|
ميرسى ليكى اوى يا ياسمين وانا هحاول اضيف الميل بتاعك بس لو ينفع تبعتيه تانى يبقى احسن لانى ضفته مره ومش اضاف وان شاء الله نتقابل ومعلش هتقل عليكى شويه كمان لو عملتى الملخصات بتاعه الكميتين ابقى قوليلى بس الطريقه وميرسى ليكى مره تانيه يا قمر يالا سلام |
انا بعتهولك بالنسبه للكيمياء انا بدات بس للاسف مش عارفه والله صعبه قوى :frown:بس هحاول تانى وان شاء الله هقولك انا بدات فى الدكتوره!!!!!!:bosyht9:مش فاكره اسمها مش اسرار التانيه بكتب العنوان واكتب ال فهماه بس:006et4:
|
الف مبروووووووووووووووووووووووووووووووووووووووووووووك
واسال الله العظيم ان يوفقكى فيما انتى فيه والحمد لله اخويا دخل دكتور ازهرى وانشاء الله انا مهندس |
الله يبارك فيك وشكرا على مرورك بس انت مش ازهرى ولا ايه على العموم اهلا بيك
|
السلام عليكم انا معاكم فى هندسة الازهر يا ريت نكون فعلا اصدقاء ونتعامل مع بعض
|
يا جماعه الميكانيكا والوصفيه صعبين عليا شويه ياريت لو حد فهمهم يساعدني ضروري
|
اهلا بيكى يا اميره النجوم يا ريت نعرف اسمك وانتى فصل كام وكمان قاعده فى مدينه ايه علشان اعرف اساعدك علشان احنا خلاص مشاركتنا هتبقى محدوده علشان زى ما انتى عارفه الدراسه بكره وخلاص هترجع ريما لعادتها القديمه والمشاركه هتكون الحميس والجمعه وشكرا على مرورك ويا ريت تكرريها وتكون صديقه بجد ومعانا البشمهندس رفاعى اكبر مننا بس ما شاء الله بيشرح وصفيه كويس ومشارك جيد ممكن تساليه على اى حاجه انتى عيزاها دا بعد ازنه طبعا اما الميكانيكا فانا زيك بالظبط ضائعه فيها على الاخر
|
وعليكم السلام ورحمه الله وبركاته لاميره النجوم
ومفيش اى مشاكل طبعا يا ياسمين اسألو اى حاجه فى الوصفيه وانا معاكم ان شاء الله |
السلام عليكم ورحمة الله وبركاته
احنا كتاب الميكانيكا بتاع الدكتور سيد ناجى وهو انجليزى من الغلاف للغلاف |
ازيكم عاملين ايه وانتى يا ياسمين مش عارفه اضيف الميل بتاعك خالص لو ينفع تبقى تاخدى الميل بتاعى من رشا عشان انا ضيفاها او انا ابقى اخدوا منها وبالنسبه لاميره النجوم احنا اكيد كلنا اصحاب وعلى فكره انا ضايعه مــــــــــــــــوت فى الميكانيكا دى وياريت لو حد يقولنا نعمل فيها ايه |
ايه يا بشمهندسين وبشمهندسات الازهر فينكم؟؟؟ هي الدراسه ابتدت عندكم ولا ايه ؟ مش عارف هي الدراسه بتعمل ايه للناس :blush: عموما انا هضيف اهم التطورات اللي حصلت الاسبوعين اللي فاتوا واعتقد ان الكل عرفها اول حاجه تخص امتحان الرياضه وهي ان الدكتور محمد مهني قال انهم لغوا اخر سؤال بتاع الاستنتاج الرياضي واول نقطه في السؤال الاول بتاعة النهايات. وتاني نقطه عليها 5 درجات واللي عمل خطوه وخد ال ln للطرفين هياخد 3 درجات وان السؤال التاني لوحده بتاع الاتصال عليه 30 درجه منهم تقريبا 3 درجات علي اعادة التعريف واول نقطه في السؤال التالت عليها 10 درجات وعلي فكره .. شكر في مستوي البنات وقال ان هم حلين اكتر تاني حاجه امتحان اعمال السنه في الرسم الهندسي اتحدد ميعاده ان شاء الله يوم الجمعه 19/3/2010 يعني الجمعه اللي بعد اللي جايه ان شاء الله هيكون الساعه 9 صباحا للبنات والساعه واحده ونص بعد الصلاة للبنين وهندخل بارقام الجلوس وكل واحد يسال عن مكانه قبلها ان شاء الله اتمني التوفيق للجميع ان شاء الله |
