هتصالح مين ولا مين؟خلينا ساكتين

والله زعلتيني لو ردوي بتزعل حد مستعد ماردش

ردى فى الموضوع التانى....... واللبيب بالاشارة يفهم

شكراً وانا بهزر بسي انتي قلبتي علينا ماضي كان راح وولى

جارة الوادى انتى دفعة كام

اهلا بيك استاذ حسام العزازى..........نورتنا طبعا........

الاناشيد دى يا استاذ حسام سنة تانية رياض اطفال ام حضانة

رائحة الورد زعلانه منك جدا ........ازاى متتكلميش بقالك يومين

اسوا حاجة حصلت النهارده الخبر اللى نزله واحد من الاعضاء واللى انا شايفه انه كويس على عكس بقية الناس بس مش دى المشكلة المشكلة كلها دلوقتى اننا بنحاول ننسى شدة الاعصاب وهىى نفسها اللى احنا بنعملها فيا ريت يا جماعة محدش يقول حاجة غير بصور الورق ومتقلش سمعت ومتقولش على لسان واحد من المقربين واى حاجة بالسمع والبق سيبك منها مش هنصدق الا العين ........ كفايا بقا بنضيع عمر بعض والله فى هم وغم ..... عاوزين نفكر دايما ان الرزق بيد الله فمتقلقش مش قلقك اللى هيمشى الموضوع

اسوا حاجة فيا وهى معايا دايما انى من النوع الوفى جدا الانانى لابعد الحدود بمعنى لو انى لااقبل شريك فى اى حاجة خاصة بيا حتى ولو اصحاب .... عارفين لولو طبعا ... هى صاحبتى الوحيدة .... وانا صاحبتها الوحيدة..... يعنى لو كانت مثلا هنا فى المنتدى وحبت اننا نبقى اصحاب هادخل على بياناتها ... ولقيتها مش مصاحبة حد هاضيف نفسى انما لو لقيت انها ضايفة غيرى فاشعر بانى لا امثل لها اى قيمة انما مجرد اضافة وعند النقطة دى امنع نفسى من اضافتى لاصدقائها على الرغم من اهميتها بالنسبة ليا.....معلش انا انانية جدا واحب انى دايما ابقى نقطة تغيير مش اضافة.

شكرا جدااا على ردك والله كلامك على عينى وعلى راسي بس الموضوع كبير اوى وللأسف كله قلة أدب ومقدرش اتكلم فيه فى مكان محترم زى دا الحكاية حكاية مدير وزميلة مش حكاية مدير وانا وزميلتى يا جماعه الموضوع بجد كبير اوى وبعدين انا مسمعتش غير الكلمتين اللى قلتهم بس انا بقولك قلتلها ما تقليش ادبك عليا ياترى ايه اللى قبل ما تقليش ادبك عليا كلام جارح ما يتقالش فى هيئة تعليمية وعشان قلتلها متقليش ادبك عليا عشان بقولها ابنك زييه زي بقيت الطلبه فى المدرسة ودا شغلى
انا تعبانه من موقف المدير معايا بدل ما يهدى الأمور بينا لا اخد موقف معاها ودى حطى تحتيها مليون خط احمر وزى ما قلت ما اقدرشى اوضح عشان يمكن محدش يصدق
وياريتها وقفت لحد كدة دا كمان بيضطهدنى يوم اجى الاقي متشطب عليا مرة حضور مرة انصراف وطبعا ظلم ما بعده ظلم ومع ذلك سكت وصبرت وقلت ربنا يسهلى واتنقل مدرسة تانية

تصورى هى تغيب يوم من المدرسة نروح نمضى تانى يوم نلاقيها مضتت اليوم دا ومعايا زمايلى فى المدرسة فى نفس اليوم متشطب عليهم
الحدق يفهم بقى واستغفر الله العظيم من كل ذنب عظيم

