|
لا يااستاذ فامبير انا وواندا اتصاحبنا من المنتدي هنا وبقينا خلاص اصحاب
وياعيني انت اللي وحيد نعملك ايه بقي وبعدين انا معرفش علا وندي كلهم هنا في المنتدي اخواتي وبس لاكن اللي انا اتعرفت عليها هنا من المنتدي هي واندا وبس |
ههههههههههههه قوليلوة والنبى يبطل حقد
وبيقول اننا عملين عصابه عليه هههههههه يا عينى عليك وحيد بس عندك ناس كتير انت بس اللى اكبر منهم نعمل ايه :d |
غيطوا فيا غيظوا ..
على فكرة .. انا اعرف ناس كتيره اوي في الجامعة .. سيبيكوا من شغل المنتديات دا !! احنا ناس جامدة ولينا صيت في كل حتة برده .. ومش هاتيجي عليكوا يعني .. |
مسيرنا نبقى كده
ماانت كونت تايهه اول سنه زيينا تنكر ههههههههههه انا تقريبا نص تجارة اعرفها بس ولا واحدة منهم معايا فى مجموعتى للاسف بس اكيد يعنى ههنعمل جروبات بس مش من اولها ما انت عارف النظام ومجرب السنه اللى فاتت ههههههههه هنغيظ فيك ازاى بس لاء هنغيظ بردك ههههههههههههه خلاويص :p |
لا لسه ..
روحي انتي بس كدا اداري على جنب انا اي نعم اه كنت تايه .. بس المصاحبة بتنفع وبتفيد سواء بنات او ولاد .. اهو كله شغال على الاقل بتعمليلك رباطية كدا .. احلي حاجة في الكلية دي .. اجتماعية ناسها .. |
خلاص يا عم فامباير مبروك عليك الجيد
وعقبال الجيد جدا ان شاء الله يلا هعمل باصلى وادعيلك دفعه وحدة بقى هعمل ايه ويا ريت تقولى موقف واحد يدل على ان البنات دول مش ملايكة اكيد مش هتلاقى |
الله الله
ندى وعلا بيدخلوا بعضويات بعض طب انا عندى استفسار بقى مين بقى العين شمساوية فيكم ؟ nada1990 ولا 3ola ??? عشان ندى هى اللى كانت كاتبة بعضوية علا انها بتركب من مترو عين شمس :D:D:D اقتباس:
نون >> ندى ------- وبطلوا دلع بقى اومال لو مكنتوش انتم الدفعة اللى سابقانا يعنى القدوة مشوارك ساعة بس!!!!!!!! احمدى ربنا اووووووووووى انا اقل مشوار من مشاويرى بياخد ساعة ونص :D:D ويقولوا علينا بنتدلع دا انا طلعت بقاتل مش بكافح ----- بسم الله ما شاء الله كليتكم عددها كبير ربنا يوعدنا ،، |
لأ انا مش ندى يا ناصح
مش شرط النون يعنى ندى انا مشتركه باسم علا لأنهم بيندهولى بعلا دايما انا قربت انسى اسمى اصلا وعلى فكرة احنا ال 2 ف ع شمس احنا انتيم بقالنا 7 سنين الحمد لله واكتر م الاخوات و ف نفس الشارع يعنى تقدر تقول توأم بس من اب وام مختلفين ده احنا هنعمل عليكوا رباطية لو مبطلتوش حقد علينا |
هههههههه ليه كده انا اه دخله انتساب
وبفكر احول لانتظام فى تانيه فهبقى فى مجموعتك وحاليا فى مجموعة فامبير هههههههه هقوله يبطل حقد علينا احنا الاتنين:d خلاويص :p |
اقتباس:
صباح الفل :d كمان 4 سنين ان شاء الله واقل انتم اللى هتحقدوا علينا :p احنا كليتنا بحالها فى كام جامعة ع بعضهم عددهم منجيش بدفعة من عندكم عشان كدة احنا مافيش حد متخرج من عندنا الا وشغال الحمدلله ----------- وكمان بلاش دلع فى حكاية المشوار دا :d دا احنا الجيل الصاعد مش عارفة هنلاقى قدوة فين بقى !! الله يرحم ايام القطر :cool: |
على فكرة احنا ال 2 بنعد ع الارض
يعنى مقضينها متروهات وارصفه وكله مش بقول احنا يعتبر واحد مش اتنين |
