استاذ سيف ضروووووووورى الدخول
 

1-- يستطيع الكمبيوتر التعامل مع الاوامر المكتوبة بلغة البرمجة ( )

2- هل الكائن ليس له وجود اطلاقا الا عند عمل نسخة منه من التصنيف . ( )

3- هناك اختلاف كبير ولا يزال موجود بين الاستاذ بلال والاستاذ احمد قرنى داخل موضوع طلبات الاعضاء

حول جزئية تدفق الخطوات دائما من أعلى إلى أسفل أومن اليسار إلى اليمين


وشكرررررررررررررررررررا لحضرتك

بس برضه بيرجع لخطوة سبق رسمها من أعلى لأسفل

ودائما وغالبا مش حتفرق كتير مش لغويا المقصد هنا عمليا في الشغل

وخط الرجوع خطوة مش اساسية لما ببدء رسم الخريطة لأن الرجوع مش من ضمن الخريطة الا لو تم اتخاذ قرار .....
يعني من الآخر وبالعربي الفصيح .... لما حضرتك بتجي ترسم خريطة مش دائماً بتبدء من الاعلى الى الاسفل .... فيها خط رجوع مفيشهاش مفرقتش المهم انك دائماً بترسم الخريطة من فوق لتحت ..... او من الشمال لليمين


كلامي صح ولا لأ

1 خطأ
2 صح
3 دائما خطأ

الخريطة سليمة

ولولا خط الرجوع لما وصلت الخريطة للنهاية

يستطيع الكمبيوتر التعامل مع الاوامر المكتوبة بلغة البرمجة

حضرتك بتقوول خطأ


طيب لو سمحت حضرتك فى مشاركة سابقة

وضحت ان
يستطيع الكمبيوتر التعامل مع البرامج المكتوبة بلغة البرمجة ( )

وقولت حضرتك ان الاجابة صحيحة

ايه الفرق بين الاتنين

http://www.mediafire.com/conv/dd921b...48ebbe756g.jpg

وعذراً للأساتذي المحترمين (استاذ سيف واحمد القرني وابو مريم واحمد الزيدي ) انا مجرد صفر على الشمال ليهم [/size][/color][/center]

والاجابة الاولى صح ليه لأنه اتبعت القواعد من اعلى لاسفل
والثانية خطأ ليه أنها خالفة القاعدة ورسمة أعلى (دا صح )وانتهت لأعلى (ودا اللي خطأ)برضه
والقاعدة بتقول من اعلى لأسفل
ودي وجهة نظري اللي مقتنع بيها ان شاء الله

تحياتي للاستاذ بلال
والموضوع هو تبادل الخبرات ليس اكثر
ذكرتم تعليل لصحة العبارة تدفق الخطوات دائما من أعلى إلى أسفل أومن اليسار إلى اليمين
انه ورمز النهاية بيكون في الاسفل وبنتهي بيه
وان الخريطة سليمة ووضحت بالرسم دا خط الخريطة من اعلى الى اسفل
من الخريطة السابقة اسفل الاشكال هو المستطيل وليس النهاية كما ان الخط الذي قد وضحتم من اعلى الى اسفل هو ايضا من اليمين الى اليسار
فتكون العبارة خطأ

العبارة صحيحة
علشان رمز النهاية دائما بيدخله خط جاي من أعلى وعمري ما بيدخله خط جاي من اسفل دي حاجه
وكمان رمز النهاية بيقى آخر رمز في الخريطة وبتكون النهاية ودائما بيقى آخر رمز في المسألة وبتتجمع فيه كل مسارات الخريطة اللي هيه دائما بتكون قادمة من أعلى ........ لأسفل