مقدرش على زعلك يا قمر انا معاكم دائما قلبا وقالبا بس مش عاجبنى حالنا والظلم اللى واقع علينا

موضوع التشطيب ده حاجة فوق النورمال وتحت الفظيع

بالنسبة بقا لرائحة الورد مش مكلماكى ومخصماكى

يعنى اعمل ايه تقدرى تقولى عندك حل لما اجى المدرسة من الساعه 7.30 و14 مدرس بيجوا الحصه التانية يعنى على 9 وانا يتشطب عليا تأخير وهما لا
ولما اكون ماشية مع زمايلى اخر اليوم واجى تانى يوم الاقى معمول ليا اذن خروج وهما لا اعمل ايه
طبعا فضلت ازعق وادعي عليهم واقول حسبى الله ونعم الوكيل وطبعا المدرسين زمايلى كل واحد خايف على مصلحته وانتى عارفه وضعنا ايه دلوقتى بين الناس دى وطبعا اهدى ومعرفش ايه ما البيه المدير هيعملى تقرير اخر السنة والله ما عارفه اعمل ايه غير انى اسيب المدرسة دى صعبان اوى شغلى فيها وتعبى اللى تعبته بس بجد الموضوع بقى كله قلة ادب وممكن اتهور لو فكر يعمل معايا حاجه تانى واهى الحكايه معددشى جايبه همها لا فيه تعيين ولا حاجه يبقى اقعد فى البيت احسن

عاوزين هنا خبيرة العقد جارة الوادى خبيرة فى المشاكل اللى من النوع ده ............ ولا منار مقولكيش اكيد هيقولوا لنا الطريقة المثلى

الناس اللى بتخرج من الموضوع اول ما بادخل ............زعلانة منكم

بقى انا اللى باقول عليكى عاقلة.......... جبتك يا عبد المعين.............

حيرتينا معاكي

ماهو مينفعشي كده اللي بتقوليه متناقض راجعي الكلام كويس

لا طبعا مش كل الناس ينفع معاهم الطريقة دى ...... انا بقا باروح المدرسة 7.5 وفى ناس بتيجى 9و10 فلما المدير يجى يكلمنى اقوله لولا انى بجى 7.5 واسد العجز اللى فى المدرسة الصبح على البهوات ما يصحوا من النوم مكنتش قدرت تجاملهم كده .....

وانا جاتلي فيزا قطر وباظت عليا لانها عدى عليها الوقت القانوني ستة اشهر في حين وصل مقدار الفيزا الى قطر هنا الى 25 الف جنيه وحسبنا الله ونعم الوكيل وده ليه ؟ علشان مش عاف اسافر واسيب الوظيفة حلوهالنا يا حكومة

ان شاء الله ربنا هيعوض عليك بس ارجع واقول دى غلطتك قعدت هنا عشان ايه ؟ التثبيت ؟....على فكرة انا رائ الناس اللى بتجرى وراء التثبيت بتجرى وراء التواكل والركون الى الراحة عاوز شغلانة مضمونة راح او مرحش ضامن المرتب اخر الشهر واظن دى الحقيقة اللى بنهرب منها انما الضامن هو الله بس الواحد يقول لمين .... لو كلمت حد هيقول اصل البنات مش شايلين مسئولية بيت ؟ طيب ما انت لمل تتعين هتاخد كام ؟ واللى بيشتكى دلوقتى هيفضل يشتكى بعد التعيين ويقول التامين الصحى وحش مبنستفدش منه والحوافز قليلةوغيرها من عيوب المهنة....انما احنا متمسكين " ان فاتك الميرى اتمرغ فى ترابه"

والله انتو ناس عسل الموضوع حلو اوي يااستاذة اميمة انا من اول مااتعمل وانا باتابعه واقرا كل المشاركات فوجئت ان دي الصفحة السابعة انا قرات كتيير بس لسة نفسيا مش مستعدة اني احكيلكم مواقف المهم ادعو لي بالتوفيق

