|
شكلة فامبير بيراقبنا و هيطلع عنينا دلوقتى ;)
احنا قلبناها شات خالص و محمود شكلة هيقفش مننا و هيقفل الموضوع:d كفاية كدة و نبقى نكمل بكرة من وراة:p |
ههههههههههههههههههههههههههههههههههههههه
حلوه دى يعنى بتعرفيه اننا هنكمل بكره من وراه ههههههههههههههههههههههههههههههههه لا لا محمود كويس واصلا انتى عامله الموضوع دا عشان تجاره انجلش بس فنتكلم بقا براحتنا ونقلبها شات ومراجيح كمان |
أنا رحت الكلية بس المدرج كان زحمة جدا هو هيفضل كده على طول
|
انت جامعه ايه؟
|
هو وفامبير بيراقب بس مش بيتكلم والا ايه يا سهام؟
|
سهام خافت وسكتت عشان مش تقلبها شات هههههههههههههههههههههههههههه
|
اة تحب اخلية يتكلم ياعمرو
اتكلم يا ميدو |
هو بيتكلم بكلمه سر والا ايه يا سهام
ههههههههههههههههههههه |
حاجة سقعة بيبس
انا قولت اخش اعزم عليكوا باتنين لمون ولا حاجة .. اصل شايف القعدة حلوة وماشاء الله الرغى كتير اوي ماتاخدوا ايميلات بعض و لا اقولك الموبايلات تبقى احسن واسرع برده ;) دا منتدي الثانوية العامة يا شباب .. مش موقع شات خليجي !! |
اللهم احفظنا ايه يا سهام قومتيه علينا كدا ليه يا ساتر يا رب هو حد غلط لا قدر الله دا احنا بس بنتعرف على الدكاتره وكدا
:bosyht9: هات هات الاتنين اللمون اللى معاك دول وروح هات شجره:006et4::006et4: اتفضلى اشربى يا سهام على حساب ميدو |
خلاص يا محمود اخرج انت متتعبش نفسك وانا هاحل المشكله دى
يلا يا سهام قومى نامى يا سيتى عشان محمود شكله هيخبطنا بكبيتين اللمون قومى يلا وانا كمان هاقوم واقفلى القسم وانتى خارجه كويس احسن فار يخش كدا والا كدا يلا يا محمود خلاص هنقفل |
اقتباس:
ياريت نهدي شوية .. انا مابحبش حد يزعل مني .. بس في نفس الوقت اللي حصل دا ماينفعش برده |
اوك بجد خلاص نوعدك مش هيحصل تانى لكن ممكن نعمل موضوع جديد ونعمله شات بجد والله مش بهزر يبقا بعيد عن المواضيع دى كلها ويبقا برده لبتوع انجلش بس قولى بس ينفع والا لاو اللى هتقوله هيتنفذوالله واحنا اسفين مره تانيه
|
اقتباس:
بس المشكلة ان فيه مشرفين اداريين بييجوا يخشوا ورايا وبيفتشوا فالو لاقوا حاجة كدا ولا كدا هاتيجي فوق دماغي انا اليومين دول زي مانتا شايف فيه ضغط كبير ع الموقع وخاصة قسم تجارة دا بالذات وعشان فيه ضغط فابيبقي ناس غيري كمان متابعه القسم وانا مش موجود فالو دخلوا وشافوا الكلام دا هاخدلي كلمتين اقتباس:
|
لا والله اوديك فى داهيه ليه لا خلاص عادى
|
حمد الله اني خرجت قبل متمسك بس خسارة مشربتش ليمون انا بكلم نفسي مش اكتر
بس بجد المحاسبة طلعت مادة سهلة جدا جدا انا ذاكرتها ولقتها سهلة موت واكتر مادة فهمتها عقبال يارب باقي مواد بس انا بيتهيألي دي اسهل مادة ومذاكرتها سهلة بجدسهلة جدا |
