|
بجد ياجماعة شغل رائع بارك الله فيكم
وانا افضل موضوع تنظيم والوقت لان فعلا موضوع الصراع عاوز وقت ويبقى فى الاجازةاحسن وهو النهاردة ان شاء الله هنبدا اول موضوع بس اننتم لسة محددوش اى موضوع |
اقتباس:
هو جه الموضوع وفى اقل من اسبوع هنكون اتكلمنا عن كل حاجه :av4056bb7jp3::av4056bb7jp3::av4056bb7jp3::):) |
فعلا المفروض يكون موضوع تنظيم الوقت
لانه مناسب جداا في الايام دي انما موضوع الصراع بين العقل والقلب لقياده الروح ممكن يتاجل شويه وجزاكم الله كل خير |
هو فين النشاط ده؟؟؟؟؟؟؟؟؟؟؟؟؟؟؟؟؟؟
فين الحماس انتو كده من اولها!!!!!!!!!!!!! |
بجد مجهوووووووووووووووووود رائع
وانا معاكم فى تنظيم الوقت ياررررررررررررررررررب نقدر نقدم حاجة كويسة |
طب ياجماعة الموضوع فين
|
ياجماعة احنا كنا عملنا استطلاع انبارح ورشحنا عدة مواضيع واخدنا رأي الاغلبية وللاسف انتم مش كنتم موجودين الموضوع اللي اتفق علية موضوع الصراع انتم موافقين مبدئيا !!! |
<<اعضاء حملة (كبر مخك)>> 1. برنسيسة الظلام 2.shorook 3.ريم البنا 4.mido 1o2 5. لؤلؤة الاسلام 6.ميراج 7.مهندسة المستقبل 8.asdat 9.الرهينة 10.Dr.diamond 11.sunsero2000 12.شموخ مسلمة 13.سجده 14.لمى 2016 طب sorry ياجماعة انا عندي ظروف وربنا وحدة اعلم بيها انا اعتذر عن خروجي من الحملة :( |
اقتباس:
ده على اساس ان انا ايه يا ريت تراجع القائمة تانى |
اقتباس:
|
هاى يا احلى اعضاء
انا انتهيت من تصميمى الجديد وانا عندى زيه كتيييييييييير بس الصورة مش هيه هيه عندى زيها واحسن انا عملته ليه بس مش طمع انا بس متنيكم تدونى القرارا النهائى الى اشتغل عليه http://www3.0zz0.com/2009/01/25/02/356625537.jpg |
طب بصى يالمى
أنا قريت بس أول خمس ست مشاركات فلو سمحتى يعنى أنا اقدر اساعد باية دلوقتى؟؟!!:confused: عموما ياقلبى انا ان شاء الله فى أجازة نص السنة هاخد كورس فى التنمية البشرية عن مهارات التواصل والإبداع ربنا ييسر وأقدر أفيد فائق احترامى.... |
انتم د لوقتى قررتم الموضوع
طب هنبدا امتى |
هاى يا لمى هاى يا محمد
انتوا رحتوا فين احنا مش عارفين ساسنه من راسنا |
اقتباس:
يا جماعة بليز ردو عليا .. |
وبعدين يا جماعا قولتوا السبت والنهارده الاثنين
|
على فكرة غياب لمى عن الموضوع عمل كسل غير عادي والكل طنش
طيب انا عندي امتحانات و مع ذلك مش بفوت يوم اللا لما ادخل فيه الباقي فييييييييييييين فين النشاط اللي كنا بدأنا بيه كل واحد يعمل لنفسه ريفريش و يلتزم بالكلمة اللي قالها لصاح الحملة |
على فكره يا جماعا احنا اسيتنا اوى دخلت جوجل وكتبت كبر مخك
لقيت كله بتكلم علينا وكل الروابط بتوجه نحو الموضوع |
على فكرة غياب لمى عن الموضوع عمل كسل غير عادي والكل طنش
طيب انا عندي امتحانات و مع ذلك مش بفوت يوم اللا لما ادخل فيه الباقي فييييييييييييين فين النشاط اللي كنا بدأنا بيه كل واحد يعمل لنفسه ريفريش و يلتزم بالكلمة اللي قالها لصالح الحملة |
اقتباس:
الي اتسييط ده المفروض يكمل بقى مش يطنش ولا ايه؟؟؟؟؟؟؟؟؟؟؟؟؟؟؟؟؟؟؟؟؟ |
يا جماعا ممكن طلب علشان الحمله مش تفشل
بليز معلش نبطل نقل ونفكر ونكتب من قلبنا عايزن نكبر مخنا فعلا ونكتب الى نقدر نعمله ويا ريت محدش يكتب حاجه هو مش يقدر يعملها حتى لو هتفيد غيره كتير وعلشان كده قر يب هتشوفونى فى موضعى الجديد قلم متحرر من المنقول |
طيب ما احنا مستنيين نرسى على موضوع ..