اهلا بالضيف الجديد عصام 2010

لاول مرة احس ان فى كلام مينفعش يتقال " اسرار"

ام رهف انا وبقية عيلة اميمة طه اللى فى المنتدى مستنينك واكيد هنستفيد منك

اذكرو الله:slap1qk6:

لا اله الا الله وحده لاشريك له له الملك وله الحمد وهو على كل شيئ قدير.......اللهم انى ظلمت نفسى ظلما كبيرا فارفعه عنى برحمتك يا ارحم الراحمين ...............اللهم امين

اجمل اوقات باقضيها فى منتدى المعلم المساعد....... ويا ريت تكونوا انتوا كمان؟

اسمحيلي اختلف معاكي:
يا ميس أميمة اللي بيطالب بالحق يبقى بيتواكل دة في اي شريعة او في عرف هذا الكلام ؟!!
وبعدين شاب بياخد 367ج وعايز يتجوز ويفتح بيت قوليلي يعمل ايه؟. والله لو اشتغل 10شغلانات مع التدريس ماهيكفي .
مفيش قدامنا غير امل التثبيت والسفر كام سنه ونرجع عشان نلاقي حاجة بعد مانرجع نعملها خصوصا اننا تربويين فملناش غير التدريس . تعرفي لو انا خريج تجارة مثلا والله ما هسأل ف التثبيت عارفه ليه؟ لان اي مؤهل تاني ليه اكتر من مجال ممكن يشتغل فيه لكن احنا لأ .
صح ولا غلط كلامي؟

اولا انا اميمة وبس

ثانيا بقا 367 عشان دول بالذات باقولك شوف حالك بعيد عن التدريس

وبرده مشكلتك انك تربوى دى صعب عليك انك مش هتكون استفدت بكليتك ؟

على فكرة بقا انا باقبض 337 ولسه الكلام ده قريب انما كان قبل كده318

ربنا يحقق كل أمانيك انته بالذات تستاهل كل خير

أرجو من الله أن يوفقكك وأخوانك وأخواتك

انا حزين جدا لأنهم قالولي أخبار لاتطمن

بسي انا هتأكد وأقولك

احنا مش هنعيش غير مرة واحد يا تعيشها يا متعيشهاش انت وراحتك..........اما انك تدور على حاجة تانية تبقى مورد رزق وظبط نفسك فى الدروس وقتها مش هتبقى محتاج تعيين ولا غيره وانا بالنسبة ليا شهرة الدروس احسن كمان من التعيين ده فى مدرسين بيسيبوا المدارس عشان يتفرغوا للدروس

شكرا ليكي ياحبيبتي موضوعك هايل انا متابعاكو حتى يقضي الله امرا كان مفعولا

الشكر ليكى انتىولكل العيله اللى بتكبر يوم ورا يوم

باعتبر من اسوواء المواقف لما الاقى حد من الاعضاء بينادى بالاعتصام او الاضراب

انا استاذنت من صاحبى المشكلتين دول ونقلتهم لنا هنا فقط خوفا من عدم استفادة عيلتنا داخل المنتدى بهما

