سوري اني بدخل المواضيع في بعض

بس هنا تم مناقشة جزئية بسيطة عن التاريخ الاسلامي

لاني معنديش استعداد اعيد الكلام تاني

ولو عندك اي تعليقات يا ميرو ارحب بيكي على الخاص

http://www.thanwya.com/vb/showthread.php?t=417252

ـــــــــــــــــــــــــــــــــــــــ

جزاك الله خيرا استاذ طاهر

بتملى علينا نفس الكلام ؟
ياراجل ؟ انت فاكرنا بنحضر فى اسر اخوانجيه ولا ايه
فكرتنى بايام التعديلات لما كنت بتنافش مع الاخوان سبحان الله كلهم بيتلاقيهم حافظين نفس الحجج مش بيغيروها ابدا

التاريخ لا يكذب ولا يتجمل اقر التاريخ الاسلامى الاول وبعدين نتناقش

طيب نروح بعيد ليه عن استخدام الشريعة لابقاء الظلم هو مش الاخوان المسلمين ايدوا حكومة الجلاد اسماعيل صدقى برضك وحطوا ايه من القران ولا انا غلطان

حابب اكتب كلمتين عن معاييرى فى الاختيار وياريت لو نتناقش فيهم هيبقى افضل من الحديث عن اشخاص

اول معيار الدفاع عن الحقوق والحريات العامة والشخصية و حرية الراى والفكر والتعبير
ثانيا الايمان بحرية اطلاق الاحزاب والنقابات والجمعيات الاهلية والتجمع السلمى والعمل الطلابى
ثالثا احترام سيادة القانون واستقلال القضاء
رابعا الانحياز التام للشعب وايمانه بالعداله الاجتماعية

عايز ارد على 3 نقط الخاصة بالدكتور محمد مرسى
1-الاستبن:
كونه استبن ده دليل على قوة المؤسسة ,فالمؤسسة القوية لا تتوقف على اشخاص بعنيهم
و بعدين الصحابة فى غزوة مؤتة كان ليهم 2 قادة استبن,لما القائد الاول استشهد(زيد بن الحارثة) و تولى بعديه عبدالله بن رواحه و جعفر محدش قال ان ان مش همشى وره واحد استبن
2-اخوان+اخوان=اخوان:
اى دولة فى العالم هتلاقى ان الرئيس و الحكومة و البرلمان من حزب واحد
على سبيل المثال تركيا هتلاقى ان البرلمان و الرئيس (عبدالله غل)ورئيس الوزراء(اردوغان)و الحكومة من حزب واحد(العدالة و التنمية)
و عندك اخر حاجة اولاند لما فاز فى فرنسا و غلب ساركوزى قال لمؤيديه اللى عايز ان يكون فى تغيير تطبيق لرنامجى الانتخابى ينتخب نفس الحزب بتاعى فى الانتخابات التشريعية
لان هو ده منطقى
انت حزب و نازل ببرنامج و عايز تطبقو
النواب يصدرو التشريع و الحكومة من نفس الحزب تنفذو بكل بساطة و تلاقى الدنيا مشيا بسهولة و بسرعة
بدل ما يكون البرلمان و الحكومة من احزاب مختلفة و فى خصومة و تلاقى كل حزب يتلكك للتانى
زى ما انت شايف دلوقتى اليومين دول ما بين البرلمان و الحكومة
3-مشروع النهضة:
مشروع النهضة ده اصلا الاخوان شغالين فى من سنة 1997 و بيطورو فيه كل شوية بحيث يبقى مواكب على احدث تطورات
ده غير ان اللى حطو 1000 عالم و خبير و استاذجامعى
معظمهم مش من الاخوان
و زارو 50 دولة لاستنساخ التجارب الناجحة فى كل مجال
وعندك 16 لجنة استشارية متخصصة قائمة على المشروع
فلو حنتكلم على البرامج مشروع النهضة يكسب
اتمنى ان تكون النقط واضحة

مين انتو؟؟؟

وبلاش الرقم الخيالي دا

احنا مش هنسمع منك او منكي التاريخ

قاريينه والله وعارفين

واللي بتكلمه دا اصلا بالاضافة لدراسته الجامعية بيعمل دراسات اسلامية وقاري تاريخ اسلامي ومش منتظر منك المعلومة الخرافية دي

مش هنفضل طول التوبيك نقولك اقرا تاريخ وتقوللنا اقرو تاريخ

والله كل واحد قدامه الحقيقة باينة واللي عاوز يصدقها يصدقها واللي مش عاوز هو حر

بغض النظر حضرتك ولد ولا بنت ولا مسلم ولا مسيحي

مفيش انسان عاقل يقول الكلام دا

واضح ان العضوية دي عائلية ولا حاجة

نفس الجملة المستفزة

احمل لحضرتك كل كتب التاريخ واجي اقراهملك كلمة كلمة ولا اعمل ايه يعني

سبحان الله يا رب

يا ريت تحفظ لسانك

لم تقولى شيئا يستحق التعليق

بالنسبة لحفظ اللسان متقلقيش لو باظ عندى واحد استبن

كيف اصوت لرئيس حزب كان بيكتبوا على بوستراته غى الدعاية الانتخابية حرية نحميها عدالة نبنيها
ووافقوا على المادة 8 مكرر التى تبيح الخروج الامن ؟ يعنى قيمة العدل مش فى الاعتبار
طبعا احنا ممكن نفرد ردود طويلة نتناول بيها فقط التشريعات العدالة الاجتماعية التى لم تخرج من البرلمان واللى مكنتش هتكلفه حاجة ولا الحكومة تقدر تمتنع عن تنفيذها

جزيل الشكر لحضراتكم جميعا على هذا الحوار ، و لكن اسمحوا لى أن أذكركم أن هذا القسم قسم سياسى للنقاش حول القضايا السياسية فقط ، كما أن موضوع الاستاذ طاهر يطرح عدد من المرشحين ليعرض كل منكم المرشح المفضل لديه مع ذكر أسباب ذلك ، فأرجو ألا يتحول الموضوع الى محاور أخرى فى النقاش غير مطلوبة . انا لا اجد الحقيقة أى مشكلة أن يعلن كل شخص عن مرشحه وأسباب اختياره دون التجريح فى باقى المرشحين ، و أذكركم أننا الحمد لله بعد الثورة أصبحنا نختار من يحكمنا ، و شهادة أقولها لله أن كل المرشحين أو أغلبهم على أقل تقدير مقدرون ومحترمون وكل منهم له برنامجه و رؤيته فى كيفية تطوير مصر وتقدمها ، فهيا بنا نكون على مستوى هذا الحدث الكبير دون الدخول فى حوارات جانبية .
اتمنى أن يجد طلبى هذا قبولا لديكم