انت كلية اية يا hkk-happy
|
هبة تقريبا تجارة معانا بس فين الله اعلم
انا كنت غاوية قعد على سلم المدير فى الفسحة ايام المدرسة:p ،، كنت غاويه انرفز فيها وهية خارجة وتلاقينى قعدة على السلم اللى قدام قوضتها بحب اشوفها وهي متنرفزة غلاسه بقى:d |
اقولك على فزورة يا فامبير لو عرفت تحلها
هسيبك فى حالك معرفتش تبطل حقد علينا :p ميت ومكفنينوة واتنين ماسكين فيه و3 بيتفرجوا عليه؟:d ايه الشئ ده :LOL: |
لا hkk-happy مش تجارة خاااااااااالص
وهيا اساسا لو تجارة .. ماكونتوش شوفتوا وشها !! انا مش هاقول .. هيا تبقي تخش وتقول بقي براحتها عشان ممكن تكون هيا مش عايزة تقول .. بس عموما هيا في عين شمس .. قصدي معتقل عين شمس كما يطلق عليه البعض !! خليكوا انتوا عايشين في دور مغامرات السلالم والارصفه ! تصدقوا بالله .. انا ماشوفتش في حياتي احسن من رصيفين .. رصيف مبني الـ Laibrary في الايه يو سي ورصيف مبني الليزر اللي قدام مدرج العيوطي في جامعة القاهرة بس صدر علميا .. ان القعدة على السلالم وحشه .. اصلها بتجيب رطوبة !! |
ههههههههههههههه .. قديمة
الاجابة هيا السيجارة يااااااااااا wanda هانم !! وبعدين تعالي هنا .. احقد علي مين .. انتي ناسية انك اولي وانا تانية ؟! يعني انتي اللي تحقدي عليا .. مش انا .. وان كان على الصحاب عندي ماشاء الله .. الجامعة تشهد باسمي !! يعني هيا مش تشهد اوي يعني ! .. مممممم سيبك من موضوع اسمي خالص .. !! وانتي عاملة ايه دلوقتي .. ؟؟! |
اقتباس:
وتجارة كمان مش فى الحرم الجامعى اللى انا فيه نهائى :d اقتباس:
الواحد يخاف يصاحبكم ع فكرة ،.،.،.،.، |
شكلك بتدخن يا فامبير !! :d
لا انا مش بعقد غير على سلم المديرة بتاعتنا علشان بغلس عليها وانا الجامعه هتحلف باسمى بس لما ادخلها انا اساسا مدرستنا ال3 الف بنت داخلين منهم 1.5 الف هنا شوف دول كام بقى من تجارة كلها وانا اعرفهم كلهم و ان شاء الله هنجيب تقديرات احنا دفعه جامدة مش نوسه ولا زغلول :p اكيد اسمك بالميم او النون او...... الخ وانا بخمن يبقى اسمك ياسر او يوسف او نبيل او نصر او... الخ :d بلاش ام هند علشان بتزعلكوا ام حسن هتقولى اسمك مش فى دول هقولك كنت حاسه بردك وانت عامل ايه دلوقتى :p |
ههههههههههههههههههههههههههههه
تصدقي اول مرة اكتشف انك ظريفة !! لا ييجي منك .. وعلى العموم زي ماتوقعتي .. انا ماسميش اي اسم من دول نهائي بس لو عايزة .. هاقولك على سر وماتقولويهوش لحد .. خلي اسم فامبير دا ثيم مابيني ومابينك .. ها ؟ .. اوعي حد يسمع .. وانتي ايه اخبار المطبخ معاكي ؟! |
مش عارفة ليه يا فامباير
حاسه انك محمد |
محمد ؟!
لا خاااااااااااااالص .. عندك 3 اختيارات .. فامبير .. فاميبر .. فامبير شوفي اللي يعجبك فيهم !! |
السلام عليكم ورحمة الله وبركاته
انتوا محسسنى انى مش فى الكلية والله انا ماعرفش حاجة غير شكل المدرجات وماكنتش اعرف العيوطى غير لما الترم التانى اخدت فيه محاضرات وكمان ماكنتش باروحها واصلا ماتعرفتش على حد كنت فى مجموعة غريبة كدة بس الحمدلله حولت ودلوقتى انا فى مجموعة ج مش لاقيه حد بيتكلم فى مجموعة ج ليه |
مجموعة جـ ؟ ..