عندك حق
واضح ان الدراسه عامله عمايلها عموما بالنسبه لامتحان اعمال السنه للرسم الاولانى ان شاء الله هتلاقوه سهل وربنا معاكم واشتغلو بارسطو لو طلب ايزومترك شفو الرسمه خدوا موازيات ليها اتصرفو واطبعوها فى قلب اللوحه هز مش هايسأل رسمتوها ازاى تقريبا اخر حاجه ايزو مترك خلاص مفيش ايزو مترك تانى بعد كده فى استنتاج مسقط تالت وده شغل امتحان اعمال السنه التانى واخر السنه المهم السرعه يا شباااااااااااااااااب السرعه هى اللى تسمحلكم تفنشو وتحطوا ابعادكم واعصابكم مستريحه وربنا معاكم وبالنسبه للرياضه اللى الدكتور حمدى بيديله يحضر الامحاضرات بتاعته لانه بياخد غياب وبيحاسب عليه تقريبا عنده اللى يحضر محاضراته احسنله من انه يجاوب الامتحان كله هو عايز الناس تحضرله وهايحسبك على اللى هو شرحه مش اللى مهنه شرحه وهو اللى هايدى درجات المجموعتين بتوعه يعنى نحضرله احسن ونفهم اللى هو بيشرحه احسن واللى طبعا مهنى بيديله ده حظه حلو جدا وبالنسبه للامتحان انسوه بقا وفكروا فى الترم التانى وكل واحد واستراجيته وتخطيطه لوقته وربنا معاكم ومعايا ومعانا كلنا آمين |
ايه هز دى
قصدى هو مش هايسال رسمتوها ازاى وطبعا الواحد كان المفروض يرد السلام للعضو boogee92 الاول وبعد كده يكتب اللى هو عايز يكتبه لكن يالا معلش بقا وعليكم السلام ورحمه الله وبركاته |
السلام عليكم ورحمه الله وبركاته
معلش ياجماعه انا عندى مشكله فظيعه فى الميكانيكا ومش عارفه اعمل ايه لو حد ممكن يرد عليا يبقى ميرسى اوى ليكم وبخصوص الرسم هو الدكتور غالبا بيجيب ايه فى الامتحان بتاع اعمال السنه لوحد يعرف ياريت يرد عليا وميرسى ليكى اوى |
وعليكم السلام ورحمه الله وبركاته
الامتحان الاولانى بتاع الرسم هو تقريبا يبجيب فيه رسمه صغيره وانتى تجيبى المساقط بتاعتها ودى ترسميها فى نصف اللوحه وبيكون مدى رسمه ايزومترك ترسموها فى نصف اللوحه التانيه طبعا هناخد خط راسى فى نصف اللوحه عشان ترسموا فيهم هو بالنسبه للمساقط هايبقى سهل ان شاء الله اما بالنسبه للايزومترك كان جايبلنا فى الامتحان ابعاد ناقصه والمطلوب اننا نتصرف ونجيبها منتهى التهريج انا اقولك طريقه ترسمى بيها الايزومترى و هاتشيلى هم الابعاد دى خالص من دماغك وممكن تستخدميها فى المساقط او استنتاج المسقط التالت وان شاء الله هتريحك جدا بصى ياستى انتى تشوفى خط عليه البعد بتاعه وليكن 60 هاتقيسيه بالبرجل وتحطيه على المسطره ويطلع مثلا 5 نقول 60 على ال5 يطلع 12 يبقى مقياس الرسم بتاع الرسمه دى 12 ولو عندك خط فى الرسمه مش عارفه تجيبى بعده تقيسيه بالبرجل ويطلع مثلا 3.5 تقومى تضربى 3.5 فى 12 يطلع 42 يبقى البعد اللى مش عارفه تجيبيه ده 42 مللى وطبعا مقياس الرسم (scale) نقيسه على اكتر من خط احتياطى وناخد اقرب رقم ومعلش عشان اعد ارغى وطولت شويه وبالنسبه للميكانيكا خدوا كورسات روحو للمعيد وقولولو مش فاهمين حاجه مش هاياكلكم يعنى ولو الدفعه كلها منيله روحو للدكتور قولولو مش فاهمين حاجه يادكتور