و كمان ما اتفقناش على صورة التوقيع !! طب و احنا ازاي نبطل نقل .. احنا هنألف تنمية بشرية من دماغنا و لا ايه ... |
اقتباس:
امال هنألفها من رجلينا طبعا من دماغنا بس بجد احنا نقدر نطور ونساعد من دماغنا ونكمل الحمله من غير منقول علشان نبقا مميزين عايزين تنقلوا حاجه مكتوبة عايزين توصولها للناس بالظبط كلمة شكر صغيرة اخر الموضوع لصاحب الموضوع الاصلى وكمان من موضوعك وطريقتك فى الكتابة بتعرف الناس على شخصيتك وطريقة فهمك للحياة ومش تنتظر رد من حد و.....(يااااااااااه انا كده هحرق موضوعى لا استنى تقروا الموضوع احسن) |
اقتباس:
انت انشط عضو في الحملة ما شاء الله عليك بجد ربنا معاك و يرعاك |
ميرسى ليكى يا shorook على ذوئك
بس مش للدرجة دى برده انا تقريبا من اصغر الناس فى الحمله متهيألى انتو تعرفوا اكتر وتقدروا تشتغلوا وتنشطوا الباقى الى نايم بس ربنا معاكم و تكملى اتمحانتكم كلها على خير ويوفقكم يا رب وتفضوا للحمله |
|
|
فعلا انتو نايمين خالص
مافيش نشاط ولا اي حاجه يلا بقي ياجماعه نتفق هنعمل ايه؟ وبعدين لمي راحت فين؟ يلا بقي نشجع بعض خو احنا مش قد كلامن ولاايه؟ |
اقتباس:
يالا نشجع بعض يا ريم يالا قولننا نبتدى ازاى |
لمى موجودة و الله
بس بشوفكم هتتصرفوا ازاى من غيرى بس انتوا قدها و قدود ربنا معاكم |
بص يا مصطفي
يعني احنا لازم دلوقتي نحدد هنتكلم في ايه؟ ونرتب افكارنا ونكون كلنا موجودين ولازم نحدد يوم معين كل المشتركين في الحمله يدخلوا بحيث احنا نكون كلنا عارفين هنبدا في ايه؟ ولازم الموضوع الي هنبدا بيه كل اعضاء الحمله يقولوا رايهم من التصويت مش جزء عارف وجزء نايم في العسل وكل الي اشترك لازم يشتغل معانا ما يبقاش عضو في الحمله اسما بس |
اقتباس:
وطبعا لازم نكون كلنا موجودين او نعمل كونفرس على الياهو نبقى فيه كلنا يا ريت تحدوو يوم حد يحدد وانا هكون ان شاء الله موجود |
انا فى منتهى الاسف وارجو العذر لانى كنت تعبانه ياريت تقبلوا اسفى انا معاكوا بس زى ما ريم قالت ياريت نحدد يوم بس قولولى انتو بتخشوا امتى علاشان ابقى معاكوا على الخط
|
ايه رايكم في يوم الخميس؟؟؟؟؟؟؟
يعني بيبقي تاني يوم اجازه ويوم الخميس معظمنا بناخده رست |
اقتباس:
يارب تكوني بكل خير دلوقتي وبعدين بردوا الناس اعذار يعني كله واحد وله ظروفه ربنا يبارك فيكي يارب في رعايه الله |
اقتباس:
اوك؟ بصوا يا جماعة بالله عليكم قولولى لو فيه حاجة معطلاكم و انا اوقف المركب كلها لحد ما انتوا تخلصوا مش مشكلة اطلاقا انا بردو مش احب اضيعكم يعنى و انا رجعت لكم تانى اهو |
