بوابة الثانوية العامة المصرية
صفحة 4 من 5 « First 23 4 5
عرض 50 مشاركات من هذا الموضوع لكل صفحة

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   اخبار الامتحانات معاكو اييييييييه؟؟؟ (https://www.thanwya.com/vb/showthread.php?t=97758)

نسمه عبد اللطيف 23-01-2009 12:13 AM
اقتباس:
المشاركة الأصلية كتبت بواسطة shimaa 2010 (المشاركة 1040772)
انا مجموعه ب كنت داخله والنظرى مش ضمناه لانى مرجعتوش والعملى يعنى فدخلت النظرى الفت فيه والحمد لله والعملى يعنى كويس بس الاجابات النهائيه حاسه انها مش صح ربنا يستر بقي
انا عملت زيك والله يا شيماء الفت شويه في النظري والعملي كان 4 مسائل 2 حلتهم كويس و2 مش متاكده من الحل النهائي:078111rg3:

نسمه عبد اللطيف 23-01-2009 12:15 AM
اقتباس:
المشاركة الأصلية كتبت بواسطة mostafa_music (المشاركة 1039469)
الحقوووووووووووووونى
انا هاشيل الانتاج
الامتحان كان زززززززززززززززفت
والامتحان طويييييييل
امتحان منيل بـ60 الف نيله
بعد الشر يا مصطفي قووووول يارب ان شاء الله ناااااااااجح وكلنا يارب احنا طلابه غلابه

نسمه عبد اللطيف 23-01-2009 12:25 AM
اقتباس:
المشاركة الأصلية كتبت بواسطة princessyoya (المشاركة 1041555)
ايه الفشل دة هي مش ناقصة الواحد اتخنق من كل المواد اللي بيحبها واللي مش بيحبها وفضلنا مادة واحدة عايزين نشجع بعض شوية خلينا نخلص فاضل تلت ايام علي امتحان الموارد ومعرفش لحد دلوقت غير ان المادة دي المفروض اراجعها باني اتفرج علي برنامج سر الارض ومجبتش ملزمة المراجعة بتاعتها ومليش نفس اذاكرها ها امشي بالمثال بتاعكوا ولا في حل تاني عشان ان شكلي اتجننت:romarioxp6: امال هكمل الاربع سنين ازاي :confused:
لا يا يويه ونبي حاولي تذكري والله الموارد دي اناشلتها عسان مكنتش مذاكرها كنت فاكره انها صح وخطا وقارن وقلب لا بتيجي علي هيئه اسئله كبيره ومينفعش تتوقعي فيها لان سؤال عارفه او لا ومعرفتش احور فيها انا مش بخوفك والله بس خدي بالك وحولي تقريها وحده وحده وبصي علي الامتحانات وركزي علي الاسئله اللي في الامتحانات ربناااااااااااااااااااااااااااااا يوفقك

لومة fces 23-01-2009 05:15 AM
اقتباس:
المشاركة الأصلية كتبت بواسطة نسمه عبد اللطيف (المشاركة 1042455)
انا عملت زيك والله يا شيماء الفت شويه في النظري والعملي كان 4 مسائل 2 حلتهم كويس و2 مش متاكده من الحل النهائي:078111rg3:

يااااااه يا نسمة انا زيك بالظبط بس انا 2 حلتهم و 2 ماكملتهمش للاخر اصلا
يلا ربنا يسترها

نسمه عبد اللطيف 23-01-2009 01:44 PM
اقتباس:
المشاركة الأصلية كتبت بواسطة لومة fces (المشاركة 1042810)
يااااااه يا نسمة انا زيك بالظبط بس انا 2 حلتهم و 2 ماكملتهمش للاخر اصلا
يلا ربنا يسترها
لومه ربنا معاكي ومعانا انا وانتي وشوشو زي بعض القلوب عند بعضها ربنا يستر

vampire1188 23-01-2009 06:26 PM
اقتباس:
لومه ربنا معاكي ومعانا انا وانتي وشوشو زي بعض القلوب عند بعضها ربنا يستر
وانا زيكوا والله !! .. برده حليت مسألتين ..

