|
كلام د/ جولييت جميل جدا وصح كله
بالنسبة للكتاب عندك كتاب الامتحان بتاع الاسئلة والمسائل محلول كله |
انا مش عارفة اقولكم ايه موضوعكم بجد تحفة
انا اترددت كتير قبل مااكتب لانى مالقيتش مشكلة هنا شبه مشكلتى انا اساسا فى الازهر فى3 ثانوى اساس المشكلة بقى ان المعهد عندنا فوضى وممنوع الغياب وكمان عندنا نظام اليوم الكامل يعنى بخرج من المعهد الساعة 2 دا فى اقل تقدير وبعد المعهد بتبدأ الدروس والجدول بتاعى السبت /احياء الاحد / رياضة الاثنين / كيمياء الثلاثاء / انجليزى الخميس / رياضة الجمعة / فيزياء وعبقال مااروح البيت بروح فى حدود الساعة 5 او 6 لان بيتى بعيد عن الدروس كلها بروح بكو ن هلكانة مش قادرة اشوف قدامى وبعدين بتبدا الغرف الصوتية هنا وبما انى ازهر فتبدا عندى من الساعة 7 كنت الاول مستقرة وبادئة كويس والفاصل مابين الحصص كنت بذاكر فيه بس انا دلوقتى لما دخلت فى المواد بدات اتعقد المواد الشرعى بدات تروح منى فى حاجات كتير ماذاكرتهاش والمواد العربية مجنينانى مش عارفة اعمل معاها ايه كل مااذاكرها انساها تانى ندخل على المواد الثقافية الانجليزى كان عندى فيه شوية مشاكل لكن الحمد لله المدرسين اللى هنا فى المنتدى حلولى المشاكل دى الاحياء واعوز بالله منها هاتخلينى انتحر ال dna مش فاهمة منه حاجة ولاعارفاه اساسا وبروح الدرس وانا مش فهماه والمدرس يقعد ييعيد ويزيد وانا ولا هنا مع انى فى الوارثة كنت كويسة والفيزياء بقى المدرس اللى باخد عنده درس مش بيشرح غير المسائل وسايب كل حاجة نظرى والمدرس اللى بيشرح كويس لسه هايبدا بعد شهر او اكتر لانه مش بيعمل مجموعات ازهر وانا اتعقدت واتخنقت وقتى مقتول اوى وموادى كتير اوى مش عارفة اعمل ايه حاسة ان السنة ضاعت من ايدى ومش عارفة اظبط وقتى خالص وغير دا كله عليا ضغط نفسى جامد بسبب انى طلعت الاولى على المحافظة فى 3 اعدادى وكله منتظر هاعمل ايه السنة دى انا بقيت خايفة اقول لحد انى ممكن افشل ومحدش مصدقنى خالص حتى اصحابى بيقولوا عليا انى لئيمة وبقول كدا لانى بذاكر ومش عاوزاهم يذاكرو ياريت حد يرد عليا بسرعة لانى خلاص تعبت والسنة بتجرى |
سوري يا دكتور (ان شاء الله) كله مشغول بامتحانات الميد ترم اقتباس:
تمام اقتباس:
طب لو غبتي ايه اللي حيحصل ... يعني نظام الرفد عندكوا ازاي ..فيه منازل؟؟ يعني حاولي تطنشي المعهد لو حتى مثلا في الترم التاني.. اقتباس:
بصراحة.. انا مش عارف اقول ايه؟؟ بجد صعبانة عليا.. انتي لازم تستثمري الوقت بأي طريقة تذاكري قبل ما تروحي المعهد.. بعد ما تيجي من المعهد..يوم الاجازة تصحي من الفجر تذاكري (انا كل يوم كده) تحاولي تمنعي التلفزيون وتقللي النت على قد ما تقدري ..مش حينفع تحضري كل الدروس وتروحي المعهد وكمان الغرف الصوتية..انتي كده مش حتذاكري خاالص الا اقتباس:
ا/بدوي راجل مممتاز هو و الاساتذة الافاضل اقتباس:
ليه بس ده سهل جدااااا..بس هو في الاول بيبقى غلس..والله انا لسه شرحه لصحابي في علوم جيولوجيا امبارح وهما اساسا كانوا رياضة2 بس الحمد لله فهموا.. هو عاوز بس شوية تركيز وحفظ وفهم ود/هشام هنا بيشرحه بطريقة سهلة وبسيطة بس في شهر 2 او3 اقتباس:
طب حاولي تخليه يشرح نظري..اسأليه..او لو عاوزه تغيريه وتاخدي عند حد تاني..وعلى فكرة المسائل كلها حلها بيبقى من النظري عشان افكارها كده اقتباس:
اهدي بس كده وبالراحة..السنة مضعتش ولاحاجة وان شاء الله حتعدي وترجعي تفتكري الايام دي وتضحكي زي ما كلنا كده بصي بقى اخر كلامي: 1- حاولي تنظمي وقتك بأي طريقة 2- ذاكري حاجة حاجة وخلصي جزء جزء ولو حتى صغير 3- لما تذاكري حاجة تذاكريها بجد كأنك خلاص حتمتحني فيها بكره 4- تذاكري بالورقة والقلم وشفوي مع بعض 4- مفيش حاجة اسمها مبحبش او حاجة صعبة فحاولي تخلي الحاجة قدامك تبان سهلة عشان تحبيها 5- اعملي جدول لنفسك وبلاش تضييع الوقت الكتير في الدروس والغرفة الصوتية 6- حاولي تظبطي مواعيد المعهد ده لو حتى تنظمي غيابك بحيث يبقى عندك يوم فاضي كامل انتي مركزه معايا؟؟؟ طب لو مركزه خدتي بالك ان نقطة 4 متكررة مرتين:(:(:( مش قولتلك ركزي.. وربنا يوفقك ... انا عارف ان الازهر صعب وامتحاناته صعبة بس ان شاء الله كله يهون وتعدي وتدخلي كليتك بأذن الله :078111rg3::078111rg3: |
لا انا بقى مشاكلى تختلف
و لله الحمد خلصت الاحياء اخدتها السنة اللى فاتت و معايا كيميا و فيزيا و مستوى انجلش وضايعة جدا مش بروح المدرسة اصلا بس بحرق وقتى بايدى تلات ساعات يوميا بقعد اعيط اقول انا فاشلة يقولولى محدش فاشل بيجيب 96.5 اقول مبفهمش يقولولى امال ذاكرتى السنة اللى فاتت ازاى بمتحن و مش بعدى 28 من تلاتين و كل يوم بقعد اقول خلاص انا الموضوع انتهى بالنسبة لى الكيميا مش عارفة اذاكرها لا معادلات بحفظ و لا بتاع واقعد اذاكر فيزيا بالست ساعات و بردو مش بفهم اى حاجة لدرجة انى خلاص اقتنعت انى اغبى انسانة على وجه الارض يلا بقى ربنا يستر |
شكرا لحضرتك يادكتور احمد لردك عليا ولاهتمامك وربنا ينجحك فى امتحاناتك
بس انا كنت عاوزة اوضح كام نقطة 1- نظام الرفد عندنا لازم اعادة قيد ولما تعيد القيد الواحد بيطلع عينه لان الازهر بشد اوى فى الحكاية دى 2-التلفزيون بقى انا مش بحب اسمعه الا اذا كانت حاجة هاتفيدنى 3- مستر بدوى دا راجل اكتر من ممناز هو ومستر محمود فتحى ومستر احمد ومستر محمد بصراحة كلهم ممتازين ومايتخيروش عن بعض 4-اما بقى فى dnaفالامل الوحيد ليا فيه بعد ربنا هو دكتور هشام ربنا يستر وافهم اصل الغباء بيحل عليا فى الاحياء مش عارفةليه 5--اما بقى لمدرس الفيزياء انا قررت اغيره وهاروح عند واحد تانى بس المشكلة ان المدرس التانى لسه مابدأش فى الكهربية يعنى هاستناه ربنا يستر 6- هحاول اعمل ان شاء الله زى ماحضرتك قلت |
