|
هيا الناس راحت تشم النسيم وسابت المنتدى ولا ايه؟ انتوا فين يامهندسيين مصر على فكرة يجماعة معرض كهربا قرب وياريت الناس تبقى تيجى تبص على المشاريع الجامدة:angry2: سلامى للجميع |
ان شاء الله هاجى اتفرج على المشاريع دى
كهرباء الحقيقه بطلع علماء كتير لكن للاسف محدش حاسس بيهم وانا شفت المعرض السنه اللى فاتت كان جامد جدا |
السلام عليكم ورحمه الله وبركاته ازيكم يا باشمهندسن وباشمهندسات الازهر انا سعيده جدا انى الائى لسه فى حماس على التوبك وان كله بيحاول يقدم اللى يعرفه عشان يساعد غيره وانا بعد ازنكم كنت عايزه اسالكم على حاجه وهى انى سمعت من بنات عندنا كتير ان الجامعه ممكن تفتح قسم مدنى فى الكليه للبنات كنت عايزه اعرف هو الخبر ده حقيقى ولو هو حقيقى ممكن حد من مدنى يعرفنا على القسم ده واسفه على التطويل سلام |
تنسيق بنات الازهر معروف انه بيضرب كل سنه يلا الحمد لله الف مبروك يابشمهندسه وعقبالى يارب ادخل هندسه
|
ازيك يا يارا ان شاء الله تدخلى هندسه لو كان نفسك فيها بس انتى شدى حيلك شويه فى المذاكره ويارب نشوفك فى الكليه عندنا قريب |
الحمد لله أنا مش مدنى بس أتوقع ان يتم فتح قسم مدنى للبنات وخصوصا بعد ما فتحوا قسم كهربا المشكلة فى الدكاترة والمعديين هيكون عندهم وقت يروحوا للبنات ولا مش هيكونوا فاضيين حقيقى مدنى من افضل اقسام الكلية |
السلام عليكم ازيكم يا اخلى مهندسين عملين ايه يا رب تكونو بخير ايه اخبار الدنيا معاكم والله انا سعيده بالبشمهندس الزعيم انه مكمل معانا ويا رب دائما معلش عايزه اسال سؤال فى صفحه 116 فى كتاب الرسم الرسمه ال على الشمال ال plan مرسوم فيه 3 دوائر فى المنتصف واحده 35 ووحده 55 طيب والثالثه كام وكمان فى خط قريب جدا من السنتر لاين عايزه اعرف يبعد عنه كام وياريت لو حد يلخص التهشير والمقاطع فى كام جمله كده حساها رخمه شويه وادعولنا كتير امتحانات الميت ترم بدات وربنا يستر
|
اقتباس:
|
وعليكم السلام ورحمه الله وبركاته
ازيكم يا بشمهندسين طبعا امتحانات اعمال السنه عامله عاميلها اليومين دول ربنا معانا كلنا ربنا يعينك يا يارا كده يارب وتدخلى هندسه وتنوريها ان شاء الله هو الموضوع حبه اهتمام وتركيز عالى شويه مهم جدا تراجعى وتحلى امتحانات كتير من المرشد ربنا معاكى |
ويا ياسمين مفيش حاجه اسمها مش عارفه اجيب بعد
انتى اى رسمه اعمليلها مقياس رسم scale حتى لو مش محتاجاه تقيسى كام خط كده فى الرسمه افقى وعمودى للتاكيد تقيسى خط بالبرجل وتحطيه على المسطره يطلع وليكن 27 ملليمتر وهو يكون مدى طول الخط ده 60 مثلا تقومى انتى قسمه 60 على 27 يطلع رقم وكسر خدى 3 ارقام للكسر يعنى مثلا 28.216 وتجربيها كذا مره للتاكيد وتاخدى الرقم الاقرب للصواب هى ممكن تكون غير دقيقه لكن احسن ما يبقى عندك بعد قاعده جنبه وموقفلك الرسمه عشان مش عارفه تجيبيه فانتى تجيبى ال scale وتقيسى بالبرجل نصف قطر الدائره اللى فى الرسمه وتضربيها فى الاسكال وتشتغلى التهشير :- بصى ياستى انتى تشوفى ال center line السنتر لاين اللى عاير عنده قطاع sction افرض ان عندى سكينه هاتقطع الرسمه دى