|
يا بخت اللى هتكونوا من نصيبة
|
اقتباس:
لا حبيه :mad: اقتباس:
يلا تعيشى وتاخدى غيرها اقتباس:
بس ع العموم ميرسى لمرورك:) |
يااااااااه الموضوع ده لسه عايش طيب بصوا بقا هقولكم على مشروب ميه ميه لسه ماجربتهوش لوحدى بس واحدة صحبتى كانت بتعملهولنا وكنا ساعات بنعمله معاها هو كاكاو باللبن بس بارد هنجيب لبن على حسب عدد الضحايا اللى هيشربوا :D ونحطه فى خلاط وعليه كاكاو يعنى كمية مناسبة لكمية اللبن بس يكون ساقع ونضيف سُكر ونشغل الخلاط وبعد كده نصبه فى الكوبيات و إنا لله وإنا إليه راجعون :rolleyes: |
هههههههههههههه جميل اوى الموضوع ده
انا هحكيلكم عن موضوع الرز المتعجن بصوا انا كنت اول مرة اعمل رز فى حياتى ماما قالتلى يا منون يا حبيبتى ادخلى المطبخ وهاتى الرز ونقيه وبعدين اغسليه وبعد كدة تحطى سمنة وتحمرى شوية شعرية فى السمنة وبعديها تحطى الرز وتقلبى وبعد كدة تحطى مياه عشان يبقى طرى زى اللى بناكله ده قولتلها حاضر دخلت المطبخ بينى وبينكوا جبت الحلة وحطيت فيها السمنة والشعرية ونسيت اغسل الرز سبت الشعريه على النار وروحت اغسل الرز على ما رجعت للشعريه كانت اتحرقت فرميتها وعملتها تانى من غير ما ماما تعرف (اوعوا حد يقولها) وحطيت ميه كله كدة تمام مفيش حاجة ناقصة قفلت الحلة وقولت اسيبه يستوى جيت بعد ما المفروض انه استوى وبقى رز فتحت الحلة وبقلبه لاقيت عبارة عن عجينة بيضة تشبه للرز باللبن او المهلبية وما ادراكم وطعمه كان زفت لا وايه من غير ملح بابا بقى جه بالليل وماما حكيتله قعد يضحك كتير اوى عليا وبقو يزلزنى بلاكلة دى كل ما اقولهم ادخل المطبخ ولا حاجة ههههههههههههه ودى حكايتى مع الرز انتظرونى مع المكرونة بالبشامل |
اقتباس:
ايه الحلاوه دى يعنى اصحابك بيعملوا وانتى بتشجعى اللعبه الحلوه :D انا هجربه وابعتهولك فى طرد وابقى قوليلى رأيك "اكيد هتدعيلى بس لو هتدعى عليا يبقى خليها فى سرك:D" اقتباس:
حرام عليكى يا شيخه انا متخليه شكله دلوقتى بجد حراااااااااااااام اللى بتعمليه فيهم ده واوعى اسمع انك جيتى ناحية المكرونه البشاميل انا بحبها ووالنبى سيبيها ف حالها :D منورات يا قمرات:) |
مممممممممكن ابقى افكر مجرد تفكير انى اجرب مشروب موها ده اما انا بقى اقولكو على حتة مشروب تحفه عصير البوريو:d عملته وكان طان لطيف والوصفه تحت اهى(تمام انا اروح فتافيت احسن :d) 1-ست بسكوتات لكل بنى واحد 2-كوباية لبن برضو لكل واحد الطريقه اطحنى البسكوت بايد الهون لحد اما يبقى بودره خالص واللبن يتحط فى الخلاط ومعاه البوريو لحد اما يتغير اللون او يتخلط كويس يعنى وكل سنه وانتو طيبين |
اقتباس:
تصدقى الوصفة دى كنت هقولها بدل اللى كتبتها بجد تعمه جامد جداً ي جماعة إيمى دى أستاذة مرة بقا واحدة صحبتى كانت عزمانا وعملته بس الحمد لله بعدها حرمت أكل بوريو تانى :D |
اقتباس:
تبعاً تبعاً يا ماما انا مش اى حد :cool: ههههههههههههههههههههه اكيد حطتلكو حاجه اصفره فى البوريو :p وانتى بالصحه والسلامه يا موها;) |
اقتباس:
ههههههههههههههههههه عملتوا قبل كده:p اقتباس:
مبدعة يا ايمى;) |
صنع اديا وحيات عنيا