شكرا يا دكتور على ردودك ومساعدتك الطيبة
جزاك الله خيرا فى امان الله |
هاى انا اسمى امنيه علمى علوم عندى مشكلة رهيبة مرة واحدة مشش بقى ليا نفس اذاكر او افتح كتاب ودى مش لا مبالاة انا المذاكرة هواية عندى ساعات بذاكر فى الصيف لان بحب اذاكر بس معرفش مالى مش قادرة افتح الفزيا و الاحياء تقريبا جالى احباط بضيع وقت كتير وبحس بالدقيقة اللى بتعدى وانا مشش بذاكر وبزعل اوى بس بجد مش عارفة اعمل ايه بليز انصحونى انا جبت 95 السنة اللى فاتت ونفسى اجيب طب او صيدلة وكده كأنى شايفة حلمى بيضيع قدامى لازم افوق بس ازاى
|
لا انا بجد مش عارفة اذاكر وكل مدى المواد بتزيد وانا مش هلحق المها كويس مش عارفة اعمل ايه بجد بحاول بس من جوايا مش عارفة اركز او ادخل الموود لو بدات اذاكر هكمل مذاكرة بس مش بعرف ابدا تانى بيجيلى حماس واذاكر بس بيضيع تانى يوم اذاكر كويس بس اليوم اللى بعده يضيع عندى امل اذاكر كويس فى العيد بس خايفة ييجى وانا لسه كده
|
ياجماعة انا فعلا مش عارفة اذاكر وعايزة نظام يومى اذاكر عليه لانى كل يوم نايمة
وجدول الدروس بتاعتى : ( للعلم انا علمى رياضة وعلم نفس). السبت: فيزياء الس 1 الى 2 امتحان ومن 2 الى 4 درس عه قول بروح على الساعة 5 الاحد فاضى الاثنين فاضى الثلاثاء فاضى الاربعاء: فيزياء الساعة 1الى 2 امتحان ومن 2 الى 4 الدرس وبروح الساعة 5 رياضة الساعة 8 ونصف الى الساعة 11 وبروح على 11.5 الخميس انجليزى من الساعة6 الى 8.5 الجمعة بعد الصلاة مباشرة عربى حتى الساعة 3 رياضة الساعة8.5 حتى الساعة 11.5 (النصف ساعة علشان الامتحان احيانا) مشكورين على هذا الموضوع الرائع و الاكثر من الرائع* |
اقتباس:
ان مهما كان وراكى حاجات تقر تلمها كويس لسة المدة ادامك كافية توكل على الله وبلاش اليأس من دلوقتى |
اقتباس:
صعب ان حد فينا يعملك انتى طريقة مزاكرة لان كل واحد وامكانياته انما جدول دروسك جميل جدا واستغلى كويس الايام الفاضية الى عندك |
بصراحه انا عندى مشكله عايزه اى حد متخصص او عنده خبره يرد عليا ضرورى جدا انا طالبه ادبى فى سنه تانيه مكنتش بذاكر كويس اوى وجبت 84% والسنه دى حبيت انى ازود مجموعى بدات السنه كويس اوى وكنت متابعه مع المدرسين وبعدين قبل العيد باسبوعين لقيت كل حاجه بتتغير مذكريتى قلت بشكل كبييير و بقيت على طووووول بتفرج على التليفزيون ومن غير اي سبب ومعنديش اى ظروف تعطلنى عن المذاكره وكل وقتى ضايع كده بس بعد العيد انا بطلت التليفزيون خالص لكن وقتى لسه ضاااايع ومش عارفه انظمه يمكن يكون الوقت متاخر على الكلام ده بس انا فعلا محتاجه مساعده ياريت الاقى رد بسرعه
|
اقتباس:
ان شاء الله هاشوف حد فى ادبى يشوفلك الموضوع دة فى امان الله |
انا بدات اذاكر وخدت قرار حتى لو مش ليا نفس اذاكر الوقت اللى اذاكره اذاكر بضمير عشان ميكونش ده كمان ضايع والحمد لله بقى عندى حماس جامد جدا جدا وبخلص حاجات كتير بس اللى باقى اكتر و مش عارفة اركز فى اللى باخده بس ولا احاول الم اللى فات معاه انا مشكلتى دلوقتى ان الوقت ضيق باخد 10 دروس فى الاسبوع ومده الدرس اقل حاجة 3 ساعات يعنى وقت المذاكرة مش كبير او مفتوح اعمل ايه
|
السلام عليكم ورحمة الله وبركاته ، مش عارفة انا ينفع ارد ولا لا بس زى ما تيجى بقى اقتباس:
هو انا ولا متخصصة ولا عندى خبرة انا زىى زيك ف تالتة ادبى بس هاقولك اللى انا باحاول اعمله مع ان الرد متأخر اوى اقتباس:
جميل اوى الحاجات دى مراجعة بسيطة عليها هاتخليكى تفتكريها كويس باذن الله اقتباس:
كلنا بييجى علينا وقت حماسنا بيقل وبنكون مخنوقين من المذاكرة ونضيع الوقت ف اى حاجة حتى لو حاجة مش ليها لازمة المهم اعملى جدول مذاكرة جيبى ورقة فاضية اكتبى ايام الاسبوع واكتبى الحاجات اللى وراكى تخلصيها ف الاسبوع ده وعلى اساس مواعيد دروسك ووقتك الفاضى وزعى الحاجات دى اتحدى نفسك وقولى لازم اخلص الحاجات دى حطى قدامك هدفك واشتغلى عشانه واظبى على الصلاة كويس اوى وادعى ربنا كتيير وقبل ما تبدأى مذاكرة قولى الدعاء ده اقتباس:
اقتباس:
اقتباس:
هاتحسى ان ذهنك صافى ومستعدة تذاكرى كويس وبعد ما تخلصى ده اقتباس:
هاتلاقى نفسك مطمنة ان كل اللى ذاكرتيه هايفضل ف دماغك على طول ان شاء الله حاجة تانية جربى تذاكرى من بعد صلاة الفجر لحد الضهر كدة الوقت ده بيكون هادى اوى وهاتلاقى نفسك مرتاحة وعندك حماس تذاكرى واخر حاجة حاولى تحبى المواد اللى انتى بتذاكريها فكرى ف يوم النتيجة لما مجموعك يعلى وتكونى مبسوطة وحاسة انك حققتى حاجة كويسة --- حاجة مهمة نسيت اقولها اعتمدى ف المذاكرة على الفهم اول حاجة وبعد كدة الحفظ هاييجى لوحده بعد الفهم وبلاش تعقدى ف نفسك اعملى اللى عليكى وسيبى الباقى على ربنا ( ان الله لا يضيع اجر من احسن عملا ) اممممم بس كدة متهيألى انا مش باعمل حاجة تانية :) اقتباس:
وقت ايه اللى متأخر لسة قدامك فرصة كبيرة تذاكرى المنهج من اوله بس توكلى على الله وربنا يكرمك اقتباس:
هو الرد مش بسرعة للاسف بس ان شاء الله تشوفيه ويا رب يفيدك باى حاجة ربنا معاكى ويوفقك :) |
السلام عليكم ورحمة الله وبركاته
