على فكرة الموضوع مش هايل

الهايل في الموضوع ردك الذي اوضح لي انه من الافضل اني لو لم استخدم كلمة دائما

ولكني لم اقصد اني التزم الصمت دائماً

ولكني اتمنى الصمت كثيرا لكي يزعل مني احد

ولكن عندما يستدعى الامر الحديث اتكلم

وللعلم الموضوع ليس يتكلم عن شخصي بصفة كبيرة

ولكني اتكلم عن الصمت كموضوع

وانا احب الصمت

وشكرا لمروك الكريم يا اخت ملك

والله انا وجهة نظري في الصمت حسب المقولة الي بتقول

ان صمتي لا يعني ضعفي ولكن من حولي لا يستحق الرد

طبعا مش قصدي احتقار الجميع ولا حاجة

بس فعلا فعلا في اوقات كتيرة اوي الناس الي بيتكلموا كتير افضل علاج ليهم الصمت


حاجة تانية كمان :

يكفيني ان أتأمل كلمات رسول الله صلى الله عليه وسلم حين قال:
(من كان منكم يؤمن بالله واليوم الآخر فليقل خيرا او ليصمت)

يبقى لما آجي اتكلم يا اما اقول خير يا اما الحل الي امامي هو الصمت ودا امر مش شئ اختياري

سبحان الله بجد

بربط بين الحديث دا والحديث الاخر
(وهل يكب الناس على وجوههم في النار الا حصائد السنتهم؟؟)

فعلا احنا مش بنآخد بالنا من كلامنا ... يبقى الكلام ممكن يآخدنا الى حيث لا ندري

برده المقولة الي بتقول

من كثر لغطه كثر غلطه

اللغط الي هو الكلام

برده الواحد لما بيتكلم كتير في الاخر بيبدا يدخل المواضيع في بعض وبيغلط كتيييييييييير
وبيكون مضطر انه يعتذر اكتر

يبقى من الاول يلتزم الصمت

في الاخر الانسان بيكتشف ان كل الطرق تؤدي الى الصمت فعلا

انا مش عاوزة اطول على استاذ اشرف في قراءة ردي عشان مش احرم بقية الاعضاء من انه يقرأ ردوهم

وبجد ليا تعليق كدا

لما قرأت الموضوع دا يا استاذ اشرف

فعلا حسيت ان دا يوم ميلاد المنتدى من جديد

اد ايه الهدوء حلو

وكلامنا مع بعض اجمل

ونقاش حضرتك معانا اجمل

بجد الموضوع دا هو اول نقطة في الصفحة الجديدة الي احنا بنفتحها النهاردة كلنا مع بعض

اعضاء ومشرفين واداريين وكل واحد من اكبر واحد لاصغر واحد

واخيرا احنا بنتكلم عن الصمت و انا برغي :)

ههههههههههههههههههههههههههههه

يلا في رعاية الله

دمت بود يا استاذ اشرف وموضوع رائع صراحة وكلمات أروع

السلام عليكي

جميلة المقولة اللي حضرتك قولتيها بتاع

ان صمتي لا يعني ضعفي ولكن من حولي لا يستحق الرد

وكمان الأحاديث اللي حضرتك ذكرتيها هامة ويا ريت كلنا نعمل بالأحاديث دي

وانا دائماً أقول

(لساعة عمل خيراً من ألف ساعة من التأوه والكلام)

وادعي لي ربنا يوفقني ان اكتب مواضيع دائما

والاقي اعضاء نشطين زيكم يساعدوني على الكتابة والمناقشة الطيبة

وعلى فكرة الموضوع ليس رائع بالمرة

ولكن أصبح فعلا رائع عندما قمتي حضرتك بالرد فيه

وبشكر مرور حضرتك الكريم

موضوع رائع من حضرتك
ونفسنا ان حضرتك تكون بيننا دايما
شكرااااا

هو طبعا موضوع رائع علشان حضرتك شاركتي فيه

ونفسنا احنا نلاقي مشاركات اكبر وتواجد اكبر منك بينا

وشكرا ليكي على المرور

تم نقل الموضوع لقسم فلاسفة تحت التمرين

لا العفو عادى بس اللى عاوزين نقوله ع المكشوف شويه ان مثلا حضرتك مش مدير موقع اهو لما تلاقى مجموعه من الناس بتتكلم او اعضاء زى الموضوع اياه ده يحتم ع حضرتك الرد لان احنا مش مجموعه سفهاء يعنى اعتقد ان فينا ناس بتفهم

لان الصمت هيتفهم هنا ع اساس انه تجاهل تمام

فى جمله بتقول قالوا سكت قلت لهم ان الجواب لباب الشر مفتاح

بس بردو مش معنى ان الجواب ممكن يكون مفتاح للشر انه ميكنش سبب فى فتح ميت باب للخير

السلام عليك

انا لم اقل الصمت دائما ولكن اقول فوائد الصمت

بس اكيد الشخص الصامت مش هتعرف تحكم عليه وهتضع له الهيبة والمكانة

اكيد الصمت له وقته والكلام له وقته

واكيد الصمت على طول مش مفيد

اكيد الموضوع رائع علشان حد رائع زيك رد فيه

وفعلا الصمت ساعات كثيرة بيكون ابلغ من الكلام

اللي بيعتبر ان الشخص الصامت ضعيف مش بيعرف يحكم

يعني مثلا دخل رجل على ابو حنيفة شكله جميل وعليه عباءة جميلة وذو هيبة

وكان ابو حنيفة يمدد قدميه في وجه تلاميذه

فلما دخل هذا الرجل لم ابو حنيفة قدماه

وظل الرجل صامت

وظل ابو حنيفة والحاضرين يضعون لهذا الرجل هيبة لصمته

وعندما تحدث الرحل سأل سؤال غبي دل على شخصيته

فلم يجب ابو حنيفة على السؤال (وكان السؤال هو قرصة الباعوضة تنقض الوضوء)

وانما قال ابو حنيفه ( الآن قد آن لابو حنيفة ان يمدد قدماه)

ومدد قدماه لما عرف شخصية الرجل

انما الصمت كان حافظ له الهيبة

ولو هتنقلوا الموضوع انقلوه لقسم التنمية البشرية بقي

ما انت رديت قبل كدا في الموضوع

ورديت بصمت

لازم تتكلم ده الوقت

ما تخليك حلو وخلي الموضوع يوم كمان هناك في العام

وبعد كدا انقله في للتنمية البشرية

بلاش الموضوع اياه

واحب اني التزم الصمت

ومش بالمعنى ان الصمت يفتح باب للشر

يعني في مثل مشهور بيقول (السكوت علامة الرضا)

وشكرا لمرورك العطر بجد مرة تانية

شكرا على المعلومات المفيدة جدا