عشان تصدقينى يا نيمو لما قلتلك ان ال maths جميله ولسه كمان لما نستلم الكتب هتبقي اسهل عشان انا بصراحه مسترخم المذاكره من المحاضرات كده واه انا افتكرت الموقف بتاع محاضرة الeconomic بس بصراحه انتى كنت متاخره جامد وموضوع الkeywords انا برده طلعوا معايا كتير بس انا مش هحفظهم انا هقراهم بس كذه مره عشان يبقي عندي خلفيه عنهم لو سال فيهم وهو انتى قصدك ايه من نذاكرهم بعد المحاضره قصدك محاضرة الmaths بكره ولا محاضرة ال economic
|
لالالالا انا مقصدتش بالمحاسبة ال mathmatacis انا اقصد ال finanicial accounting دي لي ذاكرتها وطلعت سهلة جدا جدا بس ال mathmatacis دي انا لسة مش فاهمة حاجة فيها خالص و مش فاهمة حتا الي كتبتبه و دي اسمها الرياضة الباحتة لكن finanicial accounting دي المحاسبة لي لقتها سهلة بس الرياضة الباحتة دي صعبة صعبة صعبة
بس ع فكرة التأخير الي أتأخرته ده انا عشان كت بنقل جدول والله لان عليه كان زحمه جدا و متصورتش ان محاضرة هتبقا كده من اول يوم انا افتكرت زي المدرسة بيفوتوا و خصوصا اني مكنتش بلعب بره يعني و مكنش ينفع يكسفني كده ادام مدرج كله و اول يوم انا اصلا بجد لو مكنش دخلني مش عارفة كنت هعمل فيه اية بس كنت هبقا عايزة اقتله |
لا انا اقصد ال نذاكرة بعد المحاضرة الeconomic عشان نكون اتأكدنا ان الي طلعتاهم من ع نت صح بيتهيألي كده
|
ربنا معاكوا احنا مخدناش لحد دلوقتى غير محاضره فى management وهو مدخلش فيها اوى قالنا بس هندرس ايه فى اول شبتر وتانى شبتر وبس وقال نتقابل المحاضره الجايه وبعدين قعد يهزر شويه ويقول نظامه ونظام الفشله وكدا ربنا معاكوا وعندى بقا يوم الخميس 3محاضرات واحده اصول محاسبهواقتصاديات موارد وبيئه وبعدين اصول محاسبه تانى ربنا معانا ونفهم
|
واللة يا جماعة الواحد فى دوامة ولااااااا فاهم حاجة
هههههههه انا بدخل وبخرج مش بفهم حاجة خالص ومش عارفة ازاكر منين وكل المواد مش عجبانى والدكاترة بتشتغلنا اوى يعنى هما عارفين اننا اوى لسة يعنى المفروض نتكلم شوية عربى يفهمنا حاجة خالص لا مفيش وبجد مش بلحق اكتب حتىاى حاجة مش عارفة انا خايفة جدا واللة وحاسة كدة واللة واعلم انى مش همشى فى الكلية دى ربنا يستر |
اوعى يا دعاء اوعى تقولى مش هامشى
لا ان شاء الله هتمشى وتقعدى وتقفى كمان اوعى تحولى على فكره لو راجعتى المشاركات كلنا مش فاهمين اى حاجه فى اى حاجه فعادى لما الكتب تنزل واالكلام يتكرر هنقدر ان شاء الله نذاكر بس اوعى تحبطى نفسك |
تصدقوا يا جماعه انا خابط حته جدول ايه زى الفل 3 ايام ورا بعض رزع وانهارده كان اول يوم ليا فى المحاضرات بس كان اجازه بمناسبه عيد تحرير المنصوره من ايد كليبر ...... المواد يا جماعه سهله جدا بس انتوا اللى مقصريين شويه هههههههههههه .