يبقى كل اللى قدام السكينه هارميه ولا اعبره واللى وراء السكينه هو ده اللى هارسمه اللى انا شايفه بس اللى ورا واللى مستخبى مليش دعوه بيه يعنى مرسمش منقط فى القطاع section خالص طيب اهشر فين :- اقولك اللى يقطعه اللسكينه اهشره والهواء اللى مقطعش فيه حاجه اسبيه فاضى مهشرهوش بس احدد الهواء ده ولو فيه اى حاجه ورا السكينه انا شايفها والسكينه مقطعتهاش ارسمها يعنى لو فى عندى اسطوانه فى اخرها دائره صغيره وانا قطعت الاسطوانه دى بالعرض يبقى ارسم الدايره الكبيره وجواها ارسم الدايره الصغيره اللى الناحيه التانيه اللى انا شايفها مش معنى ان السكينه مقطعتش حاجه فى الفراغ اللى موجود فى الاسطوانه يبقى اسيبه فاضى لا اتاكد ان مفيش اى حاجه باينه ورا من فراغ الاسطوانه طيب التهشير ده اعمله بايه :- اقولك انتى تجيبى المثلث 45 وتجيبى الديفايدر divider البرجل ابو سنين وتفتحيه على 1سم او 2 سم على حسب مل الدكتور قال ولو ماقالش اكيد هايقول وبالديفايدر تحددى حط على المثلث فى الوتر بتاعه انا الحقيقه كنت بشتغل بارسطو ارسطو تقريبا متحدد جاهز لكن المشكله انه بيبقى نصف سنتيمتر ولا حاجه فابيبقى صغير قوى والتهشير بياخد وقت كبير عشان كده الطريقه اللى فاتت دى احسن وافضل للوقت طيب ابدأ التهشير منين وارسمه ازاى :- اقولك من الشمال عشان طبعا هاتبقى ماسكه القلم السنون بايدك اليمين والمسطره حرف ال t موجوده تقومى حاطه عليها المثلث 45 وتمسكى المثلث بايدك الشمال والقلم باليمين وتاخدى اول خط 45 فى اقرب حته انى عايزه تهشريها من الشمال تزقى المثلث شويه وتحطى الخط اللى انتى عاملاه على المثلث على الخط 45 اللى انتى لسه واخداه وتاخدى خط جديد وتحطى خط المثلث على الخط الجديد وتاخدى خط وهكذا وطبعا بالنسبه للناس اللى الجهاز العصبى بتاعهم تحكمه فى الشمال يعكسو الكلام ده كله ومعلش بقى على الاطاله ويارب يكون التهشير اتفهم كله من اوله لاخره والسلام عليكم ورحمه الله وبركاته |
بجد والله شكرا جزيلا افدتنى بس المشكله انى عارفه الكلام ده كله وبحاول اطبقه بس مش عارفه بيطلع فيه غلط على طول يمكن مع الممارسه يتظبط وشكرا مره تانيه يا بشمهندس معلش واجعين دماغك دائما
|
اقتباس:
عادى كلنا كنا اول مرة نسمع عن المعرض
هتلاقى صور للمعرض على موقع المعرض بجد مشاريع رائعة عايزة توبك لوحدها انا اول سنة اشترك فى المعرض السنة دى والحمد لله المشروع رغم أنه بسيط الا انه عجب ناس كتير وفيه شركات أخدت الأسماء مكنش ده فى دماغنا اصلا احنا كنا داخلين عشان اعمال السنة بس بجد استفدانا السنة دى جدا من المعرض وربنا أكرمنى أنا بمنحة مجانية من شركة تدريب انتوا لسه فى اعدادى والمعرض كل سنة بيتطور عن السنة اللى قبلهالو حد عنده سؤال عن المعرض يتفضل يسئل أنا موجود |
ممكن الافادة
السلام عليكم
شكرا لك كثيرا ياباشمهندس بس ممكن سؤال الى بيشترك فى المعرض ده لازم يكون فى فرقة معينه ولا اى فرقة |