المشكلة الاولى
ارجو الصبر معى
ترددت كثيرا فى كتابه هذا الموضوع!!!
وبعد طول تفكير قررت ان تشاركونى فى همى الدفين
منذ عده اسابيع وانا امشى فى الشارع لاحظت (حصوه) اتت على قدمى
وطول عمر اصحابى يلقبونى بالذكى وسريع البديهه وادرك ما حولى
فنظرت سريعا الى خلفى فوجدت اطفال يجرون ولم يلاحظ احدا ماحدث
فكرت فى الموضوع وحزنت جدا جدا وصمت صمتا طويلا
وبعد مرور الايام وجدت مجموعه من الاطفال يسلمون على بامتنان وهم الان فى الصف الثانى الاعدادى
واذا وبعد خطوات وجدت نفس الحادث ولم يلاحظ احد شيئ
وعرفت الفاعل ولكن لم اعرف او اتذكر اسمه
طنشت ومشيت واذا بهم الاثنين
يسبون امى الوقوره
ذات الحسب والنسب فما ذنبها وهى جالسه فى بيتها ان تسب لان ابنها مدرس هل تفهمون مدرس
والايام مرت والموضوع طوى الى هذا الحد
وبعد ايام ذكرت الموضوع دون الافصاح عن هويه المفعول به طبعا
وجدت العجب العجاب احد المدرسين الطيبين المحترمين يقول لى انا باتحرج من السير فى شوارع المدينه مش زى زمان يا ابنى وهو فى عمر ابى
ومدرس زميل لكن اكبر منى شويه قال لى
انا ياما اتشتمت واتحدفت بالطوب امال انت مفكر ايه
لا تعليق وانتظر تعليقكم و اهتمامكم

المشكلة التانية
حول ولا قوة الا بالله انا هقولك على موقف بس انا محرجة جدا منه بس حصل معايا شخصيا انا والله على قد مااقدر باحترم نفسي يعني بابعد عن المواطن اللي ممكن احس فيها باني قليلة< بمعنى اصون نفسي >الحمد لله ناهيك عن شخصيتي في المدرسة الكل بيحترمني ويعمل لي حساب< ماعدا المدير> وانا التلمذة اللي درستلهم في اولى ابتدائي دلوقتي في سنة رابعة وانا معاهم سنة بسنة وباربيهم مثل بنتي بمعنى الكلمة يعني اخلاق ودين ووطنية ومادة علمية وكل حاجة المهم مش هطول عليك لظروف في الجدول اخدت سنة تانية ابتدائي مش هقولك انهم كانو سيئين لا هما كانو اسوا من السوء ان صح هذا التعبير بدات معاهم سنة سنة ولاحظت تطور بعض الشىء المهم بنت خايبة جدا مهملة لاكراسة ولا واجب ولا حتى ترد ورايا وانا باقريها معدومة الاستجابة شخطت فيها يوم وعنفتها وطلبت ولي امرها المهم وهي داخلة قالت انتي ابلة بنت ...............العيال سمعوها وانت عارف تانية ابتدائي الفصل جماعي ياابلة الحقي قالت عليكي ايه المهم اتكسفت اعرض الموضوع برة الفصل حاولت اخد موقف هزاتها واصريت انها تجيب ولي امرها بعد كام يوم لقيت التلاميذ بيقولو لي ياابلة احمد قال عليكي كذا الله الموضوع اتكرر بس احمد شاطر قمت اتنرفزت وطلبت ولى امره الحمدلله ماسالش في كام يوم لقيت عيل تالت قال شتمة والعيال قالو لي <طبعا دلوقتي هتقول الابلة دي شكلها مهزأة >مامسكتش نفسي وجبت عصايا وانهارت وقعدت اقول انتو اهاليكو ماعرفوش يربوكو انا هربيكو وضربت الاول والتاني جامد الواد الاخير نزل تحت الكرسي ودنوا يترعش لدرجة اني كنت حاسة ان في زلزال في الفصل ويقول اخر مرة مش هقول كده تاني وانا في عز عصبيتي فتحت باب الفصل وناديت على الوكيل وقولتله العيال دول مش متربيين الواد بيقول والبت بتقول ورحت على المدير نفس الحوار وحلفت بالله اللي ماهييجي بكرة بولي امره ليتفصل من المدرسة الواد اللي كان بيترعش ده لقيت بالليل امه جت لي البيت وقالت لي انتي زعلانه من محمد ليه ياابلة بقولها بيقول كذه قالت لي عيل صغير يابلة هو فاهم حاجة هو يعني يقصد يشتم امك اللي قاعده في البيت المهم اديتها شوية مواعظ في الادب وقولت لها خلاص الموضوع خرج من ايدي ولازم ابوه يروح للمدير بكره والا هيتفصل ابوه كان راجل طيب اوي راح للمدير الصبح في الطابور ومعاه عصاية وقال للمدير لازم تضربه قدام زمايله وفعلا المدير ضربه جامد وفضلت متازمة من الموقف ده فترة اهي بتمشي واولياء الامور جوني وقعدو يعتذروا وانتي الوحيدة اللي عيالنا بيطورو على ايديكي والموضوع عدى اسفة لو طولت بس موضوعك قلب على مواجع