بس المسألة التالته بقي حليتها اه بس اكتشفت انها طلعت غلط

يالا .. اذا كان مكتوبلنا نشيلها هانشيلها .. ولو مكتوبلنا ننجح فيها هاننجح ..

vampire1188 23-01-2009 07:12 PM
النهارده الحمدلله خلصت 7 شباتر في الكمبيوتر http://l.yimg.com/us.yimg.com/i/mesg/emoticons7/18.gif

بس صراحة المادة خفيفة http://l.yimg.com/us.yimg.com/i/mesg/emoticons7/113.gif وماتستاهلش شد اعصاب زي المواد اللي قبل كدا http://l.yimg.com/us.yimg.com/i/mesg/emoticons7/26.gif

مش باقيلي غير 3 شباتر بس واخلص بقي ..

بس المشكلة اللي مواجهاني بقي .. صعوبة فهم الـ flow charts

حاجة كدا غريبة .. واللي نفسي اعرفه بقي امتي الـ accumlator دا بيتحط ؟!

والبروبليم برده في الحتة اللي في النص اللي بنحط فيها المعادلة والـ greater than والـ less than

ان كان على المسألة دي مش مشكلة .. بس المشكلة ان عليها 4 درجات .. حرام يروحوا يعني

ياولاد الحلال .. حسنة قليلة تمنع بلاوي كتيرة http://l.yimg.com/us.yimg.com/i/mesg/emoticons7/17.gif

اللي يعرف الـ accumlator دا بيتحط ليه وامتي يقولي عشان هيا دي المعضلة الوحيدة اللي واقفة قدامي

mostafa_music 24-01-2009 12:33 AM
اقتباس:
النهارده الحمدلله خلصت 7 شباتر في الكمبيوتر
يابختك .. انا لسه فى التالت :(
اقتباس:
بس صراحة المادة خفيفة
هى خفيفه اه .. بس اللى مايركزش فيها هايتلغبط كتيييييير
اقتباس:
مش باقيلي غير 3شباتر
انت كده فاضلك 2 مش 3 ..علشان الفصل العاشر ملغى

بالنسبه لل accumlator دا انا لسه ماوصلتلوش

shimaa 2010 24-01-2009 03:11 PM
ادعولى بقي لانى انا شايله مووووارد وعندى امتحان يوم الاتنين ده بتاع الموارد ويوم التلات عندى الحااااسب وانا هطحن هطحن دعواتكوا معايا:slap1qk6: بقي علشان انا والله ماعارفه اعمل ااااااااااااااااااااااايه

فرسان الحق 24-01-2009 04:13 PM
هو فيه ايه الاداره دى ما لها و الطلبه عندنا فى اوله اصول اداره و اضربنا فيها ضربه سوده و شاكلى ربنا يستر و ما شيلهاش و اه الموارد و الانتناج و التسويق شايفكم مدايقين منهم الاداره دى مالها و مال الطلبهانا هخلص بكره و هاخد الاجازه اخر ماده ةمحاسبه ماده لذيذه جدا و جميله و بتتلم بسرعه انا لسالى النظرى فقط و حليت امتحان 2006 انتظام فى ساعه و خمس دقائق و امتحان انتساب فى ساعه و عشر دقائق يعنى الحمد لله معنوياتى فى السماء فى المحاسبه و مش قلقان خالص و بالاخص ان تقريبا انا حليت تمارين الكتاب و المحاضراتربنا معاكم و تحلوا فى الحاسب كويس و يوفقكم كلكم

mo7amedshiko 24-01-2009 05:58 PM
السلوكية بتاع اولى جامعه االقاهرة كانت كلها صعبة وربنا يستر فى الموارد

vampire1188 24-01-2009 06:21 PM
اقتباس:
انت كده فاضلك 2 مش 3 ..علشان الفصل العاشر ملغى
ياراجل ؟ .. الفصل العاشر ملغي ؟ .. دانا كاتب عليه من فوق very important

بدليل ان الدكتور ماحذفش فيه حاجة ..

