ولكنه كان يراوغه ليبعد عنه ذلك الشعور الذي لن يزيده إلا تعاسة وتعباً في الحياة فلا هو (مادياً) يستطيع أن يتزوج مرة أخرى ، ولا هو يضمن أن تكون تلك الفتاة (سعاد) حلمه الضال ، وأمله المنشود لأن (البطيخة) طالما مغلقة شكلها جميل ملفت (من بره هلا هلا ومن جوه يعلم الله)


وفي يوم من الأيام ذهب صديقه (مهند) إلى أم صاحبنا .. والتي كانت تحيا في شقة وحيدة بعد وفاة زوجها _ ابو صاحبنا _ وكانت بمثابة المهرب والمفر لصاحبنا كلما ضاقت به الأمور كلما أراد أن يشعر أن مرغوب فيه ذهب إليها ارتمى بين أحضانها . . فشملته الأمومة بمعطفها الوثير .. بمدفأتها التراثية التي تشع دفء .. ذهب إليها (مهند)

• - ازيك يا أمي والله وحشتيني
• - ازيك انت يا بني والله انا بحبك زي (أحمد) بالظبط ..
• - الاستاذ (أحمد) دا اخويا والله ربنا وحده اللي يعلم انا بحبه اد ايه.
• - مالك يا بنى حاسة انك عاوز تقول حاجة .
• - لازم اقولك الاستاذ (أحمد) يا أمي ....

وسرد عليها (مهند) .. آلام (أحمد) فلم تكن الأم تعلم الكثير من حياته ، فلم يكن صاحبنا بطبعه يحب الشكوى ككثير من الرجال الذين يشكون زوجاتهم لأمهاتهم فيزرعون في النفوس الضغائن التي تؤدي إلى القطيعة .. وقررت الأم أن تتحدث مع ابنها عن حياته لتسمع منه وتفتح له بحر الصدر فيلقى ما به من هموم فيه فقد تخفف عنه وهي العاقلة التي لا ترجو من الدنيا إلا سعادة ابنها .. ليس كغيرها من (الحماوات الفاتنات) اللاتي يعملن بجد على خراب البيوت العامرة ..



وبينما كان (صاحبنا) جالساً كعادته وحيداً على شاطئ البحر بعد (معركة) زوجية حامية الوطيس بينه وبين زوجته دعت عليها بالموت فيها وقالت له صراحة ..

• - يا أخي يا رب تموت وارتاح منك .

كتب صاحبنا بدمعه ...



























































وبينما هو مستغرق في همومه وأحزانه جاءت له مكالمة من أمه تطلبه فيها ليأتي إليها فلم يتمهل وجمع وريقاته التي أصابها الندى .. وكأن السماء تبكي لبكائه .. وكأن البحر قد مد له ذراعيه ليحتضنه وكأن الله عز وجل قد بعث له أمه في تلك اللحظة لتحتويه في عالمها الحنون .. ذهب صاحبنا .. ودار بينهما .. ما دار .....

اسلوب رائع استاذ احمد
واستخدام رائع للألفاظ ناتج عن مشاعر صادقه
تبحث بشتي الطرق ان تصل الي قلب قارئها
دمت بكل الود
متابع ُ انا بكل اهتمام
دمت بخير اخي الرائع

مش عارفه اقول ايه بجد

حضرتك فنان كبير اووووووووووووووي

وانا قرئت من البدايه واتشديت ليها جداااااااااا

منتظرين البقيه بسررررررررررررررررررررعه

وربنا يوفقك دايما

شكراً لك أختي الكريمة الفاضلة على مرورك على قصتي (أنا وحياتي) تلك القصة التي أحاول فيها أن أناقش قضية الرومانسية في حياتنا سلبيات وإيجابيات .. ولكني لا أستطيع أن أكمل سريعاً فإن قطار الإلهام يأتي ولكننا لا ندري متى ؟ فأنا في انتظار مثلك .. شكراً لمرورك .. :)

قرأت كل الحلقات السابقة الان

ولا ادرى كيف فاتت منى هذه التحفة

وكم انا نادم على عدم مشاركتى فيها حلقة حلقة

هى بكل المقاييس رائعة من شاعر موهوب

ومن اديب قصصى متميز

نحن ايضا منتظرين قطار الهامك وارجو عدم تأخر هذا القطار العجيب

عندى رجاء

ازا كان التزامك بالقافيه سيقيدك عما يجيش بداخلك فتحرر من تلك القافية

واجعل شعورك تلقائى ولا يهم سلامة المقطع من كسره

الى عايز اقوله انك شعورك واحساسك واصل لكل الاعضاء

منتظرين بكل شوق وشغف

شكرا لك

بورسعيدي .. بالله لا أجد من الكلمات ما أرد به على ذلك الرد الرائع .. لقد أخجلتم بالفعل تواضعنا .. بارك الله فيك يا أخي .. وجعلك لسان صدق دوماً ..

بجد الموضوع جميل اووووووووووى
ومنتظره منك المزيد
يا ترى هتنزل الباقى امتى؟؟؟؟؟؟؟؟