|
ادخل اودتك ذاكر يلا ومش عاوش اشوفك في الاودة دى تانى
|
والله ما هتنفعي وابقي قابليني .... وبرضه الحمد لله بغيظهم وبنفع في الاخر ...
حطي لاخوكي ياكل .. ولا ده مش زي النت ... اعملي شاي ... مبعرفش اظبطه قوي يا ماما ... امال بتعرفي تظبطي الياهو بس ... الجعان بياكل اي حاجه ... دي كلمه بتتكرر عندنا كتير مع اني مش مقتنعه بيها ... هو انتي كده كلتي ولا خايفه الكمبيوتر يطير ... اخويا الصغير بقى : هاتي يا اميره العب في موبايلك ... يا حبيبي الموبايل هيفصل شحن ... ماشي افتكريها والله مش هشحنلك تاني ... ما تجيبي جنيه من الفلوس اللي على قلبك ... اختي بقى ... بزمتك انتي فتحتي كتاب النهارده ... ما تعزمينا على حاجه بدل ما انتي قاعده كده (مع العلم ان هي الكبيره مش انا ) ... ولما بابا يدخل عليا واناع المنتدى وع الميل في نفس الوقت ,,, يا بنتي ركزي في حاجه واحده .. ويقوللي انا مبحبش اقول لحد قوم ذاكر ... يعني بيحرجني بس بزوق ...جنتل مان بابا ده ... لما ماما تيجي من بره تلاقيني ع النت .... هو في واحده ثانويه عامه بتقعد كل ده ع النت ..اطفي البتاع ده وقومي زاكري وقبل ما تخلص كلامها بكون انا في اوضتي بذاكر ... مع العلم انهم كل شهر بيتصلوا بالمسترز بتوعي ويطمنوا على مستوايا وبيلاقوني الحمد لله مقصرتش بس هي دي طبيعة البني ادم .... اه ويوم النتيجه بتاعة تانيه ثانوي السنه اللي فاتت انا جبت 98% ماما تقوللي ايه .. والله يا حبيبتي كنت بدعيلك ... قولتلها امتى ده دا انا طول عمري اسمعك بتقوليلي مش هتنفعي ...بس ماشي هصدقك ... اه كمان مش عارفه ليه لما ماما تكون بتخانق فينا اخواتي كلهم يسكتوا وينفذوا لكن انا لاااااااااااازم ارد لاااااااازم ارمي اي كلمه ...واخواتي يقولولي اشمعنى انتي اللي اتسحبتي من لسانك ما احنا كلنا ساكتين ... كمان الكلمه اللي اخويا الكبير ماسكهالي والله لاسيحلك في منتدى الثانويه ده واقول انك مش نافعه ... لو عملها يا جماعه اوعو تصدقوووه ... ياااااااااااه انا شكلي طولت قوي ... يللا نكمل بعدين كفايا كده النهارده !!!! |
اقتباس:
هما بيقولولك كده برضه نفس الكلام اللي بيتقالي ثانوية ايه؟؟؟؟ انت مش خلصت |
ايوة كده عاوزينكوا تغيظوهم وتنجحوا وتجيبوا مجاميع عالية
|
والله الواحد اهله مدينه ثقه جامده ....لانى الحمد لله عامل الى عليا وزياده كل دا وخايفين من ام الامتحانات لاتيجى اوسخ من السنه الى فاتت ونفشششششششششششششششششششششششششششل ...يا رب وفقنا واهدنا لما تحبه وترضاه يا رب العالمين
|
الناس اللى قالت لها عوده تانى هيا فين ولا انتوا خلاص اهاليكوا بطلوا يقولوا حاجة
|
يامواضيعك الجامده يازووووووووووم
انت عارف اللي بيتقال مش مهم اقول بقي اصل هقول كلام مكرر بيتكرر في كل بيت الاباء والامهات متفقين علي سيم بينهم نفس الكلام يعني فين قرش الكابتشينو هههههههه |
ميرسى يا يويو وطبعا عارف اللى بيتقال واللى بيحصل كمان بس كنت عاوزك تسيح فى المنتدى
|
غلالبا الجمل متشابهه وبابا مكنش بيقول حاجه ماما دايما اللي بيقول زي مثلا ابقي تعالي قابليني لو فلحتي :d وحياه امك ما انتي نافعه :d هو المسلسل انشا الله هيمتحنوكي فيه :d بطلي وقفه اادام المرايه هتتهبلي :d مفيش حاجه اسمها هغيب ما المددرسه هتروحي غصب عن اللي جابوكي :d انتي مش بنتي انا لاقيتك علي باب جامع صابر نصر :d مفيش حاجه اسمها هتعدي في البيت لوحدك رجللك علي رجلي فين ما اكون :d فين المنفضه؟(ناويه علي علقه):d علقي هدومك :rolleyes: قومي روقي الدولاب :rolleyes: البلوزه دي خارجه من بوء الكلب (يعني ادخلي اكويها ):d بلاش شغل عبد الحليم دا مفيش خروج (بعيط عاوزه اخرج ):angry2: طبعا دا ايام زمان من ييجي 7 سنين دلوقتي انا اللي بقول من هما :dمسمييني العسكري :d |
اولا قبل ما أرد على الموضوع احب ارد على براءة لو ابوك بيقول لك ادى دقنى لو نجحتى ؟؟؟
قولى له خلاص احلقه علشان خاطر انجح واوعى تسكتى لحسن تسقطى؟هههههههههههه على فكره انا بهزر اوعى تزعلى |
يا بنة الاسلام حد ينفع يقول على ابوه كدا طب هقول ليكى حاجه غيرى اسم العضوية وبعدين ابقى ردى ولا اقول لك خلاص
ما هى دى الحقيقة الى فى قلبك يعنى تكذبى فضفضى وطلعى الى فى قلبك ياله منه لله الى فضح الدنيا حازم بن أيمن ابو غازى |
محمد الدمرداش
اوعى تزعلى يا بنة الاسلام انا بحب اهظر بس والله
|
ماشى يا دمرداش بس مقولتلناش يتقالك ايه فى البيت عاوزين الفضايح
|
ايه نسيتوا الموضوع ولا ايه
|
بما إني في تالته ثانوي السنه دي فبيتقالي حاجه واحده مش قولنالك حول أدبي .:049gc0: هههههههههههههههههههههههههههه وطبعا الكلام العادي بقى بتاع سماعة التليفون اشتكت والكمبيوتر ولع من كتر الشغل وبلاش سهر. ويااااااه بقى لما اذاكر يوم كامل بيتقالي مش هتقوم تذاكر اقول خلصت مذاكرة :) طبعا يتقالي ايه : هي المذاكرة بتخلص !!!!!؟؟؟:mad::mad: |
| جميع الأوقات بتوقيت GMT +2. الساعة الآن 02:05 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.