عموما اديني خلاص الحمدلله خلصت التاسع .. وهابدأ اخش في الـ exam models

اقتباس:
بالنسبه لل accumlator دا انا لسه ماوصلتلوش
لا مانا الحمدلله .. اخيراااااا فهمتها النهارده

بص ياسيدي .. الـ counter بيتحط لما بيديلك عدد عمال في المسألة ..

فانتا بتبدأ الـ counter بصفر عشان هوا لسه بيبدأ يعد ..

وتخلي البروجرام يبدأ يقرا (read record)

وبعد كدا تضيف واحد للـ counter عشان تخليه يبدأ يعد (add 1 to counter)

بعد كدا قبل مابتنهي المسألة ماتنساش تقفل الـ counter بعدد العمال اللي مديهولك

اما بالنسبة للـ accumlator اكتشفت انه مرتبط ارتباط وثيق بالـ commision

بمعني انه هوا الجزء المسئول عن حساب الـ commision في المسألة

فلو في المسألة مدي commision يبقي حط accumlator .. لو مش مدي ماتحطش

واما تفتح الـ accumlator في الاول افتحه بصفر ..

واما تحسب الـ commision وتخلصه خالص .. رحل الـ commision للـ accumlator

وتكتب فيها add commision to accumlator ..

واما تخلص خالص اعمله end of file لو ادا نتيجة صح خليه يعمل stop

لو ماداش نتيجة خليه يبدأ من قبل قراية الفايل ..

princessyoya 24-01-2009 09:18 PM
حاضر يا نسومة بحاول والله اهو وبضغط علي نفسي لاني كارهة الموارد والدكتور بتاعها مادة ملهاش لازمة اصلا كلها دش وبس وحاسة من اول السنة اني شايلاها

وربنا معاكي يا شوشو ومعانا ان شاء الله عشان اللي بيتعمل فينا دة مش شوية

shimaa 2010 25-01-2009 03:19 PM
نفس المشكله لازم كل مره ادخل اكتب مشاركه علشان اشوف المشاركات الجديده مع ان انا لما بدخل القسم بتاع المذاكره بيبقي عادى لكن ده بتاع الامتحانات لسه زى ماهو لازم اكتب علشان اشووووف

shimaa 2010 25-01-2009 03:28 PM
ربنا معاكى انتى كمان يا برنسيس يويا وذاكرى الموووارد كويس كويس انا لسه بعك فيها لانى كنت بذاكر الحاسب بس يا جماعه انتو عندكم عملى كمان في الحاسب انا كل الملزمه بتاعتى(ب) صح وغلط و اكمل العباراات بسسسسسسسسسس مفيش اللى انتو بتتكلمو عليه ده ع العموم الحمد لله انه مفيشش اصلها بينى وبينكم مش ناقصه كفايه عليا المووووارد ربنا عالم بيا فالملزمه صغيره الحمد لله

vampire1188 25-01-2009 08:58 PM
اقتباس:
يا جماعه انتو عندكم عملى كمان في الحاسب
اه عندنا .. بيتمثل فيه حاجة اسمها الـ flow-chart ..

واكيد اخواتنا في قسم كلية الحاسبات عارفينه لإنهم بيدرسوه

بس كويس والله مش وحش .. هوا بس عايز دماغ صاحية ومركزة ..