دا باعتبار انك كنتي مجموعة هـ السنة اللي فاتت ؟! اعتقد وسامحيني في القول يعني .. مجموعة هـ السنة اللي فاتت كانت خنيقة اوىىىىىىىى .. وانا حضرت معاكوا كام محاضرة كدا السنة اللي فاتت .. وكانت من اشلل مايمكن خاصة في محاضرات الجزيري .. والعطار !! على العموم .. مجموعة جـ انتظام الله اعلم فيها ايه بقي .. لإني ماعرفش فيها ناس وانتي شكلك اساسا ماكنتيش اجتماعية معا الناس .. ودا ماينفعش في كليتنا العزيزة دي .. خاصة انك في جامعة القاهرة .. |
السلام عليكم ورحمة الله وبركاته
ايه الرد السريع ده على فكرة انا كنت باحب احضر محاضرات خيرى الجزيرى جدا والتانى لاتعليق بس فعلا المجموعة مملة موت وانا ماحاولتش اتعرف على حد بس ادعى يكون المجموعة السنة ادى فيها ناس اقدر اتعرف عليهم وكمان اللى كنت اعرفهم راحوا مجم عات تانية ولما خلاص هاشد فى شعرى |
ما كله من عم عادل مبروك .. صاحب الاختراعات المبهجة في تطوير الكلية
هوا اساسا لسه واخد العمادة ماكملوش 3 شهور .. يدوبك استلمها من دكتور عادل زايد وهوب .. اول ماحب يعمل تغيير .. قالك نعك شوية في المجموعات .. واهو نبقي غيرنا شوية .. وعملنا تجديد .. هوا زي ما سعد زغلول قالها قبل كدا .. مافيش فايدة !! |
السلام عليكم ورحمة الله وبركاته
طبعا ماينفعش تغيير المجموعات يعنى مخنوقا مخنوقا ياولدى يلا مش مهم بقى احاول اتعرف على ناس جديدة مع انى ماتعرفتش على قديم اصلا ههههههههه باوهم نفسى اللى فيه الخير يقدمه ربنا بقى |
ماهو اساسا كدا كدا انتي كل سنة بتتعرفي على ناس جديدة ..
ويعني انا مثلا اهو .. مانا في نفس المجموعة .. السنة اللي فاتت والسنة دي و الي حد ما هانفض للناس القديمة .. وهاعرف ناس جديدة عادي يابنتي.. الكلية دي اهم حاجة فيها .. انك تهتمي بنفسك اولا .. بعد كدا غيرك واظن انتي عارفه .. مش انا اللي هاعرفك يعني .. |
السلام عليكم ورحمة الله وبركاته
باقولك اصلا ماتعرفتش بس ماكنتش مشكلة يعنى عادى ليا اصحابى فى كليات تانية وانا اصلا الترم التانى كنت منفضة جامد كنت قاعدة فى بيتنا ممكن انزل مرة فى الاسبوع يعنى مذاكرة بيتية ولو لاقيت الحال كدا السنة ادى هاتبع نفس الاسلوب بس مش عارفة بقى نظام السكاشن |
ايه انتو مش وراكوا الا شغل المترو والمجموعات انتوا مش بتناقشوا فى مواضيع احسن من كده ليه علشان الواحد يقدر يشارك فيها معاكم فيها
|
bondok fady
ايه انتو مش وراكوا الا شغل المترو والمجموعات انتوا مش بتناقشوا فى مواضيع احسن من كده ليه علشان الواحد يقدر يشارك فيها معاكم فيه
وبعدين سيبوا الباشا فامباير فى حاله علشان هو الوحده يعنى بس هو رجال والرجال قليلون وانا معاك يا فامباير |
ربنا يخليك يا بندق ..
