المشاركة الأصلية كتبت بواسطة sooomaaa (المشاركة 1418872)

خلاص الحمد لله خرجت من المعتقل بمجموع مش بطال 97.8
وان شاء الله هادخل هندسه حلم حياتى الحمد لله
بلييييز محتاجه حد يختار معايا مين احسن هندسه القاهره ولا عين شمس وايه السبب
انا سمعت ان دكاتره عين شمس معقدين والمناهج صعبه فهل الصعوبه ديه ضروريه ولا من غير لازمه رغى على الفاضى ؟؟؟؟؟؟؟؟؟
وسؤال تانى
هى فعلا هندسه القاهره اول سنه بيدرسوا بالعربى ولا ده كلام والسلام
على العلم ان انا ساكنه قريب من عيين شمس
بس خلاص

المشاركة الأصلية كتبت بواسطة master666666 (المشاركة 1460471)

المشاركة الأصلية كتبت بواسطة sooomaaa (المشاركة 1460877)

لا انا خلاص الحمد لله مش محتاره ناس كتير ساعدونى هنا
وانا جاتلى خلاص عين شمس
وان شاء الله ربنا يوفقك وتختار الى فى مصلحتك

المشاركة الأصلية كتبت بواسطة eng_dero (المشاركة 1469800)

ههههههههههههههههه
يخربيت هندسه القاهرة على عين شمس على زقازيق على كل الجامعات الواحد خلاص زهق

• بص يا ميدو انا جالى هندسه القاهرة والحمدلله الناس كلها بتقول كل حاجه وكل واحد برايى بس اللى طلعت منه
• ان انت عندك ترتيب الجامعات فى هندسه من ناحيه الشغل ومستوى الدراسه
• عين شمس - المنصورة_ الزقازيق_ القاهرة_اسكندريه
• والقاهرة مش بتفرق عن عين شمس غير ان فيها قسم بترول وطيران ومتهيالى لو انت محدد هتدخل حاجه غير دول يبقى مش ليها لزمه القاهرة غير ان عين شمس فايدتها فى صعوبتها وبالتالى يبقى الزقازيق وعين شمس احسن من القاهرة عشان كده انا هحول ان شاء الله
• اهم من ده كله ان ربنا يوفقنا باذن الله فالخمس سنين ويعدوا على خير ونطلع منهم مهندسين بجد منقعدش فى بيوتنا والعشرين سنه تعليم ميبقاش ليهم لزمه ربنا يستر

المشاركة الأصلية كتبت بواسطة kemozzazz (المشاركة 1423003)

يااااااااااه جيتى فى ملعبى ياسومة :d
بصى انا كنت هقولك على منتدى هندسة عين شمس اللى انا مشرف فيه عشان تستفسرى براحتك بس قولت بلاش عشان مش عارف ممنوع هنا ولا لأ انى اقوله
فالمهم انا هحاول اساعدك على قد ماقدر ان شاء الله
دلوقتى اللى قالك عن هندسة عين شمس معقدة ومش هتلحقى تاخدى نفسك والكلام ده كله اوووووووووعى اووووووووووووعى اوووووووووعى تكدبيه :d
الراجل عنده حق 100% :d
بصى انا هقولك ايه النظام فى اعدادى (لان دى اللى عاصرتها)
انا دخلت اول السنة فرحاان جداااا وقولت ياااه بشمهندس ابو كيمو وبتاع :d
بالظبط يومين ....نسيت خاالص كلمة بشمهندس دى :d
هو اساسا من اول يوم فى الدراسة فى محاضرات ...
هتلاقى فى الاول بالذات شادييييين جدا عليكوا
بغباء يعنى
ومحاضرات وبتاع
وهتلاقى كلام كتييييييييير مش هتفهمى منه ولا حاجه :d
(محبط جدا انا ) :d
انما بقى هتلاقى فى محاضرات جامدة جدا ولذيذة جدا جدا وهتحبيها لوحدك
بصراحه هى كلية تقيلة
لكن بغض النظر
كنا بنخرج وبنلعب ونروح الكافتيريا ونقضيها فى الجنينه وبنلعب كورة فى الكلية وكل حاجه ( ربنا يستر وانجح السنة دى ) :d
عندك بقى مواد ايه فى اعدادى عين شمس وايه نظامها
اولا الفيزيا ...المادة دى هتسمعى عنها احلى كلام فى حياتك ...انسى الفيزيا بتاعت زمان خاااااااالص
الحمد لله عندنا ميد تيرم الفيزيا الاول عبارة عن 10 اسألة اختيارات ....متخيلة ؟؟؟
لا بلاش تتخيلى
مين اللى بيجاوبهم ؟؟؟ ناس دحيحة المفروض :d
بالظبط مش عارف 4 % تقريبا مش عارف ولا اقل كمان فى الدفعة اللى مقفلين الامتحان :d
ده لو حصلوا الاربعة يعنى :d
من الاخر الفيزيا دى هتبقى العقدة يابومبو وفيها شيتاااات يااااااماااااااا :d