انا بكرراسفى وعندك حق فعلا كلنا مقصرين انشاء الله اللى بوسعى هقدمه والف شكر ليك ريم ربنا يكرمك الحمد لله :078111rg3:بقيت احسن
|
انا عليا درس يوم الخميس هو كويس بس ياريت يكون الظهر او 10 مساءا
|
انا خلصت امتحاناتى النهادره
|
اولادى و بناتى الحلوين شو اخباركم عاملين ايه؟ بصوا بقى بما ان فيه ناس مش بقت بتدخل هما بس جم يقولولى احنا معاكى و سابونى و مشوا و فى ناس لسه مش اشتركت بأى حاجة لظروف زى ظروفى تمام فدى قائمة مؤقتة كدة للاعضاء اللى معانا 1.مصطفى حمدى (اللى شايل الليلة ما شاء الله) 2. لؤلؤة الاسلام (فعالة بردو) 3. ريم البنا (باور الحملة بتدى نصايح بس ممتازة:)) بس كدة هما دول و قابلين للتعديل اكيد و ان شاء الله كلها 5 شهور و ابقى معاكم بصفة مستمرة |
بما اني مش فاهمة حاجة
فانا هكبر الجي واروق الدي وارجع من مكان ماجيت:d وابقى اجي في وقت اكون مستعدة للفهم:d |
5 شهور :stickjo4::stickjo4:
بس مش تخافى يا فندم ان شاء الله هنقدر نمشى الحملة يلا بقا يا ريم عايز منك البداية الى نمشى عليها كلنا وعندى فكرة كده ممكن نعملها على الاسبوع الى جى بعد ما نبتدى دلوقتى او بكره ان شاء الله |
اوك يا مصطفي انا هبدا بس بموضوع تنظيم الوقت للمذاكره
لانه مناسب قوي الايام دي ***تنظيم الوقت ومشاكل المذاكره اولا &كيفيه مذاكره المواد حسب حجمها وسهولتها بالنسبه للطالب؟ اكيد كل طالب عنده مواد صعبه بالنسبه له او يكون ضعيف في ماده معينه عايز يكون كويس فيها طيب اححنا ممكن نعمل الاتي :stickjo4::stickjo4::stickjo4: 1- عمل جدول للمواد الدراسيه 2-التركيز علي المواد التي تكون صعبه او الطالب ضعيف فيها فالصعب ثم الاقل صعوبه فالسهل 3-كثره حل الاختبارات والامتحانات علي كل درس 4-التعرف علي الاخطاء الذي يقع فيها الطالب والتركيز عليها 5- تسميع الماده اذاكانت نظريه حتي ولو بالورقه والقلم 6-عدم ترك بعض النقاط الصغيره في المنهج بحجج صعوبتها او عدم مجيئها في الامتحان وتفاجأ بها في الامتحان وتقول يا ريتني ذاكرتها 7-عند ما تنتهي من مذاكره جزء من الماده ومقبل علي الباقي لابد من مراجعه الجزء الذي قمت بمذاكرته وقبل كل ده استعين بالله عز وجل واذكره كثيراا انا هقف هنا واشوف رايكم بس بصراحه لاني بحب الصراحه ومش هزعل والله ولو عجبكم هكمل باقي الموضوع في رعايه الله |
جميل يا بنتي كملي ...
كفاية انك انتي اللي قايلاه ... |
إضافة ...
أنا كنت قريت كتاب عن مهارات المذاكرة الفعالة .. و ده تقريبا تلخيص لأفكاره...