انا باه ازهر وبجد حاسه انى ضايعه فى كل حاجه لانى ساعات بيجيلى اوقات مش بعرف ازاكر مهما اغصب على نفسى واقعد ازاكر بحس انى برده مش عارفه ازاكر وضاع منى حاجات كتير فى النص وانا الحمد لله مطنشه المعهد السنه دى خالص مش بروح خالص من اول السنه بس الدروس واخده نص اليوم عندى وجدولى مع انى ببدا من الصبح من الساعه 10 تقريبا لحد الساعه 5 لانى باخد كذا درس فى اليوم عندى السبت رياضه وعربى وانجليزى والاحد كيمياء وفيزيا واحياء والاتنين رياضه وشرعى والثلاثاء عربى وانجليزى والاريعاء كيمياء واحياء وفيزياء والخميس رياضه وشرعى والجمعه عربى وشرعى وماعنديش ولا يوم فى الاسبوع فاضى اما هجنن بجد مش لاقيه وقت فاضى خالص ومهم باه كل اما اعمل جدول امشى عليه امشى عليه يومين وارجع ابوظه تانى ولا الانجليزى من صغرى وانا ما بحبوش وعملت كل حاجه فيه عشان احاول افهمه واعرف احل فيه مش عارفه خااااااااااااااالص وبجد انا حاسه ان اللى هيضيعنى السنه دى هو الانجليزى وبجد مش عارفه اعمل فيه ايه ياريت حد يقولى اعمل ايه لانى بجد حاسه انى مش هاجيب السنه دى حاجه وخلاص هجنن بجد انا بقيت طول النهار بعيط لانى بطريقتى دى مش هاجيب مجموع |
السلام عليكم جميعا معاكم أخوكم مصطفى من الاسكندرية
اولى ثانوى تجريبى انا متابع موضوعكم من الاول على فكرة و شددنى جدا بس انا مش شايف ان فى حد عندوا مشكلة زى الى عندى بصراحة انا من اولى ابتدائى لحد الان وانا ماليش فى المذاكرة ولا نص ساعة حتى هى ليلة الامتحان وبس غير كدة مابقدرش وكل سنة احاول لكن مابتعداش الاسبوع وبفشل فى حب المذاكرة وانا عاوز اعود نفسى ان شاء الله ولو حتى الترم التانى والى هيكون الاخير قبل الثانوية العامة . الحمد لله انا عديت الترم الاول وبلاش ذكر المجموع بس انا والله عاوز ابقى احسن ان شاء الله دلوقتى قدامى مشكلتين يا دكترة انا مش عارف احدد اكمل فرنساوى فى 2 ثانوى ولا احول ايطالى لانى بصراحة بسمع انو بيجى سهل جدا ولكن الفرنساوى صعب والمشكلة التنية متشتت مش عارف امشى ولا اصحابى ولا اهلى ولا المدرسين الى كل واحد بينصحنى بمدرس شكل فى كل مادة مش عارف امشى ورا مين . وبارك الله فيكم اجمعين . |
حتحبى الانجليزى وحتبقى شاطرة فية
اقتباس:
انا نفسى كنت بكرة الانجليزى جدا بس باذن الله حتبقى كويسة فية خدى الموقع دة حيساعدك الكتب اللى فية جميلة جدا هى قصص ميكى ماوس بس بالانجليزى هما 10 كتب متدرجة المستوى من الصفر حتى الاحتراف وان واجهتك مشكلة فى تحميلهم موجود ايميلى فى ملفى الشخصى اليك الكتب للتحميل اضغط على سورة الكتاب http://img519.imageshack.us/img519/5263/01zt0.jpg http://img519.imageshack.us/img519/5957/02nc7.jpg http://img519.imageshack.us/img519/3359/03sz9.jpg http://img519.imageshack.us/img519/9689/04nc0.jpg http://img519.imageshack.us/img519/6821/05no8.jpg http://img519.imageshack.us/img519/9997/06ik7.jpg http://img519.imageshack.us/img519/9757/07wt9.jpg http://img519.imageshack.us/img519/1516/08ab9.jpg http://img519.imageshack.us/img519/2633/09lq2.jpg http://img519.imageshack.us/img519/1053/10hb5.jpg |
اقتباس:
ربنا يبارك فيكى يا دكتور دياموند بجد كلامك فعلا افدنى وان شاء الله احاول أمرن نفسى من الترم التانى ولو احتجت اى حاجة ان شاء الله هرجعلكم |
بسم الله الرحمن الرحيم ..
انا عبدالله من الاسكندرية .. في الصف الثاني الثانوي الادبي منازل .. ومشكلتي اني عايز اخش امتحان السنادي .. وانا معرفش حاجة عن المنهج خصوصا اني كنت ادرس بالخارج سنوات الدراسة كلها من الحضانة الى الاول ثانوي .. فما رايكم .. وبماذا تنصحوني .. انا فقط اريد النجاح .. وليس التفوق .. شاكر لكم .. تقبلوا تحياتي ..؛ |
ازيكوا ياجماعه انا كتبت عن مشكلتى دى قبل كده ومحدش رد عليا المهم انا مشكلتى فى المستوى الرفيع انا من اول السنه خدت احياء وخدت حوالى 8 حصص من اول السنه اول ملزمتين ذاكرتهم و6 ملازم الباقييين معرفش عنهم حاجه بس الللى اعرفه كويس ان الاحياء طويله جدااا ورخمه جدااا ومنهج تانى بس اغلبيه صحابى مخدوش انجليزى لان قالوا الاحياء اضمن لا نها منهج الامتحان عمره ماهيخرج منه لكن الانجليزى عادى ممكن يجيب كلمه منعرفهاش و قواعد جديده يعنى ممكن الامتحان ييجى صعب وانا الصراحه مش عارفه اعمل يه انا فكرت فى العربى قالوا14درس قراءه وبلاغه وانا مبحبش البلاغه مش عارفه حاسه ان مذاكره الاحياء هتتعبنى وممكن تاثر على باقى المواد التانيه لكن بيقولوا اضمن من الانجليزى لكن الانجليزى فى مذاكرته مش هيتعبنى و مش هياثر على المود لتانيه لكن مش مضمون ياريت حد يرد عليا عشان انا تعبت من الموضوع بتاع المستوى الرفيع ده
|
معلشى هو احنا ازاى نغير عنوان الموضوع اصل الموضوع مكتوب غلط المفروض ارجو المساعده من مدرسى المنتدى مش من مدرسين المنتدى اغيروا ازاى بقى
|
ازيك يا شيرين وحشانى جدا عاملة ايه انا هارد عليكى بصى اتوكلى على الله وخليكى زى مانت احياء انا كنت واخدة انجليزى وبعد كدة حولت الاحياء ان شاء الله اضمن وبعدين المستوى فيه كتير من الاحياء العادية وخلى بالك الانجليزى واسع قوى وعايزك تقعدى تدورى وتبحثى كتير يا رب اكون فيدتك ويارب يكرمنا ونخلص ونخش الكليات اللى احنا عايزينها
|
y gama3a 7ad y3raf gadwal elemt7nat
|
اقتباس:
شيرين مين ؟؟؟ هى ندى اسمها شيرين اقتباس:
انا شوفت جدول بس مش متاكدة منه احسنلك تصبر لما ينزل الجدول الاكيد |
مشكلة بجد لازم تتحل بدقة .