الشكر لله ياباشمهندسة وبالنسبة لسؤال حضرتك لا يشترط أن يكون المشترك فى فرقة معينة ولا يشترط أن يكون من الجامعة السنة دى كان فيه طالب فى ثالثة اعدادى ومشترك بمشاريع وتم تكريمه وفيه شركة قامت بتبنيه أحد الزملاء قال لى ان السنة الجاية هيكون المعرض ثلاثى يعنى اتصالات باور ونظم واعتقد ان المعرض هيكون قوى جدا الواحد فعلا لما بيشوف المعرض بيعشر بقوة هندسة الازهر ربنا يوفق الجميع |
بجد انتوا مشرفين الازهر وياريت يفضل التوبيك ده عطول
انا بس طالب من كل واحد نصيحة إزاي جاب مجموع ودخل هندسة عشان انا حموت وأدخلها ويريت تدعولي عشان الامتحنات قربت |
ازيكم يا جماعه اخباركم انا حبيت اسأل انتوا ايه اخبار الكليه معاكم ؟؟؟؟؟
صعبه ولا سهله ولا ايه نظامها ؟؟؟؟؟ |
ازيكم يا احلى مهندسين عملين ايه وايه اخباركم وايه اخبار امتحانات الميت ترم معاكم يا رب تكون تمام اولا عايزه ابارك للبشمهندس الزعيم على المنحه وربنا يوفقه وعايزه اعرف المشروع بتاعه كان عباره عن ايه وعايزه اعرف البنات كانو موجودين فى المعرض ولا ايه ومعلومات اكتر عنه
|
اولا - شكرا ليكى ياباشمهندسة وربنا يوفكم فى امتحانات الميت ترم فكرة المشروع عايزيين نشغل الموتور( غسالة او مروحة او... اى موتور) عن طريق نغمة صوت الموبايل وكمان نوقفه ( ON - OFF). بنستغل ان تردد نغمة الصوت فى الموبايل مختلفة . فمثلا تردد الرقم 1 مختلف عن 2 وهكذا شرح المشروع انا هحاول اشرحه على الدائرة http://img180.imageshack.us/img180/51/celllock21.jpg لما بضغط على رقم 2 مثلا فى الموبايل بيستقبل النغمة دى السماعة اللى فى الدائرة(Mic) تردد النغمة بيدخل على تشباية رقم (MT8870) ودى بتعمل على تحويل تردد الصوت لارقام بينرى(01) فمثلا رقم 1=(1000)ورقم 2=(0100)بعد ما الاتشباية تحوله لارقام بيرنى بيدخل على (pic16F84) ودى بيتم برمجتها ببرنامج اسمبلى يعنى كانى بقول ليها لو دخل ليكى كود بينرى معين (0100) طلعى ليا 5 فولت لو دخل ليكى رقم تانى(0101) طلعى ليا 0 فولت لما يطلع ليا 5 فولت switsh trans يوصل بالارض ويمر كهريا فى الريلى (RLY) وبالتالى يلقط ويمر تيار الى الموتور فيشتغل . لو ضغطتى على رقم خمسة هيدخل كود بينرى مختلف (0101) وبالتالى يطلع ليا 0 فولت فيرجع الىيلى لوضعه الاصلى ويوقف الموتور. ممكن عن طريق نفس الدائرة 1- انى اعكس حركة الموتور يعنى لو بيدور فى اتجاه عقارب الساعة اخليه عكس عقارب الساعة عن طريق احط 2 ريلى او 4 trans 2- انى افتح الموتور بتاعى عن طريق رقم سرى مكون من ست ارقام- عن طريق انك تضغطى على زر (RESET) و (program)وادخل الست ارقام عن طريق الموبايل وومكن كل مرة ادخل للموتور برقم سرى جديد 3- ممكن اشغل الموتور من اى مكان فى العالم عن طريق انى ابدل السماعة بموبايل وبالتالى هيبقى وسيط النقل هيا شبكة الموبايل اتمنى ان يكون حد فهم حاجة انا كنت بشرح لناس فى صيدلية وفهموا. المهم ان الناس تفهم الفكرة العامة فى المشروع مش شرط نفهم التفاصيل بالنسبة لحضور البنات فى المعرض كان المفروض على حد علمى انهم هيجوا يوم الاربعاء لكن بصراحة معرفش ايه اللى حصل ممكن يكون رئيس القم مش وافق. على فكرة انا يوم الاربعاء شوفت بنتين مش عارف كانوا بيسئلوا وبيتفرجوا على المشاريع يمكن يكونوا تبع حد معرفش لانى كنت مستعجل عشان السمينار اعتقد ان السنة الجاية ممكن يخصصوا يوم للبنات خصوصا بعد وجود قسم هندسة كهربية للبنات . ربنا يوفق الجميع |