بس انا عارف ان فى ناس خبيسه هتلاقيهم بيحضروا من الاول وفاهمين كل حاجه طول ما نتى فى الجامعه اسالى اللى تعرفيهم واللى ماتعرفيهمش عاملين ايه فى الميكانيكا اصل انا مش فاهمه فيها حاجه اكيد هتلاقى واحده تقول الحمد لله تعرفى انها مذاكره وفاهمه خليها تفاهمك وماتسيبهاش الا اما تفهمى وهتلاقى بنت تقول مثلا انا معايا ورق صوريه الاخوان ينزلو ملزمه صوريها حتى لو الملازم حاسين انها تعبانه ومش حلوه اكيد هاتنفع اقريها حتى واى واحده لابسه نظاره كده وشكلها دحيحه صورى المحاضرات بتاعتها وياريت بعد التبييض وخليكى رزله لحد ماتصورى كل اللى انتى عايزاه مصلحتك فوق كل جاحه وربنا معاكم بس بجد اللى انتم فيه فى الميكانيكا ده تهريييج وانا اسف جدا على الاطاله |
ميرسى ليك اوى يا بشمهندس رفاعى على الرسم وبالنسبه للميكانيكا فانا فعلا كنت عايزه اخد كورس بس رحت مره ولقيت انه هيضيعلى وقت جامد غير الوقت اللى بيضيع لوحده وغير كده كان البشمهندسخلص اول فصل ونص التانى بس ان شاء الله خير وانا ممكن اعمل بنصحتك واشوف حد يفهمنى وميرسى ليك مره تانى |
ايه التطور الكبير فى التوبيك ده ماشاء الله امسك الخشب انا الاول بعتذر عن عدم الرد لفتره بس والله غصب عنى ظروفى الصحيه تعبانه شويه وكمان مش عارفين ننزل اجازات خالص وضغط على طول لحد ما الوحده تعبت واخدت اجازه طارقه ونزلت وسبت كل حاجه تضرب تقلب والله مانا عارفه ال احنا فيه ده حلال ولا حرام حسبى الله ونعم الوكيل فى كل دكتور ودكتوره ما بترحمش ودول بصراحه بتوع علوم حطين لنا محاضرات ومعامل كل خميس لحد الساعه 3 نروح بيتنا امتى ونرجع امتىولما اقنعنا المعيده بتاع السكشن ناخد بس خميس اجازه نروح بيوتنا فيه جات الدكتور وقالت لا ال عايز يروح يروح وهيتاخد غياب منتهى التهريج حسبي الله ونعم الوكيل
|
الف سلامه عليكى يا ياسمين
وانا من اجازه نصف السنه وانا عمال اقولكم الترم التانى رزل وانتم طبعا فى المعمعه دلوققتى ربنا يعينكم ربنا معاكم فى الميكانيكا بجد ربنا يعينكم وطبعا المعيدين ولا بتفرق معاهم ممكن تلاقى المعيده دى مابتجيش غير اربع وخميس مثلا فبتكون عايزه تخلص كل سكاشنها اليومين دول ميهمهاش بقى الطلبه يبقو عاملبن ازاى ولا ظروفهم ايه وطلاما فى غياب يابنتى احضرى هاتعملى ايه فى دكاتره يهمهم الغياب قوى |
بصراحه يا بشمهندس تسلم علي النصايح وجزاك الله خيرا علي النشاط الدائم معانا كان عندي استفسار عن امتحان الرسم الهندسي هو لو جاب ايزومتري في الامتحان وطلب ان احنا نرسمه هيدينا نقطة البدايه ولا لأه اقصد يعني الاحداثي x , y اصل طول السنه كنا مشين بالطريقه دي ان في كل رسمه كان بيحدد لينا هنبتدي منين في اللوحه .. والدكتور قال مره ان هيعلمنا نعرفها ازاي بس مشرحهاش وبالنسبه للرياضه انت قلت اللي بياخد مع الدكتور حمدي لازم يحضره عشان الغياب انا حضرتله اول محاضره وقعد اتكلم عن الغياب وان كله واحد لازم يحضر في مجموعته عشان الغياب وفي اخر المحاضره ماخدش ورق الغياب فقلناله عليه قال انا بتعامل مع ناس كبيره ومخدهاش .. بس حتي لو خادها زي الترم الاول انا معتقدش ان الدكتور هيجيله دماغ يبص علي الاسامي دي كلها ولا انت ايه رايك؟ وبعدين اول اسبوع في الترم التاني دخل هو والدكتور مهني وقالو اللي عايز يحضر مع اي دكتور في اي وقت براحته .. ومع ذلك رجع هو وقلنا علي الغياب نيجي للأهم وهو الشرح انا زي ماقلتلك حضرتله المحاضره الوحيده اللي شرحها من اول الترم .. اصل الاسبوع اللي فات لغي المحاضره تقريبا كان هيحضر اللقاء بتاع المهندس ابراهيم محلب اكيد انت شفت الاعلان عن الندوه .. المهم ان الحمدلله فهمت كل اللي شرحه يومها رحت احل معرفتش احل حاجه .. فحضرت لمهني المحاضره اللي بعدها لقيت نفسي ماكنتش فاهم حاجه اصلا والله لأول مره احس ان بدرس رياضه من ساعت مادخلت الكليه فعلا الدكتور مهني ما شاء الله عليه .. بس المواعيد عندي في الجدول مش هتساعدني ان احضره علي طول للأسف مش عارف اعمل ايه:excl: والا قولي لو واحد مضيع في كل المواد اللي ممتده من الترم الاول فيه امل ان يلحق نفسه ويذاكر كل حاجه .. والامتحانات هتبقي امتي تقريبا |
معلش يابشمهندس احضرله لان اللى هو هايقولو هو ده اللى هايحاسب عليه لانه هو اللى هايعلم ورقتك
حاول توفق بين حمدى ومهنى والدكتور حمدى دخلنا السنه دى بيدينا رياضه الترم التانى فكان بيكلمنا على موضوع الغياب وكده يعنى وكان بيقارن بين الشباب والبنات كان بيقول ان البنات بيخافو وبيحضروا المحاضرات اما الشباب فبيطنشو وبيكبروا دماغهم ولا فى دماغهم محاضرات ولا اى حاجه ولا حتى مهتمين وقال طبعا الشباب بيشدوا حيلهم فى اخر شهرين وبيذاكروا كويس فعشان كده هو بياخد غياب عشان يعرف الناس المهتمه من الناس اللى ولا فى دماغها اى حاجه عشان كده لازم تحضر وتحاول توفق بينهم انا من رأيى انك تحضر لحمدى حتى لو ماخادش غياب ماتضمنهوش ممكن ياخد فى محاضره غياب وزهو ده اللى يحاسب عليه وصور محاضرات مهنى وصور سكاشن البشمهندس صلاح او احضرها سكاشنه جامده جدااا وحاول توفق بينهم وربنا معاك وتقريبا كتاب الترم التانى كويس جدا بس طبعا المحاضرات مهمه لان هى دى اللى بتيجى منها فى الامتحان بس بتوسع شويه |
بالنسبه لxو y
انت شوف ابعاد اللوحه بتاعتك بالمسطره طول وعرض وشوف اطول ارتفاع عندك فى الايزو مترى تقوم جايب y للوحه ناقص y للايزومترك على الاثنين وانت اما يطلب منك الماقط التلاته المعروف ان الelevation (الراسى) جنبه الside view (الجانبى) والاليفاجن تحته الplane (الافقى) فتشوف ارتفاع الاليفاجن كام وليكن 6 وارتفاع البلان (plane)الجانبى يعنى كام وليكن 2 ارتفاع اللوحه كام وليكن20 تقوم تحسب 20-(2+6) تقسم على 3 هو ده Y وبالنسبه لاكس شوف عرض الاليفاجن كام وليكن 9 وعرض السايد فيو كام وليكن 4 وعرض اللوحه كام وليكن 50 نقول 50-(9+4) والناتج نقسمه على الخمسين وهكذا ويارب اكون وفقت فى اللى انا قولته |
وبالنسبه للمواد الممتده
ان شاء الله فى امل بس انت اشتغل وحاول على قد ماتقدر والامتحانات ياما اخر خمسه يأول سته وحاول تلم المواد كلها على قد ما تقدر وعلى قد ما تقدر ما تضيعش وقتك ذاكر فى اى حته وفى اى وقت وفى اى مكان ذاكر فى العربيه فى المترو فى الاتوبيس المهم الوقت مايضعش وربنا معاكم وشكراااا |
الشكر ليك انت يا بشمهندس