هاقولكم بقا على موقف محصليش انا بس حصل مع زميل
اللى حصل ان كانت الحصة شغالة وبعدين عندنا امن على البوابة وبعد فشل فكرة ان الطالب يقعد امن يعنى عشان الزوار بيستخفوا بالعيال وخصوصا لما يقولوا لهم امضوا فى دفتر الزيارة.....المهم الاستاذ اللى فاضى يقعد على البوابة وبرده اهو بياخد باله من العيال عشان ميطلعوش برده ويعملوا مشاكل....وبعدين ولد نازل من المدرسة وماشى يتنطط وفجاة نط على البوابة عشان يعدى من فوقها .....قام الاستاذ اللى كان قاعد جنب اللى عليه البوابة قام جاب الولد وضربه عشان ميعملهاش تانى وخصوصا ان البوابة عالية ولو كان وقع كان عمل مشكلة للمدرسة كلها ......على العموم الولد انضرب من هنا وجرى فى الشارع وراح جاب عيلته اخواته واعمامه....نسيت اقولكم ان الولد شتم المدرس بكلام اقل حاجة تتقال عليه انه اكثر الكلام اللى ممكن تسمعه متدنى..... اهله جم المدرسة وملوا الحوش وشتائم وعاوزين المدرس يطلع عاوزينه .....المدير طلب الشرطة .....واحد من الاهالى اتدخل عشان البلاغ بتاع المدير ميمشيش....... الموضوع اتلم يوميها بس اهل الولد كتبوا في المدرس بلاغ والمدرس بات فى الحبس وكان مع ناس انتوا عارفين الحبس بقا المهم لما جه كان بيقول ان فى الحبس بيندهوا عليه ويقولوا المدرس يجى؟.............الموضوع خلص واتحل بالتنازل عشان المدرسين ضغطوا على اهل الولد............حد قال عشان مصلحته ؟ لا.......... المهم كله مسك ان الضرب ممنوع

الموضوع ده كتبه عضاضلى وانا خدت نسخه وعرفه انه مش هيمانع
وظني فيك يا ربي جميل ..فحقق يا إلهي حسن ظني</strong>
فيه ناس بتفشل في تحقيق أحلامها
وكثيرون ينجحون
ومنهم الشقي
ومنهم السعيد
فأيهم أنت ..؟!
في حديث قدسي يقول الله عز وجل
" أنا عند ظن عبدي بي "

هنا لم يقل ربنا جل وعلا " أنا عند ( حسن ) ظن .. "
قال : " أنا عند ظن عبدي بي ... "

مالفرق اذن ؟!

يعني لما تتوقع إن حياتك حتبقى حلوة وحتنجح وهتسمع الأخبار الجيدة فالله يعطيك اياها.
.. " وعلى نياتكم ترزقون " ..
( هذا من حسن الظن بالله )

واذا كنت دائم التفكير
وحياتك كلها مآسي وهم ونكد
تأكد انك بتعيش كدا
( هذا من سوء الظن بالله )
ومتقولش انا حاسس انه هيحصل حاجة مش كويسة!!
عارف ليه؟:
" الظانين بالله ظن السوء عليهم دائرة السوء "
ان الله كريم
( بيده الخير )
وهو على كل شيء قدير

