|
يا جماعه انا كنت عاوزه منكم امتحانات الترم وكنت عاوزه اعرف هيا بتبقى ازاى يعنى صعبه ولا لاء او هايمتحنونا ازاى يعنى ياريتتنصحونى
|
السلام عليكم ازيكم يا احلى مهندسين ف مصر كلها ازيك ياسو وحشتينى اوى والبشمهندس الزعيم انا غيرت اللون اهو ازيك عامل ايه واخبار العيد معاكم ايه يارب يكون خير يارب وبالنسبه لهبه ازيك الاول بصى انتى تعالى عندنا المدرج ف اى وقت بالنسبه للامتحانات متخافيش خالص ومفيش امتحانات ميد ترم ف الترم الاول خالص غير رياضه ودى دكتور مهنا مش بيحاسب عليها لانه قال وبردوا بيقول لحد دلوقتى انه بيحط اعمال السنه على درجه الفينل وباقى الامتحانات (رسم وميكانيكا ووصفيه وكل الباقى ترم تانى)اه وفيه فيزيا ف الترم الاول وربنا معاكى وابقى تعالى المدرج واحنا اكيد هنستناكى |
السلام عليكم ورحمه الله وبركاته عيد سعيد على كل المسلمين يارب وعلينا احنا الازهرين خصوصا ويارب يكون العيد ده سعيد عليكم اختكم فى الله هبه:av4056bb7jp3::romarioxp6:
|
السلام عليكم
اخباركم ايه يا جماعه المذاكره اخبارها ايه معاكم الامتحانات قربت وربنا يستر |
بسم الله الرحمن الرحيم أنا جيت يا جماعة، إيه مالكوا زعلتوا كده ؟ ده إحنا في الهوا سوا ومفروض نستحمل بعض برضه بالنسبة للدواير: د. طارق ما شاء الله عليه، بس فيه مسائل بتشيب برضه، بس إن شاء الله مايجيبش المسائل الصعبة دي في الإمتحان الرسم : هو غالباً والله أعلم - حسب ما فهمته من كلام البشمهندسة ياسمين - منهجنا غير منهج البنات إحنا بيدينا د.محمد حلاوة و بناخد مكن - بسيط طبعاً - متجزأ وإحنا بنجمعه وبنربطه بسمامير خلصنا اللوح اللي علينا أصلاً وإمتحنا الميد التيرم ، والعملية سهلة يعني إن شاء الله المجالات : د.مهنا ماشي فيها زي الصاروخ، وإحنا مش ملاحقين نفهم حتى ، بس إن شاء الله لو قعدنا عليها هنظبطها يعني الرياضة : د.عبد ربه ماجاش من قبل العيد !!!! هي الميكانيكا اللي الواحد قلقان منها، لا فاهمين حاجة من د.شوقي ولا بناخد سكاشن ولا حتى بنذاكرها ربنا يستر ................. اقتباس:
بالنسبة للرياضة الترم الأول سهلة جداً إن شاء الله هو بس الاستنتاج الرياضي اللي تقيل شوية وشيبنا في إمتحان السنة اللي فاتت بس متقلقيش منها خالص، وحاولي على قد ما تقدري تضمني تقدير الرياضة في الترم الأول عشان أسهل بكتيير من الترم التاني |
السلام عليكم يارب تكونو كلكم بخير وتكون السنه دى تقديرها اعلى من السنه اللى فاتت بكتير طبعا زمانك يا ياسمين فرحانه مهو امتحان الميكانيكا بتعكوا اتلغى مين قدكو بقى مش احنا الللى بختنا وحش وامتحنا ومعرفتش احل حاجه دايما اعدادى دول مظلومين الحمد لله
هبه متكبريش المواضيع كده يا ستى ما اللى قبلنا معرفوش يحلو الميد ترم فى الميكانيكا احنا بقى اللى هنحله المهم لازم ننسى اللى نيلناه فى الميكانيكا ونبدا نذاكرها من جديد والله المستعان وسنه موفقه للجميع والسلام ختام |
ازيكم يا شباب عاملين ايه يا رب تكونو بخير وتكون السنه دى كويسه علينا وعليكم ويا رب تكون موفقين فى الاقسام ال دخلتوها وال فى اعدادى ربنا يعينه ويوفقه ويجيب تقدير ويدخل القسم ال هو عايزه
بالنسبه لامتحان الميكانيكا بالعكس احنا زعلنا لاننا كنا خلاص زاكرناها وعيزين نمتحن ونخلص لكن اهو لسه هنمتحن الاسبوع ال جاى دعواتكم معانا المشكله الاساسيه فى القسم ده هى المجالات الماده دى على راى المعيد خيال علمى بس كله بالمزاكره بييجى المهم الصبر ربنا يصبرنا يا رب يلا شدو حيلكم وال عايز حاجه يطلبها ويا رب نعرف نفيده يا رب |
http://i325.photobucket.com/albums/k...m/DSC01058.jpg
ده امتحان الميد ترم بتاع الميكانيكا ولاد عقبال امتحانا |
لا دى مش امتحان بتاعنا بتاع الميد ترم خالص
مين الى قال لك كده يابشمهندسه ياسمين |
لو فى حد عايز حاجه فى الميكانيكا اخوكم الباز موجود
اولى ميكانيكا بس ماشاء الله على الكتور مصطفى على والمهندس محمود ربنا يبارك فيهم |
ايه يا جماعه انتم رحتو فين والتوبيك ماله نام كده ليه الف مبروك النجاح للجميع
|
شاب جدييييييييييييييد
كيفكم ياشباب وطبعا ياشابات معاكم أحمد هندسة القاهره ان شاء اللهوعايز اخد رأيكم فى قسم التعدين والبترول
|
ان شاء الله انا معاكم هندسة القاهه معلش باه هنتعبكم انتو بردوا اخواتنا الكبار عايزين كل حاجه عن سنه اولى بالمواد وحتى طريقة المذاكره لو سمحتوا بالتفصيل الممل فيدونا لانى فوئت بدخولى هندسه وياريت بسرعه عشان الدراسه هتبدا افادكم الله
|
اولى دى اللى هيا اعدادى يعنى اولى جامعه بسرررررررررررررررعه
|
السلام عليكم
ان شاء الله معاكم اعدادى هندسة القاهرة بردوا |
| جميع الأوقات بتوقيت GMT +2. الساعة الآن 11:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.