|
اقتباس:
شكراااااااااا يا دوك جزاك الله خيرااااااا |
بارك الله فيك ذ احمد وشكرا لحضرتك
|
اقتباس:
|
اقتباس:
حضرتك بتقولي انك مش عارفة تبدأ منين .. ده لانك مش محدد خطة مزاكرة .. لو مش هتقدري انا بامكاني اعملكم خطة بحيث تخلصوا مراجعة على نص 3 .. ويكون معاكي النص التاني واربعة وخمسة .. بحيث نكون في الامان .. واما في انك مبتمشيش على الجداول .. انا قلت الحل اللي هوا طريقة الثواب والعقاب .. ومش عارف هل فيه حل غير كده ولا لأ .. وكل ما تلاقي عزيمتك بتقل اتخيلي نفسك في الحالتين اللي قولتهم .. دعواتك .. بالتوفيق .. |
السلام عليكم
بكل صراحة هذا الموضوع تحفه .. بجد ربنا يوفقك يا دكتور أحمد ويجعلك حريص علي دينك اولا وقبل كل شئ وعلي مصالحك الدنيويه وربنا يزيد حضرتك إيمان ويزيد حضرتك علم وعمل .. انا هقول حكايتي بسرعه انا السنه اللي فاتت كنت في تالته ثانوي ومدخلتش امتحانات اي مادة وانا معرفش ده حصل ازاي الحمد لله علي كل حال خلينا في السنه دي انا تقريبا كده مش بذاكر بس سبب التوبيك ده بعد فضل ربنا بدأت اذاكر بس خايف لا مقدرش اخلص المواد ومش عارف انظم وقتي ده غير انا اللي حواليا منتظرين مني نتيجة عالية على اساس إني عدت السنه كما إنى والحمد لله من المتفوقين الاوائل فى السنوات اللى قبل كده كلها فده كله ضغط عليا وبردو مساعدة الاسرة مش هي المساعدة المنتظره .. المهم انا عايز من حضرتك شوية نصايح ويا ريت لو حضرتك هتقدر تعملي جدول .. لو ممكن اقول لحضرتك علي مواعيد دروسي وتعملي جدول هكون ممتن جدا منتظر الرد واسف علي الاطاله وجزاك الله كل خير ووفقك وسدد خطاك وجعلني وإياك ممن يطيعوا الله ورسوله وجمعنا في الفردوس الاعلي مع المصطفي صلي الله عليه وسلم |
اقتباس:
اما انك تعمل جدول .. فانا هنزل الدرس الجاي قريب ان شاء الله اللي هوا عن المزاكرة الفعلية .. وان شاء الله هيكون فيه تنظيم الجداول .. يارب أكون افدتك .. ربنا يوفقك .. دعواتك .. واي مساعدة انا تحت امرك .. |
الدرس التالت :: الحمد لله رب العالمين والصلاة والسلام على أشرف الأنبياء والمرسلين ، وبعد ::اتكلمنا الدروس اللي فاتت على التأهيل النفسي والديني .. أما الدرس ده هتكلم عن مرحلة المزاكرة الفعلية اللي هقسمها لتلت أقسام 1- ماقبل المذاكرة 2- مرحلة المذاكرة 3- ما بعد المذاكرة أولا :: ما قبل المذاكرة .. انتا قبل ما تزاكر لازم تكون عامل شوية حاجات صغيرين .. قبل اي حاجة لازم اكون مجهز المكان كويس جدا .. يكون مكان هادي ( مش بقول كلف نفسك ) وفر الظروف حسب المتوفر عندك .. لازم يكون فيه مكتب تزاكر عليه .. ويكون ضهرك مرتاح وانتا بتزاكر .. ومتكونش منحني .. وحاول متزاكرش والحيطة في وشك .. علشان متدايقش بسرعة .. حاول يكون في تهوية كويسة علشان يكون في تجديد للهوا في الأوضة .. ومتتخنقش .. حاول تزاكر بعيد عن السرير علشان متحسش بالنوم حتى لو لسا قايم لان وجود السرير جنبك .. ممكن يلعب دور في النوم .. اياك واياك تزاكر على السرير او على كنبة .. اياك .. لانك ربع ساعة بالكتير وهتنام وكده هيكون يوم ضاع .. لازم يكون المكان هادي جدا .. يعني مش تروح تزاكر قدام التلفزيون .. ربنا سبحانه وتعالى بيقول ( ما جعل الله لرجل من قلبين في جوفه ) .. معنى كده ان اتجاه تفكيرك واحد مش أكتر .. حاول تعزل نفسك عن المشاكل .. يعني ملكش اي علاقة باللي بيحصل في البيت ( مش تنعزل ) لكن متعملش فيها الشهم .. انا مش بنكر الشهامة وتقعد تحل في مشاكل الناس .. ملكش دعوة بأي مشكلة .. يعني اعزل نفسك تماما عن المشاكل .. يعني المزاكرة حاجة والمشاكل حاجة .. احنا لازم ندي كل حاجة حقها