|
اولا انا ايه اللي كان هيجيبني مصر اصلا علشان اعرف اسافر تركيا ثانيا النيك نيم بتاعي لا يعبر عن اسمي
ثالثا او انت بجد مستعد لنقاش بس بجد نكون هنغير من راينا بجد بجد هنبقي بنعمل مناقشه ناجحه لو كدا انا موافق بجد والله وهيبقي انتي من الناس القليلين اللي انا بحترمهم بجد مستعدين |
<div class='quotetop'>إقتباس(go_away_u_broken_my_heart @ Jul 20 2007, 06:16 PM) [snapback]341235[/snapback]</div>
اقتباس:
اللي خلانا نبقي كدا يا محمد احنا بصمتنا بتجاهلنا بتعودنا عحاجات من غير ما نفكر بكسلنا بحاجات كتيره اوي ليه دايما بنرمي الحمل ع حد تاني ليه دايما بندور ع شماعه نعلق عليها فشلنا ف تحقيق احلامنا ليه دايما نقول المسئولين حرامية مش دول مصريين برضه ولا منين يالا شكرا ع المرور الجميل ومعلش لسه شايف ردك دلوقت |
<div class='quotetop'>إقتباس(mohamed amar @ Aug 8 2007, 05:54 AM) [snapback]344878[/snapback]</div>
اقتباس:
وانا والله لو اقتعت برأيك حقول كدا اوك بس سلام بقي بجد بكتب وانا نايم :D |
السلام عليكم ورحمة الله وبركاته
اهم حاجة عشان يكون فيه نقاش مظبوط اننا نلتقي في نقطة... انا نفسي افهم ليه في هجوم كبير كدة على الشعب المصري كان احنا من الشعب اليوناني مثلا... و برده عنوان الموضوع مثير للاستفزاز لانك بتشتم اكتر من 70 مليون بكلمة...الشعب المصري شعب مسالم دي عبارة جديدة يابسام...احتلال 72 سن من الانجليز و بعدين تحرير دة مصدر فخر لان المصري فضل محتفظ بهويته و لغته بعد 72 سنة ..مثلا شعوب المغرب العربي فقدوا اللغة العربية بعد الاحتلال الفرنسي و دة اللي محصلش عندنا في 72 سنة...ومتبصش ليه للعدوان الثلاثي و النكسة و غيره ؟... من المعروف ان في حاجة اسمها دورة حضارات ..مفيش حضارة بتظل مسيطرة على طول ...وانا مش بنكر ان مصر فعلا في مرحلة متأخرة لكن اكيد فيه أمل في أي شئ و استشهدت قبل كدة بالمانيا و اليابان اللي كانوا مجرد ركام من اققل من قرن... والحديث بقولهولك تاني (إذا قال الرجل هلك القوم فهو أهلكهم) شكرا |
شكرا يا محمد ع المرور الجميل
بس حقولها تاني انا مقولتش ان اشلعب المصري أسوأ شعوب العالم الشعب المصري ليه سلبيات زي اي شعب تاني والموضوع دا لذكرها واسم الموضوع اللي عاجبك مش بتاعي لان الموضوع منقول ندخل بقي ع حاجه تانية دوله تركيا ال تركيا ال المهم تقريبا النظام السياسي اللي ف تركيا هو النظام العلماني والعلمانية جزء من اهم اجزاء الليبرالية والليبرالية بتدعم الحرية الشخصيه وحريه ابداء الرأي ودا غير موجود ف تركيا ف ظل تطبيق خاطئ للعلمانية وفيه بحث بيقول ان عدد كبير من الفتيات بيتركوا المدارس عشان ممنوع ارتداء الحجاب ف المدارس وع ما اظن دا ضد الحرية الشخصيه غير مثلا ان القوانين الخاصه بانتخاب الرئيس ف تركيا اقل تقدم واقل عدل من اللي مطبقه بمصر دا غير ان الشعب المصري بيتميز باشياء مش موجوده ف تركيا زي التعاون والحب والمحبة والكرامه والشرف سلام وشكرا ع المرور |
<div class='quotetop'>إقتباس(mohamed amar @ Aug 8 2007, 05:54 AM) [snapback]344878[/snapback]</div>
اقتباس:
وصدقوني انا فعلا باتكلم عشان اناقش بجد وعشان لو حاجة فاهمينها غلط نغيرها اصل انا مش رئيسة مصر يعني عشان ادافع عنها منغير لازمة بس انا لغاية دلوقتي ملقيتش غير شتايم على المصريين وباكرر تاني انا مش باقول ان مصر احسن بلد في العالم ولا ان سلبياتها تتعد على الصوابع ولا فشر المسئولين دة اكيد مصر فيها سلبيات كتير بس لو ندور على اصلها هنلاقي ان معظم المشاكل بسبب الحكومة مش الشعب حاول تفكر لوحدك كدة في اي مشكلة اتعرضت في الموضوع ورجعها لأصلها هتلاقيه ياما نقص موارد ياما امكانيات ودي مسئولية الحكومة مش الشعب تعالو نشوف اصلا الشعب بيعمل ايه : الواحد عايز ياكل ويشرب ويلبس و يتفسح شوية يعني بالضرورة محتاج فلوس و الفلوس بتيجي بطريقتين 1- ياما حرام زي النهب و السرقة من المسئولين او معارفهم الي بيسهلولهم العمليات دي (ولاحظ ان الفلوس دي هي فلوس الناس من الضرائب وايداعات البنوك وغيره) 2- ياما حلال باننا نشتغل بس ياحسرة هو فين الشغل ؟ محدش بيشتغل شغلانة محترمة بمرتب كويس الا اللي عنده واسطة ومعظم الشعب واسطته ربنا (اللي هو طبعا اعظم من اي بشر) تلاقي 3 خريجين تجارة واحد ماسك رئيس مكتب فلان رجل الاعمال المشهور والتاني كاشير في سوبرماركت او بياع كراريس في مكتبة والتالت بياخد مصروف من اهله يجيب الجرنال ويشوف الوظايف الخالية مع كباية شاي ع القهوة اللي وراهم ودة بيحصل " يوميا " وبعدين شوف مظاهر الاحتفال برمضان مثلا وشوف الجو بيبقى عامل ازاي لما تفتح اي قناة اخرشهر شعبان عشان تشوف الرؤيا ويا سلام لو رمضان بكرة تلاقي علا طول اغاني رمضان شغالة في اي محطة وتخرج بالليل مع اصحابك في نفس اليوم وتلاقي كل الناس بتهنيك والستات الكبيرة تدعيلك كدة منغير مناسبة وتشوف الناس وهي بتعلق الزينات والفوانيس ينورو بيها الشوارع والعيال الصغيرة عمالة تلعب والناس كلها سهرانة للفجر بتهني بعض وتلاقي اول يوم رايحين نفطر عند تيتة في بيت العيلة وتقعدو كلكو على سفرة واحدة ومحدش يقدر يعتذر دة يوم مقدس مش بتحس بكل دة ؟ مين في البلاد الغربية يقدر اصلا حد يعمل فيه كدة ولعلمك الناس بتشجع بعض انها تحتفل وكدة .اااه تصدق حسيت بنشوة رمضان دلوقتي . سلالالالالالالالالالالام |
هههههههههه
شكرا ع المرور الجميل وبجد رد حل يالا اهو اول رد ف الايجابيات مين تاني ناوي يرد :D |
انتوا دخلتوا كل حاجة ببعضها
التعليم على البلد على النضافة على اللسلوكيات على تركيا معرفش ايه دخلها بالموضوع على الحكومة ومش الحكومة مع ان الموضوع خلص فى كلمتين:D ياريت تركزوا الحوار على حاجة واحدة .... بس مصر بجد مش هتحس بقيمتها الا فى الغربة |
<div class='quotetop'>إقتباس(mohamed_oweis @ Jul 24 2007, 12:52 PM) [snapback]342617[/snapback]</div>
اقتباس:
الشعب المصرى دة اجدع شعب لكن المشكلة ان نقص الدين دلوقتى هوا اللى مخلى كل المشاكل اللى انتا بتتكلم عليها دلوقتى رد هايل يا محمود |
شكرا يا باشا ع المرور بس مش نقص الدين بس
ماهي مصر بتمد الوطن العربي بأفضل الدعاه الاسلاميين فيه حاجات تانية ناقصه زي الاتقان وحب العمل والنظام وحاجات كتير بس دا ميمنعش ان الشعب المصري بيتميز بحاجات كتير جميله جدا وفيه برضه سلبيات لو اتخلص منها حيكون فعلا اجمل واحلي شعب ف العالم |
للأسف انا متابعتش الموضوع من الاول بس كان ليه تعليق صغنون
الاول اعذرونى لو كتبت حاجه غلط لانى زى مقلت معرفتش الم بالردود كلها انا مع اللى كتب عنوان الموضوع لأن بكل اللى حولينا مش كل حاجه نرميها ع الحكومه مع انها ليها دور كبير فى اللى احنا فيه وانا رديت عشان شفت الإستفزاز بتاع موضوع الختان ده فعلا بينطبق عليه كلمه شعب متخلف من المثقفين لغايه الفلاحين يعنى لو كان شعب بيفهم مكناش رغينا فى موضوع الختان ده كتير وحتى لو رغينا فيه مش ممكن يستمر الجهل ده بعد الضجه الاعلاميه دى ولسه ناس فى سوهاج والمنيا وطنطا وباقى محافظات مصر لسه الموضوع ده شغال فيها اولا الشخصيه المثكفه الدكتور لو احن قولنا معلش الصعايده متمسكين بعادتهم الدكتور كمان متمسك بعاداته ياسلااااااااااااااااااااام يعمل عمليه زى دى تضيع مستقبله المهنى مقابل ايه 50 جنيه لالالالالا شايفين المبلغ الجامد ده طيب الاهالى العاديه اللى مش صعايده ولا فلاحين متعلمين بيودوا ولادهم لعمل عمليه ممكن تكون نهايتهم المحتومه فيها وفى الاخر منتكلمش فى الموضوع ده غير لم اول طفله تروح ضحيه جهل وتخلف طب سيبك من الدكاتره والاهالى المصيبه الكبيره بقى هم الشيوخ لم يطلع شيخ ليه وزنه ويقولك لازم ومفروض زى فضيله الشيخ صفوت حجازى نبقى شعب متخلف ولا لأ؟؟ daredevilمشكور ع الموضوع وهستغرب جدا لو لقيت حد مع فكره الختان لأنها مش بتحصل غير فى افريقيا وانا متأكده انها مش ليها علاقه بالإسلام لأن المسيحين واليهود والكفره او عشان المظهر العام اللى بيعبدوا مظاهر الطبيعه فى افريقيا بيعملوها لأن حضرتك او جيت وشفت هتلاقى ماليزيا باكستان الناس اللى بطبق الدين احسن مننا مش عندهم الكلام الفاضى ده لأمتى هنفضل متخلفين كده فى وقت الناس التانيه سبقونا ولأمتى هنفضل نتكلم فى كلام فاضى ونضيع وقت اكتر انا كده طولت اوى بس انا كده مزاجى حلو بعد مكتبت |
| جميع الأوقات بتوقيت GMT +2. الساعة الآن 05:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.