ان شاء الله حتبقى سنه زى الفل الدكاتره تمام اوى وميه ميه ... |
احنا اللى مقصرين صح ههههههههههههههههههههه
هو احنا لسا شوفنا حاجه يا اسلام |
احنا لسه مشفناش حاجه يا عموووووووور بس حنشوف اكيييييييييييد هى سنه مبشره جدا مش عارف الواحد حب الجامعه لله فى لله مش عارف الواحد حبها من نفسه كدا ولا هى ادمان ......... بكره مش حروح من الجامعه الا بعد العشاء من اولها كدا مرمطه امال لو احنا كنا فى قدام كنا نعمل ايه كنا نبات فيها احسن
|
والله يا جماعة ان شاء الله ربنا هيسهلها معانا بجد المواد مش صعبة بس مادة الماسماتكس هى الرخمة اوى خصوصا انى كنت نايمة فى المحاضرة و مفهمتش اى حاجة من الدكتور الرخم دة
|
:slap1qk6:من اولها كدا رخمييييييين امال فى نص السنه حيعملوا ايه ؟....... بصى Gamalewees انتى لو اتخنقتى من الدكتور قومى اضربيه وملكيش دعوه وقوليله اسلام بيسلم عليك وبيقولك خد دى :stickjo4::slap1qk6::slap1qk6: هههههههههههههه |
اه اعملى زى ما اسلام بيقولك وهو مش هيعملك حاجه خالص هيقولك طيب قوليله الله يسلمك وسلملى عليه وهاتى كرنيهك وقوليله ان الدكتور خد كرنيهى يتفرج على الصوره شويه لحد اخر السنه ههههههههههههههههههههههههههههههه
|
ههههههههههههههه حلوه يا عمر انت عملت ايه فى الكامحه ؟؟؟؟؟؟؟
|
تصدقى فكره حلوه انى اذاكر بعد المحاضره اصل انا معنديش نفش للمذاكره من اولها كده والمحاسبه حلوه اه بس انا مش عارف اذاكر من غير الكتب عشان متعودتش اكتب في المحاضره كده لازم يكون في كتب قدامى حته عشان تسهلى المصطلحات وعلى فكره انتى ناقصك شويه من ال keywords استنى اجبهملك
|
location.
trade. developement. globalization. captlism. feudalism. industrial revolution. marxism. imperalism. |
بتهيالى دول فاتوكى في الاول وهو انتى كنت مدرسه عاديه ولا لغات وياترى بتخدي كورسات ولا مستنيه شويه زى كده
|
انا احمد طالب تجارة انجلش بنى سويف وعلى فكة المناهج متشابه تماما لان الكتب من الخارج
|
انا معملتش حاجه يا اسلام هاعمل ايه يعنى
نتيجتى بانت يوم السبت اللى فات وقبلت الحمد لله وحضرت اولى محاضراتى يوم الاحد وكانت اول محاضره اداره بس كالعاده هههههههههههههههههههههه زى بتوع انجلش كلهم مفهمتش حاجه لانه اتكلم بالانجلش وقال من المحاضره الجايه مش هاقول كلمه عربى |
شكرا ي مصطفى ع باقي الkeywords انا بس ادي وجعتني من الكتبة فمردتش اكتبهم كلهم بس هما ف دفتر عندي كلهم
انا بقا بنسبة انا مدرسة عادية و لا لغات ي جماعة و الله العظيم انا كنت مدرسة عربي امال لية بردوا عندش مشكلة ف بعض الكلمات و انا عايزة اعرف السؤال ده بيسألني كتير لية اما بقا الكورسات ف الكورسات انا لسة مخدتش انا كنت عايزة اخد قبل مبدأ بس معرفتش مكنش في وقت و قولت اخد لم ابدأ مع الدراسة بس انا شفت بردوا اني مش هقدر اخد الاتنين ف وقت بعض يعني مش هقدر الكورس و اركز بردوا ف دراسة وع فكرة المذاكرة ف جامعة مش زي المدرسة مبتدأش ف اول كده يعي مش أول بأول بيقولوا كده لاني كنت بقول لماما و بنت خالتي هروح اذاكر بقا ضحكوا قالولي انتي هتذاكري من دلوقتي انتي فاكرة نفسك ف مدرسة لسة بس بردوا ذاكرت الي اخدناه بس معرفتش اذاكر الا المحاسبة بس اطمنت شوية و عرفت ان مذاكرة ف كلية مش مستعجلة و بردوا احسنلك تذاكر اول بأول رغم ان في مواد اصلا مش عارفين تذاكر ازاي زي economic و كمان الي بيجي ف امتحانات بتيجي المحاضرة يعني مهم جدا تكتب المحاضرة مش الي ف كتاب و ف الاخر بردوا بنستعين بالورق |