والمشاكل ليها يوم ان شاء الله تتحل .. حاول تزاكر لوحدك .. لان لو هتزاكر مع غيرك هتكون سهرة مش مزاكرة .. زاكر لوحدك ( انا بفضل كده ) .. المكتب لازم يكون فاضي وعليه الكتاب اللي هتزاكره .. والاقلام اللي بتحتاجها .. وياريت تكون الاقلام مريحة وسلسة في الكتابة .. يعني جهز كل ادواتك .. ومتحطش الكتب كلها قدامك .. علشان متحسش انك معملتش حاجة .. حطها على السرير او في الدرج او في اي مكان .. حاول متسمعش اي حاجة وانتا بتزاكر .. او اسمع قرآن بس يكون الصوت واطي .. واياك تسمع أغاني .. لانها حرام .. حاول متحطش في بالك اي حاجة من الملهيات يعني متكنش قاعد تزاكر وانتا في بالك هتنزل تعلب شوية كده .. لأ انسا الملهيات والرغبات دي .. ومتحطش اي حاجة تشغلك جنبك .. يعني حاول تقفل الموبايل اثناء المزاكر .. او اي حاجة غيره .. وانتا عارف نفسك .. ثق في قدراتك .. يعني متقولش انا مش بفهم انا مش بحفظ .. انا وانا .. انتا زيك زي اي شخص عبقري لكن العبرة بالاجتهاد واستغلال القدرات .. ومتخليش التجارب الفاشلة سابقا ئتأثر عليك سلبا .. بس خليها تأثر ايجابا بمعنى انها تخليك تزاكر اكتر وتزود جهدك في المزاكرة .. لازم تكون نايم كويس .. ولو عندك اي مشكلة سواء في النظر او صداع او غيره لازم تعالجها .. ولازم تكون مشبع حاجاتك يعني تكون شبعان مش اوي يعني .. وحاول تبعد عن الوجبات اللي فيها دهون .. حط في بالك انك بتتحدى اللي حواليك لو بيقولوا عليك فاشل .. وانك بتحقق امل اللي حواليك .. حط في بالك انك بتتحدى الكتاب ده .. قول لنفسك الكتاب ده هوا اللي هيحدد مصيري .. صدقني هتلاقي نفسم عايز تزاكر من غير ما توقف .. اوعى تفكر في الامتحان خالص .. واوعى تفكر في النتيجة .. لكن اشتغل على الاتنين دول انك تحقق اعلى حاجة في ساعة حصولهم .. انتا تحط في بالك انك هتبذل اقصى جهدك .. وربنا ان شاء الله مش هيضيع مجهودك .. زي ما ربنا بيقول ( ان الله لا يضيع أجر من أحسن عملا ) .. لازم متتوترش .. ومتشاركش مشاكلك مع حد يعني مش تيجي تقعد تزاكر ربع ساعة وتدايق وتروح مكلم صاحبك ( خصوصا التليفونات في شهر 2 بتكتر ) انا زهقان ان مش عارف ازاكر .. احنا قلنا قبل كده " كن نفسك " .. اعرف ان الرقم اللي جنب العلامة دي (%) هوا اللي هيحدد مصيرك .. وحط في بالك انك هتجيب 100% مش اقل .. ومن الغلط انك تحط في بالك نسبة اقل من كده لانك غالبا هتجيب اقل من كده .. لو تقدر تزاكر وفيه حد جنبك .. يكون احسن مش قصدي يزاكر معاك .. ويا سلام لو اكبر منك .. علشان متسرحش .. وبمناسبة السرحان .. أنا قولت تعزل نفسك عن العالم علشان متسرحش .. حدد هدفك .. سواء وقتي أو بعيد المدى بالجداول .. يعني انتا هتقول انا رايح ازاكر الفصل الفلاني في المادة كزا .. وانا بزاكر علشان اجيب مجموع عالي وافرح اهلي واخدم بلدي وديني .. وتخلص نيتك .. وفي دعاء ممكن تقوله قبل المزاكرة هوا : ( اللهم لا سهل إلا ما جعلته سهلا وأنت تجعل الحزن إذا شئت سهلا ) ثانيا :: أثناء المزاكرة ..أنا دلوقت هزاكر وفق الجدول اللي انا عامله .. بس فيه حاجة نتفق عليها .. نخلي وقت المزاكر مزاكرة والراحة راحة .. يعني انتا ممكن تزاكر ساعة ونص وتريح ربع ساعة .. بس تكون ساعة ونص صح .. ومتبصش للمزاكرة على انها كم وقت .. بصلها على انها كم وطريقة .. يعني العبرة بالانجاز مش الوقت .. يعني مش تقعدلي 8 ساعات وانتا بتزاكر في صفحتين .. هنتفق على حاجة ان معدل انجاز الساعة الواحدة هوا 4 صفحات او تلاتة وبرضه بقول ان ده متوقف على طبيعة المادة .. يعني ممكن تفهم فصل فيزيا بحالة في ساعة او ساعة ونص .. وممكن تقعد ساعة متخلصش