دا بس من زوقك .. واخيرااااااا .. بقي ليا ضهر وناس في المنتدي !! احمدك يارب .. |
يا عم اجرى بقى
يعنى انت يوم ما تلاقى واحد يطلع مش ف تجارة كمان ده بنات المنتدى كلهم نجارة القاهرة وبرده انت لوحدك وايه كلمة الرجال قليلون هو فى رجاله اصلا |
عندى كام تحفظ واعتراض بعد اذنك يا علا ع ردك اقتباس:
لا مش كلهم ولا حاجة ،، وانا اهو :rolleyes: فيه نقطة ناقصة ، انتى كدة شقلبتى الوظيفة خالص ، خليتيها من محاسبة وادارة اعمال لخشب " عادى خطأ كتابى " - بهزر ع فكرة اقتباس:
التحفظ عندى ع الكلمة دى مافيش رجالة ، يبقى كمان مافيش بنات لا رقيقة ولا ملايكة :) غير يعنى انا ضد اى هجوم ضد البنات او الصبيان ضد الحروب اللى من النوع دى ولو ع سبيل الهزار لان انا اهو بنت مثلا لو هنتقد الرجالة وههاجمهم هبقى بهاجم والدى واخويا وعمى وخالى كدة يعنى وكذلك العكس بالنسبة للولاد اللى هيهاجموا البنات يبقى هاجم مامته و اخته وخالته وعمته غير ان الكلمة بتعبر عن استهزاء او سخرية واحنا فى شهر مفترج :) يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون " ----- احنا اى نعم بنهزر وكل حاجة بس مننساش حدود الهزار لان ممكن الهزار غصب عننا وعن دون قصد يقلب بزعل حبيت انبهكم للنقطة دى بس ،، لان الهزار زاد شويتين فى الموضوع :d ياريت ترجعوا تانى تتكلموا عن تجارة القاهرة نفسها ، ككلية وكجامعة وكأسلوب دراسة و,و,و ،، عشان الطلبة الجدد ........ :) بالتوفيق للجميع ان شاء الله ======= تقبلوا مرورى وفائق احترامى |
معلش اصلى بكتب والنور مطفى
ومش ببص ع الكيبورد اصلا وعلى فكر ة انا بهزر عادى يعنى وخلينا ف موضوعنا انتى ف سنة كام ومجموعه ايه؟؟؟؟؟؟؟ |
هههههههههههههه
مبروك انضمام بندق لحزب المعارضه والاحباط يا ترى بردك يا بندق بتحب الكليه دية اد ما فامبير بيحبها ولا عكسه ..... وتوقعك ان حد من المنتدى ده يجيب تقدير كام فى الميه:d ولا كلهم هيجيبوا مقبول:p فى انتظار اجابه حزب المعارضه :d |
اقتباس:
بس لكل شىء حدود ، مش بردو بيتقال ان لما الشىء بيزيد عن حده بيتقلب لضده ؟ :) ممكن بردو واحنا بنهزر غصب عننا نضايق حد بكلامنا فلازم ناخد بالنا من النقطة دى ;) اقتباس:
ثانيا : انا مش جامعة القاهرة كمان :D انا وبكل الفخر ،، معتقل عين شمس كما يقول البعض اصعب طبعا :lol: بس احسن فى الاقسام والعملى وحاجات كتير عن القاهرة :P - بتكلم بالنسبة لكليتى :) هو مش باين عليا ولا ايه ؟ :D ،،،،، |
احنا هننزل الجامعه اول يوم يوم 20/9 يعنى ولا اية وعاوزين نتفق ونتقابل اول يوم
|
ربنا يخليك لتاني مرة يا بندق بجد .. وميرسي اوي على زوقك الجامد دا ..
اما بالنسبة لكلام علا انا مش هاتطرقله لإنه hkk-happy .. ردت .. وسواء كدا او كدا .. هيا بتهزر .. وسواء كدا او كدا برده .. hkk-happy ردت .. حبيت بس اعدي واسلم عشان بقيلي يومين مابطلش على الموضوع .. وبالنسبة لليوم الاول في الدراسة .. ان شاء الله هاتتلاقونوا لجألكوا عند العيوطي من الساعة 9 الصبح .. اللي عايزني هايلاقيني هناك .. مجرد بس تدي ضهرك للعيوطي وتبص على الشبابيك .. هاتتلاقي شوية ناس كدا قاعدة .. ميه في الميه هاتتلاقيني ضمنهم .. عشان دا يعتبر المقر الرسمي بتاعي !! see you there |
ههههههههههههههه
ملقتيش غير العيوطى انا هتلاقونى لجأة فى الكافتيرا اللى قدامة وكمان عند العمدة وشويه عند مدرج (ز) :p |
كافيتيريا ايه ؟ ..