* مهارات في قاعة الدرس :- 1- احذر الكلام و أحلام اليقظة ( السرحان ):romarioxp6: 2-ركز و انتبه 3-اسأل .. لتبقي نفسك متصلا بالمعلم و لتبقي أفكارك مرتبة ..:confused: 4-اكتب ملاحظاتك الخاصة أو أمثلة تزيد فهمك و تربط المعلومات بمواقف واقعية ( حتى لو كانت نكتة أو موقف كوميدي ضحكت عليه هيفكرك بردو ) 5-نشط مخك : بشرب الماء و تجنب جفاف الحلق ... النفس العميق .. * مهارات فن المذاكرة :- 1- احذر الإيحاءات السلبية لنفسك و لعقلك الباطن ( اوعى تقول لنفسك انا مش فاهم .. انا غبي .. مش قادر .. لأنه بكتر تكرار مثل هذة الألفاظ تصبح عادة حقيقية و يتصرف العقل على أنه غبي فعلا .. أو .. ) و لها أثر سلبي بشع جدااا :abdoog8: 2-كن متفائلا "تفاءلوا بالخير تجدوه ".. و توقع الأفضل دائما .. 3- كن ايجابيا .. ( الأفكار الايجابية تجذب أحداثا ايجابية و افضل مما تتوقع )... 4- الرسائل العقلية : برمجة العقل .. و كتابة ألفاظ و عبارات مثل ( سهل .. بسيط .. واضح ) .. أنا أثق بقدرتي و بذاكرتي .. أنا أستطيع ... أنا بركز كويس .. في الامتحان هتكون أعصابي حديد و هابقى هادي و هقفله .....أو... و دائما خاطب نفسك بهذة الألفاظ و قبل الامتحانات خصيصا .. 5- استعمل " الهاي لايترز " و الألوان .. و كون أشكال و روابط معينة لكل جزء ..:av4056bb7jp3: * الإثبات الإيجابي : عند تفكيرك في هدف معين .. استخدم هذا الأسلوب ... أنا أتمنى .. و حوله إلى .. أنا سوف .. ثم .. لقد اخترت ... و بعدين .. أنا حققت .. مثلا ( أنا فعلا في كلية ..... ).. * و الأهم من كل هذا .. توكل على الله .. و اعتمد عليه دائما و اطلب منه التوفيق و السداد و كن معه .. فلن يخذلك أبداااااا ... و داوم على التسبيح و قراءة القران وز مناجاة الله و خاصة قبل النوم ... و ابتعد عن المعاصي فهي سبب رئيسي للنسيان و عدم الفهم ... :040vk0: ربنا يوفقكوا جميعا .. و يارب بجد تحاولوا تطبقوا الكلام ده لأنه مجرب و فعال جدااااااااااااااااااااا ..:):):) |
عش في الحلم .. ستجد نفسك فيه ..
عش في الفعل .. ستجد نفسك في النتيجة .. نحن في الواقع .. ما نتخيل أنفسنا عليه ... |
علشان انتى اللى كتباه يبقى جميل بس بصراحه كلام مقنع
|
شكراا ليكي يا لؤلؤه الاسلام
وشكرا ليكي يا سجده ربنا يكرمكم يارب |
طيب مش قوتلولى برده هنبدأالزاى
يعنى فى كل قسم نخش نشوف الناس الى محتاجه مساعده ونساعدها ولا نكتب هنا مواضعنا ونخش الاقسام نديهم الرابط ولا هنعمل ايه بالظبط ولا كله هنا فى الموضوع ده يا ريت يا ريم توضحيلى |
طيب انا عندي اقتراح
احنا هنا نكتب كل مواضيع الحمله الي هنتفق عليهاوننقشها مع بعض بس انا عايزه نعمل زي اعلان كده في الاقسام الي عليها ضغط لتعريف الحمله دي وايه الهدف منها ونشرح احنا هنعمل فيها ايه وكما ن كل عضو في الحمله يعمل توقيعه عن الحمله بالرابط اما المشاكل والمساعده ممكن نعمل رابط تاني والي عنده مشكله يكتبها وقولي بردو لو حضرتك عندك اقتراح تاني ممكن يكون افضل |
| جميع الأوقات بتوقيت GMT +2. الساعة الآن 04:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.