صفحة .. لكن هيا متوقفة من صفحة لاخرى ومن مادة للتانية .. لكن اهم حاجة متسيبش الصفحة او الجزء غير لما تتقنها 100% .. حاول تتعامل مع الصفحة او الجزء انك مش هترجع ليها تاني .. ان دي اخر مرة تشوف فيها الصفحة دي .. وعايزين نمشي بنظام السريع المفيد .. يعني انجز اكبر انجاز في اقل وقت بدون ما تضغط على نفسك او تضغط نفسك علشان ميكونش في ضغط على الذاكرة والدماغ .. لان لو حصل كده هيكون فيه عملية مسح عشوائي للحاجات دي .. وهتعمل حاجة اسمها الذاكرة المؤقتة .. وبمجرد ما هتقفل الكتاب هتنسى كل حاجة .. انا عايز منك حاجة انك تشتري روزمة ورق سعرها تقريبا 25 جنيه مش اكتر .. ومزاكرتنا هتكون على الورق ده .. اي حاجة هتحفظها لازم تكتبها .. مش بقول تكتب الصفحة كلها في الورقة .. وان كنت افضل ده في مواد زي الجيولوجيا .. بس لازم تتعود على طريقة الامتحان .. تدرب على جميع انواع الأسئلة .. اوعى تسيب اي سؤال .. لازم تحل كل حاجة .. لازم تحل كتير جدا لان ده هوا اللي هيحدد مستواك وهيحدد انتا انجزت ولا لأ او اتقنت الجزء ده ولا لأ.. حاول تهتم بامتحانات الدروس .. لانها هتحدد مستواك .. مش معنى كده انك تحبط منها .. لأ .. تعرف غلطك وتصححه .. وتزود جهدك لو اخفقت .. ولو بتجيب درجات حلوة استمر وزود من جهدك .. انا عارف ممكن في البداية يكون في صعوبة في المذاكرة .. او الحفظ او اي حاجة .. ده لو انتا مش متعود على المزاكرة باستمرار .. وفي ملحوظة كده .. احنا هنقسم اليوم لتلت اجزاء .. او تلت تمنيات .. اول 8 ساعات النوم واوعى تيجي عليهم .. وبعديهم 8 ساعات الدروس وان كنت بشوف دي كتير .. وحاول الدرس اللي مش محتاجه او مش مستفيد منه سيبه .. التمانية الاخرنيين دول هما اللي باقيين ليك علشان تشتغل فيهم .. يعني مفيش مجال تاخد منهم .. اما المزاكرة الفعلية هتكون مقسمة لـ 4 أقسام :: 1- التصفح .. نظرة سريعة للجزء المطلوب في خمس دقايق بالكتير .. علشان تعرف انتا هتزاكر ايه .. مش معقولة هتدخل في حاجة انتا مش عارفها .. 2- الحفظ والاستيعاب .. يعني بمعنى اصح هتدخل في المنهج كده تحفظ وتفهم .. وانا بقول اوعى تحفظ بدون فهم .. يعني افهم الاول والحفظ يكون بالنسبالك يكون مجرد صيغة .. علشان تكسب المصحح .. لان بصراحة المصحح بيحب الكراسة اللي بتكون قريبة جدا من الكتاب .. واياك تحفظ بدون ما تفهم لانك بمعنى اصح هتكون زي اللي بيحفر في ميه .. 3- التسميع .. وقلنا التسميع ده هيكون على الورق الابيض .. وتكون بتتكلم وانتا بتسمع .. وفي مواد لازم فيها كده .. زي الانجلش علشان تعرف نطق الكلمة .. احنا مش مش عايزين لغة ورق ودي المشكلة لنقص الممارسة للغة .. احنا عايزين نتعلم لغة نعرف نتكلم بطلاقة .. 4- الحل .. وده المقياس الرئيسي .. حليت صح يبقى اتقنت .. محلتش .. مش تحبط بقا وتدايق .. وتقعد مكتئب .. لأ ارجع زاكر تاني وشوف غلطك .. ومتحلش في الكتب علشان تحل كزا مرة .. واياك والحل الشفوي .. لازم تكتب علشان المعلومة تثبت في دماغك .. وحاول تعمل محاكاة لورقة الامتحان .. بس ده ميخلكش تزاكر التلخيصات اللي هيا عاملة المادة علل ومامعنى وعرف وكده .. لأ انتا تزاكر المادة كاملة من الكتاب .. وزاكر من مصدر واحد .. يعني مش تقعد تزاكر عربي تمسك الاضواء تحلها وبعدين الامتحان وبعدين الرسالة وبعدين مذكرات فلان .. لأ .. وحد المصدر .. علشان تقدر توفق بين المواد كلها .. متفكرش في الامتحان سهل ولا صعب .. بص انتا ملكش علاقة بكده .. انتا يهمك انه من الكتاب وانتا بتزاكر الكتاب .. واتعود على جميع أنواع الأسئلة .. واغلب الكتب بيكون فيها حاجة اسمها على ما افتكر مهارات التفكير العليا .. اوعا تسيبها .. لانها بتشغل مخك وبتعودك على انواع التفكير العليا .. ومتقعدش في السؤال ربع ساعة .. وفي حاجة نسيت اقولها .. زاكر بالساعة يعني حط ساعة قدامك .. أو اشتري ستوب ووتش ( سعرها تقريبا 15 جنيه ) .. او ممكن تكون في الموبايل .. وشغلها .. وشوف انتا بتحل السؤال في كام دقيقة .. واعرف انتا هتقدر تحل السؤال في قد ايه .. ونسق بينه وبين وقت الامتحان .. وحاول توصل لوقت قياسي في الحل ..