هوا مافيش غير العمدة بس اللي هناك .. وبعدين مدرج (ز) ايه اللي هاتلجأيله دا .. انا اول مرة اسمع عنه اصلا !! هيا الجامعة اتقلبت ولا ايه ؟!! وبعدين ماله العيوطي .. مدرج جامد اوي .. هههههههههه بتفكريني بموقف حصل قبل كدا في محاضرة من المحاضرات .. كنا في مدرج جـ .. فواحده بتقول دكتور انا بحب العيوطي اوي وعايشة في الدور وهيا بتقولها قالها وانا كمااااااااان !! |
ههههههههههههههه
انا قصدى المدرج اللى هكون فيه وهروح عند العمدة وبعدين انا ديما بشرب من عندها شويبس قدام على طول الباب بتاع المدرج :d بزود كلام بقى |
ههههههههههههههههههه
لا على فكرة انا كنت بحب شرب البيبسي اللي في كوبايات دا .. وياسلام على ساندوتش الفرينش فرايز .. اللي هوا عامة الجامعة بتقول عليه بطاطس فرانساوي !! هوا الساندوتش دا ب 2.25 معا كوباية الكوكاكولا الوسط ب 2.25 برده .. وتبقي احلي عيشه .. ساندوتش الشاورما الوسط كان ب 3.75 بس كان بيبقي مليان ماشاء الله .. والتشيز برجر زبالة اوي عندهم .. من الاخر .. العمدة بتاع الناس اللي حالهم على قدهم .. اما الجلاب بتاع الناس اللي هما متروشين .. يعني الكاشات عندهم ساييبه !! .. فيه عندك مطعم صبري قدام باب تجارة .. هاتعدي عليه كتييييييير وانتي رايحة المكتبة ابقي كلي منه .. اوفر من العمدة شوية .. لو تحبي اجيبلك المنيو بتاعتهم اجيبهالك !! |
على فكرة يا فامباير
انا على طول بقعد ع الشبابيك اللى هناك دى بتبقى مريحه اوى بس عاليه بتشلنى على ما بطلعلها |
اهلااااااااااااااا !!
يبقي اكيد شوفتك وشوفتيني قبل كدا ميه في الميه .. لإن انا ساكن هناك .. |
مش قلتلك تلاقينى هطلع ف الاخر عرفاك انت وصحابك
بس الاكيد انى عارفة شكلكوا |
هههههههههههههههههههههههه
انا بدأت اشك فيكي يا علا وربنا !! قلبي كدا مش مطمني .. حاسس اني اعرفك .. او على الاقل شوفتك .. |
ما انا عارفه انك هتقول كدا
يا ابنى انا منتشرة ف كل شباك شوية وساعات بكون اعدة ف شباك والاقى ناس قاعده ف الشباك الى جنبى مثلا واستنى انهم يقوموا يعملوا اى حاجة واقوم قاعده مكانهم وابقى عارفه انهم هيرجعوا تانى واخليهم يتشلوا منى انا وصحابى مش عارفه ليه عندى مزاج انى اشل الى اشوفه قدامى حتى لو معرفهوش وفى ناس تحب تردهالى اول ما يشوفونى قمت اعمل اى حاجة او اسلم على حد مثلا يجوا يعدوا مكانى شكلك كدا م الناس دي |
انا ؟ .. يعني نوعا ما ..
انا كنت اما احب اشل ناس معينة او ناس ماعندهاش دم .. استني اول مايقوموا على طول .. واقوم ناطط مكانهم .. والجدع بقي يبقي يقومني !! وبيني وبينك .. احلي قعدة قعدة الشبابيك دي .. تلقطي اللي رايح واللي جاي وميه ميه يعني انتي بتقعدي عند انهي شباك صحيح ؟ .. انا عن نفسي بقعد عند اللي قدام التليفزيون .. اصل بحب اتثقف !! |
وانا والله ساعات بقعد عنده
واد يا فامباير هو انت ساعات بتتنح مع اللى بيعدوا مكانك ولا بتعدى اصلك لو بتتنح معاهم يبقى كلمتنى قبل كدا ومش بعد عند شباك معين يعنى ساعات اللى قدام التليفزيون وساعات ف الشبابيك اللى ف الاخر دى وتلاقينى عايشه الدور اوى وماسكة الملازم وبشرح لواحد جنبى ويعد يبوس ايدى انى ارحمه واسيبه وانا ابدا لازم افهمه |
هههههههههههههه .. مش عارف .. ممكن اكون شوفتك وممكن لأ
بس انا ساعات بشوف ناس وتحديدا بنات .. بيبقوا ماسكين ملازم فعلا ومقضينها شرح بس مش فاكر اشكالهم اوي .. عن نفسي لأ .. انا مابتنحش خالص معا اللي بيقعد مكاني .. لإن ابسط كلمة هايقولها .. الشباك دا انتا مش اشتريته .. دا غير انه اساسا ممنوع نقعد عند الشبابيك دي .. مش عارف ليه .. ههههههه مرة واحد اعرفه في حقوق .. مسك الراجل اللي بيقوم دا ولبسه تهمة وهوا واقف !! قال ايه .. عشان بيقومنا !! ههههههههههههه بس ايام حلوة والله .. صحيح هوا الجدول هاينزل امتي ؟ .. تقريبا بعد اسبوع .. نبقي نشوف كدا .. |
| جميع الأوقات بتوقيت GMT +2. الساعة الآن 10:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.