شكرا ربنا يكرمك

انا زيك بالظبط مش فارق معايا ينزل او لا بس فى ناس محتاجين انه ينزل
اصعب حاجه يكون حقك قدامك ومش عارف تاخده بس اكيد ربنا مختارلك حاجه افضل

هقلك انا حاجه ف معهد السنه لى قبل لى فاتت دخل كل فصل العلمى الى فيه طب مش فاكر 10 او 15 من الغش طبعا
اغلبهم سقطوا ف سنه اولى وراحوا حولوا كلهم دراسات مع بعض :)السنه الى فاتت
شوفتى بئه ربنا فضحهم واكيد الى ضيعوا حقنا والى رضيوا انهم ياخدوا حاجه مش من حقهم هيتفضحوا لو مكنش ف الدنيا يبقى ف الاخره
بس المهم انك تدخلى حاجه حاسه انك هتنجحى فيها انا مش هقلك تكونى بتحبيها لان كل الى احنا بنحبه ضاع
ربنا ييسرلك الامور ويكرمك ف الى هتدخليها وتبقى افضل من الى دخلوا حاجه ومش يستحقوها
ربنا يوفقك:)

على فكرة أنا كمان فوجئت لما سمعت الككلام ده و استغربت كمان
الله اعلم باللى هيحصل
الواحد خلاااص الحمد لله رااضى و دايما ربنا بيقدر لنا الخير
كانت بس صدمه ساعه النتيجه و مش اى صدمه بصراحه
بس الحمد لله على كل حال
و ان شاء الله ربنا هيكرمنا
( و لاتحسبن الله غافلا عما يعمل الظالمون )

ربنا يكرمك ويارب يكرم جميع طلاب الازهر ف الاول وفى الاخر الحمد لله على كل حاجة كنت ممكن ادخل طب وابقى مش متفوقة فيها مع انى للاسف كنت هانجح فيها لانى بحب الاحياء جدا بس انا دلوقتى بفكر فى حاجة واحدة بس انا التنسيق هايجبلى كلية ايه هو اه ما بقتش فارقة بس بيقولوا ان شريعة وقانون حلوة بس صعبة بس عادى لانى كده كده كنت بذاكر فى ثانوى وخصوصا انى بحب المواد الشرعية ودرجاتى فيها عالية ممكن تقولوا ايه رايكوا ادخلها ولا لا لو جاتلى يعنى ويارب كل واحد يكرمه بكلية ما كنش عامل حسابه عليها وينجح فيها

شريعة وقانون جميلة جدااااااا وياسلام لو كانت شعبة انجلش بس لازم تشدى حيلك فيها اووووى عشان تتعينى فى السلك الهيئة القضائية ان شاء الله .............


انتى مجموعك كام اصلا؟؟؟؟

انا بصراحة مجموعى يكسف بالنسبة لطالبة ف علمى انا جايبة 81 ولقيت ف الحدود الدنيا للعام الماضى مجموعى يدخلنى بس انتساب بس يارب يكرمنى والحقها انتظام وهى شعبة انجلش مش للادبى بس ولا ايه وشكرا للرد وجزاك الله خيرا

يارب يكرم الجميع من ناحيه كليات لازهر معنديش فكره اوى لانى كنت مركز ع كليات معينه
بس شريعه وقانون الى اعرفه انها كليه حلوه انا الصراحه فكرت فيها بس بعدين قدمت هندسه خاصه لو قلتلك انى مش عارف عايز ايه اصلا ومش قادر اتخذ قرار دماغى توقفت ع التفكير انا حاسس انى ف كابوس

ولا يكسف ولا حاجه كل واحد بياخد نصيبه ودا مش بادينا وصدقينى انا عمرى ما حكمت ع مستوى طالب ازهرى من مجموعه لانى شفت بلاوى كتير والله ناس متعرفش حاجه ف طب وصيدله وناس متفوقه دخلت دراسات
عارفا انا كنت فاكر الظلم بس ف الثانويه بس اعرف واحد كان متفوق دخل دراسات لغه عربيه حصل بئه من حظه ابن اخت دكتور معاه وكان مش شاطر وخايف يسقط عارفا اخد امتياز والتانى المتفوق جيد
الكل يقلك ادخلى لجامعه مادام مخدش حقك ف لثانوى ممكن تبقى معيد
الازهر كله سلطه ربنا يتولانا بئه:(
بعدين انا سمعت ان الانتساب اتلغى هذا العام الكل هيبقى انتظام والله اعلم هما ملهمش كلمه
امبارح سمعت واحد بيقول هندسه هتنزل 4 ف الميه
الظاهر الطلبه اتجننوا

بص يا محمد انا هاقولك على حاجة اولا شكرا على الكلام ده ثانيا انا كنت برده بفكر فى هندسة خاص بس بعد كده شيلت الموضوع ده من دماغى انا فى صحابى نسقوا عليها بس انا من رايى ان كليات الازهر مهما كان احسن بكتير لان فرصها فى العمل كويسة يعنى اللى خلانا نستحمل الازهر ده كله مش هتيجى على سنوات الجامعة ده ونحول عام ولا ايه وعلى العموم ربنا يوفقك