انا بقة الى هعلمكوا الطبخ الى على اصولة:cool: بابا وماما بيتاخروا برا مبيجوش غير باليل وبعدين انا قررت افاجئ اختى واطبخ اكل بيتى انما ايه مش هقول ;)فانا مبعرفش حاجة ولأنى انسانة عصامية بحب ابنى نفسى بنفسى قررت اعلم نفسى:D فقلت انا هطبخ كشرى ومكرونة :Dوبعدين جبت الرز والعدس ونقتهم وبعدين حطتهم على بعض وبعدين غسلت الرز 6 مرات كل مغسلة يطلع مية لونها غريب:mad: لغاية مبقت ميتة شفاف:cool: وحطيت الملح وحطيتة على البوتاجاز وبعدحوالى عشر دقايق رحت اشوفة لقيت نصة استوى قوى والنص التانى لسة:confused: قمت جايبة معلقة ورميت النص الى مستواش :huh:واستنيت اما النص الى استوى بقة حلو وبعدين حطيت زيت وقفلت
نيجى بقة للمكرونة :rolleyes: انا جبت مية صقعانة وحطيت فيها المكرونة وحطيت عليها ملح وزيت وسبتعا على النار وبعدين طفيت عليها وغسلتها واتفاجئت ان المكرونة كلها لزقة فى بعض:eek: ( اه انا باين اشتريت مكرونة مغشوشة ) المهم جبت صلصة وعصير طماطم وماح وكمون وفلفل اسمر وسبتها وبعد اما طفيت لسه بردة المكرونة لزقة فى بعضها وطمها :eek: وبعدين كانت اختى قربت تيجى قررت ارمى كل الى انا عملته ( علشان محدش يحب اكلى واضطر اطبخ كل يوم ;)) ونزلت اشتريت اكل :p:p |
ياااااااااا انا عندي كواليس كتيرة جداااا
يعني مرة زنيت علي ماما في البيت و صممت اساعدها في المطبخ حنية بقا هههههههههههههههههههههه المهم دخلت و كانت اول مرة اقلي فيها بطاطس تعرفي عملت ايه حطيت البطاطس بميتها علي الزيت المغلي مش قادر اقولك علي اللي حصل و النار اللي طلعت طبعا انا سبتهم و جريت و لا اعرفهم ههههههههههههههههههههههه بس دي كانت من اكبر الكواليس و فيه تاني لو عاوزة ده انا مسجل خطر في المطبخ و ميرسي علي موضوعك |
اقتباس:
وانتى طيبه يا حبيبتى ان شاء الله هدبحك على العيد الكبير :p ايه حكاية المشروبات الساقعه معاكوا ;) بس تسلم ايدك يا ايموز هستنى كبايتى "انا متأكده انك عامله حسابى:D" |
اقتباس:
هههههههههه مبدعه والله يابنتى .. على رأيك احنا هنلاقيها منين ولا منين كمان هتعملى الاكل بس بليز ما تجازفيش تانى عشان بعد كده هبلغ عنك:p نورتى التوبيك اي جميل بردك اللى زى العسل ده:) اقتباس:
شكلك هتبقى مسجل خطر فى الموضوع برده :D حلو انك تبقى متعاون بس مش حلو ابدا انك تستندل وتسيبهم ع النار ولا كأنك تعرفهم منور الموضوع بردك الجميل ده وعايزين نعرف باقى الكواليس |
اقتباس:
واهون عليكى يا جيجوز :( مش عارفه:D هه اه |
اقتباس:
|
اقتباس:
مش تهونى والله يا ايموز بس شوفى حد يتحط مكانك;) اقتباس:
طيب ودلوقتى؟:D |
انا باقطع بطيخ حلو اوي .. وباكله احلى :d
|
اقتباس:
طب وليه يابنى المجهود ده بس .. صحتك بالدنيا .. يتحرق البطيخ ابقى هاتهولى ;) |
الموضوع اكثر من رائع و انا كوارشى فى المطبخ لا تعد و لا تحصى
اولها شوربة التفاح كان يوم جميل و الشمس مشرقة و قلت لماما انى حطبخ النهاردة طبخة رائعة و حتبقى مفاجاة و هيه فعلا كانت مفاجاة حتى لنفسى المهم ابتديت الاول احضر كل شى محتاجاة لشوربة التفاح و بعت اشتريت الحاجة اللازمة و ابتديت استغربت اوى الاول ازاى شوربة تفاح و فيها بصل و ملح بس قلت لا انا حمشى مع الكتاب خطوة خطوة و يارتنى ما مشيت المهم ابتديت اعمل الشوربة للمساكين افراد عائلتى طبعا فى وسط ما انا بجهزها اكتشفت ان انا معملتش اى حاجة غيرها يعنى انا حغديهم شوربة بس قلت مش مشكلة دة حتى الشوربة صحية الشوربة كان فيها مشكلتين خلو شكلها و طعمها لا يطاقققققق اولا البصل ماكانش متقطع كويس و مش عارفة انا عليا بايه ما كنت فرمته المهم انه كان عايم على وش الشوربة يعععععععع ثانيا التفاح المفترض انه كان يبقى مسكر دة اللى انا عرفتة بعدين بس طبعاانا كنت وضعت تفاح مززززززز اوىىىىىىىىى المهم وصلوا المساكين افراد العائلة المسممة ماما قالتلى عملتى ايه بقى على الغدا قلتلها و انا مبسوطة اوىىىى شوربة ولكم ان تتصوروا ماما كان شكلها تعبان و جعان و برقت ازاى اول ما سمعت انها حتتغدى شوربة!!! شكلها بقى عرفت ان انا عملت عك فشكلها بردة دخلت قالت لبابا انه يقول على اكلى حلو و خلاص علشان ما يحطمنيش علشان دى كانت تجربتى الثالثة فى الطبخ لوحدى وطلعوا يكلوا اخواتى من سكات نزلوا يتمشوا و انا عارفة انهم نازلين يشتروا اكل بس انا كنت واهمة ان الشوربة دى تحفةةةةةة و هى على العكسسسسس شكلا و طعما ماما و بابا شربوها و انا معاهم -طباخ السم بيدوقوا-بس انا والله عاجبتنى اوى الشوربة دى هو شكلها بس ماكانش تمام ماما شربت حبة و قامت من غير ما تتكلم بابا المسكين شكلة كان جعان اوىى و شكله بردة ما كانش عايز يزعلنى فشرب الشوربة كلها و بعدها بطنه و جعتوا اوىىىى يا حبيبىيا با با و الله صعب عليا او انا عرفت الكلام دة بعد كتيررر اوىىىىىىى انشاء الله اقابلكم فى حلقة جديدة فى كواليس ما وراء الحلل |
تصدقى انى عمالة ادور على الموضوع فى صفحات القسم لحد اما وصلت للصفحة 5 وبالصدفة اكتشفت انة فى اول الصفحة مثبت ;););) تقريبا العمش عندى اشتغل ولا اية !!:D :D:D المهم اقولك على اخر ابداعاتى عملت لقمة القاضى واللى قالى على طريقتها تيتو اخويا قال لى تجيبى الدقيق ومية وتحطيهم على بعض لحد اما يبقى عجينة "وانا اقولة مية يعع لا انا احط لبن راح قالى لا مية انتى هتألفى ;) " وبعد كدة تحطى الخميرة بعد ما تكونى دوبتيها فى مية وتسيبى العجينة تخمر شوية وتكونى عملتى العسل انا لحد هنا ماشية كويس ومتبعة الخطوات وسيبت العجينة تخمر ...خرجت اقول حاجة لعمتو وبعدين دخلت المطبخ تانى يعنى سيبت الخميرة حوالى 5 دقايق كدة او يمكن اقل وماما وعمتو بيقولوا لى هتعملى اية برد عليهم بكل افتخار هعمل لقمة القاضى ماما هنا لاقيتها بتقول اييييييية :eek: طمنتها وعمتو قالت لها خليها تتعلم المهم دخلت المطبخ حطيت الزيت وبعد كدة بدات احط العجينة على هيئة كور صغيرة كدة حطيت حوالى 4 وكان تيتو واقف جنبى وبعدها بثوانى لاقيت فرقعة كدة والزيت بقى فى كل مكان على البوتوجاز والمطبخ وتيتو يقولى اية انت عملتى اية فيها اخرجى يالا هنتلسع كدة وانا اقولة ابدا مش هخرج الا لما اكملها واخلصها وهو يقولى هتخلصى اية بس دة العجينة هى اللى هتخلص علينا اخرجى وفضلت اعاند معاه لحد لما اتلسعت فى ايدى:mad::mad: وماما جت فى المطبخ قالت لى اخرجى وخرجت وماما وتيتو طفوا النار وهدوا المتفرقعات اللى كنت عملاها فى المطبخ وعمتو كانت بتعمل لى ايدى وتقولى مش تخلى بالك معلش وماما خرجت تقولى ينفع كدة يعنى لو كنت اتلسعتى لاقدر الله فى وشك كنت هفرح بيكى انا يعنى مش تخلى بالك وزعقت لتيتو "وكنت فرحانة اوى انها زعقت له شرانية انا :p" واتضح ان السبب فى المشكلة دى كلها هى ان الخميرة اتفاعلت مع النار بمعنى اصح انا مسبتش العجينة تخمر علشان كدة حصل المتفرقعات دى :D مش عاملة لا لقمة قاضى ولا لقمة محامى بس ماما بعدها بساعة عملت لنا لقمة قاضى وكانت جميلة ولما جة بابا بقى وشاف ايدى قعد يزعق :D ويقول لماما مش وقفتى معاها لية ينفع ايديها تكون بالمنظر دة يعنى :D لا ولا عمو لما شافها وعرف اللى حصل قالى اية دة وانتى تدخلى المطبخ لية اصلا اللى انتى عايزاه قولى لهم وهما يعملوه " بابا وعمو هيخلونى خيبة فى المطبخ :D" والمشكلة ان ايدى اصلا كل اللى حصل فيها انها اتلسعت حتة صغننة منها والحمد لله اثرها بدا بيروح اهو عملت ازمة فى البيت :D مش داخلة المطبخ تانى "لا هدخل :D" يوم الاتنين لما اشوفك هبقى اوريكى ايدي لو كانت لسة موجودة |
هههههههههههههههههههههههههههه ايه يا بنتى ده حسستينى انك كنتى واقفه فى ساحة حرب:lol: لا وايه مصممه انك مش تخرجى الا لما تخلصيها:mad: زى ما تكونى بتحررى فلسطين طب ده كله حصلك وانتى بتعملى لقمة القاضى وشايفه اسمها .. لقمه امال لو عملتى صوابع زينب هتولعى فى البيت والا ايه بس نصيحه انتى تتجوزى واحد طييييييييب عشان هوه اللى يطبخلك احسن انتى كده شكلك فى مية اللفت:p وبعدين ماانا قلتلكم اعلمكم الطبخ:rolleyes: بس انتو بقى عملتو فيها اساتذه وشفتى النتيجه راجعو نفسكم وانا مستعده فى اى وقت بس بما ان الاسعار مرتفعه اليومين دول هغير الاجره اللى حددتها مع حنان يعنى هترتفع بس ممكن بكل توضع ستين سبعين جنيه على كل طبخه بعد السعر القديم اللى كان خمسه جنيه شفتى خمسه جنيه ده انا عبيطه اوى هااااااا ايه رايكم؟؟؟؟؟:D:rolleyes: |
اقتباس:
هههههههههههههههههه ست بيت فاشلة وبعدين حد يمشى ورا اخوه برضو:D |
اقتباس:
يا شيخه حرام عليكى .. بقى ده جزاء تربيتهم ليكى تعملى فيهم كده :mad: المره الجايه بقى عايزاكى تغديهم كرواسون وشاى بس تكونى انتى اللى عامله الكرواسون مش جاهز .. عشان يعرفوكى على حقيقتك :D ويلا اهى اكله تفوت ولا حد يموت وفى انتظار باقى وصفاتك وربنا معاهم عيلتك بقى :( |
اقتباس:
ما شاء الله يعنى وقعتى العيله كلها فى بعض بس والله تيتو ده كفاءه .. قولتلك الواد ده هيجى منه .. شكله هيبقى ست بيت شاطره :D طالعلى :p هانت كلها بكره واشوفك وافرح فيكى :p |
اقتباس:
لا انتى ما شوفتيهاش وهى ملبوخه فى حاجه قبل كده .. بتبقى زى القمر :p وبعدين ايه يا هانم ده احنا هنقطع على بعض من اولها .. ستين سبعين جنيه ايه بس هما اخرهم سبعاشر تمناشر بوند :D |
اقتباس:
انا متاكده طبعا انها بتكون زى العسل ما ببقى كده برضه وانا ملخومه:p وبعدين تعالى هنا انا برضه اللى بقطع عليكى:mad: والا انتى اللى بكبريها فى دماغهم وعايزه تخربى بيتى واشحت انا والعيال:( واخرنا على باب السيده ان شاء الله :Dوكله من تحت راسك مش كده سيادتك يا ست جيجو مش ده اللى انتى بتخططى له ... على العموم مردوده ان شاء الله |
تسلم ايدك
الموضوع حلو اوى بس بلاش اقول لكم حاجه عن الأكل اللى بعمله مش عاوزه اولع فى المنتدى زى ما حرقت مطبخنا كذا مره هههههههههههههههههههههههههه انا بضحك ده انا طباخه ماهره ........................بس بتعلم لسه |
اقتباس:
ايه يابنتى المأساه اللى بتحكيها دى :mad: .. البؤساء ف الارض اقولك انا متنزلالك عنهم وفوقيهم صينية بطاطس:d اقتباس:
تسلمى حبيبتى طعمه حلو مش كده;) الاخوات هنا كلهم كده ع فكره احكى كده كده خربانه:d ميرسى ع مرورك حبيبتى |
بيوحشنى الموضوع ده :d أنا بقا أبدعت أول يوم رمضان ماما طبخت بطة علشان هما هياكلوها وأنا عملت كفتة فراخ ليا بس كانت جميلة جداً مكسلة أكتب اللى عملته كان يوم طريف :p بعدين بقا .. اعذرينى يا جميل |
انا لى قصة اعتقد ان ما فيش حد فى المنتدى عملها القصة هى يوميات مع الخروف اشتريت انا وصديق لى خروف اسمه المهندس سيد (ده اسم صاحبى مش اسم الخروف )وجاء صديق ثالث وذبحه واحنا كلنا سلخناه وقطعناه وفضلت رأس الخروف وكان لابد من تنضيفها وكان العناد قد اصابنى كعادتى فانا لا احب الفشل وحلفت انى انا و المهندس سيد نتغدى فته ولحمة رأس وريش الخروف المهم نضفت الرأس وقطعتها وسلقتها وجهزت التوابل لعمل الشوربه وكل شىء جميل وعملت الارز بتاع الفته وكله دة تمام ونيجى لحد النقطة الفاصلة الصلصة اللى حتتحط على الفته عملتها بالخل والتوم وهى على النار وزود التوم والخل علشان نعمل (دماغ فته )المهم وقمت بشوى الريش كل هذا قبل ان تأتى الخامسة عصرا المهم الاكل جهز وكل حاجة تمام والحمد لله اكلنا انا والمهندس سيد لوحدنا فى شقتى وقلنا نتفرج على مبارة كانت بين فرنسا وايطالياوجلسنا سويا على سرير امام التلفاز لنستريح بعد عناء اليوم وفجأة ايطاليا جابت جول.......... قلت لسيد شوفت الجول دة ........سيد لم يرد......... يا ابنى شوفتى الجول دة شوفت الواد عمل ايه........ سيد لم يرد....... فنظرت الى سيد فاذا به ...............الفته اللى بالخل والتوم مع اللحمة الضانى كبست عليه ونام لحد تانى يوم ........وابوه يتصل بى فين سيد........ اقوله نايم.......... يقولى طب صحيه يكلمنى ..........اصحى سيد ..مفيش سيد .......كانه واخد بنج ..........اول مرة ياكل لحمة تقريبا وماستحملش من الفرحة اغمى عليه تقريبا ولا ايه مش عارف ............وابوه كل شويه يتصل .............وانا محتاس.......... بس الحمد لله تانى يوم لما صحى اتصل باهله وطمنهم عليه .........ومن ساعتها حرم ياكل لحمة معايا ............والحمد لله هذه كانت اولى انطلاقاتى فى المطبخ ذبح وتنضيف وطبخ (فته ولحمة رأس الباشا الخروف ).بالمناسبة هو لسة راجع الان من السعوديه وحاولت اعزمه على كباب وطرب من شويه .........لكن سبحان الله مفيش محل كباب فاتح .........ورسيت فى الاخر على فول (سحور)
|
اقتباس:
ايه يا ماهى الكسل ده .. ما تكتبى بضمير عشان ربنا يباركلك كده:p وبعدين تعملى كفته وما تعمليش حساب اختك :dاخث عليكى اقتباس:
حمدالله ع سلامته ومعلش يا مستر خليها عليك المرادى وخليها فول بدل ما يتكرر اللى حصل تانى والمرادى هيقوله ان حضرتك خطفته :d بجد يا مستر رد حضرتك تحفه وعن جد نورتنى ف موضوعى المتواضع :) |
يلا بقى حاكتب وامرى لله
شوفوا يا جماعة انا كنت عايزة اعمل بسبوسة مكتوب على الكيس افرغ محتويات العبوة فى الصينية و ضعها فى الفرن اخلاف المكتوب يعنى يااخونا روحت عملت زى ما هوه مكتوب شوية كده روحت لقيت البسبوسة حلوة فرحت طلعتها المهم جيت بقى اطلع حتة و ادى العائلة عشان اوريهم انى قد المسئولية بس بس الحتة مش عايزة تكلع معايا مسكت سكينة و قعدت اخبط على الصنية مفيش امل ماما و بابا سمعوا الخبط جم يشوفوا ايه اللى بيحصل لقوا البسبوسة ما بتطلعش من الصنية بابا قال خلاص مش مشكلة ننقع الصنية شوية فى الميه و البسبوسة تتطلعو نغسل الصنية بردوا ما طلعتش بعد نقع 6 ساعات قعدنا نخبط عليها من كل ناحية ولا حياة لمن تنادى جيبنا شاكوش والله و قعدنا نخبط على الصنية والبسبوسة نفسها مفيش حاجة راضية تتطلع روحنا راميين الصنية باللى فيها عرفت انا بقى بعد كده ان المشكلة كانت ان المفروض اخط زبدة او سمنة فى الصينية وانا بقى لا حطيت ده ولا ده اشوفكم بعدين |
اقتباس:
من يومك وانتى اد المسئوليه :d ايوى نصيحه اخويه منى ليكى ما تحاوليش تتعلمى .. هتضيعى وقتك ع الفاضى من غير فايده اقولك فكره حلوه .. العبى كمال اجسام :p |
اقتباس:
فضحتوا المنتدى نصيحة فى الطبخ 99% من الاكل اللى بيتعمل فى الفرن زى الباشمل والرقاق باللحمة المفرومة والجلاش واغلب الحلويات اللى بتتعمل فى الفرن لازم ندهن الصينية بزبدة او سمنه نباتى علشان الاكل ما يلزقش فى الصينية دة غير ان قعر الاكل طبعا بيتحرق هى شكلها كدة ح نعملكم مذكرات فى الطبخ وحصص فى الغرف الصوتيه كتدريب على فنون الطبخ :d:d |
اقتباس:
مهو انا اكتشفت النصيحة دى قريب يا مستر :rolleyes: ههههههه خلاص معنديش مانع و اجيب اصحابى عشان هما زيي بالظبط :d |
اقتباس:
فكره هايله يا مستر :d وكمان بنات المنتدى كلهم هيحضروا ;) وميرسى مستر محمد على المعلومه:) ............ بالمناسبه دى بقى اقولكوا على مفاجأه انا عملت بيتـــــــــــــزا والمفاجأه الاكبر انها ما باظتش :d هقولكوا على اللى حصل بس وقت تانى عشان انا هقوم ناو :) |
شكلى كده هاخرشمك لو ما بطلتيش الكلام ده
[quote=الرهينه;735255]
ايه يابنتى المأساه اللى بتحكيها دى :mad: .. البؤساء ف الارض اقولك انا متنزلالك عنهم وفوقيهم صينية بطاطس:d لالا شكرا ياختى مش بقبل شفقه:huh:بس ممكن انا اللى اتنازل عن عيل من عيالى تاخدى فيا ثواب:( احسن دول كسروا ضهرى// و طبعا هاقبل صينية البطاطس لانى بموت فيها:d |
ربنا يساعدكم
|
اقتباس:
يا بنتى متقوليش الكلام دا لاى حد احسن تتحسدى ولا حاجه :d اقتباس:
دنا نمت من السيره :( |
[QUOTE=زهرة الياسمين;768159]
اقتباس:
حد قالك انى الوفاء والامل :angry2: شوفيلك مخزن حطيهم فيه وبالنسبه للبطاطس انا موافقه ف حالة انك تصرفى نظر عن حكاية التبنى دى وبعدين انتى رمضان لسه ماخلصش عندك ولا ايه ارجعى بقى دانتى وحشانى موت:049gc0: اقتباس:
واياك :) اقتباس:
شحات وعايز فينو :angry2: |
اقتباس:
|
والله الموضوع تحفه
|
انا قررت افدكم بخبرتى فى الطبخ لانى ولله الحمد منتازه:( اقولكم انى بقالى كام شهر كده مدخلتش المطبخ بسبب فلفله:) كنت عاوزة اكل بطاطس محمره والحمد لله اتعملت من غير اى اصابات :av4056bb7jp3: وبعدين قلت لازم فلفل رحت حطيته فى الزيت (وعينكم ما تشوف الا النور) فرقعه وزيت سخن على ايدى وفلفله فرقعت فى وشى (بس الحمد لله) وعياط بقى :slap1qk6: حاليا باكل بس مش قلت منتازه:):) |
اقتباس:
اقتباس:
تعيشى وتاخدى غيرها يا عثل :friendsxs3: |
بجد موضوع جميل
واكتشفت فيه اني مش لوحدي اللي بعمل كوارس في المطبخ |
ياولاد انا نويت اطبخلكوا كل يوم فالموضوع دة
اصلى بصراحة عندى اكتئاب ومش لاقية حد اطلع فيه الكبت الى جوايا الله يسمحهم ادونا الاجازة بدرى المهم يعنى كل يوم انا الى هطبخ استعدوا بقى |
احم احم
قريت الموضوع وشكل ردوده لذيذة وكلها حرايق :d ولكن حضرني موقف يا وهوي :d في مرة من ذات المرات دخلت المطبخ انا واختى الصغير ة نعمل شاي مع اني مبحبش الشاي :huh: المهم سخنت مية ف البراد وباحط الشاي (مكناش بنعمله كشري) المفروض هو بيغلي .. طبيعي يعني مجرد فقاقيع لقيته بيعمل بالونات :mellow: نورا بصي كدة .. لا لا تهيئات اللهم اغزيك يا شيطان حطينا ف الكبايات لقيته لزج بمعني الكلمة وماسك ف بعضه ولا الصابون ولونه اخضر :blink::blink: مش شكل الشاي ولا الريحة مش ريحة شاي نهائي اتضح ف النهاية اني حطيت ملوخية ناشفة :006et4: مع ان هتقولولي الشاي بيتحط ف علب او ما شابه لكن الملوخية ف الكيس الله اعلم وقتها بقى كانت ظروف نظري ايه بس عادي نزلنا ضحك وسكينا على دور الشاي :) |
اتضح ف النهاية اني حطيت ملوخية ناشفة :006et4:
هههههههههههههههههههههههههههههههههههههههههههههههههه هههههههههههه مسخرة:slap1qk6: |
ههههههههههههههههههه حلو الموضوع احيلكم انا بقى قصتي انا اصلا مش بعرف اعمل حاجة غير المكرونة واتعلمت الرز مؤخرا والبيض طبععا والحاجات دي من حوالي شهرين كده مش اكتر اخواتي كان وراهم مذاكرة عشان امتحاناتهم قربت وانا اللي فاضة اللي فيهم قولتلهم اقوم اعملكو العشا كنت عاوزة اعمل بيض ببطاطس بموت فيه هو محتاج تحمير بطاطس فعشان كده ماما مش وافقت قولتلهم خلاص هسخنلكو العيش في لفرن واعملو انتو اي حاجة بقى كنت بحب اوي اولع الفرن ده جيت فتحت الجاز واتأخرت ثايتين كده ولا حاجة على مولعت عود الكبريت الفرن مش تبع الاشعال:slap1qk6: المهم بخط عود الكبريت النار هبت في وشي وطيرتلي رموشي وحرقتلي شفايفي وعنيا طالتها النار طبعا من برة وكل ده ومتشوهتش الحمد لله:d وشي ورم شوية وروحت عند الدكتور وعادي رجعت طبيعي:romarioxp6: ومن ساعتها وانا بكرهه اسم الفرن :040vk0: |
اقتباس:
ايه اللى انتى عملتيه ده ده انتى يابنتى مش تكرهى اسم الفرن بس انا لو منك معتش ادخل المطبخ تانى خالص |
| جميع الأوقات بتوقيت GMT +2. الساعة الآن 12:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.