انا اسلام مصطفى فى الفرقه الاولى من تجاره انجلش جامعة كفر الشيخ انابوافق سهام فى رأيها فى الدكتور على مجاهد والدكتوره سهام نجم بس الدكتور محمد عبد المولى محترم وهوه بياخد الاسامى وبيوقف الطلبه علشن عايز يعمل شخصيه من اول محاضره مش اكتر وبعدين ازاى الاداره تخلى الرياضه تالت محاضره ودى عايزه تركيز كبير على العموم بنشكر سهام على التجمع الجميل ده لطلبة التجاره الانجلش وياريت تقبلونى ضيف جديد عليكوا
|
ازيك يا اسلام انت زميلى بقى على كدة بس للاسف اكيد انت متعرفنيش ولا انا اعرفك
بس ان شاء الله نبقى اصحاب بقى فى المنتدى و برة فى الكلية و فعلا الدكتور عبد المولى دة مش اوى بصراحة انا عن نفسى مفهمتش حاجة و فعلا عايزين نقدم شكوى للعميد علشان يخلى المحاضرة بدرى شوية عن كدة يمكن نفهم كويس نورت يا اسلام فى رعاية الله |
اه احنا زمايل وان شاء الله نكون اصحاب بس احنا علشان نقدم شكوى للعميد لازم يكون معانا طلبه كتيييييييييييير علشان يقدموا معانا الشكوى علشان تبقى موحده
|
بالمناسبه يا سهام احنا لو حبينا نذاكر للدكتور على مجاهد بتاع مبادئ المحاسبه نذاكرله منين لا فيه كتب ولا ورق ولا اى حاجه
|
عندك حق يا اسلام بالنسبة للشكوى احنا محتاجين الدفعة كلها يعنى كل الطلبة علشان لو سقطنا نسقط كلنا مع بعض ههههههههههههههههههههههههههه
ربنا يستر بالنسبة للمحاسبة انا كتبت وراء الدكتور يوم الاتنين كتبت وراة حاجات كتير يعنى المفيد من المحاضرة لو عايزها ممكن تبقى تاخدها منى و دكتور على قال انهم هيسلمونا الكتب الاسبوع الجاى ان شاء الله اة صحيح عملت الواجب بتاع الدكتور محمد ولا لا |
طبعا عملته واحنا فى المحاضره
|
وبعدين هوه احنا لو كتبنا ايميلات هنا بتتحذف ولا ايه
|
ايوة طبعا بتتحذف
|
انتى مش قصدك المسأله بتاعت عبد المولى
|
ايوة قصدى على المسئلة دى بجد انا مش فاهمة منها حاجة
|
ع فكرة ي مصطفى كان عندك حق الmath جميلة جدا اخيرا فهمتها بس مش قوي بردوا فمهت شوية يعني
|
للاسف يا نيمو انا بقي اللى مفهمتش حاجه خالص المحاضره دي عشان رحت متاخر والدكتور مرضيش يدخلنى:abdoog8:بس مكنتش متاخر اوى وهو كان لسه مدخل ناس قبلي ناس صحابي قالولى كده بس يلا مش مهم هجيب المحاضره بكره واذاكرها وربنا يستر بقي في ال economic بكره
|
والله مش عندكم بس يا مصطفى حكاية عدم الدخول بعد الدكتور دى دى عندنا كمان
دكاترة رخمة |
هما بردوا عندكوا يا سهام مش بيرضوا يدخلوا بعد بداية المحاضره بجد حاجه غلسه وخصوصا اننا لسه كمان في اول السنه وهما مفروض يقدروا اننا بنيجى من مسافات بعيده وكام مواصلات يعنى مش بنتاخر بمزاجنا
|
يا رجاله الدكاتره معظمهم بيبى نظامهم كده اللى بيجى بعده مش بيدخل المحاضره تعرفوا المشكله ان احنا لما بنتأخر بنلاقى دكتور ميدخلناش المحاضره انما الدكتور لو اتأخر مين اللى بيحاسبه مش مشكله ليهم رب يحاسبهم
|
| جميع الأوقات بتوقيت GMT +2. الساعة الآن 09:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.