الله عليكى يامصر - وإنت منوره بالنصر----( ومبروك لكل المصريين)
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
بشرى لكل المدرسين اللى فى التصحيح هناوهنامشرفين
الناس الكبار رضيوا علينا ورفعوا المكافأه إلى (سبعين)
لكن لما قلنا الكنترول يرجع الإداره قالوا لنا يا طماعين
يعنى من الأخرما نحاولش وربنا يهدى لنا كل المسؤلين
اللى يبدو والله أعلم على راحة الغلابه بكدا مش ناو ين
ــــــــــــــــــــــــــــــــــــــــــــــــــ ـــــــ
ومبروك ياغاليه ياأم الدنيا وتدوم الفرحه يامصريين
وماهون علينا تعبنا وشعبتتنا فى أتوبيساتنا غير إننا ----------بحق ربنا كنا كل يوم بالفرحه والسعاده مغمورين
يعنى الشكركل الشكرلعم شحاته وأولاده ورئيسنا وأولاده المخلصين - -وعاشت مصربلد الوحده رغم أنف الحاقدين

بيانات مواطن مصرى
الاسم / عبد من عباد الله
الوظيفه / مدرس إبتدائى وما أدراك بمدرس إبتدائى فى نظرك أولا ثم فى نظر المسئولين
المرتب / مستوره والحمد لله لاأملك سوى مرتب الدولة لأنى مدرس دراسات
الوظيفه الإضافيه/بزرع كرنب وقرنبيط وخضارفى أراضى الناس بالإيجار وأبيعه فى سوق الجمعه بأرخص الأسعار
عيبى الوحيد/ حبى الكبير قوى للبلد دى --لأنى لأربط تراب أم الدنيا بأى شخصيه مهما أن كانت وحبى لها هو حبى لأولادى وأهلى وكل معارفى ودول كفايه ومبرر
لو كان حبى للبلد دى عيب يبقى أنامن ســاسى لراسى عيوب
ولاعمرى ظلمت خلق الله ولا ببكى أبدا على اللـبن المسكوب
وبالطيابه اللى بتحسبوهــا خيابه بقيت للناس ودود ومحبوب
ولاعمرى فى مره عملت ديب ليقينى إن ربنا---- رب قلوب
واللى يكره حضن أمه يبقى ياويله من غضبها ومن المكتــوب
ما هيعرف أبدا طريق ربنا وما هيرضى عنه المولى مهما يتوب
إرجع لرشدك وصون ياعم وطنك ومفيش عاقل يتباهى بالذنوب
__________________________________________________ ______________________________-
ياللى بتقول أنا حزب وطنى وأحنا الغلب نفسه ياحويط
وأنا المخروز فى الطين علشان أزرع لك كرنب وقرنبيط
تاكل وتشبع وتملا بطنك وولادى من الفقر ع الغدا والعشا
بياكلوا سريس وحميض وسلق ورجله وجعضيض م الغيط
ترجم لوكنت مصرى وإ وعى تسأل لاتبان قدام الناس عب..
ورغم كدا بعشق ترابها وأنا خدامها من غير بهرجه أوظيط
ودى طاقة نور وانفتحت للحريه وليه نرميها فى بير غويط
إحنا هنا إتعرفنا وبكل تحضر إختلفنا وإيه المبرر نقلبها كداإساءة وإهانه وتخبيط
وبعتذر للجميع عن أى لفظ أوكلمه يساءفهمها- واستمر ياأخ محمد فى هدفنا وبلاش تموج تانى بالسياره علشان الطريق مليان مطبات وربنا يستر لا يكون بفعل فاعل - وربنا يسامحك ياأستاذ/عبد الهادى--وبعدين أنا لوحزب وطنى ومرحرح زى مابتقول كنت هفضى لك يا خويا وادخل على بوابة الثانويه بتاعة الغلابه- لأطبعا كان زمانى فى البورصة أو فى صفحة التجاره العالميه--عفوا ياأخى لم تصيب وقلبت علي المواجع -سامحك الله يارجل-ومش كل الناس مستشارين للتعليم اللى بتكرهم ومقطعهم-وطلعت كمان زهقك من حرمان مشرفى النشاط من الكادر على إنسان غلبان شارب المر أكتر منك -- وشكرا لك على كل حال-والسلام عليكم ورحمة الله وبركاته