ايه الاكتئاب اللي انتوا فيه:(
وبعدين انا عايز اقول رائي في موضوع الغش ده (هو متأخر شوية)
هل في واحد فينا كان مستعد يغش ؟؟؟؟؟ :confused::confused:
اكيد لا لا لا:stickjo4:
احنا دخلنا الحمد لله بمجهودنا وحلينا وهو ده مجموعنا
خلاص نحمد ربنا عليه ونشوف حندخل ايه وايه احسن
كليه بالنسبة ليا اقدر ادخلها تناسب قدراتي
وافرح بالكليه الجديده :022yb4:حتي ولو مش هيا ديه اللي كنت عاوزه
وانسي خالــــــــــــــــص الكليه اللي كنت عايز ادخلها
ومش كل شوية اقعد اقول ده فلان غش وجاب مجموع:mad:
والله لو اعرف اعمل حاجة امنع الغش:slap1qk6: ده في السنين اللي جاية
يبقي جزاني الله خيرا
وعشان محدش يقول اني بتكلم وخلاص ومش عارف حاجة
وان اللي إيديه في الماء مش زاي اللي ايديه في النار
(((انا برده جايب 89% وكان حلم حياتي ادخل هندسة)))
بس لما عملت الكلام ده يعني إرتحت شوية:bosyht9:

كل الكلام ده صح جدا بس ايوه احسن حاجة ان الواحد طلع بمجهوده مش بالغش بس فى حقيقة محدش يقدر ينكرها انه فعلا لو كان التصحيح بضمير وعلى اكمل وجه انا كنت جبت اكتر من مجموعى بكتير وعلى فكرة الدراسة قربت خلاص المفروض الواحد ما يفكرش غير فى حاجة واحدة بس وهى هندخل ايه وهنذاكر ازاى وننجح فيها وكمان نجيب تقدير ان شاء الله

الازهر مش احسن من اى حاجه
حضرتك من المنيا مش كدا
ع فكره هندسه المنيا مش كويسه لو صحابك رايحين هناك قوليلهم بلاش افضل
وبالنسبه لكليات الازهر مش كويسه ف العمل ولا حاجه
من ناحيه نستحمل وكدا فلو الواحد استنى تانى ف الازهر يبقى بينتحر
كفايه الى حصل كفايه اوى

[quote=matrex14;2599148] ايه الاكتئاب اللي انتوا فيه:(

والله ما عارف الاكتئاب ماله كدا اصبح وباء ولا ايه:(بقى عند الاغلبيه
وبعدين انا عايز اقول رائي في موضوع الغش ده (هو متأخر شوية)
هل في واحد فينا كان مستعد يغش ؟؟؟؟؟ :confused::confused:
اكيد لا لا لا:stickjo4:

صدقنى كان ف ناس مستعده ومعاهد ودفعوا رشاوى لناس ف الازهر
واتفقوا مع مدرسين من اول السنه واتبعتت فيهم شكاوى بس حتى الكنترول متظبط
وجابوا مجاميع والى مجبش عمل اعاده تصحيح ودفع وجاب درجات وبدل علوم بقيت طب
والله كل الناس دى انا اعرفهم امال انا هتجنن ليييييييييييييييييييه وتعبان ليه
ناس فاشله جابت مجاميع عاليه ناس والله ماتعرف المقررات :angry2::angry2:قرف
احنا دخلنا الحمد لله بمجهودنا وحلينا وهو ده مجموعنا
خلاص نحمد ربنا عليه ونشوف حندخل ايه وايه احسن
كليه بالنسبة ليا اقدر ادخلها تناسب قدراتي
وافرح بالكليه الجديده :022yb4:حتي ولو مش هيا ديه اللي كنت عاوزه
وانسي خالــــــــــــــــص الكليه اللي كنت عايز ادخلها

ربنا يكرمك وتدخل الكليه الى عايزها شفت الدعوه دى قبل المغرب :av4056bb7jp3:
دعواتكم بئه
ومش كل شوية اقعد اقول ده فلان غش وجاب مجموع:mad:

مش بايدى بئه اعمل ايه كل ما انسى حاجه تفكرنى
بس لو التنسيق هر الواحد اعصابه تهدى شويه :(
والله لو اعرف اعمل حاجة امنع الغش:slap1qk6: ده في السنين اللي جاية
يبقي جزاني الله خيرا

اكيد ان شاء الله هعمل حاجه المعاهد دول مش هنساهم ابدااااااااا
وعشان محدش يقول اني بتكلم وخلاص ومش عارف حاجة
وان اللي إيديه في الماء مش زاي اللي ايديه في النار
(((انا برده جايب 89% وكان حلم حياتي ادخل هندسة)))
بس لما عملت الكلام ده يعني إرتحت شوية:bosyht9:[
ربنا يسهل بئه وتدخل علوم وهتبقى احسن من الهندسه
دكتور تحاليل وتفتح معمل :)
ربنا كبير ومش بينسى حد واكيد هناخد حقنا انا عارف كدا بس مش بايدى
دعواتكم


/quote]


بالتوفيق للجميع

فعلا لو تصحيح بضمير كنا جبنا مجاميع كويسه خالص
انا والله كنت جبت مجموع عالى امال انا ليه متغاظ لو مليش حق مكنتش زعلت
الواحد بيزعل لما يتعب ويذاكر وف الاخر بعد ا يحل وينتظر النتيجه تكون عكس التوقعات
حسبى الله ونعم الوكيل
بس يظهر التنسيق الرخم دا الواحد بجد اتخنق

انا ملاحظ اننا كل مابنحاول ننسي حد يطلع يتكلم في الموضوع ده
ويخلينا نرجع نفتكر ونتكلم تاني
فيريت محدش يتكلم في المواضيع ديه خالص:stickjo4:
يريت نتكلم في الكليات ((اللي احنا مش عرفين هي ايه)) بس اهو نتكلم عنها برضه غلاسه:p
اي حاجة بس خلاص كفاية نكد بقي انا زهقـــــــــــــــــت:angry2: