|
انا مع الزواج التقليدى لان الحب هيجى بعد الجواز يعنى اتجوز وبعدين احب
اما لو حبيت قبل الجواز واتجوزت اللى بحبه فب عد كده الحياة هتبقى مملة ده رايى |
اقتباس:
بس عمر مايكون فى حب قبل الجواز ......... ويكون قصة فاشلة لان دة هيكون حب من طرف واحد............ وعمر ماالواحد يكمل مع حبيبتة وهو حب من طرف واحد لازم نعمل مع نفسنا وقفة صغيرة ونعمل دعوة ........................للحب |
اشكر الجميع على ردودهم
|
صوا يا جماعه لو كل واحد فكر ان حياته هتبقي نصين نص معاه ونص مع شريكه{زوجتك او جوزك}اكيد ا هنفكر كويس اوي قبل ما نعمل خطوه زي دي..انا احب بس اقول حاجه ياريت متنخدعوش بالمظاهر سواء بالجمال فالجمال جمال الروح وجمال الروح متقدرش تعرفه من الشكل اللي برا..كذلك الدين او تنجذب لشخص لمجرد انه بيصلي او لابسه حجاب الدين برده اساسه الروح ومتعرفش الروح الا لما تعرف صاحبها كويس..الخ الخ سواء انجذاب لمال او حسب اونسب...الروووح اهم حاجه...وبصراحه انا برجح ان قبل الجواز يكون في خطوبه لان الخطوبه بتحط الواحد في امر واقع ولازم الواحد يكون فيها صريح..فاذا كنت لاقي انسان تحبه وخلاص خير اعمل خطوبه برده واعرف انها هتفرق معاك ولا جواز تقليدي واول مره تشوف شريكك او شريكتك اهي فرصه تعرفوا بعض..وتقدر تعرف شريكك من جوا..واذا في توافق بينكم ولا لا...وربنا يوفقنا كلنا
|
اقتباس:
|
لاااااااااااااااااا انا افضل جواز عن حب
|
اقتباس:
اشكرك على ردك |
اقتباس:
وانا لحترم وجهة نظرك :D |
الحوار ده محير لان الواحد عايز يحب و يتجوز عن حب و في نفس الوقت عايز جواز مضمون و خايف الهو يختارها ديه تطلع سكة """ و لكن جواز تقليدي بيبقة مضمون من ناحية العائلة :: و النسب و ممكن مهارات البنت : يعني ست بيت و الكلام ده :: انا ممكن احب و اختار و تطلع ملهاش اصل و تطلع مبتعرفش تطبخ :D و تقولي كفاية ان احنا مع بعض او تقولي كفاية ان انا بأكلك كل يوم حب :D:D:D
|
لا طبعا انا مش مع الجواز التقليدى خالص
لان الجواز ده مش لعبه ده حياة تانيه يعنى لازم نكون مرتاحين مع الشخص اللى هنكمل معاه حياتنا ازاى مثلا اتجوز واحد انا مش حساه واقول الحب هيجى بعد الجواز ده مش بيحصل حتى لو مفيش قصة حب يبقى على الاقل ارتحت له فى فترة الخطوبه بس فى الاخر انا ضد الجواز بالطريقة دى وربنا يوفقك |
يا جماعه فى أكتر من طريقه فى الجواز معرفش اى واحده هيا الجواز النقليدى او الصلونات يعنى مثلا: ان والدتى تشوف بنت صاحبتها فتقول : *والله انا عاوزه اجوزها لابنى* واروح اعد معاها وانا معرفهاش انا مش مع الجواز ده خالص فى بقى جواز تانى: بيبقى انا شفت واحده فى الجامعه مثلا وفى قبول مبدأى بروح أقولها :*انا معجب بيكى* وعايز اكلم والدك وكده ومش معنى كده انها خلاص ادبست وموافقه بالغصب لا لما اروح لوالدها ويبقى كلامى معاها فى البيت عندهم او فى التليفون بس كل البيت عارف ان فى مشروع جواز والله لقينا ان احنا فاهمين بعض كان بها ولو لا قدر الله مفيش توافق يبقى كل شئ قسمه ونصيب ويبقى برده مفيش خطوبه اتعملت ده جواز من وجهة نظرى جيد جدا. اما بقى النوع التالت: انى اخرج مع البنت ونهزر ونروح ونيجى من غير ما حد من اهلها يعرف كل ده عشان نعرف بعض انا شايف ان ده جواز تعبان كده واضراره بتبقى اكتر على البنت لأكتر من سبب: 1- اول حاجه انتى متعرفيش الشخصيه اللى قدامك دى عامله ازاى يعنى بيتسلى ولا راجل جد وبتاع جواز. 2-تانى حاجه لو محصلش نصيب هيبقى انتى بس قعتى تلفى فى الشوارع وتخرجى على مفيش. وفى شباب كتير للأسف مش بتتقى ربنا فى بنات الناس وفعلا لو الشاب مش عايز يتقدم عشان ظروفه مثلا فهوا ممكن ببساطه يروح لوالد البنت دى ويقوله والله انا ظروفى كذا كذا .. ومش هعرف اجوز دلوقتى بس انا قدامى مده معينه وانا منظم نفسى .. وهكذا يعنى بيحسس والد العروسه انه مش جاى يلعب وفعلا هوا جاد فى الموضوع. وبتيقى كل حاجه فى النور والبيت عارف ومش لازم الناس تعرف الا لو فى خطوبه بقى والموضوع مشى تمام *عشان يعنى البنات بتقول ان انا كده لو الموضوع ممشاش بتتحسب عليا خطوبه* معلش انا طولت عليكم عموما لو النوع التانى بيسموا جواز تقليدى يبقى انا اكيد موافق عليه وشكرا على الموضوع الجميل. |
ههههههه حبيبي انت دماغك عاليه قوي
مشكووووووووور |
اولا الجواز التقليدى احيانا يفرض نفسة علينا
والجواز التقليدى مش وحش وبعدين هو فية فترة خطوبة لية مش علشان الاتنين يفهموا بعض ويعرفو شخصية بعض يعنى الجواز التقليدى مش منتقد |
اقتباس:
يعرفها وتعرفة بس كل حاجة الا الجواز قسمة ونسيب |
هي فترة الخطوبة بتحل مشكلة الجواز التقليدي لأنهم بيعدوا مع بعض و يتكلموا و يعرفوا بعض.
زي ما قال attar>> فى بقى جواز تانى: بيبقى انا شفت واحده فى الجامعه مثلا وفى قبول مبدأى بروح أقولها :*انا معجب بيكى* وعايز اكلم والدك وكده ومش معنى كده انها خلاص ادبست وموافقه بالغصب لا لما اروح لوالدها ويبقى كلامى معاها فى البيت عندهم او فى التليفون بس كل البيت عارف ان فى مشروع جواز والله لقينا ان احنا فاهمين بعض كان بها ولو لا قدر الله مفيش توافق يبقى كل شئ قسمه ونصيب ويبقى برده مفيش خطوبه اتعملت ده جواز من وجهة نظرى جيد جدا. .. و دي أحسن حاجة |
| جميع الأوقات بتوقيت GMT +2. الساعة الآن 12:14 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.