يعني اقل وقت ممكن .. واوعا الوقت يخدعك .. ولو مادة اخدت وقت كتير وهتاخد وقت من المواد التانية .. خلي ليها وقت مخصص .. وابدأ المزاكرة بالمواد الصعبة اللي بتكرهها وخلي السهل او اللي بيتحبه علشان متتخنقش .. انا كده خلصت جزئين من مرحلة المزاكرة الفعلية .. باقي جزء ما بعد المزاكرة ان شاء الله اخلصه البوست الجاي .. واعذروني على التأخير وعدم التتابع .. دعواتكم .. ربنا يوفقكم .. |
اقتباس:
و ياريت حضرتك تنزل الخطة دي قريب |
ايه رأي حضرتك في المذاكرة على ورق اصفر بس غير مسطر (بدون سطور)
|
جزاك الله كل خير
|
السلام عليكم
شكرا لحضرتك علي الموضوع وعلي المساعده جزاك الله خيرا انا بقي طالبه في 3 ثانوي علمي علوم كنت متفوقه زمان في الابتدائيه والاعداديه ومن الاوائل لكن دخلت الثانويه بدات اكسل واقول هذاكر في سنه تالته هتنصدم حضرتك لما تعرف اني بعيد سنه تالته يعني دلوقت المفروض اكون في اولي جامعه انا السنه ال فاتت مادخلتش امتحانات نهائيا لاني جيت في شهر 4 عندي خوف واحباط وتعبت وانهرت وطبعا ده لانيمكنتش جاهزه لاي حاجه ولا أي امتحان والناس مكنتش مصدقه لدرجه ان في ناس قالو دي اكيد معمول ليها سحر علشان مستحيل دي ماتتدخلش الامتحان حتي المدرسين بتوع اعدادي قالو كدا محدش كان مصدق بس انا اعترف بالتقصير والكسل طبعا المفروض ال زيي تبقي اتعلمت من غلطها وكانت المفروض تبدا صح وتذاكر اول باول وخصوصا ان اهلها ناس علي قد حالهم بيتحملوا اعباء وهم ومصاريف سنه كمان لكن ده محصلش وعدت سناريو السنه ال فاتت تاني دلوقت احنا في نص 1 وانا مش جاهزه ولا مذاكره حاجه والمفروض اني بحلم اكون الاولي علي الجمهوريه ولكن بحالتي دي كل حاجه هتضيع منيانا لحد دلوقت لم اتقدم بخطوه واحده نحو حلمي ولكن مع ذلك لا اقدر ان اتخلي عن حلمي ولا اقدر حتي ان اتخيل انني لن احققه في بعض اللحظات كدت افقد الامل ولكن اهلي هم السبب في انني احاول جاهده ان اجد حلا وان لا افقد الامل فاهلي انا املهم الوحيد وحين اري الامل في عين امي وعندما تقول لي انا افخر انكي ابنتي وساظل افخر بذلك طول عمري وانا متاكده انكي ستحققين حلمي واملنا فيكي ساعتها بحس اني وحشه اوي وبتمني اموت ميت مره ولا اني اخذلهم انا عارفه اني استاهل الاسلوب القاسي من الجميع ولكن انا متعبه للغايه واطلب استغاثه ارجوووكم فليساعدني احدكم ارجوكم فليخرجني احد من هذا الضياع اسفه علي الاطاله ولكني فعلا احتجت للكلام |
بالنسبه للمواد فاعتبرني هبدا من الصفر لان حتي الماده الكويسه فيها شويا لسه ماحلتش عليها كتير
يعني باختصار انا مش راضيه عن نفسي في أي ماده ممكن تعملي جدول خاص ليا وخليه قاسي شويا يمكن اقدر اخلص حاجه واحقق هدفي بالنسبه للمواعيد السبت..... درس احياء الساعه 6ونصف صباحا..... ودرس كيمياء الساعه 8ونصف صباحا..... ودرس عربي الساعه 11ونصف صباحا يعني اليوم ده هبقي في البيت الساعه2 ونصف مساءا الاحد......درس انجليزي الساعه 6 ونصف صباحا وبافي اليوم فاضي الاتنين..... درس فيزياء الساعه 10 صباحا....ودرس فرنساوي الساعه 12 مساءا ...... ودرس جولوجيا الساعه 1 مساءا...... ودرس عربي الساعه 3 مساءا يعني يوم مضروب المهم ببقي في البيت الساعه 5 ونصف الثلاثاء......درس كيمياء الساعه 2 ونصف مساءا واليوم فاضي الاربعاء درس انجليزي 6 ونصف صباحا واليوم فاضي الخميس نفس دروس الاتنين والجمعه اليوم فاضي طبعا هتلاقي عندي وقت كبير ولكن انا لا استغله بالعكس يضيع في حاجات غير مفيده سااااعدني ارجوووك اعلم اني سوف اتعبك معي ولكن استحلفك بالله ان تساعدني |