مممممممممممممممممممممممم
لا لا لأ شكلك فاهم ربنا يوفقك الحقيقه الواحد بيشوف فى المعرض حاجات جميله ما شاء الله عليكم |
ربنا يوفقك يا matrex14
الموضوع موضوع اهتمام وحسن تخطيط للوقت وطبعا كل ماده بتذاكرها تعمل حسابك انك عايز تقفلها وتجيب فيها الدرجه النهائيه 59 لا 60 اه 39 لا 40 اه الدرجه دى تفرق كتير وربنا يستر وربنا يوفقك |
شكرا ياباشمهندس رفاعى
ياراجل احنا نيجى حاجة من رجالة ميكانيكا وبالنسبة لاخونا متركس انا شخصيا دحلت هندسة لانى مكنتش عايز ادخل هندسة قصدى حاول يكحون ليك هدف اعلى عشان لو خسرته يكون هدفك الحقيقى اتحقق وربنا يوفقك |
وعلى فكره قسم النظم والحاسبات كتير حلو زى البيترول بس مش كل اللى بيدخله بيمشى فيه
|
السلام عليكم ازيكم عملين ايه شكل الامتحانات عامله عمايلها معاكم ربنا يعينكم
على فكره المعرض اتعمل عندنا فى الكليه للبنات وكانو مبهورين بيه جدا وكان فى شركات كتيره زى جيلى كوم معرفش كده صح ولا لا بس المهم انهم انبسطو جدا وقلو انهم راحو معارض كتير فى جميع الكليات ما شافوش زى هندسه الازهر وزى طلبه الازهر بس الصراحه كان فى حاجه فى منتهى الهزار حصلت رئيس القسم كان رافض المعرض وطرد الناس ولولا الدكاتره وعلى راسهم دكتور سيد ناجى راحو للعاميد والعميد جه واعتزر للناس والمعرض اتعمل والحمد لله وكمان سمعت حوار على اذاعه الشباب والرياضه عن المعرضه ده وكانو جيبين فيه بعض الطلبه المشتركين وكان فيهم واحد اسمه احمد عامل مشروع زى البشمهندس الزعيم يمكن يكون هو انا مش عارفه اسمه الصراحه وهو كمان ما قالوش وكان فى بنت اسمها رنا كمان بصراحه كان حوار جميل انا اتمنى ان يتعمل معرض لجميع الكليات ويعملو فيه منافسه وبشوفو مين اقوى كليه وافضل طلبه اكيد طلبه الازهر اما افضل كليه فانا اتمنى انها تكون الازهر بس للاسف احنا لسه ما اخدناش الجوده واتمنى اننا نحصل عليها علشان كده بقى اوفر انا شايفه اننا بقى عندنا كله حاجه ولازم ناخدها معلش طولت عليكم وعايزه اعرف عاملين ايه فى امتحانات الميت ترم وبتوع اعدادى عملو ايه فى الوصفيه وايه رايهم فى الامتحان |
ازيكم يا جماعة بجد وحشتونى اوى
امتحان الوصفية بصراحة كان امتحان محترم وجميل كمان بس الاهم ايه رايكم فى امتحان الرياضة |
السلام عليكم ورحمة الله وبركاته - اولا ربنا يوفق كل شباب هندسة من اول اعدادى الى البكالوريوس فى امتحانتهم وان شاء الله تكون خفيفة ؟مع انى عارف ان امتحانات هندسة مش خفيفة. -ثانيا انا سمعت فعلا عن معرض البنات وشوفت صوره وانا عرفت ان البنات متفوقة جدا فى مشاريع تخرجهم وخصوصا بنات نظم وكويس جدا ان بنات كهربا يعملوا معرض ولسه قسمهم جديد. بجد دى حاجة كويسة جدا - للاسف مش انا المهندس احمد اللى عملوا معاه لقاء (يارتنى كان اسمى احمد) هههههههههههههههه - انا كنت لسه مع شباب من بلدنا فى اعدادى وكانوا بيشتكوا من امتحان الرياضة بس اهم حاجة تراجعوا محاضرات الدكتور مهنا وتحلوا امتحان اعمال السنة ممكن يكرر منه اسئلة ربنا يوفق الاخوة بتوع اعدادى الايامى الجاية ايام صعبة ودعواتك ليا |
