هو احنا هانودي حاجه للكليه اللي اترشحنالها وهل لما نودي الحاجه دي بالمره هانسحب ورقنا من هناك يعني ولا اييه بس متهايقلي اذا احنا لازم نودي جواب للكليه الاصليه نسحب ورقنا بنفسنا ونستناش هما يبعتو الملف مش كده برده

mrro0o0o0o0k :)

كان نفسنا في اكتر .... اتظلمنا .... المهم احنا عملنا الي علينا
 

هو دا جارك الي كان جابلك النتيجة باليل قبلنا كلنا ..... خلاص انا كدا عرفت ان نتيجة التحويل خلاص على وشك الظهور انت قلتلنا نتيجة التنسيق من هنا راحت طالعه في اليوم الي وراها على طول
انت كنت زعلان من النتيجة صدقني والله يا بشمهندس كلنا اتبهدلنا في تنسيق السنة دي وعدد الطلاب الي استنفذوا الرغبات كان 1768 طالب من الشهادات المعادلة يعني كلوا اتظلم وخصوصا الامارات ...
يلا احنا مش هنعيد ونزيد في الكلام الي انتهى من زمان وانت كليتك تمام وانا مش بجاملك
وربنا معاك

اااااه هو
والله الحمد لله على كل حاجه منكرش اني كنت زعلان كا نفسي في هندسة بس هاعمل ايه اللي يختاره ربنا افضل طبعا
بس هو انتي جالك ايييه؟؟؟؟

انا قالي الملف حيتبعت لوحده

انا رحت مكتب التنسيق النهردة وكل اللي قدرت اخده منهم هو ان التحويلات للكليات المناظرة كلها اتقبلت الرغبة الاولى
الحمد لله
وقالوا الجوابات هتجيلنا عالبيت
سؤال بقى هو احنا اللي بنروح نسحب ملفاتنا ولا هم اللي بيبعتوها

شوف يا بشمهندس انا كنت جايبة 94 وكنت متأكدة اني اكيد لاحقة هندسة وقبل ما تظهر النتيجة كنت بدور في المواقع على اقسام الهندسة وتخصصاتها و اعادي هندسة ...وكنت كل ما دخل موقع الاقي المعظم بيقول صعبة و متعبة وبيموتوا وبيتكلموا عن اصحابهم بتوع اداب والكيات التانية وبيقولوا يا ريتنا كنا مكانهم كنا خلصنا يعني كل كلية ليها مميزاتها وليها عيوبها.....
وانا خوالى وعمامي كلهم هندسة ومن اصعب الهندسات كمان واحد هندسة الازهر والتانى عين شمس
وكنت بفكر في هندسة خاص قالولي لالا وانا بنت خالى راحت منها هندسة على درجة السنة دي ودخلت حاسبات يعني زي بعض .....
انا دلوقتي كلية الطب البيطري

انا الراجل قالي هتسحبه من الكلية اللي اترشحت ليها

بس النتيجة تطلع ونشوف الباقي

بالتوفيق ليكي يادكتورة وللبشمهندسه بنت خالك

مش عارف والله بس احنا مش لازم نروح نشوفها لان هيا غالبا ياما هاتجيلك عالبيت او هاتظهر عالنت وغالبا عالاتنيييين

ربنا يسهل ...... انا سمعت انها مش هتظهر عالنت وسمعت انهم هيتصلوا بينا يقولونا بالتلفون

اطمنوا يا جماعة
التحويلات المتناظرة كلها اتقبلت والله حسب كلام واحد مسئول في مكتب التنسيق
وانا جالي طب المنصورة الحمد لله

وانت عرفت النتيجة منين ؟ حد قالك ولا من النت ؟

يا جماعة انا جالى هندسة كفر الشيخ وروحت مكتب التنسيق وكتبت رغبات جداد اولى هندسة بترول والتانية هندسة اسكندرية والتالتة هندسة طنطا هل ممكن يتقبل تحويلى ولا لا