مهم جدا لو سمحتوا حد يقولى الحل بسرعة
 

الأسئلة:-

1- رتب خطوات حل المشكلة؟

2- قم بوضع خطوات الحل لبعض المشكلات الحياتية

3- ما هى الخطوات المتبعة لحل مشكلة باستخدام الكمبيوتر؟

4-ما المقصود بالخوارزمية؟

اولا الاوامر المكتوبة بلغة البرمجة مثل الاتي
x=3
if x >2 then
print "goog"
end if
طبعا الكمبيوتر لن يستطيع التعامل مع تلك الاوامر رغم انها مكتوبة باحد لغات البرمجة
ثانيا البرنامج المكتوب بلغة بركجة
قم بعمل مشروع وضع button واكتب داخل اكواد ال button نفس الاوامر السايقة ثم قم بعمل البرنامج باي اسم واغلق اللغة وقم بتشغيل ذلك الاسم سوف يتعامل معه الكمبيوتر لان اثناء عمل البرنامج تم ترجمته الى لغة الاله التى يفهمها الكمبيوتر
لذلك 1 خطأ
2- صح

طب الخط الذي وصل للنهاية في الخريطة المذكورة من اليسار الى اليمين ام من اليمين الى اليسار ام من اعلى الى اسفل
ان كان من اعلى الى اسفل ما هو الشكل الذي اعلاه وان كان من اليسار الى اليمين فما هو الشل الذي على يساره
واضح جدا انه جاي من اليمين الى اليسار ويمينه المعين
فكيف تكون عبارة دائما من اليسار الى اليمين صحيحة

طيب بص يا استاذ سيف اللي ظاهر من المناقشة ان مختلفين على حاجة الفاصل اللي فيها الرجوع الى كتاب المدرسة وسؤال الموجه العام لبعض المحافظات ونشوف اجابتهم ايه ....
دي حاجه ....
طيب تيجي نأجل الاجابة الفاصل للجمعة اللي بعد الجاية وكل واحد مننا يبحث ويسأل الموجه العام بتاع محافظته وبرضة الموجه العام بتاع اي محافظه ويقدر يوصله ونشوف الاجابة النموذجية بتاعة كل واحد ايه وليه ............. اتفقنا

lاستاذنا الفاضل
مفيش حاجة اسمها الموجه العام او الموجه الخاص مع كامل تقديرنا لموجهي عموم المادة
فيه حاجة اسمها علموالرد بالحجة والبرهان
اما مرجعية كتاب المدرسة فكلنا نعلم انه به من الاخطاء الكثير ورغم ذلك المثال الذي جئت به من كتاب المدرسة
انا قدمت خريطة وسألت هل صحيحة وانتم اقررتم بصحة الخريطة وتبين من تدفق خطواتها انه يوجد بها تدفقان احداهما من اسفل الى اعلى ولم اعلق عليه انا واخر من اليمين الى اليسار والذي انتهت به الخريطة وهذا ما قمت بالتعليق عليه
وعليه فان تدفق الخطوات غالبا من اعلى الى اسفل ومن اليسار الى اليمين للغات الاتينية
وكذلك تدفق الخطوات غالبا من اعلى الى اسفل ومن اليمين الى اليسار للغات العربية
وغالبا تستخدم اشكال قياسية
اما ذكر كلمة دائما فلا وجود لها
دا حتى من اسمها انسيابية فكيف تكون انسيابي ومعها كلمة دائما

طيب ما هو انا كلامي اللي قولته دا من فهمي للمنهج نتيجة دراستي ومش معتمد على الكتاب
وبقولك الفاصل اللي بنا وبينك الكتاب والموجه اللي بيحط الامتحان ويعلمه وبيحط الدرجات