على فكرة يا جماعه الميكانيكا هو افضل قسم للبنين وهو اصعب قسم فى الجامعه
ولكن مجاله متوفر فى جميع انحاء العالم وانا حطيطه اول قسم فى الرغبات وبالتوفيق لكل الناس |
امتحان الرياضه كان جميل جدا بس الوقت صغير جدا على الامتحان ده
واعتقد ان مش الكتور مهنا هو اللى حط الامتحان فهو اكيد الدكتور حمدى عبدالحليم لأن الامتحان صعبه شوية |
السلام عليكم ورحمه الله وبركاته ازيكم يابشمهندسين ويا بشمهندسات عاملين ايه فى الكليه انا كنت عايزه اسالكم على حاجه وانا خايفه منها جدا زى ماده الحاسب والكمياء مش عارفه خايفه منهم جدا ياريت حد يقولنا نعمل فيهم ايه وخصوصا ان كتير من اعدادى زى كده مش بيفتحوا المواد دى من اول السنه حد يقولى يتلموا ازاى وكده معلش بتعبكم معايا وبخصوص امتحان الرياضه فهو زى ما البشمهندس الدمرداش قال كان الامتحان حلو بس وقته قليل عليه وربنا يعين كل طلبه هندسه واسفه انى طولت عليكم |
هى الامتحانات سدت نفس الناس عن المشاركة ولا ايه؟؟
على العموم يارب تكون عدت على اخير وياريت نقدر نستغل الاجازة صح فى النوم ههههههههههههه ربنا يوفق الجميع |
ازيك يابشمهندس الزعيم
واضح كده ان صدمه الامتحانات لسه مأثره اكيد شويه كده وكل الامور تبقى تمام وربنا يستر |
عندك حق يابشمهندس رفاعى هيا بتبقى صدمة جامدة وخاصة فى اعدادى كل واحد فى اعدادى تلاقيه بيحسب دلوقتى ياترى هيبقى معايا كام مادة هههههههههههه انا سمعت ان النتيجة هتظهر السنة دى بدرى لو حد عنده اخبار ياريت يعرفنا ويارب النتيجة تظهر السنة دى على النت بلاش شغل تعب الاعصاب اللى بنشوفه يوم النتيجة وربنا يوفق الجميع |
انا عضوة جديدة فى المنتدى لسه وطبعا انا ازهرية من راسى حتى اخمص قدمى يعنى من تانية حضانة وانا فى الازهر:av4056bb7jp3:
طبعا فى ناس كتير هتستغرب انى اسمى مكتوب حرف d فيه small بس انا تعمدت ده لانى لسه سنة اولى وربنا يطلعنا منها نضاف :022yb4::022yb4: قررت ان ادخل على هندسة عشان مافيش topic لصيدلة بس ده مايمنعش انى بحب كلية هندسة وكان نفسى ادخلها بس المجموع هو اللى حكم لانى كنت عايزة الكليتين مع بعض ازاى مااعرفش:040vk0: الانسان طماع برضه زى ماانتم عارفين اتمنى انكم تقبلونى عضوة معاكم مستنية ردودكم |
اولا اهلا بحضرتك د/ منى بصراحة يبدوا بلاغتك فى اللغة العربية عالية جدا وعلى فكرة انا مستغربتش من حرف ال d ده خالص مش عارف ليه أصعب حاجة حكم المجموع ده احنا مكن نشوف ليكى واسطة وتدخلى هندسة عادى جدا وتكملى فى صيدلة بس المشكلة لما تخلصى كلية لقبك هيبقى ايه؟ من ناحية موضوع الردود صعب هتلاقى غيرى لان اللى عاملين التوبك اغلبهم اعدادى هندسة وبيعانوا الايام دى من حالة نفسية صعبة. ربنا معاهم اهلا بيكى دكتورة منى وربنا يوفقك وتجيبى تقدير كبير اووى اووى اووى |
اهلين بيكى dr-monna
ال topic نور بوجودك بس هو فى فرق بين Dr و dr وحلوه قوى اخمص قدمى هههههههههههه الازهر مأثر برضه معذوره وربنا يوفقك ويوفقنا كلنا ونجيب مجموع عالى ال topic كان شغال كويس لكن جت الامتحانات وصدماتها واحده ورا التانيه مخليا بتوع اعدادى لسه مافاقوش ان شاء الله هايفوقوا ويرجعوا تانى |
[quote=م.الزعيم;2337033]
أصعب حاجة حكم المجموع ده احنا مكن نشوف ليكى واسطة وتدخلى هندسة عادى جدا وتكملى فى صيدلة بس المشكلة لما تخلصى كلية لقبك هيبقى ايه؟ شكرا على ردك بابشمهندس:av4056bb7jp3: وبالنسبة للموضوع ده انا معنديش مانع وممكن يبقى لقبى مثلا مهندورة او دكتوسة واكون انا مطلقة الصيحة الجديدة فى عالم الالقاب اما بالنسبة للغة العربية فانا مكنتش بحب دراستها بس انا غاوية قراية شوية وخصوصا روايات نبيل فاروق:078111rg3: |
اهلين بيك يابشمهندس رفاعى
شكرا على ردك وانا كمان اتمنى اننا كلنا نجيب تقديرات عالية وتفوقوا من الصدمة على خير :romarioxp6: وطبعا فى فرق بين Drوdr لان دى من ام واب و دى من ام واب تانيين هههههههههههههههه:friendsxs3: |
باااااااااااااااااك اخير رجعت بيتنا يا عالم:av4056bb7jp3: والله فعلا الكليه دى طلعت جهنم واحنا ما نعرفش ازيك يا دكتوره ايمان منوره التوبيك على فكره هى اسمها ايمان مش منى
نتكلم شويه عن ال الامتحانات عايزه اعرف ايه من وجهت نظركم احسن امتحان وايه اوحش واحد اما امتحان الرسم فده لوحده حكايه ايه رايكم فيه وايه رايكم فى الوقت كان كافى ولا اما امتحان الرياضه فكان جميل بس للاسف انا ال هبلت فيه شويه يلا بلاش دوشه راحت الامتحانات لحالها وخلصنا سلام اه استنو عيزه اقول حاجه لازم نرجع زى الاول واكتر والمشاركات تكتر اكتر واكتر يلا بقى كفايه رغى سلام |
اهلا بيكى دكتوسة منى على فكرة القراءة شيىء جميل جدا فكرتينى زمن كنت فيه طفل وكنت أٌقرا روايات نبيل فاروق رجل المستحيل بس أنا الايام دى بدات اهتم بالقراءة فى مجال الدين وطبعا الكهربا وياريت ياجماعة نقول للبشمهندسة ياسمين كفارة يابشمهندسة |
والله فعلا كفاره على رايك يا بشمهندس وعلى فكره اسمها ايمان مش منى وبعدين انت ربنا هداك وبطلت تقرا كتب الرجل المستحيل والحاجات الفاضيه دى واتجهت لحاجات مفيده عقبال ايمان
|
أولا مبروك يابشمهندسة انك خلصتى اعدادى أنا بدأت أشك فى قداراتى فى الانجليزى هيا دكتورة منى ولا ايمان؟ بس ايه التعبيرات الجامدة دى (والله فعلا الكليه دى طلعت جهنم واحنا ما نعرفش ) الظاهر فعلا ان اعدادى ليها تأثير لسه أحسن امتحان هو اللى هجيب فيه أفضل تقديير لان الكلية ملهاش مقياس كتير اووى تكونى حلة امتحان كويس جدا وتلاقيى نفسك جايبة مقبول أو مرفوع عشان كده الحكم لما تبان النتيجة أفضل أوحش امتحان كان power electronics ويمكن امتحان digital control بس انا كنت متوقع انى مش هكتب فيهم كلمة واحدة بس كتبت غلط او صح دى حاجة مش بتعتى المهم انى كتبت! على فكرة حكاية الوقت دى مبدأ ثابت احنا غالبا مش بنقدر نخلص قبل الوقت ده بيكون شبه مستحيل بس اللى بيخلى الواحد يزعل انو يكون عارف اجابة سؤال ويسيبه عشان الوقت مكنتش بحب الرسم بصراحة علشان كده كنت سعيد لما امتحانه خلص بس الحمد لله كنت سايب حاجات بسيطة فى استنتاج المسقط التالت لو كان فيه وقت كنت ممكن اخلصها امتحان الرياضة لانه اخر مادة محدش ببيدى له اهتمام اووى والحقيقة ان الناس بتكون تعبت وعايزة تروح بس عادى متقلقيش دى حالة عامة فى الدفعة أجمل حاجة ان الامتحانات عدت وربنا يسهل والنتيجة تكون كويسية وتبقى ارتحتم من اعدادى طول حياتكم أنا حاسس انى اتعلمت الرغى يلا بقى سلام |