وحسن الظن بالله من حسن توحيد المرء
فالخير من الله
والشر من انفسنا

هناك مقولة الرسول عليه صلاة وسلام
( تفائلوا بالخير تجدوه )
والتفاؤل هو نفسه ( حسن الظن )

حدث وأمعنت التخيل في مكروه
أو حادثة ما
انفض رأسك
وابعد الفكرة عنك
وأدعو الله أن يسعدك
ويرح بالك
فقد اوصانا محمد صلى الله عليه وسلم حين قال :
" ادعوا الله تعالى وأنتم موقنون بالإجابة "

ومن حسن الظن بالله أثناء الدعاء
أن تظن فيه جل شأنه خيرا

وانتبه
عند كل دعاء
وتفكر فيما تقوله جيدا لتكون من الظانين بالله حسنا

وإذا كنت ممن لديهم الحاسة السادسة
فرأيت حلما
أو أحسست بمكروه
فافعل كما أمرنا الرسول صلى الله عليه وسلم
استعذ بالله من الشيطان الرجيم
وانفث ثلاثا عن شمالك
وتوضأ
وغير وضع نومتك
ثم تصدق

فالصدقة لها فضل كبييييير
بتغير حال العبد من الأسوأ للأفضل

قول الحبيب عليه الصلاة والسلام :
" الصدقة تقي مصارع السوء "

وقوله جلت قدرته :
" إذا أراد شيئاً أن يقو ل له كن فيكون "

ولا يرد القضاء الا الدعاء
واخيرا...
وظني فيك يا ربي جميل
فحقق يا إلهي حسن ظني

أخيرا أسأل الله إن يجعلنا من السعداء
في الدارين
للامانة: الموضوع منقول من احدالمواقع ولكن بعد اضافة وحذف بعض النقاط





يااااااااااااااااا ترى حد قرا كتاب " السر " ............... الكتاب ده تركيزه على الموضوع ده بالذات " رؤية الامور تحدد المصائر"

يا جماعة بلاش المولضيع اللى بتنضاف من اجل الجدال فقط ........ ومفيش منفعة منها .......... انا كتبت المشاركة دى عندى عشان محدش يزعل وقصدى بيها اى موضوع فى المنتدى

اللى حصل من شوية فى موضوع المعلم المساعد الحزين 2 ........فكرنى بحاجة
كنت عاملة مسابقة فى مادتى على مستوى المدرسة وطبعا فيها فصول المدرس اياه.........المهم وقفت فى الطابور الصبح قلت للعيال انى هاقرا اللى جابوه ويوم الاحد اللى جاى هادى للخمسة الاوائل شهادات تقدير........... تمام .....تمام
المهم المدرس ده انتوا عارفين انه بيدى دروس لما جه اتضايق جدا وقال انه الاولى انه اللى يدى للعيال الشهادات وعمل مشكلة جديدة ......... وعشان انا كمان ماكبرش المشكلة عدى يوم الاحد وموزعتش الشهادات........... العيال تيجى تسالنى فين الشهادات يا ابله ؟ ............. لسه باقرا الموضوعات............(وانا اصلا مقررة الشهادات لمين)........بقيت محتارة العيال كل يوم عاوزين يعرفوا مين اللى كسب والاستاذ فاكر ان دى طريقة عشان اخد بيها بتوع الدرس وانا مقدرش ادخل العيال فى حاجة زى دى واحكى لهم الوضع اللى بيحصل ........ يبقى استحمل العيال كل يوم ولا انى انزل هيئة التدريس من نظرهم ............شفتوا بقا الموضوع صعب ازاى

لو صبر القاتل على المقتول!........

اجمل اوقات الجمعة وقت الصلاة........ نسمع الخطبة وندعى فى سرنا

اسوء حاجة برده انك وقت الصلاة تلاقى رجالة موجوده فى المنتدى مبتصليش ........ طيب احنا بنات بنصلى فى البيت ومبنرحش الجامع؟