استاذنا الفاضل
اولا مرجعية الكتاب
الكتاب ده به اشياء متخلفة ولا ادري هل ما جاء بهذا التخلف متعمد ام انه لا يدري في كلتا الحالاتين فهو ايضا متخلف والدليل على رأي هذا بالرجوع الى الكتاب ص 21 رقم 3 طبعا دا لو طفل في kg2 مش حيخطأ الخطأ ده ولو قلنا دا خطأ مطبعي في استكمال الخط اتدري كم حل يكون صحيح وبالتالي يتم رفض مرجعيته فورا عند اي حد بيحترم العلم
مثال اخر ص 22 رقم 5 اتدري كم حل لهذا السؤال طبعا اي معلم لسه في 3 تربية عارف كويس جدا ان السؤال لازم يكون له اجابة واحدة اكتب بما يناسب من الكلماتوبالتالي يتم رفض مرجعيته فورا عند اي حد بيحترم العلم
وطبعا الامثلة كثيرة
ولو اعتبرنا الكتاب مرجعية علميا جدلا ص 14 في لاحظ رقم 2 ( وهذا يعني ان العبرة ليست بشكل خريطة التدفق ولكن بترتيب خطوات الحل )
اما بخصوص الموجه اللي بيحط الامتحان وبيعلمه وبيحط الدرجات فقط اشر لي على محافظة كذا علشان اوضح كيف تكون امتحانته وما هي اخطائه القاتلة والتى تسببت بالقطع في ضياع درجات على طلاب والذي جعل الطالب يقول ملعون ابو اللي عمل الامتحان ده دا انسان غبى مبيفهمش
المرجعية لله فوق كل شئ ثم للعلم

مطلوب شرح خرائط التدفق بالتفصيل بالله عليكم
 

اولا جزاكم الله كل خير
ثانيا منهم لله اعداء المعلم
ثالثا لما تشتغل الغرف الصوتية ولو فيه نصيب ان شاء الله سيتم شرح الخرائط بابسط مما يتخيله الكثير فقط الطالب الذي يجيد القراءة والكتابة سيفهما بسهولة

بصراحه موضوع المناقشه بين استاذنا الاستاذ سيف والاستاذ بلال شيق و متميز ولم أراه الا الان
الموضوع هو تبادل الخبرات ليس اكثر
ظاهر من المناقشة ان مختلفين على حاجة الفاصل اللي فيها الرجوع الى كتاب المدرسة هكذا حضرتك قلت يا استاذ بلال
فى البدايه ان معجب بمستواك جدا استاذ بلال و
جزاك الله خير الجزاء ... وزادك الله من فضله وعلمه

بعد اذن الاستاذ بلال سنحلل الموضوع
أولا:لاحظ معى مايلى

لغوياً هناك فرق واضح بين الطبيعى والدائم
اما بخصوص ان خط الاتجاه للرجوع ليس من ضمن خطوات الاساسية ولا يصل للنهاية
اختلف مع حضرتك لانه بدونه لا يكتمل حل المسألة ، وخط الرجوع يصل بنا للنهاية لاننا نتدفق مع باقى العمليات على اساسه

لاحظ
خطا لاتجاه منأعلىإلىأسفليوضحترتيبتدفقخطواتالحل
ص 5 ( خطوط الاتجاه تعكس فى بعض الامثله )

ثانيا العام الماضى الاتجاة الطبيعى للعمليات هو من اليسار الى اليمين ومن أعلىإلى أسفل مالم يذكر خلاف ذلك ( معنى ذلكانه ليس دائما وانماغالبا)
عليه تكون العبارة خطأ


حضرتك بتقول
الاجابة صحيحة ودي قاعدة حيث أن تدفق الخريطة دائما من أعلى لأسفل
دي هيه قواعد رسم الخريطة
على هذا كتاب المدرسه مخطئ فى الاتى على سبيل المثال
تدريب 1-7 عند d<0
تفرع من اليمين لليسار .................... مع العلم ان التفرع من اليسار لليمين تركه فى الرسم
وهكذا بقيه أمثله
استخدام التفرع ( اتخاذ القرار Decision ) فى خرائط التدفق

اذا استاذى الاستاذ بلال لاتكون قاعدة وعليه كلمه دائما هى المشكله
كانت يجب ان تكون غالبا
وبذلك تكون العبارة خطأ
وهذا من كتاب المدرسه

صح وخطأ

من خطوات حل المسألة تحديد المدخلات وعمليات المعالجة والمخرجات ( )

اضافه اخرى للاستاذ أحمد
وشكراً لسعة صدركم على تقبل المناقشة
ويا جماعه الهدف تبادل المعلومات والمحلوله للوصل للافضل والافادة والاستفاده

جزاكم الله خير الجزاء ... وزادكم الله من فضله وعلمه

من خطوات حل المسألة تحديد المدخلات وعمليات المعالجة والمخرجات ( )

متشكر على الردود الطيبه
وطبعا دي مناقشة للاستفادة
وتحياتي للجميع

بالنسبة لخطوات حل المسألة هل نحن ملتزمون بما جاء به الكتاب ام من الممكن التغير ( كما سأعرضه عليكم فى المثال التالى)
مثال : خريطة تدفق لطباعة نوع العدد ( زوجى - فردى )
خطوات الحل
1- بداية
2- ادخل n
3-إذا كانت n تفيل القسمة على 2 بدون باقى
3-1 إطبع الرقم زوجى
3-2 اذهب للخطوة ( 5 )
4- غير ذلك
4-1 اطبع الرقم فردى
5- إنهاء
هل الحل صحيح ام خطأ ( وخاصة الخطوة 3-2 )
ارجو من الاستاذ / سيف , احمد الزندى , احمد قرنى , بلال ....) التوضيح مع الشكر

السلام عليكم ورحمة الله وبركاته
عندى استفسار فى صفحة 9 فى الكتاب المدرسى كاتب ان فى التفرع فى اغلب الاحيان اجابة السؤال نعم او لا واحيانا اكثر من اجابتين
السؤال هو ينفع فى التفرع ان يكون اكتر من اجابتين لان على حد علمى ان رمز القرار او الاختيار بيخرج منه سهمين فقط اما نعم او لا
ارجو الرد للاهمية

اولا توضيح وجهة نظري - سبق تناقش فيها الكل - طلب من احمد الذهاب من القاهرة (الهرم) الى الاسكندرية(العامرية)
1- قام احمد باخذ الطريق الصحراوي الى الاسكندرية ( طبعا مفيش اي مشاكل تحقق الهدف )
2- قام احمد باخذ الطريق الزراعي الى الاسكندرية ( طبعا مفيش اي مشاكل تحقق الهدف )
3- قام احمد لاخذ الطريق الساحلي - بالذهاب الى بور سعيد اولا ثم عرج على الساحلي الى الاسكندرية ( طبعا مفيش اي مشاكل تحقق الهدف )
في الثلاثة وفي مصر فقط احمد وصل الى الاسكندرية اذن احمد حقق الهدف
ام في الواقع
لم يحقق احمد الهدف الا في 1 فقط لانها اقصر الطرق لتحقيق الهدف {وأن هذا صراطي مستقيما فاتبعوه ولا تتبعوا السبل فتفرق بكم عن سبيله }

ولكن العبقري اللي عمل الترقيم وغير الاسلوب المتبع في الحل الى 3 اساليب للترقيم بالتأكيد الكل سيتسأل لو اتبعنا الترقيم فان 3 و 3-1 و 3-1-1 المفروض تكون شئ واحد وما الغرض من ذلك
طبعا المفروض اننا بنمهد للبرمجة فيما بعد والى حالات if then الثلاثة فكان يجب ان يكون بداية من اذن وتنتهي بما بعد الا وتكون جميعها خطوة واحدة ورقم واحد ثم يتفرع الرقم الواحد هذا الى تفرع 1 او تفرع 2 او تفرع 3 وهكذا ولا يتحقق منهم الا احد التفرعات فقط
وانا اري ان يكون هذا التمرين هذا التالي
- بداية
2- ادخل n
3-إذا كانت n تفيل القسمة على 2 بدون باقى
1-3 إطبع الرقم زوجى
2-3 غير ذلك
2-3 -1 اطبع الرقم فردى
4- إنهاء