فى مادة اسمها تاريخ الانتاج والهندسة
عبارة عن مادتين انتاج وتاريخ
تاريخ دى عبارة عن كام ورقة تذاكريهم وتخشى الامتحان
وهى دى اللى بترفع الانتاج
ايه نظام مادة الانتاج؟
مادة غامضة جدا بالنسبالنا لاننا عمرنا ماسمعنا عنها :d
لو ذاكرتيها من الاول السنة ( وده مش هيحصل لانك هتحسى انك مش فاهمه حاجه ) هتقفليها وتجيبى امتياز كمان
من الاخر يعنى
مشكلة المادة بتاعت الانتاج حاجه ...فى محاضرة وكمان ورشة
الورشة بتبقى عبارة عن سكشن ونص ....وبتبقى طويلة اوى ومملة :(

عندك مادة الرياضة حلوة جدا بجد وفى عندنا معيد اسمه م رامى فاروق لو دخلتى عين شمس خدى معاه مجموعة :d

مممم عندنا ايه تانى يابو كيمو
اه الانجليزى ....ورقة تذاكريها وتخشى الامتحان قفلتى :d

ايه تانى ...
اه الرسم الهندسى
ربنا معاكى
لازم تتخيلى كويس بقى وترسمى
واحلى حاجه فى هندسة عين شمس
الوقت الطويل
يادوبك تمسكى المسطرة ال t من هنا يقولك هاتى اللوحة يابشمهندس :d
يعنى انتى بس محتاجه سرعة فى الرسم وهى بتيجى مع التدريب انما هى مادة حلوة جدا بس محتاجة شوية تخيل وتدريب
وهما هيدربوكى كويس جدا :d
احب اطمنك ان فى اجازة نص السنة
اجازة ها
ادونا واجب 4 لوحات :d
جسبى الله ...فكرتينى بأيام العذاب:d
والمادة دى بتبقى سكاشن بس مفيهاش محاضرات
من الاخر بتخشوا الراجل يقولكوا كلمتين ماتفهمهمش ويقولكوا ارسموا :d:d

فى مادة ال autocad بتاخديها يعتبر شهرين بس ولذيذه وساهلة وامتحانها فى البيت

فى مادة الاسقاط الهندسى
دى مادة لاااااااازم هتاخدى فيها كورس لو دخلتى هندسة عين شمس
بجد عايزه تخيل رهيييييييب جدا
وخط ارض وموازى عمودى موازى وكلام رهيب كده :d
المفروض فى المادة دى انك بتحولى الاشكال من الوضع ال 2d الى الوضع ال 3d
ماعلينا مادة لازم هتاخدى فيها كورس ده الطبيعى من بداية الترم التانى ...لان الترم الاول بيبقى سهل تقريبا يعنى تقدرى تذاكريه لوحدك ...من الاخر المادة دى لو وريتك حل مسألة هتفتكريه شخبطة ...المهم الكورس هيبقى عند واحد اسمه عبد النعيم (اما تخشى الكلية هتعرفى ان ده من رموز الكلية ) :d
تحسوا اكنى جاى اروج عن كورسات :d
بالنسبة للمادة دى برضه بيبقى فيها محاضرات وسكاشن كمان


عندك فى مادة كيميا ....دى تحضرى المحاضرات وتذاكريها كويس وتحضرى المراجعه بتاعت قبل الامتحان وان شاء الله تمام
وماتنسيش البالطو عشان المعمل :d
وفيها 10 شيتات بيتسلموا طول السنة خير ان شاء الله ابقى حليهم بأيدك اهم حاجه

وفى مادة حاسبات دى مادة ترم واحد تحضرى المحاضرات وزى الفل ان شاء الله

اها وفى لسه الميكانيكا ...دى المادة الوحيدة اللى الدكاترة بتوعها رئوفيين بينا ولذيذه اوى
بس لازم تذاكريها برضه

بصراحه مش فاكر عندنا مواد ايه تانى بس اكييييييييد فى مواد تانى :d
هو مشكلة عين شمس صعوبة الامتحانات كمان وضيق الوقت ...عمرك ماهتخرجى من الامتحان مخلصاه لو انتى ارشميدس حتى
بس هتلاقى كل الدفعة كده وده حاجه حلوة جدا لانها بتعلمك التفكير السريع

احب اقولك بعد الرغى ده كله انا مجموعى كان جايب برضه عين شمس والقاهرة
وكنت عايز اخش القاهرة عشان سهولتها
بعد اما فكرت اتأكدت انى مش هقدر استحمل مشوار القاهرة ده ابدا عشان كده دخلت عين شمس ده سبب
ثانيا عين شمس معروف عنها انها قوية
وناس كتير قرايبى فى شركات بيقولولى اما بيعينوا بياخدوا بتوع عين شمس الاول
وكمان حاجة
انا بعد السنة دى (لو نجحت ) فانا فرحااااان جدا انى اخترت عين شمس مش القاهرة :d
بغض النظر عن البهدلة بس كمية المعلومات اللى اخدتها اما بشوف اصحابى اللى فى القاهرة بنقعد نتريق عشان احنا متبهدلين وهما لأ ...بس فعلا بناخد حجات اكتر وافيد واللى بيعملوه فينا هو الصح عشان يطلع بشمهندس صح ;)
وعموما هبقى أأكدلك كلامى لو نجحت فى النتيجة النهاردة :d
لو مدخلتش تانى ورديت عليكى يبقى كده خشى القاهرة احسن :d
انا انصحك بعد الرغى ده كله حد من القاهرة برضه يتكلم عن اللى عندهم
بس مايبقاش رغاى اوى كده :d

معلش انا تقدروا تقولوا ماصدقت اطلع كل اللى جوايا :d دول بيعذبونا ياراجل :d