وانا الحمدلله خلصتها النهارده http://www.haridy.com/ib/images/smilies/pleasantry.gif ومعا ذلك برده خايف منها

لإن كل حاجة بتخش في بعضها ..
شكلي هاييجي وقت واقوم مقطع الكتاب والملازم وكل حاجة http://www.haridy.com/ib/images/smilies/close_tema.gif

رونالدينهوو 26-01-2009 12:50 AM
كان عندى امتحان انهاردة سلوكية هوا كان شديد شوية بس انا الحمد لله كتبت فيه

والحمد لله خلصت امتحانات خالص شدوا حيلكوا وربنا مع الجميع

mostafa_music 26-01-2009 02:05 AM
اقتباس:
المشاركة الأصلية كتبت بواسطة رونالدينهوو (المشاركة 1048397)
كان عندى امتحان انهاردة سلوكية هوا كان شديد شوية بس انا الحمد لله كتبت فيه

والحمد لله خلصت امتحانات خالص شدوا حيلكوا وربنا مع الجميع

شكلك اخدت بمقوله اكتب اكتير تاخد درجات اكتر!!!


اقتباس:
شكلي هاييجي وقت واقوم مقطع الكتاب والملازم وكل حاجة http://www.haridy.com/ib/images/smilies/close_tema.gif
انت جى على اخر ماده وتعمل كده
دى الحاسب ماده لذيذه
كنت تعملها فى الانتاج
ولا النقود والبنوك:abdoog8:

vampire1188 26-01-2009 03:27 AM
اقتباس:
دى الحاسب ماده لذيذه
كنت تعملها فى الانتاج
ماهو للأسف المواد دي ماينفعش اقطع الملازم فيها .. لإن احتمال كبير اشيلها

فاهي ممكن تنفع السنة الجايه !

يالا ماهو احباط بإحباط بقي !!

فرسان الحق 26-01-2009 07:57 AM
هيه امتحان المحاسبه جه امتحان جميل جدا و الحمد لله حليت عشره على عشره و خلصت فى ساعه لكن فى درجه ضاعت منى لان جه سؤال فى النظرى بيقول لى ايه اسباب رفض الشيك و هعمل لى اربع اماكن نقط و انا معرفش غير ان رصيد الساحب غير كافى و هبلت فى النقطتين التانيين و اه ومش مهم درجه مع انى معرفش السؤال ده مش موجود فى المذكرات ليه
الحمد لله خلصت اخيرا و اخدت الاجازه اخيرا

a_2007 26-01-2009 02:45 PM
انا الحمد لله خلصت امبارح والمحاسبه فعلا كانت جميييله جدا بس يافرسان الجحيم سؤال اسباب رفض الشيك ده فعلا مش موجود فالمذكرات بس انا وبلا فخر غششته بسرعه للى حواليا وانا افتكرته من تمرين كان بيقول ان البنك رفض الشيك لعدم كتابه التاريخ وعدم كتابه المبلغ بالحروف فقمت رزعاهم وخلاص والحمد لله حليت ميه ميه الدكتور ده كان باين عليه من الاول ان طيب والله بس انا خرجت بعد ساعه بالظبط ملقتش حد خرج اتخضيت بس الحمد لله راجعت وعرفت انه صح يلا ربنا معانا والنتيجه تطلع حلوة اخباراولى تجارة القاهرة ايه ياجماعه عملتم ايه النهارده؟ طمنونا

رونالدينهوو 26-01-2009 07:56 PM
اقتباس:
المشاركة الأصلية كتبت بواسطة mostafa_music (المشاركة 1048523)
شكلك اخدت بمقوله اكتب اكتير تاخد درجات اكتر!!!
فعلا ده مبدأى فى امتحانات الكلية حتى اللى بحله فى كل المواد تقريبا من دماغى يعنى قليل لو من الكتاب

mostafa_music 27-01-2009 03:24 PM
تم بحمد الله النتهاء من الامتحانات
الحمدلله امتحان الكمبيوتر جه النهارده يعنى كان نص نص

ال complete كانت تقيله شويه
وخريطه التدفق كانت سهله
والصح والغلط كانت سهله

اه بالمناسبه
على فكره يانسمه الامتحان بتاعنا فى الصح والغلط هو هو نفسو الامتحان بتاعكو فى الصح والغلط بالنص
انا شوفت الامتحان بتاعكو لقيتو بالنص فى الصح والغلط
يعنى كنت ممكن تشوفيه قبل ماتخشى الامتحان

نسمه عبد اللطيف 27-01-2009 03:26 PM
عملتوا ايه يا جماعه انا امتحاني كان شغاااال لحد ما بس حليت وخريطه التدفق كانت سهله بس ربنا يستر علينا وننجح كلناااااا المهم عملتوا ايه شوشو ومصطفي وفامبير وطمطومه ونائل ولومه وانت يا جماعه عملتوا ايه محمود ويويه وفرسان الجحيم (محمد)وكوين دونه والناظر ومولي رونالدينهو وmado وa_2007وreal man يارب اكون منسيتش حد وبتوفيق :av4056bb7jp3:ويارب كلنا ننجح:av4056bb7jp3:

نسمه عبد اللطيف 27-01-2009 03:27 PM
بجد والله كان هو هو

نسمه عبد اللطيف 27-01-2009 03:29 PM
اقتباس:
المشاركة الأصلية كتبت بواسطة mostafa_music (المشاركة 1051432)
تم بحمد الله النتهاء من الامتحانات
الحمدلله امتحان الكمبيوتر جه النهارده يعنى كان نص نص

ال complete كانت تقيله شويه
وخريطه التدفق كانت سهله
والصح والغلط كانت سهله

اه بالمناسبه
على فكره يانسمه الامتحان بتاعنا فى الصح والغلط هو هو نفسو الامتحان بتاعكو فى الصح والغلط بالنص
انا شوفت الامتحان بتاعكو لقيتو بالنص فى الصح والغلط
يعنى كنت ممكن تشوفيه قبل ماتخشى الامتحان
كده يا مصطفي طب كنت قولي خليك فاكرها بس احنا كمان الكمبيليت كان صعب برضه

realman0129 27-01-2009 04:02 PM
يا جماعة فين جدول الترم الثاني انا سمعت انه نزل قدام مدرج ج ود
لو اي حد نزل يا ريت يجيب جدول اولي واو
ايه اخبار الامتحانات معاكو
انا الحمد لله في كل المواد ما عدا السلوكية

shimaa 2010 27-01-2009 07:15 PM
ايه الاخبار يارب خير انا عن نفسي اشمعن يعنى الحاسب اللى هيجلى كويس فكده كلو محصل بعضو حتى الحاااسب

vampire1188 27-01-2009 08:47 PM
الامتحانات اخيراااااا خلصت ..

امتحان الكمبيوتر على فكرة كان جاي بيس وميه ميه والله

ربنا يستر بقي في النتيجة .. وعلى فكرة امتحان تانية (ز) هوا هوا امتحان تانية (د) برده

معا اختلاف سؤال الـ complete في بعض الأجزاء ..

نسمه عبد اللطيف 27-01-2009 11:37 PM
اقتباس:
المشاركة الأصلية كتبت بواسطة vampire1188 (المشاركة 1052019)
الامتحانات اخيراااااا خلصت ..

امتحان الكمبيوتر على فكرة كان جاي بيس وميه ميه والله

ربنا يستر بقي في النتيجة .. وعلى فكرة امتحان تانية (ز) هوا هوا امتحان تانية (د) برده

معا اختلاف سؤال الـ complete في بعض الأجزاء ..
عندك حق مصطفي برضه قالي كده بس ازاي الدكتور يعمل كده

vampire1188 27-01-2009 11:42 PM
اقتباس:
عندك حق مصطفي برضه قالي كده بس ازاي الدكتور يعمل كده
ماتعرفيش .. انا واحد صاحبي في تانية (د) عندكوا شاف امتحاننا قبل مايخش يمتحن

طلع من الامتحان بيقولي امتحاننا زي امتحانكوا .. فاستغربت .. خدت منه الورقة

اتلاقيت فعلا الامتحان هوا هوا ماعدا سؤال الـ complete وسؤال الـ flow-chart

بس مش مهم الدكتور ازاي يعمل كدا .. المهم اننا الحمدلله كويسين في المادة وعدينا منها بسلام

مش باقي بقي غير اننا ننتظر النتيجة .. والسؤال الذي يطرح نفسه ...

وماذا بعد ؟؟؟؟؟؟؟

لومة fces 28-01-2009 12:16 PM
ازيكم يا جماعة
الحمد لله الامتحان بتاع الكمبيوتر جه حلو شوية احسن من اللى فاتوا
يلا ربنا يستر بقى مستنية النتيجة
بس الاهم من كل ده انى خلصت امتحانات:av4056bb7jp3: وخدت الاجازة وهدخل عالنت براحتى بقى
:av4056bb7jp3::av4056bb7jp3::av4056bb7jp3:

فرسان الحق 28-01-2009 12:44 PM
الف مبروك ليكم يا جماعه على انكم اخدتم الاجازه و ياريت كلكم تدخلوا موضوعى و تقولوا انتم ناويين تعملوا ايه فى الاجازه غير النت طبعا

realman0129 28-01-2009 01:12 PM
يا جماعة انا عايز اعرف ايه اخبار دكاتره الترم الثاني
شركات اشخاص هالة الخولي
اقتصاد نوال قاسم
اكونت ا سامه زكي و عبدالعاطي عبد المنصف
بزنس احمد فهمي
قانون سعيد جبر و محمود عبد الرحمن
يا ريت لو حد يعرف مين الدكاتره دول يقولنا

طمطومة 28-01-2009 02:14 PM
السلام عليكم ورحمة الله وبركاته

ميرسى يانسومة على سؤالك
الحمدلله الامتحان كان كويس اوى الحمدلله اهى حاجة نشم فيها نفسنا

والحمدلله على الاجازة ويارب تبقى سعيدة وتمر بسلام

طمطومة 28-01-2009 02:18 PM
السلام عليكم ورحمة الله وبركاته
بالنسبة لسؤالك عند الدكاترة
شركات اشخاص هالة الخولي
د هالة ادتنى محاسبة الترم الاول فى تانية صراحة شرحها حلو ومنتظمة بتجى المحاضرات بس بتيجى متاخرة بس امتحانها ماكنش حلو بالمرة

اكونت ا سامه زكي
الدكتور ده شرحه تحفة ورجل تحس انه محترم كدا سمعت انه من سنتين بس جه يدرس لانه كان فى اميركا

بزنس احمد فهمي
شرحه حلو بس بيخرج عن موضوع الشرح كتير وبيربط الاحداث بالشرح وماتعرفش تفصل ايه الل فى المنهج وايه اللى براه

بالتوفيق

shimaa 2010 28-01-2009 03:02 PM
الحمد لله ان احنا خلصنا على خير

vampire1188 28-01-2009 05:04 PM
اقتباس:
شركات اشخاص هالة الخولي
اقتصاد نوال قاسم
اكونت ا سامه زكي و عبدالعاطي عبد المنصف
بزنس احمد فهمي
قانون سعيد جبر و محمود عبد الرحمن
يا ريت لو حد يعرف مين الدكاتره دول يقولنا
انا ماعرفش فيهم كلهم غير هالة الخولي و نوال قاسم

دكتورة هالة زي ماطمطومة قالتلك كدا .. زائد كمان انها مديرة مركز البحوث اللي عندي العيوطي

بالنسبة لدكتور نوال .. شرحها كويس جدا .. بس رغاية اوي .. وايدك هاتوجعك من الكتابة ..

غير انها شراينة وبتتخنق من اي حد يسألها .. ولو بعتلها سؤال في ورقة لازم تعرفك

بس هيا في الاخر خااااااالص بتديك ليستة اسئلة وهيا دي اللي لن يخرج عنها الامتحان

وانا الحمدلله جايب معا الدكتورة دي 18 .. يعني ميه ميه .. هيا اي نعم المادة رخمة شوية وتقيله

بس فيها دماغ وعايزة واحد فاهم ..

اما باقي الدكاترة للاسف ماعرفش عنهم حاجة

لومة fces 28-01-2009 05:04 PM
اقتباس:
المشاركة الأصلية كتبت بواسطة realman0129 (المشاركة 1053230)
يا جماعة انا عايز اعرف ايه اخبار دكاتره الترم الثاني
شركات اشخاص هالة الخولي
اقتصاد نوال قاسم
اكونت ا سامه زكي و عبدالعاطي عبد المنصف
بزنس احمد فهمي
قانون سعيد جبر و محمود عبد الرحمن
يا ريت لو حد يعرف مين الدكاتره دول يقولنا
احمد فهمى شرحه جامد جدا وامتحانه كان حلو
واسامة زكى كمان كان بيدينى السنة اللى فاتت والسنة دى هو شرحه كويس برضه بس ماكانش هو اللى بيحط الامتحان عندى وهو فعلا كان مسافر ياطمطومة ولسه جاى من سنتين بس قبل ما يسافر كان بيدرس هنا شوية برضه وبعدين سافر قعد اربع سنين كده باين

a_2007 28-01-2009 05:24 PM
ميرسيه يانسمه بجد عالسؤال واكيد منستيش حد الحمد لله الامتحانات الى حد ما كانت كويسه وربنا يعدى الترم ده ع خير بقى

realman0129 28-01-2009 08:46 PM
شكرا ليكم يا جماعة علي المعلومات الجامدة دي
يعني في امل اجيب امتياز زيك في الاقتصاد يا فامبير
الترم الثاني هموت نفسي
عشان اللي بسمعه في سنة تانية مش هعرف اعمل حاجة هحاول اجمع اكبر درجات من سنة اولي
سلام يا اجمد جروب في كلية تجارة

mostafa_music 29-01-2009 02:11 PM
اقتباس:
المشاركة الأصلية كتبت بواسطة realman0129 (المشاركة 1053230)
يا جماعة انا عايز اعرف ايه اخبار دكاتره الترم الثاني
هو جدول المحاضرات نزل وانا مش واخد بالى!!!!

طب لو نزل جبته منين

mostafa_music 31-01-2009 05:29 PM
جدول الترم التانى
 
ازيكو ياجماعه
انا واحد صحبى نزل الجامعه وجابلى الجدول
وده جدول الفرقه التانيه مجموعه (ز)
مع ملاحظة ان المواعيد والاماكن هى نفسها اللى فى الترم الاول مع اختلاف المواد والدكاتره لكل الفرق
بمعنى انا مثلا فى الترم الاول كان عندى يوم الاحد من الساعه 8 الى 12.5 فى مدرج و
هايبقى عندى فى الترم التانى يوم الاحد برضه والساعه 8 وفى نفس المكان (مدرج و) بس مش نفس المواد طبعااا :)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
الاحد:
8-9.30 ......محاسبة حكومية .........د/ سيد احمد عبد العاطى ..........مدرج (و)
9.30-11 .....رياضة للتجاريين ........أ.د/ على شاكر ..................مدرج (و)
11-12.30 ...اداره عامة.............. أ.د/ عادل مبروك ................مدرج (و)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
الاثنين:
11-12.30 ....رياضة للتجاريين........ أ.د/ معوض حسنين .............مدرج (و)
12.30 -2 ....مبادىء القانون التجارى ....د/ عمر مؤمن .................مدرج (و)
2-3.30 ......اداره مبيعات-en .............د/ هناء عبد الحليم ..............مدرج (و)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
الثلاثاء:
5-6.30 ......اداره مبيعات-en ............د/ هناء عبد الحليم ...............مدرج (د)
6.30-8 ......مبادىء قانون تجارى ......د/ رجب كريم ...................مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
الخميس:
2-3.30 ......محاسبة حكومية ..........د/ احمد السباعى ..................مدرج (د)
3.30-5 ......اداره عامة ..............أ.د/ عادل مبروك...................مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

mostafa_music 31-01-2009 05:33 PM
الدكتوره هناء هاتدينا تاااااااااااااااانى:angry2::(
ضربتين فى الراس توجع:giljotiiniug3::giljotiiniug3:

فرسان الحق 31-01-2009 06:41 PM
طب محدش يعرف من الجماعه بتوع المنصوره جدول المحاضرات نزل ولا؟؟

mostafa_music 31-01-2009 11:28 PM
جدول الفرقه الاولى مجموعه (ز)
 
وده جدول اولى (ز)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
السبت:
3.30-5...مقدمة فى محاسبة (accounting) ...د/ احمد فؤاد....... مدرج (د)
5-6.30.....مبادىء قانون .......... د/ عمر مؤمن......مدرج (د)
6.30-8...مقدمة فى اداره الاعمال(busines) ... د/ امل عبد الحكم ...مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الاحد:
12.30-2...مقدمة فى علم الاقتصاد...أ.د/ خديخه الاعصر..... مدرج (د)
2 -3.30.....شركات اشخاص........ د/ محمد مهنا.......... مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الاربعاء:
8-9.30......شركات اشخاص........ د/ محمد مهنا......... مدرج (د)
9.30-11...مقدمة فى اداره الاعمال (busines)...د/ امل عبد الحكم....مدرج (د)
11-12.30 ...مبادىء قانون...... د/ رجب كريم ............مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الخميس:
11-12.30 ...مقدمة فى علم الاقتصاد .....د/ احمد السباعى.......مدرج (د)
12.30-2...مقدمة فى محاسبة (accounting)....أ.د/صبرى العطار...مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

mostafa_music 31-01-2009 11:47 PM
يا سبحان الله
سنه اولى (ز) دى حظها اسود
والله صعبانين عليا
طول السنه بيحضرو فى مدرج واحد (د)

نسمه عبد اللطيف 02-02-2009 12:44 AM
هاااااااااااااي يا جماعه محدش يعرف جدول 2د ربنا يستر علي الدكاتره

vampire1188 02-02-2009 05:02 PM
الله يخربيت كداااااااااا .. هناء عبد الحميد تااااااااااااااني ؟!

دا الواحد ماصدق يخلص منها في التسويق .. تيجي في الترم التاني تدينا برده ؟ .. وربنا دا ظلم

وعادل مبروك هايدينا ادارة ؟ .. مش دا برده عميد الكلية ؟

يالا مش مهم ..

اللي شاددني بقي في جدول اولي (ز) ان العطار هايديهم accounting تاني .. حاجة مش ممكن والله !

رونالدينهوو 02-02-2009 06:01 PM
اقتباس:
المشاركة الأصلية كتبت بواسطة mostafa_music (المشاركة 1062874)
وده جدول اولى (ز)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
السبت:
3.30-5...مقدمة فى محاسبة (accounting) ...د/ احمد فؤاد....... مدرج (د)
5-6.30.....مبادىء قانون .......... د/ عمر مؤمن......مدرج (د)
6.30-8...مقدمة فى اداره الاعمال(busines) ... د/ امل عبد الحكم ...مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الاحد:
12.30-2...مقدمة فى علم الاقتصاد...أ.د/ خديخه الاعصر..... مدرج (د)
2 -3.30.....شركات اشخاص........ د/ محمد مهنا.......... مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الاربعاء:
8-9.30......شركات اشخاص........ د/ محمد مهنا......... مدرج (د)
9.30-11...مقدمة فى اداره الاعمال (busines)...د/ امل عبد الحكم....مدرج (د)
11-12.30 ...مبادىء قانون...... د/ رجب كريم ............مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الخميس:
11-12.30 ...مقدمة فى علم الاقتصاد .....د/ احمد السباعى.......مدرج (د)
12.30-2...مقدمة فى محاسبة (accounting)....أ.د/صبرى العطار...مدرج (د)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ


ايه ده انتوا عندكوا كام مادة بالظبط
10 مواد يا نهار ابيض بتتذاكروهم ازاى دول


جميع الأوقات بتوقيت GMT +2. الساعة الآن 03:18 PM.
صفحة 4 من 5 « First 23 4 5
عرض 50 مشاركات من هذا الموضوع لكل صفحة

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.