|
معلش ياجماعه الحته بتاعه elevation plane دى ملخبطه شويه
طبعا انتم متخيلين شكل المساقط التلاته الراسى تحتيه الافقى وجنبيه الجانبى الغرض من الاكس والواى ان احنا نعرف نحط الرسمه فى نص اللوحه بحيث ان تكون الابعاد متساويه بحيث منلاقيش فراغ كبير فوق او تحت او نلاقى مسقط دخل على المسقط التانى نطرح بعد اللوحه ناقص مجموع ابعاد المسقطين وبعد كده نقسم على التلاته عشان انا عايز يبقى عندى تلاته فراغات متساويه وعلش ياجماعه بالنسبه للاكس اللى فوق ده نقسمه على تلاته مش خمسين وشكراااااا |
يارب اكون بس وصلت اللى عايز اقوله
والشكر لله |
اقتباس:
اقتباس:
اقتباس:
|
لا ماتقلقش اعتقد ان كلامك واضح ووصل
|
صور حتى سكاشن صلاح من اى حد
بالنسبه لحمدى يجيب من جامعه القاهره ولا من امريكا احنا مالنا المهم ايه اللى هايجى فى الامتحان واكيد اللى هايشرحه هو اللى هايجى ان شاء الله متشغلش بالك بالكلام ده وطبعا الامتحانات شهر ونص ربنا يعينكم عايزه صبر وطوله بال والحمد لله |
السلام عليكم ورحمة الله وبركاته انا سعيد فعلا انى الاقى ناس فى هندسة الازهر عايشين على النت.الظاهر احنا بننقرض اخوكم فى الله الزعيم قسم الهندسة الكهربية جامعة الازهر الفرقة الثالثة اتمنى اننا نفيد بعض ونستفيد من بعض ودى فكرة كويسة ربنا يكون فى عون طلبة اعدادى .مش عايز افتكر الايام الصعبة دى بس اتمنى ان الناس مش تقلق من الدكتور مهنى ويارت تركز على حضور محاضراته هيستفيدوا كتير م-صلاح جامد جدا فى السكاشكن بتاعته ياريت اللى يحي يدخل كهربا يركز معاه وربنا يوفق الجميع |
وعليكم السلام ورحمه الله وبركاته يابشمهندس
عندك حق طبعا الازهر منقرض على النت خالص واحنا يعنى احسن من مفيش وربنا مع بتوع اعدادى كلهم الله يعينا ويعنهم |
وطبعا يابشمهندس همتك معانا
ياريت ماتكونش اخر مشاركه ليك احنا عاوزين نساعد اعدادى على قد مانقدر ونعدى كلنا على خير ان شاء الله |
ان شاء الله يابشمهندس وربنا يوفق الجميع
|
السلام عليم ورحمه الله وبركاته ميرسى ليكم اوى يا بشمهندسين على النصايح الجميله دى وبجد احنا محتاجين وقت اضافى فى اليوم عشان نعرف نعمل حاجه ومحتاجين كل الناس تدعلنا فى الامتحان الرسم وميرسى ليكم مره تانى |
الشكر لله وحده
وبجد ربنا يعينكم بس هو انتم كل ده لسه مامتحنتوش الرسم ايه كل ده |
دعوه لكل بشمهندسين الازهر
فى موقع اسمه هندسه الازهر مخصوص بمهندسين الازهر http://hndsa.net/forums/index.php بجد جامد جدا اتمنى ان بتوع اعدادى يروحوا هناك ويسألو اى حاجه هم عايزينها فى هناك مهندسين ومهندسات أكيد هايفيدوكم اكتر من هنا والبنات يشوفو حل للميكانيكا اتمنى تكون المشكله دى اتحلت واى مشاكل ان شاء الله هانحلها مع بعض هناك وبالنسبه ل م.الزعيم ده فى شغل عالى اوى هناك انا الحقيقه مصدقتش ان ده تبع الازهر فى ناس كتير عايشه هناك |
ياريت بتوع اعدادى يطمنونا على امتحان الرسم الهندسى
وربنا يوفق الجميع |