اقتباس:
وعايز منك متكرريش الشعور بالفشل علشان ميتعمقش معاكي .. ويكون اعتقاد زيما بيقول دكتور ابراهيم الفقي ... عايز منك تشوفي نفسك يوم النتيجة بس لحظة انا عايزك تتخيلي نفسك جايبة 70% .. ورايح تقولي لوالدتك .. ايه احساسك لما والدتك اللي بتفتخر بيكي بتتصدم وهيا بتسمعك .. ايه شعرك وانتي بتضيعي حلمك وحلم اهلك .. اناعارف الاحساس صعب ..انا بقول الاحساس بس .. طب لما الاحساس كده قبل ما يحصل ... اكيد لما تعيشي الموقف هيكون اصعب بكتير .. انسي الكلام الكيئيب ده خالص .. لسه الفرصه معاكي كاملة .. طيب تخيلي نفسك واهلكب بيقولولك الوزير اتصل .. انتي الاولي علي الجمهورية وعايزينك في الوزارة علشان تتكرميونعمل لقاء معاكي .. اتخيلي ةانتي بتشوفي الفرحة في عين والدتك .. هتكونلحظة حلوةبجد .. ليه متشتغليش علشان توصلي للحظة دي .. انا عايز منك دلوقت بعد ما صليتي تجيبي ورقة بيضا .. وتقسمي القترةاللي جاية مش باليوم بالثانية .. وتقميها علي اربع مراتمزاكرة للمنهج .. مش صعب ولا حاجة .. احنا هنخليهم مره مزاكرة بجد علشان متنسيش .. و3مراجعة .. والمراحعة هتكون سهلة عليكي جدا لانها بعد مزاكرة علطول ولو عايزة المراجعة اكتر من كده ممكن لالنك ان شاء الله هتكوني فاكرة كل حاجة ... وانا ان شاء الله اخلص امتحانات واعمل الجدول واكمل التوبيك |
اقتباس:
والله انامش عارفاستخدام الالوان في المزاكرة لكن والله اعلم اللون الاصفر يستخدم للحفظ .. لتقوية الحفظ يعني .. |
اقتباس:
ربنا يصلح حالنا ويوفقنا .. |
يتبع الدرس الثالث :: مرحلة مابعد المذاكرة .. احنا دلوقت خلصنا الجزء اللي مقرر علينا في الجدول .. وراجعنا وحلينا عليه .. انا عن نفسي افضل في المرحلة دي تدخل على النت علشان تشوف شرح للدروس دي او تمارين او مراجعة بحيث تكون تثبيت للمعلومة .. والمواقع كتير زي ( كايرو دار ونفهم وبنزاكر ) .. او انك ترتاح شوية .. ويفضل تكون الراحة دي استرخاء مش اكتر .. ولو عايز تعمل حاجة تاني اتصفح اللي عليك بعد كده .. ووزي ما بأت المزاكرة بدعاء أو قراءة قرآن حاول تنهيها بكده علشان تكون مزاكرتك مغلفة بالدين والايمان .. وادعي ربنا علشان يحققلك حلمك .. ويوفقك .. طيب لو خلصت مزاكرة .. او خلصت الجزء اللي كلفت نفسك بيه .. وعندك حماس تزاكر تاني .. زاكر علطوووول .. واوعا تضيع لحظات الحماس دي .. وافتكر دايما انك اي دقيقة بتزاكرها دلوقت .. هتكون سند ليك باذن الله بعد كده .. وحط في بالك دايما يوم النتيجة .. واشتغل على اليوم ده كتير .. استغل الفرصة اللي في ايدك لانها مش هترجعلك .. اتوكل على الله .. ابذل جهدك .. بل قصارى جهدك .. حط في بالك هدف .. واوعى تتنازل عنه .. لانك لو انكسرت قدام الثانوية اللي هيا شوية كتب وملازم .. هتنكسر قدام كل حاجة بعد كده .. خد الفترة دي تحدي .. اتحدى نفسك .. علشان تثبت لنفسك انك تقدر .. اعبد ربنا بجد .. مش للفترة دي .. لكل وقت .. ربنا يوفقكم .. دعواتكم .. |
ممكن يادكتور تقولى اعمل ايه فى الفيزياء ديه ؟؟؟؟؟؟؟ انا مش مستقرة مع مدرس ... كل ماروح لمدرس يطلع اى كلام ... لحد مافى الاخر بقيت مش بروح درس فيزياء خالص ... هل لو بدات اداكرها من دلوقتى فيه امل اجيب فيها الدرجة النهائية؟؟؟؟