الله يبارك فيك ويارب اكون فعلا خلصت اعدادى يا رب فاهم قصدى طبعاهههه
لا ما تشكش فى قدراتك ولا حاجه هى ايمان مش منى مش عارفه بتقول منه ليه بس معلش نعديهالها بس ايمان دى ما شاء الله عليها عارفه حاجات عن هندسه اكتر من بتوع هندسه مهو من عاشر القوم مش تغيرات بس دى الحقيقه الكليه والقاهره وحشه جدا مفيش احسن من البيت انا صحيح مش عارفه ايه المواد دى بس مش مهم ربنا يعديك منهم على خير بالنسبه للوقت كان غير كافى خالص بس ده رسم انا بحبه جدا وكان نفسى اكمل الامتحان للاخر بس الحمد لله اما امتحان الرياضه فهو بجد كان كويس بس انا كنت دخله عندى احساس انى مش هحل مع انى كنت مذاكره كويس جدا وعارفه كل المسائل بس ما تعرفش ايه ال حصل يلا الحمد لله على كده |
فعلا مفيش أحسن من البيت بس للاسف حتى الاجازة مش هنقعد فيها فى البيت علشان التدريب والكورسات على فكرة انا عمرى ما دخلت امتحان وكان عندى احساس انى هحل سبحان الله الواحد بيدخل وربنا مش بيضع تعب حد المهم نصيحة بلاش تروحى تجيبى انتى النتيجة خلى حد يجبها ليكى علشان ميحصلش ليكى اللى حصل معايا |
[quote=م.الزعيم;2345808]
أنا بدأت أشك فى قداراتى فى الانجليزى هيا دكتورة منى ولا ايمان؟ [/quلا اطمن يا بشمهندس الانجليزى عندك ما زال بخير انا اسمى اسمى ايمان فعلا بس دلعى هو مونه (بضم الميم وتشديد النون):006et4: وطبعا كان لى الشرف بانى اتعرفت ع البشمهندسة ياسمين فى القاهرة وسكنت معاها عشان كده انا وهى نعرف بعض كويس:stickjo4: وبالنسبة لموضوع الروايات انا كمان بقرا كتب دين بس طبعا مش بقرا كهربا بس انا بحترم فكر نبيل فاروق جدا وكمان بقرا له مقالاته اللى فى الصحف وبحب اسلوب الكاتب الساخر عمر طاهر كمان ونوارة نجم ودول كلهم بيكتبوا فى جريدة ياسمين عارفة اسمها:078111rg3: |
ياترى الاجازة عاملة معاكم ايه
حلوة ولا مملة:bosyht9: ياريت نتشارك وكل واحد يقول هيقضى اجازته ازاى انا شخصيا بشتغل فى صيدلية بابا من بعد العصر لحد واحدة بليل يعنى بيتنا فيه اتنين صيادلة من شابه اباه فما ظلم:slap1qk6: و بقبض مرتبى باليوم عشان كده انا مستحملة الشغل وان الاجازة مبقتش اجازة يعنى زى مابيقولوا عض قلبى ولا تعض رغيفى فان قلبى على رغيفى ضعيف:049gc0::049gc0: مستنية ردودكم ومشاركتكم |
لا من ناحية الانجليزى اطمنى جدا الازهرية فرى جود فى الانجليزى كويس ان الواحد يسكن فى المدينة مع ناس خلاف كليته انا كنت فى اعدادى ساكن مع اتنين هندسة يعنى الغرفة كانت هندسة فى هندسة هو حرام تقولى اسم الجريدة ولا لازم نسئل ياسمين على اسمها؟:mad: الاجازة عندى تدريب وكورسات يعنى بهدلة فى بهدلة ده انا كمان عندى تدريب فى رمضان مش عارف هعمل ايه فى التدريب ده كل يوم بتاخدى فلوس يارتنى دخلت صيدلة عشان اخد كل يوم فلوس بدل ما انا اللى بدفع فلوس فى الكورسات:mad: ياترى البشمهندسة ياسمين بتاخد كل يوم فلوس ؟:friendsxs3: |
فرى جود لا واضح ان الانجليزى لسه بخير والله
اه انت بتتكلم على المدينه وان يسكن معاك 2 هندسه انا بقى كانت غرفتى 5 هندسه وواحده بس ال مختلفه والله كان يوم الرسم اول ما نرفع المساطر اكن فى حرب فى الغرفه وما اقولكش بقى على البرده مكنش فى غير دسك ومكسور وكل يوم اقعد اصلحه طنش اهى عدت بس والله كانت سنه حلوه نتكلم جد شويه من وجهه نظرك ايه هى الكورسات ال المفروض اننا ناخدها يعنى ال لسه طلعين من اعدادى يا رب على خير خصيصا لو كنت نفسى ادخل عماره وابدا من امتى يعنى شويه نصائح كده وسكرااااااااااااا |
لا طبعا عادى اسمها هو الدستور
وحلوة فرى جود دى ههههههههههههههه وبعدين انا بقبض الفتات حاجة بسيطة كده يعنى وشد حيلك وربنا يعينك فى الدورات ويبلغنا كلنا شهر رمضان :) وممكن تاخد كورس عادى فى رمضان بس يبقى بالنهار مثلا |
متقلقيش من الانجليزى وى ار فرى سترونج ان انجليزى انتوا كنتم ستة فى الغرفة !! لا بجد ربنا يكون فى عونك تلاقيكم كنتوا بتحاربوا بعض بالمساطر طب كويس انك لاقيتى دسك مكسور فيه ناس بترسم من غير دسك ولا بردة ولا لوحة ولا مسطرة بصراحة بغض النظر انتى هتدخلى قسم ايه أنا شايف انو عيب اوى تكونى مهندسة ومش تعرفى انجليزى كويس ومش تعرفى icdl انتى لو تقدرى تخدي كورس انجليزى وكورس icdl بصراحة تبقى عديتى حاولى تشوفى اى مركز تدريب قريب منكم وخدى فيهم الكورسين دول ومتحاوليش تشغلى نفسك بكورسات عمارة دلوقتى زى الاوتوكاد لان لسه بدرى وقدامك اجازات كتير فيه ملحوظة صغننة هيا شكراااااااااا بتكتب كده ولا بتكتب سكراااااااااا لا الظاهر العربى عندك بخير خالص |
أنا بدات اخاف من العربى خالص ( الفتات) ينهار ابيض العربى ضاع خالص انتى خايفة من الحسد يادكتورة متقلقيش بتوع هندسة مش بيحسدوا انا ليا زمايل ليا فى صيدلة وعارف الفتات ده قد ايه ههههههههههههه يارب ارزقنا الفتات.اللهم امين امين ربنا يبلغنا جميعا شهر رمضان.اللهم امين المشكلة ان الكورس فى شركة يعنى مش هكون قاعد فى مكان مكيف وغالبا هضطر للسفر يوميا ربنا يسهل لو قدرت اروح هكمل لو مقتدرش هنام فى بيتنا واريح دماغى هو احنا زيكم يادكتورة قاعدة فى الصيدلية ومعاكى جهاز الكومبيوتر وقاعدة فى الظلة أنا مش بحسد:078111rg3: |
حمد الله على السلامه ياياسمين
لسه عايشه بعد جبهه اعدادى ربنا يبعد عنا الاصابات ونعدى بسلام لا لا لا بجد نمسك الخشب انا سيبت الموقع يومين ارجع الاقى المشاركات دى ما شاء الله ما شاء الله ربنا يذيد ويبارك مممممممممممممممممممم دايما الدكتور الصيدلانى بيكون قاعد الكميوتر قدامه التلفزيون متعلق فى الحيطه تحت السقف بشويه معرفش ايه الغيه فى شعلقه التلفزيون كده ما علينا اوعى تكونى مفكرانى بحسد ابد never احم احم ثقافه بس ده مايمنعش ان فى شويه حقد كده هههههه بس بجد نمسك الخشب |
| جميع الأوقات بتوقيت GMT +2. الساعة الآن 08:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.