السلام عليكم ورحمه الله وبركاته ازيكم يا احلى باشمهندسين وباشمهندسات فى مصر انا كنت عايزه احكيلكم على امتحان الرسم بس هطول شويه معلش اولا بالنسبه للاسئله كانت عاديه وكويسه مفهاش حاجه صعبه اما المكان بتاع الامتحان كان لا يوصف اكتر حاجه فيه التراب (والمفروض اهم حاجه نضافه اللوحه) وبالنسبه للبوردات ماشاء الله كلهم بايظين وكل اتنين بيرسموا على واحده (عشان التعاون) ومكنش فيه اى كرسى حتى مخلع نقعد عليه طول الامتحان واقفين (يمكن خايفين لو قعدنا ننام ولا حاجه ) وحاجه بجد لا توصف ايه ده بس المهم ان الامتحان عدى وخلص الحمد لله وعقبال السنه كلها قولوا اميــــــــــــــــــــــــــن ويالا سلام وادعولى ولكل الناس وخصوصا بتوع اعدادى المطحونين واسفه مره تانيه على التطويل والرغى |
وعليكم السلام يا احلى ساره ازيكم جميعا عملين ايه متاسفه على عدم المشاركه لفتره بس اكيد انتم ملتمسين لى العذر والله مش بنزل خالص بس يا رب ييجى بفايده
اسفه دخلت افش ونسيت اسلم على البشمهندس الزعيم واقوله نورت التوبيك واهلا بيك اخ لينا دا بعد ازنك طبعا بالنسبه للبشمهدس رفاعى انا كنت لسه هتكلم على المنتدى بتاع الازهر ده فعلا منتدى رائع وعلى فكره انا لقيت بنات كتير قوى فى الكليه بيدخلو عليع وقالولى عليه وانا فعلا اشتركت فيه وهو فعلا منتدى رائع اما بالنسه لامتحان الرسم الامتحان بصراحه كان رائع بس المكان فعلا كان غير صالح بالمره وخصيصا للبنات الدسكات كانت عاليه قوى انا كنت واقفه على كرسى طول ال3 ساعات دا غير كل ال ساره قالت عليه بس الحمد لله عدى على خير عقبال الباقى |
الف مبروك يا بشمهندسة
انا دراسات الازهر 2 |
اولا السلام عليكم ياباشمهندسين
اول مره اشوف طلبه ازهر مكمله ف المنتدى كده للاخر ربنا يعينكم ياباشمهندين كان نفسى اكون معاكم اعتقد انى شاركت ف الاول بس يلا اكيد خير سلامو عليكو |
وعليكم السلام ورحمه الله وبركاته لساره وكونان
ومعلش ياكونان الدنيا نصيب ويا ياسمين لقيت فى حاجات حلوه كتير فى المنتدى ده دراسه ومعلومات واخبار الدنيا حولينا وترفيه وكره يعنى تقريبا كل حاجه هناك والحمد لله طبعا ان الامتحان عدى على خير والامتحان التانى بيكون تدريب لامتحان اخر السنه يعنى تقيل شويه لكنه ان شاء الله سهل (الدسكات كانت عاليه قوى انا كنت واقفه على كرسى طول ال3 ساعات ) ههههههههههههه واقفه على الكرسى ازاى يعنى ياقصيره هههههههه |
(الدسكات كانت عاليه قوى انا كنت واقفه على كرسى طول ال3 ساعات )
ههههههههههههه واقفه على الكرسى ازاى يعنى ياقصيره هههههههه[/ ههههههه لقى مش قصيره لكن الدسكات بجد كانت عاليه قوى وبعدين انت كمان هتتريق مش كفايه البشمهندسين ال كانو بيراقبو علينا ارحمو من فى الارض:abdoog8: يرحمكم من فى السماء هههههههههههه |
يا ريت ياجماعه حد يطمنى على الامتحان الوصفيه انا الحمد الله كويسه بس مش عارفه الامتحان هيبقى ازاى وكمان عندى خبر مش عارفه ان كان حلو ولا وحش الوصفيه بنسبه كبيره هتتلغى السنه ال جايه انا شايفه انها ماده مفيده لكل مهندس ومهندسه لانها بتنمى الخيال والتفكير ده رايي انتو ايه رايكم
|