|
اقتباس:
بعدين تستمري معاه .. والفيزيا بالنسبالكم انتو سهلة خالص .. لانها نص .. وتقدري تجيبي فيها 60 براحتك خالص .. اكيد فيه امل .. انا اعرف ناس اصدقاء ليا في ناس بدأوا يزاكروها من اخر 3 وقفلوها .. اي حاجة بالعزيمة والاصرار والتصميم سهلة .. لكن لازم تؤمني بقدراتك .. وانتي تصنعي المستحيل .. |
انا مش بحب الانجليزى وكل ما احفظ الكلمات انسها ومش عارف اعمل ايه يعنى يعتبر اكتر ماده خايفة منها
|
اقتباس:
|
اقتباس:
|
السلام عليكو و رحمة الله و بركاته
اولا انا طالبة ف ثانوية عامة نظام جديد علمى رياضة يعنى عندى 6 مواد بفروعهم انا فى اول السنة قلت ان الثانوية دى زيها زى اي سنة و حلها فى المذاكرة و الانضباط و فعلا انضبط فى المذاكرة لغاية 3 شهور و كمان ممكن شهرين و بدات امل و بقى عندى حالة لامبالاة و بسيب المذاكرة و اتفرج على التلفيزيون و العب على الكمبيوتر امتحانات فى الدرس مابروحش و لما اروح مذاكرش قبلها لغاية فترة ورجعت تانى انضبط شوية مش زى الاول بس يعنى اهو بحاول الم اللى فات بقيت مشتته جدا دروس طول الاسبوع برجع البيت متاخر و تعبانة و عايزة انام اجى على نفسى شوية و اذاكر انام قدام الكتاب و امى تيجى تصحينى .....انا فعلا عايزة ادخل كلية هندسة بس مش عارفة ازاى ؟؟؟....ازاى فى وسط الفوضى اللى انا فيها .....حاجات لازم تتراجع عشان ماتتنساش ...و حاجات لازم تتذاكر عشان تتفهم ....و امتحانات لازم امتحنها ....مش عارفة اعمل ايه و معدش غير 4 شهور على الامتحان ....خايفة من مسائل الرياضة ساعات بحلها غلط ....بيجيلى كوابيس ان انا مش عارفة احل فى اللجنة... انا عايزة من حضرتك جدول يظبط اللى انا فيه دا عايزة ارجع ثقتى فى نفسى تانى لان النفسية ضايعة تماما مواعيد دروسى هى : السبت لغة عربية 9:00 -لغة انجليزية 10:00 - فيزيا 01:30 - رياضة 03:00 الاحد فاااارغ الاثنين كيمياء 04:00 - لغة انجليزية 05:00 - لغة فرنسية 06:00 الثلاثاء فيزياء 01:30 - رياضة 03:00 - لغة فرنسية 06:00 الاربعاء لغة انجليزية 04:00 - لغة عربية 05:30 الخميس كيمياء 04:00 - لغة فرنسية 06:00 الجمعة لغة عربية 09:00 - كيمياء 10:00 -فيزياء 01:30 - رياضة 03:00 ملحوظه انا بيتى فى مدينة و دروسى و مدرستى فى مدينة تانية يعنى فى تقريبا ساعة او نص ساعة مواصلات باتمنى حضرتك تجاوبنى عشان انا فعلا مكتئبة و مش عارفة اعمل ايه |
اللى عايز يراجع من دلوقتى المفروض يعمل ايه ؟؟؟
مع الجديد اللى بناخده يعنى نواظب ازاى لو سمحت توضحلى النقطة دى |
اقتباس:
لكن انا هوضح كدا .. انتا لازم تحفظ بالكتابة .. لان اليد ليها ذاكرة .. بس في اللغات تحديدا لازم الترديد مع الكتابة .. مش كتابة بس .. علشان احنا عايزين نتعلم لغة للكلام مش على الورق .. وبعد ما تكتبهم غطي على العربي مرة واكتب الانجليزي وبعدين العكس .. وان شاء الله تحغظهم .. وفي طريقة تاني انك تحفظ اشتقاقات الكلمة .. يمعنى .. ولنفرض مثلا كلمة ( ridicule ) يسخر .. ممكن يكون منها اربع كلمات ridicule === verb ridicule === noun ridiculous === adjective ridiculously === adverb كده الكلمة عندك منها 4 انواع .. يعني عدت عليك كزا مرة بحروف متشابهة .. وان شاء الله تكون الطريقة دي مناسبة .. دعواتكم |
لو سمحت ..من فضلك رد عشان انا فعلا مش عارفة اعمل ايه
|
1 مرفق
اقتباس:
انا عملت الجدول في المرفقات .. وان شاء الله يناسبك .. بس انا عايز منك حاجة في المزاكرة .. احنا لازم نعمل عملية فصل بين مخاوفنا واحساسيسنا وبين الواقع اللي احنا عايشينه والمفروض نعمله .. يعني مش تكون المزاكرة مش معروف هيا سرحان ولا حزن ولا لعب ولا مزاكرة .. لازم يكون فيه فصل بين كل حاجة وندي كل حاجة حقها .. ومتخافيش من اي حاجة .. لان ده مستقبل ربنا اللي يعلمه بس مش احنا .. فمفروض علينا اننا نشتغل على ان احنا نحقق افضل النتائج في المستقبل .. ومتفكريش كتير في اللي جاي .. خليكي في اللحظة دي هل استغلتيها صح .. واستفدتي بيها .. ولا لأ .. دعواتك .. رابط الجدول===http://www.gulfup.com/?GmZuic |
انا فعلا متشكرة جدا لحضرتك ....مش عارفة اقول لحضرتك ايه شكرا بجد
:blush::blush::blush::blush::blush::blush::blush:: blush::blush: |
وجدولي انا يادكتور بس انا طلبته من حضرتك بدرررري شكرا دكتور
|
اقتباس:
|
يا دكتور انا في تانية ثانوي وبطلع الاول على المدرئسةبس خايف من الثانوية وخصوصا مع اقترابها ومش عارف اجهزنفسى ازاي ؟هل ممكن اعمل اي حاجة تخفف من عليا حمل السنةالجاية واهمل سنةتانية وخصوصا القصة ؟ وجزاك الله خيرا:)
|
اقتباس:
اهم حاجة دلوقت ركز على العربي والانجلش واللغة التانية لان هما مستمرين معاك .. وركز في المواد كلها عموما .. اما بالنسبة للقصة .. احنا هنعاملها كفلم .. او مسلسل .. حاول تعيش جو القصة .. حاول تتخيل نفسك كنت هناك .. وزاكرها بطريقة سؤال وجواب .. وعلى فكرة القصة بتحب الكتابة كتير .. يعني في الامتحان اكتب كل حاجة عن السؤال .. وفصل كتير .. وحاول تكتب بأسلوب قريب من أسلوب الكاتب .. ومتحفظش بالنص .. لكن اقترب من الاسلوب بتاع الكاتب .. وحاول تقراها كتير .. حتى كل يوم قبل النوم .. اهم حاجة تكون مرتبط بيها .. ومتخفش من حاجة .. طول ما انتا بتشتغل هتلاقي نتيجة شغلك بتوفيق ربنا .. وحزاك الله كل خير .. |
السلام عليكم
انا طالبه فى تانيه ثانوى انا الحمدلله متفوق فى دراستى بس خايفه من ثالثه ثانوى وخايف انى ما احقق حلمى انى اكون مهندسه وكل ما اقول ان شاء الله احقق مع الجد والاجتهاد وطاعه الله وتوفيق بفتكر حلمى للى كنت عايزه احقق زمانى كان نفسى ادخله مدرسه. احمدزويل للمتفوقات بس ما اتحقق بقول لنفسى انى كانت طريقه المذاكره خطا وعدلت منها اوى بس حاسسه انى فاشله حتى اهلى للى فى البيت بيقولى ان صاحبتى دخل ادبى لانها وخايفه من علمى مع انها اشطر منكى بكتير وبابا كل مابشوفنى يقولى ان الجامعه الحكوم . مش للى زى دول عايزين وطالبه متفوقين وكمان تاتا بتقولى انتى ملكيش فى التعليم انتى دخلتى ثانوى ازاى وديما بتقارنى طالبه فاشله بتعيد السنه |
شكرا ليك يادكتور وربنا يوفقك بس البراجراف اعمل فيه اية ؟ ازاي انظم افكاري ومستوايا الحمد لله كويئس في الكلمات والقواعد ؟وبصراحةانا بحب اجيب كذا كتاب في المادةواحله ؟ هل استمر على كدةولا تشتيت؟ وعلفكرة كذا كتاب معايا بيثبت المعلومة بس اوقات يعقدني:d:):blush::blush::blush: وجزاك الله كل الخير على اهتمامك
|
1 مرفق
اقتباس:
|
اقتباس:
حاول تاخدي الموضوع تحدي للي حواليكي .. ومتنتبهيش لكلامهم .. يعني اول متسمعي اي كلمة احباط لازم تقولي في نفسك .. انتو بتقولوا عليا كده .. طيب والله لوريكم انا هعمل ايه .. وحطي في بالك دايما ان المخ واحد .. لكن اللي بيفرق هوا الجهد واستغلال القدرات .. وفكري دايما في يوم النتيجة .. واهم حاجة انك تكوني عايزة تثبتي للي حواليكي انك غير ما هما فاكرينك .. واهم حاجة متقارنيش نفسك بحد .. ربنا يوفقك ويحققلك حلمك .. |
اقتباس:
كزا كتاب كويس .. لكن الطريقة كالاتي انك تخلص كل كتاب بعدين تدخل في التاني .. مش تحل من ده شوية وده شوية .. لأ كده هتشتت افكارك .. وانا ان كنت افضل كتاب او كتابين طول السنة ولنفرض the best و top students بس الاخير مستواه عالي شوية ونادر .. لكن هيفيدك جدا .. وعلى فكرة الكتب كلها بتكرر من بعضها او اغلبها يعني .. اما البراجراف .. انا عايز منك تحفظ كلمات .. وتحفظ مقدمات ونهايات .. ومن الافضل ان الحاجات دي تكون منك انتا مش حفظ .. لان غالبا المصححين بيعرفوا ان ده حفظ .. فانتا حاول تزبط المقدمة والخاتمة حسب الموضوع .. ولازم تحل مواضيع كتير جدا .. واكتب باسلوب كويس .. واستغل اللي عندك في الامتحان سواء من القطعة او غيرها ممكن تفيدك بحاجة .. واهم حاجة تحفظ كلمات .. لان فيه طلبة لما ميعرفش الكلمة بيوصفها .. وبالتالي اسلوبه بيكون ركيك جدا .. وهينقص على الموضوع .. واهم حاجة تركز على التعبير جدا .. يعني كل اسبوع خمس مواضيع او اربعة كويس .. وخلي في تواصل بينك وبين المدرس علشان يقولك غلطك واتعلم منه .. ولازم يتابعك .. ربنا يوفقك .. |
شكرا يا دكتورر
ممكن استفسار ازاى اذاى الانجليزى انا كل سنه بيجيب سبريز وطبعا كل المدرسين بيشتغلوا من الملازم بذاكر منه . وكل اسبوع بكتب برجراف عن اى موضوع وبخلى المستر يعلمه وطبعا الترجمه بحفظ كلامات كتير بس مع كل د ه لازم انقص درجه او درجتين فى امتحان اخر السنه وغير كده النحو ده عقدتى بحل كتير لازم اخرج من الامتحان عندى حاجه فى الاعراب خطا |
اقتباس:
ربنا يوفقك |
شكرا لحضرتك واناعندي فعلا كتاب توب ستيودنت بس المئستر قال انه كله عقد وكرهني فيه وبالنسبةلموضوع التعبير اقرا ولا اكتب؟وانا اسئف على ازعاجك وشكراجدا جدا:):):):022yb4::022yb4::022yb4::022yb4:
|
شكرااا يادكتور ربنا يوفقك :d
ممكن استفسار لو ما فى ازعاج لحضرتك انا عندى كتب فى الانجليزى ل٣ ثانوى انا مسكت اول ٣ units اكمل ولا ما اسبق الاحداث شكرااا لحضرتك |
اقتباس:
واما ان توب استيودتنس هوا صعب فعلا .. ومن اسم الكتاب .. احنا بئا عايزين top دي مش عايزين نجاح وخلاص .. فانتا حاول تخليه بعد the best .. وهتعرف قيمته وانتا طالع من اللجنة .. وبرضو كلام مدرس حضرتك ليه الاولوية لانه ادرى بالكتاب وبالمادة .. دعواتك .. |
اقتباس:
|
بادعي لحضرتك باتوفيق والنجاح الدائم باذن الله وعموما يادكتور انا جبت الكتاب وبحله وعاجبني اسئئلته ؟ بئس ليا ائستفسار بخصوص الدروس ؟هل من الضروري اروح للمدرئس الخبرة حتى لو شرحه مش اوي مع مدرس بفهممنه ؟ولا اروح للي بفهم منه وخلاص ؟:):):):) وجزاك الله الخير
|
اقتباس:
|
اقتباس:
|
شكرا لحضرتك يا دكتور على نصايحك واهتمامك وانا عالعموم مؤ منة ان النجاح والتفوق من عند الله مش من المدرئس ولا مني ؟ ولا اية راي حضرتك ؟ بئس المجهود مع المدرس والتوكل على الله هما اهم حاجة ؟ وربنا يجعلك دايما شرف للمئسلمين والاسلام وادعيلي يا دكتور:022yb4::022yb4:
|
اقتباس:
|
اقصد ان ذاكرت اول. ٣ وحدات فى منهج الانجليزى بتاع ٣ ثانوى اكمل ولا ما اسبق الاحداث يعنى ان شاء الله اول ما اكون فى او ادخل ثالثه ثانوى ابقى اذاكر
|
انا سائل سؤال بقالى فترة لو سمحت يا دكتور حضرتك تأجب عليه
|
اقتباس:
لكن لو حضرتك عايز تراجع من دلوقت مع المواظبة على الجديد .. انك تزاكر اللي بتاخده دلوقت كويس جدا علشان متنساهوش .. وتخلي جزء من القديم بحيث انك لما تنتهي من المنهج وتكون راجعت مراجعة مبدئية .. والمراجعة دي هتسهل عليك في النهاية كتير .. لانك على الاقل هيكون عند خلفية كبيرة جدا عن المنهج .. لكن لازم تكون المراجعة دي متقنة جدا علشان متجيش في الاخر في فترة المراجعة الفعلية وكانك معملتش حاجة .. وتكون تعب وخلاص .. |
| جميع الأوقات بتوقيت GMT +2. الساعة الآن 02:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.