لاحظ ما تحته خط تفرعان من الخطوة 3 ويتم تنفيذ احداهما والتى سيقابلها فيما بعد if then else وبالتالي الطالب متعود على نفس الاسلوب في المواقف المختلفة

نعم المعين ممكن يخرج منه 3 تفرعات

طب ممكن حضرتك تشرح لى الجزئية دى بعد اذنك

شكرا استاذى العزيز سيف على الاهتمام
بس انا برده لسه فى حيره وعاوز (أثبت خطوات الحل) لتصلح مع جميع المسائل
بحيث عند السؤال عن شىء فى البرنامج وتم تحققه الخطوة التاليه يذهب للانهاء
ارجو التوضيح لانى فى حيره

السؤال الذي سوف يزيل اللبس
هل خرائط التدفق تم اختراعها لتصوير حل المشاكل باستخدام الحاسب ام حل المشاكل على العموم؟
الاجابة لحل المشاكل عامة سواء استخدمنا الحاسب ام لا
لنفرض ان المشكلة ان يجيب الانسان بثلاثة اجابات حسب العدد المدخل لعقله على ان تكون لو العدد موجب يقول موجب او سالب يقول سالب لو صفر يقول صفر
سيكون الشكل هكذا
http://computer.atlas4e.com/Project_...apter12/08.gif
لان العقل البشري لديه القدرة على اتخاذ القرار في خطوة واحدة (سالب موجب صفر )
ارجو ان اكون قد اوضحت

اري ان الافضل هو جعل المعين وتفرعه المتلاقيان يكون خطوة واحدة اما كذا او كذا
اما بالنسبة للكتاب فعلى الطالب التشتت وحفظ الخطوات كما انزلت علشان واضع الامتحان غالبا لن يراعي ما تفكر فيه

شكرا استاذى العزيز / سيف
وتم التوضيح ( ومنهم لله واضعى الكتاب )

التحضير الالكتروني لغات للصف الثالث الاعدادي من فضلك

استاذ سيف شكرا لحضرتك على الاقادة وجزاك الله خير
بس عندى استفسار ويا ريت حضرتك تستحملنى
تفسر بايه حضرتك خريطة التدفق صفحة 12 للحصول على درجة الحرارة ثم طباعة اكبر من صفر او اقل او تساوى صفر ليه مخرجش من الشكل المعين ثلاثة اختيارات وخلاص بدل ما هو كده بجد انا متلخبطة ازاى اقول بيخرج 3 اسهم ومفيش ولا خريطة استخدمت 3 اسهم فى المنهج

انا اسفه على الاطالة بس انا بجد نفسى افهم عشان اقدر اوصل المعلومة صح

لان الغرض من خرائط التدفق هنا هو تحويلها الى المرحلة الثالثة من مراحل حل المشكلة والتي سوف تستخدم الكمبيوتر في الحل وجهاز الكمبيوتر ليس لديه القدرة على اجراء عملية المقارنة الثلاثية اكبر من اصغر من تساوي في عملية واحدة مثل العقل البشري ولكن لديه القدرة على عملية مقارنة واحدة اكبر من الصفر مرة ويمثله معين وعملية اقل ويمثله معين ويتبقى الحالة الثالثة التساوي وتكون تلقائية

يا ريت يا جماعه ننزل مذكرات للمنهج التجريبي

الى مدرسى الكمبيوتر
ما هو أفضل كتاب خارجى أشتريه
ياريت حد يرد على
جزاكم الله خيرا

مستعجل وضروري
 

ممكن حد يشرح لي بالتفصيل والإيضاح الـــــــــــــFramework
وجزاكم الله خيرا

خريطة تدفق للمناقشة بين مدرسى الحاسب الالى