عندى سوال للبشمهندس الزعيم عايزه اعرف ايه هو قسم الكهرباء والفرق بين بور واتصالات وايه افضل للبنت وكمان الدراسه فيه عمله ازاى وكل حاجه عن القسم ده وشكرا واسفه على الرغى وبالنسبه للاخ كونان قول ما شاء الله ويا رب نفضل متفاعلين على طول وكمانالحقيقه تتقال فى نهضه للشباب الازهر البنات والولاد على النت نمسك الخشب يا رب دائما واحنا على التوبيك ده وان كنا محدودين بس التوبيك مش بعدد الاعضاء ولكن بتفاعل الاعضاء
وكمان عندى سوال هو الكتور محمد مهنا متعود يعمل كذا امتحان ميت ترم فى الترم التانى بيقول ان فى كذا امتحان اولهم الاسبوع ده ادعولنا |
اهلا بيكى بشمهندسة ياسمين وربنا يوفق كل اعدادى قسم كهربا من أجمل الاقسام فى الكلية وطبعا ده لانى فيه مش أكثر ههههههههههه الحقيقة ان قسم كهربا اغلب اللى بيدخلوه بيكون هروب من الرسم لان الرسم فيه ترم واحد فقط وكمان بيمتاز بسهولته فى الدراسة { حسب الدكتور} بس العيب ان الدكتور بيضغطك اخر الترم يعنى نبقى نايمين اول الترم واخر الترم يطحنونا المهم فى القسم اللى تدخليه انك تكونى فعلا بتحبيه غالبا كل الاقسام حلوة وموضوع الشغل ده نصيب بس فعلا مجالات كهربا وميكانيكا كثيرة برة ولو عايزة تعرفى حاجة تانية اتفضلى اسئلى نصيحة بخصوص اعدادى كانت اكبر غلطة عملتها فى اعدادى انى مكنتش بطبق فى المدينة وكنت بحب اعقد فى البلد أنا عارف ان ده صعب بس ياريت تحاولوا تطقبوا وتعملوا خطة مثلا أنا هطبق وهذاكر رياضة أو كمياء أو غيرها معلش هتتعبوا السنة دى بس عشان تلخقوا مدينة السنة الجاية.فعلا أصعب حاجة السكن برة أنا جربتها سنة واتعبت.وربنا يوفق كل المهندسيين |
ماشاء الله التفاعل كويس قوى
وياريت نتفاعل كويس فى منتدى هندسه الازهر منتدى كويس جدا مدير الموقع اساسا صاحبى وبيقولى انهم خدوا الموافقه ان النتيجه يرفعوها على الموقع ده يعنى تترحموا من السفر وقلق لنتيجه وان شاء الله هانشوفها على النت واحنا فى بيوتنا وربنا يستر ويا ياسمين بالنسبه للوصفيه حلى الشيتات اللى مقرره وبصى على الامتحانات وان شاء الله خير الوصفيه جميله ولذيذه بس المشكله انها بتاخد وقت كبير اما بالنسبه للغيها انا الحقيقه مش عارف هو كويس ولا وحش |
السلام عليكم
بالنسبة للوصفية الخبر دة صحيح ان هى اتتلغى ولا كلام بس |
الدكتور حنفي اللي هو رئيس القسم عندنا كان دخل شرحلنا محاضره
وقال ان امتحان السنه اللي فاتت كان سهل وامتحان السنه دي هيكون اسهل ان شاء الله عشان الوصفيه هتتلغي السنه اللي جايه علي فكره فيه جامعات كتير الوصفيه عندهم جزء من الرسم الهندسي كام فصل كده وخلاص |
موضوع أن الوصفية هتتغلى السنة الجاية أنا سمعته من يوم ما دخلت اعدادى هندسة
فعلا اغلب الجامعات لغت الوصفية مفيش غير جامعتين بس هما اللى بيدرسوها على ما اعتقد حتى جامعة المنصورة بياخدو جزء بسيط منها مع الرسم الهندسى سئلت مهندس مدنى وانا فى اعدادى ايه اهمية الوصفية قالى ليا بتفتح دماغك!!! وفعلا دماغى اتفتحت خالص |
وعليكم السلام ورحمه الله وبركاته
ياجماعه فى برضه بعض المعاهد الخاصه بتدرس وصفيه مع الرسم الهندسى الحاجات البسيطه اللى فى الاول دى كانوا تقريبا الترم الاولانى كله بياخدوا فى تمثيل النقطه والمستقيم كلام فارغ مش كده |
| جميع الأوقات بتوقيت GMT +2. الساعة الآن 10:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.