انا 3ث علمي رياضة وفيه سؤال من الاخر انا خلصت كل المواد عندي ولكن من حيث شرحها من المدرسين حلو كدة ؛ وبعدين انا من اليوم هبدأ مذاكرة بجد (27/3/2009) فالسؤال هل استطيع اني اذاكر المنهج في كل مادة مذاكرة صح ولا إيه ؟؟؟؟؟؟؟؟؟
وكمان معظم ليلي جايبين 99% في بلدنا معظمهم لم يذاكروا الا اخر شهرين بس ذاكروا بشكل شرس . فما ردكم علي ؟ وكمان معظم طلاب الجمهورية كذلك؟؟؟؟؟؟؟؟؟؟؟؟؟؟ افيدوني ؟؟؟؟؟ وشكرا . |
بسم الله الرحمن الرحيم
بجد فكرة جميلة جدا وربنا يبارك فيكم انا عمرى ما فكرت ان عندى مشكلة فالثانوية اوعمرى ما اعترفت ان عندى مشكلة انا اولا علمى علوم كيميا السنة دى(تالتة) انا اصغر طالبة فى دفعتى والحمد لله جبت 99,3 فى تانية اكيد دلوقتى ماخر اوى انى اقول حاجة زى كدة بس انا نفسي احقق كتير قوى نفسي اجيب 100,5% او ما اقلش عن 100% نفسي ارضى ماما وبابا بتفوق مبهر ونفسي ايا كانت الكلية اللى هدخلها(الى برضه مشكلة اختيارها عملالى مشكلة جامدة جدا ) تكون احبها طبعا واقدر عن طريقها افيد نفسي واهلى وامتى الاسلامية باختصار نفسي (وده لسة مقرراه مؤخرا)انى اكون الشخصية المؤثرة رقم واحد فالعالم بسسسسسسسسسسسسس ديه اهداف جامدة وجميلة ب مثلا لما بلاقينى بستعبط او فيه حاجة فى جدول النهاردة ما عملتهاش مهما فكرت فى اهدافى ما بياثرش,ديه حاجة ...انا مش عارفة انا كدة كويسة ولا لا بالنسبة للمواد ا الفيزيا انا بحبها بس ناقصنى انى الم كل الحاجات الغريبة اللى كل الاساتذة بداوا يدوها بعد امتحان السنة اللى فاتت وفعلا ماشية فى كده واحنا دلوقتى هندخل فى التالت وكمان انا كويسة مسائل بس النظرى فهماه لكن ما اظنش انه كفاية انى اجيب النهائية فيه عشان صيغة الاجابة النموذجية العربى شغالة مراجعة مع استاذى وانا الحمدلله بحب النحو والبلاغة جد وناوية اجيب فيه النهائية _لو ينفع_ الانجليزى الحمدلله حليت كتابين مراجعة عاستاذى ومازلنا وعايزة برضه جيب فيه النهائية عشان اثبت حاجة فى نفس يعقوب لانى اصلا بحبه جدا علم النفس جميل بس المشكلة ان الاستاذ رخم بس كويس يعنى لما اجيبله سؤال مثلا حد كان كتبه فالمنتدى يترياله نص ساعة اى نعم بيجاوبه بس فالاخر يقولى اسئلة تفلسفية شوية وكمان قالنا لا نقرب من الدليل ولا كتاب المدرسة لكن احنا مشيين مراجعة معاه كويس وان شاء الله عايزة اجيب النهائية فيه الكيميا سهلة الحمد لله وبنراجع وبنمتحن عند الاتاذ علاطول بس لسةما بداناش فعليا حل امتحانات كاملة المشكة الكبرى والاهم هى انى عمرى بمعنى الكلمة ما ذاكرت 5_7 ساعات متواصلة ولا حتى بكتابة او بصوت عالى بس عادات المذاكرة العادية بتاعتى اتظبطت شوية بعد ما خدت كورس حياتنا فالمدارس على يد فريق حياتنا لتنمية البشرية التابع لصناع الحياة ببنى سويف لكن عمرى ما سمعت عن حد بيذاكر زيي اى نعم هى نفعت فى جميع السنوات اللى فاتت وكنت بطلع الاولى الحمد لله بس هل برضه السنة دى هتنفع؟؟؟؟؟؟؟؟ كمان السنة ديه بالذات دخلت علىافيسبوك(بس طبعا مش بالفكرة المعروفة عنه), وبقعد شبه يوميا على الانترنت بس طبعا بخلص جدولى اليومى,,, وكنت و(لا زلت ) بتابع كرتون يابانى(بس هو بينزل ويترجم حلقة كل اسبوع) بحمله فالحلقة 105 من الجزء التانى دلوقتى بس ده من السنتين اللى فاتوا لانه طويل قوى,انا بتكلم بصراحة عشان يبقى عندكوا كل المعطيات وتقدروا تساعدونى باذن الله وكمانان بعتمد عالفهم مليون فالمية يعنى ثلا انا ممكن احفظ مين الانود والكاثود فى خلية النيكل كادميوم بس لا ا عرفة المعادلة اشوف بقى مين اللى حصله اسدة وميت اللى حصله اختزال وساعتها افتكر مين فيهم الكاثود ومين فيهم الانود . لدرجة انى وانا بحل فيزيا تخيلوا مش فاكرة هو العاع بينكسر امتى مبتعدا عن العمود وامتى مقتربا بس فاكرة ان جيب الزاوية اللى فالهوا بتبقى بسط العلاقة بتاعة معامل الانكسار فالمنشور مثلل وفاكرة ان كثافة الهوا اقل من كثافة الزجاج اذا لما يسقط شعاع من وسط اكبر لاقل كثافة ينكسر مبتعا عن العمود, كمان لو مش عارفة قانون حاجة بس مكتوب فالمسالة الوحدة بتاعتها اقدر اسنتجه منها وهكذا, وطبعا ده خد وقت اكبر من انى ابقى حافظة حاجة زى كده ودول من ابسط الامثلة على الحكاية ديه اى نعم بيفدنىالموضوع ده فى حجات صعبة بس اظن ان مش هيبقى فيه وقت لكده فى الامتحان وزى ما قلت قبل كده موضوع الكلية ده قلقنى قوى لانى مش عايزة ادخل اى كلية قمة والسلام انا عايزة حاجة تتماشى مع قدراتى وهواياتى ولسة مش عارفة حتى فيه كورس يوم واحد ممكن يساعدنى ف حاجة زى كدة ونفسي قوى اروحه بس اكيد الوقت مش مناسب ومش عايزة اكلف ماما وبابا بس الموضوع شاغلنى قوى مع انى عارفة ان لسة بدرى على حاجة زى كده وانى المفروض اركز فىمذاكرتى خاصة انى برضه نفسي اكون من ال300 الاوائل اللى اظن ان اهاليهم بيروحوا عمرة مجانا كمان نسيت انا بقرا قصص اى نعم مش كتيير بس عشان ما رحتش المعرض السنة ديه,وهل انى بساعد اصحابى ده ممكن يضيع وقتى مع العلم انى ممكن اقعد مع واحدة انصحها اعملها جدول اديها ورق ملخصت بالساعتين والتلاتة كمان بس كدة كفاية والله صعبانين عليا انا رغاية جدا وبيقولوا على رخمة وجزاكم الله خيرا بجد متشكلرة على موضوع زى ده ومش هوصيكم تردوا بسرعة طبعا والسلام عليكم |
اقتباس:
السلام عليكم اولا : واضح فعلا انك رغاية جداااااا:d:d:d بس ماشى ماعلينا ده طبع اغلب البنات وانا منهم اكيد:) عجبنى اوى تفكيرك يامريم بتفكرى باسلوب كويس ويارب يوفقك دايما وتتحقى اللى بتتمنيه بصى انا هقولك على موضوع المذاكرة انك بتقولى مش بقعد كتير وكده فدى مش مقياس خاااااااالص بجد انا كان عندى اختى زيك كده برده مش بتذاكر غير انها بتعمل واجبات الدرس وبس كانت جايبة 99 وشوية فى تانية وتالتة سوا فمقدار ساعات المذاكرة دى مش مقياس نهائى خالص يكفى انك تكونى عندك قدرة عالية على انك تلمى موادك ومذاكرتك ولو بثلاث ساعات بس يوميا ده كمان ممكن يفيدك اكتر من انك تنفضلى قاعدة بالساعات عالكتب وتخلصى نفس اللى بتخلصيه فى التلات ساعات لانك لو اتعودتى على كده هتقابلك صعوبات كتير فى الكلية لانها بتحتاج السرعة شوية:slap1qk6: وطبعا اكيد كل ماتساعدى زمايلك ربنا هيكرمك ويوفقك اكتر ان شاء الله ودى مش محتاجة سؤال وانصحك نصيحة ثمينة جدااااااااا حاولى متربطيش نفسك باى حاجة من عالنت بجد نصيحة هتفكريها طول عمرك لو عملتى عكسها لاب منتديات ولا فيس ولا شات ولا حاجة خالص احسن ده وجع دماغ ووجع قلب ومضيعة وقت وخسااارة كبييييييرة فعلا ولو عوزتى حاجة تانية احنا تحت امرك فى رعاية الله |
على فكرة انا مش رابطة نفسي بحاجة زى كده خالص انا اعقل من كده الحمدلله
بس انا عايزة حد يمسك كلمى كلمة كلمة ويرد عليه انتو اللى جبتوه لنفسكم وشكرا ليكى ياطفلة الامس بجد |
بجد موضوع جميل جدا ومفيد للى زينا
انا فى تالته ثانوى السنه دى علمى علوم بس واخدة كيمياء السنه دى وجبت السنه اللى فاتت 96% انا بقى مشكلتى تتلخص فى ان عندى دروس كل يوم حتى يوم الجمعه كمان ووقتى متلخبط على الاخر يعنى ممكن اذاكر بالكتير تلات موراد فى اليوم واطنش الباقى وده سببلى قلق فى مواد كتير خصوصا اننا بدانا مراجعه يعنى مثلا الانجليزى ده مافتحتوش من اول السنه بس بحل مع المستر اسئله كتير اوى خصوصا القواعد بمووووووووت فيها ومااعرفش حاجه فى هالو والقصه وعلم النفس كمان بعتبره تافه وممكن المه قبل الامتحان اكيد ده غلط بس اعمل ايه ظروى مش سامحه انى اذاكره خالص والعربى نفس الكلام والكيميا الحمد لله ماشيه كويس فى المراجعه اكتر حاجه مضيقانى بجد انى لو ذاكرت فيزياء بيجى على المواد التانيه ولو ذاكرت المواد التانيه بيجى على الفيزيا بجد مش عارفه اعمل ايه وكمان تعبت اوى وزهقت وحاسه انى هقل السنه دى ده جدول الدروس بتاعى ياريت ياجماعه حد يساعدنى بسرررررررررررررعه سبت_اتنين_اربع صباحاا(الساعه 9 وعربى 10 كيميا الساعه 9 وعربى الساع 10 وفيزياء 11 وانجليزى 12 وعلم نفس 1) حد_تلات_خميس صباحا(كيميا 9 وفيزيا 11) جمعه صباحا(مستوى عربى 9 وعربى 10) ياريت حد يشوفلى حل فى اللى انا فيه ده وبسررعه ارجوكم وياترى عندى حق انى اقعد شويه قدام النت كل يوم خميس وقد ايه |
هو مش المفروض ان حد يرد او يعبر مشكلتى ولا اصرف نظر ولا ايه
انا اول مرة اصلا اقول حاجة زى كده فما تحبطونيش لو سمحتم |
اقتباس:
انما اصل عندنا امتحانات وكده فالواحد بيدخل تيارى ان دخل اصلا اقتباس:
دى حاجة كتير كويسة:av4056bb7jp3: اقتباس:
اقتباس:
يكفى فقط انك تكونى فاهمة اللى بتكتبيه وخلاص وبتكتبى بصيغة صح انما انك تحفظى صم وتكتبى بالحرف زى اللى عندك كده بجد اكبر غلط لانك بالطريقة دى بتضيعى نفسك بنفسك هتلاقى نفسك مش بتفتكرى الكلام ده فالامتحان لازم تفهمى وتكتبى باسلوب صح بس اوعى واياكى من الحفظ اقتباس:
:):):) اقتباس:
مش عدد ساعات المذاكرة هو المقياس وبعدين انتى اصلا بتقولى انه نفع السنين اللى فاتت يبقى ايه اللى مش هينفعه السنة دى:o اقتباس:
كده هتملى بجد فعلا انا كنت مش بدخل طول السنة الا على نهاية شهر اربعة لما عرفت المنتدى ده وكنت بدخل كل كام يوم نص ساعة كده عالسريع فده كان بيخلينى امل بسرعة جدا لان مكنش عندى وسائل ترفيه من اى نوع خاااااالص انما بعد كده كنت بتفرج على كونان الساعة 11 بالليل وعندى امتحان الصبح عادى جدااااااا بعد ماتخلصى اللى وراكى اهم حاجة اقتباس:
مهم جدااااااااا عشان تتخصى فى مجال انتى حباه والا فمش هتحبى دراستك زى ناس كتيييير بيجيبوا مجاميع طب ويفضلوا صيدلة او اسنان خير ان شاء الله ومتقلقيش برده وان شاء الله تطلعى من اول عشرة كمان باذن الله اقتباس:
وبرده بعد ماتخلصى اللى وراكى والنصيحة دى اهم حاجة بجد انا وزميلاتى فالكلية بنبقى علطول مع بعض اى حد مش فاهم حاجة بيشرحها للتانى وحلوة روح المودة اللى بتبقى بين الاصدقاء دى بتكون جميلة جدا وتطلعى بصحبة طيبة من دلوقتى اتمنى اكون رديت عليكى رد وافى واستفدتى من كلامى وخبراتى المحدودة فى رعاية الله |
اقتباس:
بس ياريت فعلا متحطيش فى دماغط انك لو ذاكرتيها هييجى على الحاجات التانية لا مش كده خالص انا مش عارفة انتى قصدك ايه بالضبط يعنى انتى مثلا عندك بكرة درس فيزياء هتقعدى وتذاكريها اليوم وتانى يوم تروحى مذاكرة الدرس اللى فات ومضبطاه ويومها هتذاكرى للمادة الجاية وممكن كمان لو الفيزياء عاملالك مشكلة ذاكرى حاجات ومسائل زيادة ايام الاجازة وعموما انا برده هابص فى جدول دروسك وهرد عليكى تانى باذن الله بس فى وقت لاحق لانى تعبانة شوية حاليا:078111rg3::078111rg3: |
شكرا ليكى جدا بس زى ما يكون عايزاكى تطلعى مشكلة هو ان شاء الله خير دايما
بس انا عايزة اسال هل الواقعية تتنافى مع الثقة بقدرة الله؟ بمعنى انى ما ينفعش بالا حال من الاحوال اطلع الاولى عالجمهورية مثلا لاسباب كتيلر اولها واهمها انى بالفعل ناقصة درجة ونص يعنى ما ينفعش هل انا كده لا اثق بقدرة الله ولا الواحد لازم يبقى فيه امل علاطول وشكرا ليكى مرة تانية على مساعدتك وربنا يوفقك فامتحاناتك ممكن اسال سؤال تانى .............. أكيد ممكن ولا ايه؟ هى صيدلة احلى ولا اسنان ولا ما تعرفي؟ وجزاكى الله خيرا مرة تانية |
ميرسى ياحبيتى انك اهتميتى ورديتى
بجد انا بدخل كل يوم عشان اشوف الحل ايه للمشكله دى ياريت ياجماعه ارجوكوا لو حد يقدر يساعدنى يرد ويقول ايه الحل اللى عنده |
اقتباس:
ربنا مش هيخيب ظنك فيه ابداااا استحالة ده يحصل انتى تعرفى يوم امتحان الاحصاء كنت مذاكرة كويس جدا واتوترت فاللجنة بسبب اللى حصل من بعض البنات فضلوا يعيطوا وكده انا اعصابى اتوترت وشفت حاجات كتير غلط وفضلت اعيط فالبيت عياط مش قادرة اوصفلك اد ايه والله العظيم جبت درجة مكنتش اتخيلها ابدا:o مجرد تخيل بس ربنا بيعوض فعلا طالما ان الانسان بيعمل اللى عليه وربنا اعلم بنيته فانتى متياسيش ابدا وربنا اللى فيه الخير اكيد هيكون كاتبهولك باذن الله اقتباس:
وده كلام دكتور الاسنان اللى ماما بتروحله قالها يفضل انها تدخل صيدلة فهى احسن ليكى صيدلة دراستها جميلة وممتعة وتقدرى تفيدى الناس باذن الله اقتباس:
اقتباس:
وحاولى متوصليش نفسك لمرحلة الملل اللى بتتكلمى عنه طالما انك عايزة فعلا تعملى حاجة لازم هتعمليها مهما كانت العوائق ريحى كده بين كل ساعة وساعة واهم حاجة حاولى انك تستمتعى بالمذاكرة اللى بتذاكريها وفرصتك الوحيدة بعد كده محدش هيشرحلك اى حاجة مش فاهماها لو اخدتى المذاكرة كانها حاجة حلوة هتحلو معاكى كتيييييييير وجربى الكلام ده يوم واحد مش هتملى منها ابداااااااا |
اقتباس:
الكيمياء كان عندى كتب كتير فيها قديمة و جديدة كان كل كتاب شارح فصل معين بطريقة أحلى من التانيين فكنت بجمع بطريقتى المنهج و صورته و اديته لواحد صاحبى طبعًا كان حجمهم مش كبير يخلصوا فى أقل من يوم بالكتير أوى و صاحبى موثقش فى ملخصى و فضل أنه يذاكر من كتاب المدرسة و للأسف جاب درجة يا رب لا تجيبوها و فعلاً الملخص جه منه الامتحان كله و لو ذاكره كان ممكن يجيب النهائية اللى مجبتهاش بس للأسف نقصت بشكل كومدى مش هقوله بالنسبة للاستنتاج ده موهبة عظيمة بس خليها فى الحك فى كل الأحوال ازاى بأن أى حاجة توصليلها باستنتاجه قصيرة و سريعة يعنى دورى على أسهل استنتاجه لكل حاجة فى منهجك لربما تنسيها الحاجة ده فتقدرى تستنتجيها فى ثوانى بالنسبة لعدد الساعات مش مهم أهم حاجة ليالى الامتحان و الأهم مطلقاً توفيق ربنا-ربنا يوفقك- بالنسبة للمجموع مجموعك ما شاء الله جميل جداً و إن شاء الله تجيبى أحلى منه السنة ده آمين و على فكرة مجموعى غريب شوية ناقص فى كل مادة نص حلوة مش كده و الله كان ممكن أجيب أعلى و ممكن أجيب أقل و ببساطة شديدة و لكن ده مقدر و مكتوب و أقصد من كلامى أنك ممكن برده تطلعى من الأوائل بس دايمًا فى حاجة اسمها احتمالات زائد فيه حاجة اسمها الكارت الكارت ده لفظ بطلقه على الشىء غير المألوف اللى هو القضاء و القدر فممكن ببساطة تطلعى من الأوائل سواء بالاحتمال لأن مجموعك ما شاء الله أو بالكارت بأن مثلاً الامتحانات تيجى صعبة و تحليها كويس بس بالنسبة للقصص كنت غاوى قراية قصص السنة اللى فاتت رجل المستحيل و هارى بوتر و كنت بتفرج على يوغى و حالياً بتفرج على كونان و أصحابى كتير على المنتدى نفس النظام و لى بعض أصحابى غاويين قصص و مجلات عادى يعنى ده فى صالحك متقلقيش من ناحية الكلية دلوقت و أظن علينا فى المنهج البيت اللى بيقول يا من تحن إلى غد فى يومه قد بعت ما تدرى بما لا تعلم حاولى تتناسى الكلية دلوقت بالنسبة لمساعدة أصحابك ده شىء ممتاز و ربنا هيجزيك من حيث لا تحتسبى بس اعتمدى على الله دلوقت و ابدأى مراجعاتك بطموح و خليها على الله و بالنسبة للإجابة النوذجية طبقتها أهه اللى يرغى فى الؤال أرغى فى الجواب أظن رغيت أحسن رغى فى الامتحان السؤال الذكى جاوبه بذكاء و السؤال الغبى جاوبه بغباء هى ده قاعدة لأن سعات بتقابلك أسئلة يختلف فيها مدرسين لو طبقت القاعدة ده للأسف هتلاقيها بتدى إجابة النموذج بصى كاتب الرسالة الساعة كام ؟؟؟ هى دى بق مشكلتى هكتبها المشاركة الجاية إن شاء الله |
مشكلتى تتلخص فى أنى حاسس إنى بقيت كائن ليلى
الساعة البيولوجية قربت تتبهدل خلاص الفيزياء بره البلد و امتحانات بمعدل امتحان فى الأسبوع و امتحان ايه ولا 2008 و قريباً تلات أو أربع امتحانات دلوقت بقيت بسهر و أحيانا بذاكر و أحيانا لأ دخلت علمى رياضة عشان مبعرفش أحفظ و عشان أتفرغ للانجليزى و العربى للأسف الانجليزى الفيزياء كلته لحقت نفسى فى المنهج يتبقالى القصة العربى الحمد لله قليل الأدب من الطراز الأول مش حافظ أكتر من 90 من الأدب و طبعاً ما خفى كان أعظم فى الرياضة و الفيزياء تقريباً جيد جداً و لكن مستوايا وحش فى الحديثة لأنى محضرتش حصص فيها و فيها نظرى كتير و تحتاج فهم معقد ربنا يستر عارف أنى يمكن عايش الدور و بستهبل بس كل اللى قولته قابل للتصليح و قلبه كله مميزات و الله أكبر و إن شاء الله كل الأمور تتعدل و أتفوق على نفسى السنة ده لأنى علمى رياضة رغم أنى جايب تمانية و تسعين و شوية ى عادى بالنسبالى و لم أكن لأدخل علمى علوم بس استشرتكم و مستنى آراءكم يمكن يكون حد عنده حل أفضل و بإمكانكم تخيل باقى المشكلات و هى صحيحة إن شاء الله و لكن لم أذكرها عشان الوقت كفاية سهر الناس المفروض يصحوا دلوقت و رايح أنام حاجة زى الفل يا رب عدل أمورنا جميعًا آميــــــــن يمكن كنت رغاى على عكس طبيعة الصبيان عامة و طبيعة خاصة بس يكفيكم تعرفوا أنى لأول مرّة أعرض مشكلى لحد حسبى الله و نعم الوكيل و طول عمرى كافينى و ده أول و آخر مرّة إن شاء الله أقول لحد مشاكلى خلوها على الله |
اقتباس:
اولا انا مش باخد ولا فيزيا ولا رياضة بس بالنسبة للعربى وخصوصا الادب حاول تذاكر كل مدرسة ف الادب مع النص بتاعها يعنى الكلاسيكية مع غربة وحنين الرومانسية مع المساء وهكذا هاتلاقى الموضوع اسهل شوية لان غالبا خصائص المدرسة هاتطلعها من النص من غير حفظ يعنى .. وممكن حضرتك تشوف الجدول ده http://www.thanwya.com/vb/showthread...32#post1230532 لو قدرت تمشى عليه هايكون كويس لان فيه مساحة انك تاخد جنب الحاجات دى اجزاء من مواد تانية الانجليش بقى .. ممكن كله على بعضه كدة يخلص ف 4 او 5 ايام بالكتير هاتاخد كل يوم 5 وحدات وشابترين من القصة وبس .. بالنسبة لان اليوم متشقلب عندك وبتنام الصبح وبتقعد باليل وكدة مش هاقدر اتكلم لانى نفس النظام ده بس حاول ف الايام دى تظبط مواعيد النوم واحدة واحدة يعنى قلل السهر شوية وبدل ما تنام الساعة 6 او 5 خليها 4 وبعدها 3 وشوية شوية هاتلاقى الموضوع اتظبط عشان ايام الامتحانات ماتسهرش للصبح لانه بيأثر على تركيزك وربنا يوفق حضرتك ان شاء الله |
نسيت حاجة بالنسبة للانجليش حاول تخلصه كويس جداا اليومين دول لانك رياضة يعنى مش عندك قبل امتحان الانجليش غير يوم واحد يعنى مراجعة سريعة وبس حاجة كمان بلاش نت اليومين دول عشان الوقت مايضيعش مش باقى غير 25 يوم بالظبط بالتوفيق ، |
طيب انا لسه اهو مخلصا اولي ثانوي و هابدأ دروس شهر 7 قولولي اعمل ايه انا علمي ان شاء الله ؟؟ و انا هافضل اذاكر من شهر 7 الي 6 ؟؟موش يبقي كتييير ؟؟ و ايه هيا اكتر حاجات بتعطل؟؟
|
اقتباس:
شهر 7 ؟! انتى متأكدة انه شهر 7 فعلا يعنى ؟ انا ف تانية وتالتة بدأت حاجات من اول 8 وحاجات من نص 8 وجيت على شهر 4 وبقيت مش طايقة افتح كتاب ممكن يكون العيب فيا ف استنى حد تانى يرد عليكى افضل عشان انا حاسة انى باحبطك مش عارفة ليه :d |
مش عارفة انا حسة ان كتير اوى انك تبداى من شهر 7
هو كويس اوى تبداى مع الدراسة عادى جدا علشان متزهقيش من المنهج بسرعة ولازم تتفسحى وتلعبى وتاخدى قسط كافى جدااااااا من الراحة قبل هم الثانوية ده وخلى بالك النت بيسحب الوقت جامد اوى وربنا معاكى ونشوفك دكتورة اد الدنيا |
انتي لو من الناس اللي لو قعدت قدام الكتاب مش تقوم غير وهي تعبانة من المزاكرة مش زهق
ابدا من بكرة لو حبيتي انا بدأت من اول 9 وشكلي بقي شبه الموميا هم اللي بيدخلوا الثانوية العامة صدقني بيتحولوا بص نصيحة ابدأي من نص 8 وقت مناسب وكويس واوعي تضغطي ع نفسك في الاول عشان مش يجيلك حالة ملل ع شهر 1 وبتحصل لناس كتيييييييييير جدا منهم انا أبدأ عادي اللي مطلوب منك زاكريه ومن شهر 3 ابدأ الشغل اللي ع أصلو وربنا يوفقك |
اقتباس:
|
اقتباس:
يعنى اصلا ده يرجع لافراز مادة الميلاتونين اللالمستعانى احنا بنتحكم فيها مش حد تانى يعنى كل شى وليه سبب وحل وتوكل على الله لانه لايغير مابقوم حتى يغيروا ما بانفسهم وربنا يوفقنا باذن الله ونعدى السنة ديه على خير كله محقق امانيه واحلامه والله |
السلام عليكم
انا بقى عندى مشكلة جديدة النهاردة لى صديقة علمى رياضة هى كانت جايبة88 بس حبت تكمل رياضة 2 وطبعا اهلها مش مشجعينها بالمرة كلام من انتى ما تنفعيش بمعنى مندمينها على كل حاجة(اى نعم هى كانت مهملة بس هى اتظلمت فى الكيميا بجد) المهم انها فعلا كانت مهملة طول السنة ديه يعنى مثلا تنام بال16 ساعة(حقيقة)وما تروحش درس العربى او علم النفس عشان كده وهى طبعا بتبقى ندمانه بعد كده بس زى ما تقواى مافيش حافز مع انها فعلا نفسها تدخل هندسة ووالدها واعدها بحاجات كتير لو عملتها ودخلت هندسة وانا بقى ياما قعدت معاها بالساعات انصحها اعملها جدول واشجعها بس كانت المشكلة انها فى البيت مثلا مشاركة فى كل حاجة ايا كان اللى وراها بمعنى ممكن تغيب من دروس مهمة عشان كانت بتغسل او بتنشر او بتمسح او بتعمل الغدا ووووووووووووووووووووو وكمان عشان هى مش معايا الافى درس علم النفس فكنتش برضه متابعاها قوى لدرجة ان مرة كنت هخليها تيجى الدروس معايا بحيث اتابعها فى حل الفيزيا والعربى لكن الرياضة هى كانت مطمنانى عليها كويس فى البدايه بس ما نفعش تروح معايا لان مواعيدها كانت هتبوظ وبعد كده جداول كتير ما تتنفذش واساتذتها كمان كانوا اللى مش بيحل فيزيا خالص بيشرح بس وتيجى تحل ما تعرفش طبق القوانين والعربى مش بتروحه علاطول والرياضة يعنى(المشكلة انها بتاثر بكلام البنات كتير وتصرفاتهم)يعنى كانت عرضت على واحدة صاحبتها ياخدوا درس رياضة تانى عند استاذ كدة خصوصى قالتلها لا ومخدوش وبعد كده طلعت التانية جايبة الاستاذ ده عندها فهى تعد تفكر قوى فى كده كتير لدرجة انها بدات تفكر تاجل اى حاجة وطبعا كلنا بنقوللها لا يابنتى اوعى تعملى كده المهم بقى اللى حصل بعد كده والدها توفى بفشل رئوى حدا فى اول اسبوع من شهر 5 وطبعا هى مؤمنة بقضاء اله وكل اللى بتفكر فيه ان السنة تخلص وخلاص بس البيت عندهم طبعا مليان ناس علاطول وهى كدة مش هتعرف تعمل حاجة فنفس البنت بتاعة الاستاذ اياه عرضت عليها يذاكروا فيزيا مع بعض وخاصة الحديثة عشان ما كانوش فتحوها ففعلا بقت تروح عندها واقولها خلصتوا اد ايه تقوللى من 7-12 مساءا خلصنا نص الفصل ال12 عشان كان طبعا فى استعباط فى النص وكمان طبعا هى مش بتعجبها المذاكرة ديه فلما تروح تذاكر من جديد بقى بالورقة والقلم(حاليا كل حاجة تذاكرها بتكون زى اول مرة يعنى بالورقة والقلم)وده بياخد وقت رهييييب ومرة تانية كانوا المفروض بقى يخلصوا ال12 لقيتها بتقولى لا ما خلصناهوش طب ليه يا بنتى تقوللى اصل انا لما رحتلها كانت بتتفرج على ستار اكاديمى فطبعا اتفرجو مع بعض وبعدين جات واحدة(من اصحابنا) تعزيها فروحت وما كانوش عملوا حاجة فالعبدة لله طبعا بعد كده اجبرتها تيجى تذاكر معاها وتعملها جدول نهائى وتتابعها فى المواد بعد ماقالتلها ما تروحش عند البنت ديه تانى وبقت فعلا تيجى الصبح ونتفق هنعمل ايه قالتلى انها المفروض تحا امتحانات السنين رياضة وهى تعتبر مش حله ربعها ولا كتاب المدرسة والفيزيا كان ناقصها حاجات كتير وحتى اللى مذاكراه مش فاكراه والعربى هتشيبله ال13 يوم كلهم والانجليزى كان عندها امتحان تجريبى علانهج كله نهاية الاسبوع اياه وكده بدانا نظبط جدول فيه انها تخلص امتحانات الرياضة وبعد كده حاجات كانت عمرها ما ذاكرتها فى الفيزيا(عشان بعد كده تبتدى مراجعة الفيزيا)وكمان الانجليزى عشان امتحانها اللى ممكن تتطرد لو ما راحتهوش وفعلا بقت بتجى عندى لما تبقى بتحل رياضة ابقى انا بحل كيميا او عربى اللى انا كنت بروحه وهى لا (بس انا عند استاذ غير استاذها) وحلت فعلا كل بتوع الدينا ميكا ومش عارفة الجبر كمان وبعد كده خليتها تحل كتاب المدرسة تفاضل عشان هى ما كانتش بتحبها( بس بقى كانت وقفة قدامها مسائل تكامل وانا بقيت ببص معاها لانى بعشق الرياضة وهى قالتلى انه عكس الاشتقتق وبقيت بجبها بالفهلوة لحد ما قالتلى على القانون اللى بيجيبوه بيها وده كله طبعا من وقتى اى نعم انا ما عملتش العربى اللى مان المفروض اعمله ساعتها بس انا الحمد لله مش مزنوقة) وخلصته وبتخلص بتاع الجبر دلوقتى ولسة بقية الامتحانات والفيزيا كنت بشرحلاها حاجات فى الحديثة وهى تروح تحفظها(وده طبعا مش فى جدولى) وعلم النفس كنا بتراجع ونروحه وفعلا فضيلنا كده بتاع 10 ايام صبح وليل(وطبعا احنا بنات يعنى ممككن نتساهرى شوية ) بس بعد كده جات زى ما تقولى هتجت غى النص ورجعت نامت يتاع 12 ساعة وماراحتش حصيتين فيزيا وكنت انا قربت ازهق لانى بعدى عليهل كل يوم الساعة8 بعد الكيميا عشان اصحيهاواخدها وهى ساكنة فى الخامس وانا رجلى بتوجعنى اصلا ومن زمان مش بروح العلاج الطبيعى فبقيت اكسل اعدى عليها بس اتصل بيها وترد والاقيها ما جتش عشان نامت تانى لانها نايمة الساعة6 صباحا ليه عشان هى اتفرجت على التليفزيون وسمعت يونس فخلصت اللى عليها ماخر وكده بقى بقيت بحس بالذنب لانى لو كنت عديت عليها كانت هتيجى او تروح درس الفيزيا وكده بقى واضح ان حلها ما تعدش فى البيت كتير لانها بتضيع وقتها بسهولة بس ده مش ينفع عشان مامتها تزعقلها لما تتاخر وكده وفعلا كان فيه يومين هى ما جتش فيهم وانا بقيت اعد عالنت اكتر فى المقابل بمعنى انها كانت بتشجعنى برضه من الاخر انا مش عارفة اعمل ايه هل وقتى بيضيع ولا بيتوفر ودي مراجعة لى برضه(مع العلم انى عملتلها فعلا جدول تراجع بيه العربى مرتين والفيزيا بتراجعها دلوقتى) وهى مش عندى دلوقتى عشان لما اتصلت عليها على 9 قالتلى انها نايمة 6 وخلصت من اللى كان المفروض تعمله الرياضة بس وكان النفروض عليها شوية فيزيا وانجليزى وصحيح الامتحان اياه اللى كان وراها دخلته وهى معاها 7 فصول قصة ومراجعة كل الوحدات من غير ما تحل عليها وهو كان رخك شوية فهى هتجيب بتاع 40 كده عشان هى كمان متسرعة المهم بقى انا مش عارفة اعمل ليا وليها ايه ايه احسن حل او طريقة نتعامل بيها مع بعض مع العلم انى خلاص خليت من اهدافى انى افرح والدتها بان بنتها تدخل هندسة يعنى اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ وياريت المشاركة تتحذف بعد الرد عليها باكمل وجه وشكرا جدا |
مش عارفة بجد يا مريم اقولك ايه بس انتى بتقولى انها لما مش بتبقى معاكى انتى كمان بتضيعى وقت ولما بتكونوا مع بعض بتذاكروا افضل ولو كل واحدة فيكم بتحل حاجة مختلفة ف حاولى تخليها ترجع تذاكر معاكى تانى وبجد ربنا هايجازيكى خير انك بتساعديها وهايسهل عليكى حاجات كتير وحطى ف نيتك انك بتعملى كدة عشان ربنا وبرضو لما هى تجيلك بلاش تتكلموا كتير ف حاجات برا المذاكرة عشان الوقت مايضيعش وامتحان الانجليش اللى فات .. خليها ماتتضايقش لو جابت درجة مش حلوة لان زى ما بتقولى كان باقيلها حاجات ماخلصتهاش والامتحان كان رخم وهى اتسرعت ف حاجات بس قوليلها بعد كدة تركز اكتر ف الاجابة وماتتسرعش يعنى حاولى دايما تشجعيها وتقفى جنبها ربنا معاكم انتو الاتنين ياا رب ويكرمكم :) |
اقتباس:
|
اقتباس:
على فكرة هو اللى كنت مديله مراجعات الكيمياء و عاند و ذاكر من الكتاب مع أنه من واقع دراستى للكيمياء لو هقيم كتاب المدرسة آخره 70% حلو و الباقى وحش و بالقوى كمان المهم نصايحى لصاحبتك العربى حاولى تخليها فى آخر الأيام تركز على التوقعات الرياضيات قوليلها تجيب كتا 100% مراجعة فيه ملخص و تمارين محلولة و تمارين للإجابة و متجاوبة فى آخر الكتاب الفيزياء ربنا معكم و عمومًا خليها تركز على ال100 سؤال و الامتحانات الحديثة يعنى من 2004 تقريبًا و الأسئلة المهمة من المدرسة و النماذج الانجليزى فيه كتاب اسمه المعلم مراجعة فى أسبو مختزل المنهج جدًا جدًا جدًا و هى هينفعها فى المراجعة الطيران و على فكرة على حكاية تضييع الوقت و كده فأحب أقولك الدرجات فى الامتحانات تعتمد على توفيق ربنا أولًا و أخيرًا و كفاية مراجعة الامتحان و متنسيش المنتدى بيرفع الروح المعنوية للكل و مش بس كده أى حاجة مش فاهمها بتلاقى الكل بيساعد أو بيحاول و ربنا يوفقك بجد بجد و تطلعى من الأوائل على الجمهورية إن شاء الله |
| جميع الأوقات بتوقيت GMT +2. الساعة الآن 04:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.